Efésios 2
Nakanai New Testament (NAK_TBL) vs NVT
1 Ale pala, amuto pou mai ale pehoti, la kalulu mutou kama matagaga, la vuhula la vareagila ale uru me la vulovulo tai ale kama kokora eia oio volu tamutou.
1 Vocês estavam mortos por causa de sua desobediência e de seus muitos pecados,
2 Amuto pala tilimuli moli la vulovulo la vovo ale kama kokora. Amuto roromuli moli e Satan, eia la mulugaluga tegiteu ale kama lolo La Tahalo Uru, eia la mulugaluga tegiteu la hituhitu tomi tai ale kama korakora.
2 nos quais costumavam viver, como o resto do mundo, obedecendo ao comandante dos poderes do mundo invisível. Ele é o espírito que opera no coração dos que se recusam a obedecer.
3 Me etato tai pala oilo tegiteu la tahalo la vareagila mai ele, etato tomi pala tilimuli moli la masasagala tegatou isasasa, mai te la vulovulo la vovo ale kama kokora. Mai alele eia koramuli taia veia etato pala ge poga la igototolola te La Tahalo Uru.
3 Todos nós vivíamos desse modo, seguindo os desejos ardentes e as inclinações de nossa natureza humana. Éramos, por natureza, merecedores da ira, como os demais.
4 Eala moli La Tahalo Uru masaga pepeho etatou, eia gogo pepeho etatou, ale etato pou te la maligoma,
4 Mas Deus é tão rico em misericórdia e nos amou tanto
5 eia hilotia veia la vareagila tegatou eia mai ale biliti la mahulila te la kalulu gatou, me oio vola eia baha e Kraist veia eia ge vimahuli lou etatou. Ale e Kraist lapu rivu lou etatou taro la limale Satan, la gilogo te La Tahalo Uru moli baha tarotia somai tegatou, eala etato mahuli ututie.
5 que, embora estivéssemos mortos por causa de nossos pecados, ele nos deu vida juntamente com Cristo. É pela graça que vocês são salvos!
6 Ale La Tahalo Uru vimahuli e Kraist taro la pileho, eia mai ale vimahuli tai etatou, veia etato me Kraist mai ale pou vikapopoti te la pulolou la uru oata tetala.
6 Pois ele nos ressuscitou com Cristo e nos fez sentar com ele nos domínios celestiais, porque agora estamos em Cristo Jesus.
7 Eia igoa mai ele veia te la imamala ale mulimuli te la guluvi te Kraist, la maututula tomi ge hiloa, egite ge rovia veia la gilogo tetala eia uru sesele, ale eia bahatia somai e Latula e Kraist Iesus, eia puhi tatahoti etatou.
7 Portanto, nas eras futuras, Deus poderá apontar-nos como exemplos da riqueza insuperável de sua graça, revelada na bondade que ele demonstrou por nós em Cristo Jesus.
8 Ale amuto gabu tikumu la pileho te Iesus me la mahuli rivula tetala veia eia sesele, mai ale La Tahalo Uru hiloa, eia gogo amutou, eia vimahuliti amutou ovola.
8 Vocês são salvos pela graça, por meio da fé. Isso não vem de vocês; é uma dádiva de Deus.
9 Amuto isa kama koramulia ge igo isa la paga ale ge vimahuli rivu lou amutou, ouka! La Tahalo Uru sekela igoa, la vaabila tetala soio tamutou, eia kama bisi, eia uru sesele. Ale amuto kama koramulia ge vei tataho rivu lou amutou oio vola, la vuhula amuto kama igoa, La Tahalo Uru moli igoa.
9 Não é uma recompensa pela prática de boas obras, para que ninguém venha a se orgulhar.
10 La Tahalo Uru pui etatou, eia visibitala halaba etatou veia etato ge sovei sesele e Kraist, veia etato ge pou tavu moli la vulovulo ale taritigi mai eia. La gauru ale, La Tahalo Uru lamotia pala veia etato ge polo tataho ovola, etato ge tuga tavu la igogolu tetala ale uru, mai la igogolu la visuli soio tegiteu e tabarabara gatou.
10 Pois somos obra-prima de Deus, criados em Cristo Jesus a fim de realizar as boas obras que ele de antemão planejou para nós.
11 Amutou Epesas ele, e tila mutou taposa amutou, amuto kama la tau Iuda veia amuto ge pou te la maratatila te La Tahalo Uru, ouka. Egite Iuda vilevile amutou veia amuto kama koro la vovo mutou mai egiteu. (Ale egite gabu tikumua, veia la paga ale egite igo loula la lima giteu lou, eia ge suli egiteu.) Eala moli taritigi amuto la valalua ale logala, amuto ge gabutatala rivu lou la pulolou tamutou ale pala,
11 Não esqueçam que vocês, gentios, eram chamados de “incircuncidados” pelos judeus que se orgulhavam da circuncisão, embora ela fosse apenas um ritual exterior e humano.
12 ale amuto vipou baa taroti le Kraist. Amuto pala pou la mosi moli, La Tahalo Uru kama gigi amutou oilo te la valalua tetala, ale eia hiloviti egiteu veia egite ge tetala. La merera te La Tahalo Uru ale tikumu, eia pouti tegiteu la valalua tetala, eala moli ale pala eia kama la paga tamutou veia amuto ge balava oio vola. Pala amuto mahuli bulalahu moli, amuto kama rovi La Tahalo Uru, amuto rovi moli la vulovulo la maligoma.
12 Naquele tempo, vocês viviam afastados de Cristo. Não tinham os privilégios do povo de Israel e não conheciam as promessas da aliança. Viviam no mundo sem Deus e sem esperança.
13 Eala moli igoie amuto goiloti te La Tahalo Uru, amuto pouti te la balila, amuto tomi me Iesus ele. La vuhula la pileho te Iesus eia puliti amutou, ale pala amuto pou malau, eia puliti amutou soilo te la maratatila te La Tahalo Uru.
13 Agora, porém, estão em Cristo Jesus. Antigamente, estavam distantes de Deus, mas agora foram trazidos para perto dele por meio do sangue de Cristo.
14 E Kraist moli, eia la vuhu la vipuhi tigila tegatou la valalua e Iuda, me tamutou ale kama la tau Iuda tai, veia etato ge isa moli, mai la valalua te Tamala sesele. Etato kamati ge vipou baa, kati ge vaubi, etato isa moliti, la vuhula e Iesus, eia peho roboti etatou tomi, la pileho tetala eia barautu taroti la merera te Moses ale magiri robo amutou ale logala, ale etato pala vigagima ovola. E Iesus peho robo etatou tomi mai ele veia ge visibitala la maratatila ale halaba mai lou eia, veia la valalua kati ge vipou baa, veia la imamala ale taritigi ge sibitala ale la valalua me La Tahalo Uru ge vipuhi tataho.
14 Porque Cristo é nossa paz. Ele uniu judeus e gentios em um só povo ao derrubar o muro de inimizade que nos separava.
15 — ausente —
15 Ele acabou com o sistema da lei, com seus mandamentos e ordenanças, promovendo a paz ao criar para si, desses dois grupos, uma nova humanidade.
16 Mai alele la valalua me hatavivile kati ge pou malau taro La Tahalo Uru, etato ge isa moli, la vuhula e Latula peho roboti etatou tomi oata te la tauvalautu, veia la gauru soio tetala ge isa moli, e Kraist, isa oukati lou.
16 Assim, ele os reconciliou com Deus em um só corpo por meio de sua morte na cruz, eliminando a inimizade que havia entre eles.
17 Mai moli ele e Iesus eia sibitala omai tegatou veia ge veipalea gatou la valolo ale taritigi, la valalua me hatavivile ale pou hagagavi te Tamala, me egiteu ale pou malau taroa, egiteu tomi ge vipuhi tigi lou oio te la bali La Tahalo Uru.
17 Ele trouxe essas boas-novas de paz tanto a vocês que estavam distantes dele como aos que estavam perto.
18 E Iesus peho veia La Kalulula sekela moli ge puli etatou tomi soio te la gauru ale goio te Tamala.
18 Agora, por causa do que Cristo fez, todos temos acesso ao Pai pelo mesmo Espírito.
19 Mai ale, amuto kati pou mai la mosi, amuto pou seseleti mai la valalua me hatavivile te La Tahalo Uru, amuto goiloti te la mautu tetala.
19 Portanto, vocês já não são estranhos e forasteiros, mas concidadãos do povo santo e membros da família de Deus.
20 Amutou mai la tatuha la luma, me la lumale, amite la bilalaha te Iesus, me egiteu ale veipala la gabutatalala te La Tahalo Uru tai, amite magiri mai la sosolela, amite sau tolea. Me la sosole magirila ale kabili posa, ale e Kraist Iesus moli,
20 Juntos, somos sua casa, edificados sobre os alicerces dos apóstolos e dos profetas. E a pedra angular é o próprio Cristo Jesus.
21 eia sau tola la tikumu la luma tomi, eia moli vimagiri etatou mai la luma la lotu te La Tahalo Uru, la luma tetalale eia maroka sesele.
21 Nele somos firmemente unidos, constituindo um templo santo para o Senhor.
22 Eia ge vagoilo tai amutou, amuto ge magiri vikapopo mai la tura la luma te la La Tahalo Uru, la vuhula La Kalulula eia oioti tamutou.
22 Por meio dele, vocês também estão sendo edificados como parte dessa habitação, onde Deus vive por seu Espírito.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Efésios 2, comparar traduções ou montar um estudo — tudo direto pelo WhatsApp.