2 Timóteo 2
Nakanai New Testament (NAK_TBL) vs ARA
1 Latugu, eme ge magiri vagari te la gilogo te Kraist Iesus,
1 Tu, pois, filho meu, fortifica-te na graça que está em Cristo Jesus.
2 me la merera tomi ale eme lolotia omai taku kabili te la mata giteu la valalua me hatavivile usu, eme ge totoli poloa soio tegiteu la valalua ale magiri vagari te la tautaulailo tegite te Kraist Iesus, mulimuli egite ge vimari la valalua me hatavivile isahari lou oio vola.
2 E o que de minha parte ouviste através de muitas testemunhas, isso mesmo transmite a homens fiéis e também idôneos para instruir a outros.
3 Eme ge bole tai la iligiligi mai la tahalo la vaubila te Kraist Iesus ale taritigi sesele, mai moli ale eau igotiao.
3 Participa dos meus sofrimentos como bom soldado de Cristo Jesus.
4 La tahalo ale magiri sesele te la vaubila, eia kamati ge tilimulimuli la vulovulo la valalua bulalahu te la maututula, ouka, eia masaga molia veia ge visagege moli la uru tetala ale bahea soio te la vaubila.
4 Nenhum soldado em serviço se envolve em negócios desta vida, porque o seu objetivo é satisfazer àquele que o arregimentou.
5 La tahalo ale hari te la vipepepela eia kama ge abi la vibalavala mai eia kama ge tilimuli la gauru te la hirari. Tio me mai tai ele, mai eme ge tilimuli sesele la gauru la igogolu te La Uru, mulimuli La Uru ge vibalavame.
5 Igualmente, o atleta não é coroado se não lutar segundo as normas.
6 Eia matata moli veia la tahalo ale igogolu vagari te la mahuma tetala, eia ge ali pala muga la ilali ale sibitala te la igogolu te la limala.
6 O lavrador que trabalha deve ser o primeiro a participar dos frutos.
7 Mai eme ge gabutatala muli la masova la vikarara la tilovo ale itolu ale eau veitiamu, La Uru ge vimatagaga la gabutatalala taume te la merera tetala.
7 Pondera o que acabo de dizer, porque o Senhor te dará compreensão em todas as coisas.
8 Te la gabutatalala taume eme ge sau tola la valolo ale taritigi te Iesus Kraist, ale ale eau valololola, eia maie: Eia sibitala te la hilile Devit, eia igogolu kabili tegatou. La igogolu tetala goio kaluvu, egite la valalua la gima bilia, eala moli eia mahuli rivu lou taro la pileho.
8 Lembra-te de Jesus Cristo, ressuscitado de entre os mortos, descendente de Davi, segundo o meu evangelho;
9 Te la valolo ale taritigi ele, egite la valalua ale kama kokora pigi eau soilo la luma la kilisi, egite kisi tai la limagu me la vahagu la sen mai la tahalo la pakalila, eala moli la merera tomi te La Tahalo Uru egite kama kisi tolea, ouka.
9 pelo qual estou sofrendo até algemas, como malfeitor; contudo, a palavra de Deus não está algemada.
10 Eau kama taga la kilisi tegiteu aleie, ouka, la vuhula eau masagea veia egite tomi ale La Tahalo Uru hiloviti egiteu veia egite ge tetala, egite tomi ge sau tola la mahulila me la vibalavala oio te Kraist Iesus.
10 Por esta razão, tudo suporto por causa dos eleitos, para que também eles obtenham a salvação que está em Cristo Jesus, com eterna glória.
11 La merera isa eau ge veia mutou ovola, eia sesele viruru: Mai etato vipeho tomiti le Kraist te la mahuli te la vovo gatou, etato ge mahuli tomi tai leia;
11 Fiel é esta palavra: Se já morremos com ele, também viveremos com ele;
12 Mai etato ge magiri vagari te la tovolalaila tomi, tio etato ge vipou tomi leia te la pulolou la mulugalugala tetala; Eala moli mai etato ge veia etato kama rovi e Kraist, eia tai ge tahi taro etatou;
12 se perseveramos, também com ele reinaremos; se o negamos, ele, por sua vez, nos negará;
13 Te la haro usu etato ge boru te la tautaulailo tegatou, eala moli La Uru kama koramulia veia eia ge sigolo taro etatou, ouka gologolo, la vuhula La Uru eia kama la tahalo la visigologolola, eia kama koramulia veia ge tahi taro lou la merera tetala ale eia veitia gatou ovola.
13 se somos infiéis, ele permanece fiel, pois de maneira nenhuma pode negar-se a si mesmo.
14 Eme ge viteteli la valalua me hatavivile taume te la isa La Uru, veia umala egite ge vaigo mulimuli la merera bulalahula ale kama ge suli egiteu isasa. La vulolo ale maie, eia ge igo gegeru la valalua ale tiloti ovola.
14 Recomenda estas coisas. Dá testemunho solene a todos perante Deus, para que evitem contendas de palavras que para nada aproveitam, exceto para a subversão dos ouvintes.
15 Eme ge mai la tahalo ale kama mahela la igogolu tetala. Eme ge sugu taro eme soio te La Tahalo Uru, eia ge hilome, eia ge vei tataho seseleme, la vuhula eme la tahalo la igogolu tetala sesele. Eme kama ge mahela, eme ge rovi tigi la ilube la masova la merera tetala ale sesele soio te la valalua me hatavivile.
15 Procura apresentar-te a Deus aprovado, como obreiro que não tem de que se envergonhar, que maneja bem a palavra da verdade.
16 Eme ge magiri gale taro la merera bulalahula te la vulovulo la maututula, la merera aleie eia vipou baa la valalua me hatavivile taro La Tahalo Uru.
16 Evita, igualmente, os falatórios inúteis e profanos, pois os que deles usam passarão a impiedade ainda maior.
17 La merera bulalahula ale kama taritigi ele, eia mai la kakali ale mavulu, eia kama kaluvu harari, eia ge igo gegeru la vovo gatou tomi. Egira la tahalo ilua ale igigo la vulovulo aleie, egira la isa girua e Himenais me Piletas.
17 Além disso, a linguagem deles corrói como câncer; entre os quais se incluem Himeneu e Fileto.
18 Egira aleie kamati tilimulimuli la gauru ale sesele te La Uru, egira valolo veia la kalulu giteu ale pehoti, ulaitia, egite hiliti rivuti mai e Iesus Kraist, veia la mahuli rivula te la tapasi la maututula ge oukati. La visigolola tegirale, eia viboruti la tautaulailo tegiteu la valalua me hatavivile isahari.
18 Estes se desviaram da verdade, asseverando que a ressurreição já se realizou, e estão pervertendo a fé a alguns.
19 Eala moli la merera te La Tahalo Uru eia magiri mai la tori, me oio te la tori ale, la kekesi ilua tabuli maie: “La Uru rovi tomi egiteu ale tetala” me “La tahalo uka la tavile ale veia eia te La Uru, taritigi eia umalati ge igigo la vulovulo ale kama taritigi.”
19 Entretanto, o firme fundamento de Deus permanece, tendo este selo: O Senhor conhece os que lhe pertencem. E mais: Aparte-se da injustiça todo aquele que professa o nome do Senhor.
20 Eau ge veiamu la vikarara la tilovo isa maie: Oilo te la luma te la tahalo la vuliti, la golugolu ovola usu. Etato kama ge hilo moli la plet, la kap me la kela bulalahu moli ale la mapa giteu kama uru, etato ge hilo tai la tuali me la vuliti tai oio te la lumale, la vuhula eia la luma te la tahalo la vuliti. Tio la golugolu ale isahari, egite loto bulalahu moli egiteu te la igogolu me la ilali. Eala la golugolu isahari lou, egite mai la vuliti moli, egite puia eia marasa sesele, veia ge vitokoromo la ilo la luma, isahari te la ilali ale uru, isahari te la tilivu la ilali tegite la moimosi, eala moli isahari lou egite kama taritigi, egite te la tilau la maroa moli.
20 Ora, numa grande casa não há somente utensílios de ouro e de prata; há também de madeira e de barro. Alguns, para honra; outros, porém, para desonra.
21 Me la masova la merera ale, eia maie: Mai eme ge baumuli tigi la vulovulomu veia ge maroka te la mata La Tahalo Uru, eme ge mai la vuliti ale taritigi, egite tau poloa te la igogolu ale tikumu, eia marasa pepeho, eia maroka viviu. La Tahalo Uru masaga moli egiteu ale maroka, ale koramuli la igogolu tetala.
21 Assim, pois, se alguém a si mesmo se purificar destes erros, será utensílio para honra, santificado e útil ao seu possuidor, estando preparado para toda boa obra.
22 Eme ge pigia sotigu la pokemu la vulovulo la hatamalelaba me la tavile halaba ale kama taritigi. Eme ge tilimuli moli la vulovulo ale te la matagaga, ale te la tautaulailo, ale te la gilogo me ale te la hate tolala me la vipuhi tigila. La vulovulomu ge mai tegiteu ale la tia gite halaba te la mata La Tahalo Uru, egiteu ale la tia gite volu la sagegela me la kilaka bibibila soata te La Tahalo Uru.
22 Foge, outrossim, das paixões da mocidade. Segue a justiça, a fé, o amor e a paz com os que, de coração puro, invocam o Senhor.
23 Eau ge tutu tola louamu veia eme ge sulai tomi la merera bulalahula ale la valalua vaubi baololi ovola. La merera ale maie kama taritigi, la vaigo totolola sibitatala oio vola.
23 E repele as questões insensatas e absurdas, pois sabes que só engendram contendas.
24 La bilalaha te La Tahalo Uru eia umala ge la tahalo la igototolola. La bilalaha te La Tahalo Uru, eia ge la tahalo la gilogo, me la tahalo la visuli te la valalua me hatavivile tomi, eia ge la tahalo la tilovo la merera ale taritigi, eia ge la tahalo la tia madidila sesele.
24 Ora, é necessário que o servo do Senhor não viva a contender, e sim deve ser brando para com todos, apto para instruir, paciente,
25 Eia ge suli egiteu ale ruru te la gauru ale sesele, veia ge sivuti la masova la merera sesele, eia ge suli tataho egiteu ale te la vulovulo la gilogo. Mai eme ge suli egiteu ale ruru te la gauru la gilogo maie, tio La Tahalo Uru ge igogolu oilo te la tia giteu, egite ge vuvulo, ge rovi la merera la seselela.
25 disciplinando com mansidão os que se opõem, na expectativa de que Deus lhes conceda não só o arrependimento para conhecerem plenamente a verdade,
26 La mata gite la valalua me hatavivile usu kamati matagaga, la vuhula e Satan lapu legiteu la vuo tetala. La visuli taume ale taritigi ge lube egiteu, la gabutatalala tegiteu ge sibitala lou, egite ge hele taro e Satan, egite kati ge roromulia.
26 mas também o retorno à sensatez, livrando-se eles dos laços do diabo, tendo sido feitos cativos por ele para cumprirem a sua vontade.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 2 Timóteo 2, comparar traduções ou montar um estudo — tudo direto pelo WhatsApp.