1 थुकथं सोलोमन जुजुं इस्राएल न्यंक शासन यात।
2 वया मू मू हाकिमत थुपिं खः –
3 शीशाया काय्पिं एलीहोरेफ व अहियाह – छ्यान्जेत।
4 यहोयादाया काय् बनायाह – सेनापति।
5 नातानया काय् अजर्याह – जिल्लायापिं बडा-हाकिमतय् हाकिम।
6 अहीशार – दरबारया सम्पत्ति स्वइम्ह।
7 इस्राएल फुक्कभनं सोलोमनया झिंनिम्ह जिल्लाया बडा-हाकिमत दु, इमिसं जुजु व जुजुया परिवारया लागि नयेगु नसा बन्दोबस्त याइगु खः। इपिं छम्ह छम्हय्सिनं दँय् छकः छगू छगू लाया लागि नयेगु नसा बन्दोबस्त यायेमाः।
8 इमिगु नां थथे दु –
9 माकाज, शाल्बीम, बेथ-शेमेश व
10 अरूब्बोतय् – बेन-हेसेद
11 नापोत डोरय् – बेन-अबीनादाब,
12 तानाक व मगिद्दो व यिजरेल क्वय्या
13 रामोत-गिलादय् – बेन-गेबर
14 महनोमय् – इद्दोया काय् अबीनादाब।
15 नप्तालीइ – अहीमास।
16 आशेर व आलोतय् – हूशैया काय् बाना,
17 इस्साखारय् – पारूहया काय् यहोशापात,
18 बेन्यामीनय् – एलाया काय् शिमी,
19 गिलादय् – ऊरीया काय् गेबेर
20 यहूदा व इस्राएलयापिं मनूत समुद्र सिथय् च्वंगु फि थें हे यक्व दु। इपिं सकसिके नयेत्वनेत माक्व दु, अले इपिं लय्ताः।
21 यूफ्रेटिस खुसिंनिसें कयाः पलिश्तीतय्गु देश व मिश्रया सिमाना तकयागु फुक्क देशय् सोलोमनं शासन याइगु खः। अन च्वंपिं मनूतय्सं सोलोमनयात कर पुलिगु, वयागु जिवंकाछि हे इपिं वयागु अधीनय् च्वन।
22 सोलोमनया दरबारय् नयेत छन्हुया लागि न्हयेन्यामुरि (७५) भिंगु छुचुं, सछि व नेय्मुरि (१५०) अन्न,
23 झिम्ह लहिनातःपिं द्वहंत, निइम्ह ख्यःयापिं द्वहंत अले सछिम्ह (१००) फै-च्वलय्नापं चल्ला, हरिण, जरायो व खाचा माः।
24 वं यूफ्रेटिस खुसिया पच्छिमपाखेया फुक्क देश, अर्थात तिफसांनिसें कयाः पच्छिमपाखे गाजा तक शासन याइगु खः अले प्यखें शान्ति दु।
25 सोलोमनयागु जिवंकाछि हे उत्तरय् दानंनिसें कयाः दच्छिनय् बेर्शेबा तक यहूदा व इस्राएल याउँक च्वन, फुक्क मनूत थथःगु दाखमा व यःमरिमाया क्वय् याउँक च्वन।
26 सोलोमनया रथया सलत तयेत प्यद्वः (४,०००) क्वथात दु। वया झिंनिद्वःम्ह (१२,०००) सल दु।
27 वया झिंनिम्ह जिल्लाया बडा-हाकिमतय्सं थथःगु पाः वइगु लाय् सोलोमन जुजु व वलिसें नइपिनिगु लागि माःगु नयेगु नसा बन्दोबस्त याइगु। छुकिंयागु नं मगाःमचाः मजुइमा धकाः इमिसं स्वइगु।
28 इपिं छम्ह छम्हय्सिनं थथःगु पाः वइबलय् सल व रथया सलया निंतिं नं तछ्व व छ्वालि तय्के छ्वइगु।
29 परमेश्वरं सोलोमनयात यक्व बुद्धि व ज्ञान अले समुद्र सिथय् च्वंगु फि ति हे दुग्यां बियादिल।
30 पुर्बयापिं व मिश्रयापिं फुक्क बुद्धि दुपिं मनूत स्वयाः सोलोमन यक्व बुद्धि दुम्ह खः।
31 व मेपिं फुक्क मनूत स्वयाः बुद्धि दुम्ह खः। एज्री एतान अले माहोलया काय्पिं हेमान, कलकोल व दर्दा स्वयाः नं व यक्व बुद्धि दुम्ह खः। वया नां जःखः च्वंगु फुक्क जाति जातितय्थाय् न्यनावन।
32 वं स्वद्वःपु (३,०००) हितोपदेश व द्वःछि व न्यापु (१,००५) म्ये च्वल।
33 वं स्वांसिमाया बारे लेबनानया स्वसिमांनिसें कयाः अंगलय् बुयावइगु हिसप तकया बारे बयान यात। वं पशु, झंगः व घिसय् जुयाजुइपिं जन्तुत व न्याया बारे नं स्यन।
34 सोलोमनयागु बुद्धिया बारे स्यूपिं संसारयापिं फुक्क जुजुपिन्सं छ्वयाहःपिं फुक्क जातियापिं मनूत वयागु बुद्धिया खँ न्यनेत वयाथाय् वइगु।