Gálatas 6
Gode Dowan Wengobe (MPT) vs ARA
1 Ne nekwal ibo bainobo galin naka make ib isak temo bianea kukub misiamo nanea atemib mole Gode Hobe wengo wente bianiba wafu blib naka ibo weng fiab baabaniba daabaiba e kukub ayamo imin wafuneko! Otane ibo klaine! Inamin namin kukub misiamo ibsa dlabmanoa hengmino hengaib mole kukub olo misiamobe.
1 Irmãos, se alguém for surpreendido nalguma falta, vós, que sois espirituais, corrigi-o com espírito de brandura; e guarda-te para que não sejas também tentado.
2 Ib dimo kukub misiamo tam tloa ib bobol temo misiam ubeno mole ib sinwalo ibmaye daabose daabase nine! Ibo inaib mole Klaiste wengo baanea Naka mak unang maki gobe bianiba daayemine genebio wengo wafunomabiobe.
2 Levai as cargas uns dos outros e, assim, cumprireis a lei de Cristo.
3 Naka maki funaniba Ni naka sumobo, nimaye biobobo, ni naka mak unang maki mo daabenomobbabo ge funaib mole i dim baanomabiobe. I bobol tem funin olo misiamobe. I besa nakabe.
3 Porque, se alguém julga ser alguma coisa, não sendo nada, a si mesmo se engana.
4 Ibo alukum ib kukubo nabibo wateniba funaniba Ne kukubo ayam bleka misiam eso ge funaine! Ibo funaniba Ne kukub olo ayamobo ge funaib mole seinine! Otane ibo naka mak unang maki kukubo mo watemubenibta funanibta Ne kukubo ayam kesoa i kukubo gaiseiobo ge funanimibe!
4 Mas prove cada um o seu labor e, então, terá motivo de gloriar-se unicamente em si e não em outro.
5 Niminbabe, sinanomo ibo ib kukubo nabibo alukum Gode baabasiba e ib kukub olo klanamabebe.
5 Porque cada um levará o seu próprio fardo.
6 Naka make ibo Gode wengo omkayebe mole ibsak inamin namino dokaha bianiba daahamine!
6 Mas aquele que está sendo instruído na palavra faça participante de todas as coisas boas aquele que o instrui.
7 Ibo mo funanibta Ni Gode dim omin wengo baabanomobo e tobtlinhalamabebo ge funimibe! Nakai imeno gumo sano dolmaib biamo damo ming gum ye damanoa ulelomabiobe. Eka getao sano dolmaib biam osa binoa damo geta ye damanoa ulelo nanomabib inaminobe. Sinanoa Gode nakaia unangai kukubo klanamabeo tlamo Gode nakaia unangai kukubo yatenea Naka elita kukub ayamo nabinibbiobe, eka elita kukub misiamo nabinibbiobe genea o molo yang kenamabebe.
7 Não vos enganeis: de Deus não se zomba; pois aquilo que o homem semear, isso também ceifará.
8 Nakai ili bobol tem funin misiamo wafu bianiba kukub misiamo nabinib biamo sinanomo ili bobol tem funin misiam olota watwat dabenamabobe. Ina otane nakai Gode Hobe wengo wente bianiba wafu bianiba kukub ayamo nabib mole sinanomo Gode Hobe i daabenea amit nomabiobe.
8 Porque o que semeia para a sua própria carne da carne colherá corrupção; mas o que semeia para o Espírito do Espírito colherá vida eterna.
9 Nibo tengo mo dubube biota kukub ayam namino mo deibonomobe! Niminbabe, nibo kukub ayamo amitie nabinob biamo sinanomo Gode nakaia unangai kukubo klanamabeo dimo inamin namin ayamo doyamabebe.
9 E não nos cansemos de fazer o bem, porque a seu tempo ceifaremos, se não desfalecermos.
10 Inamin kesoa nibo dabalim olo biob dimo nakaia unangai alukum bib mak bib mako blibi kukub ayamo amitie omkayemomabbu otane nib nekwali Yesus Klaiste bainobo gabib ile dot kukub ayam omkayemomo!
10 Por isso, enquanto tivermos oportunidade, façamos o bem a todos, mas principalmente aos da família da fé.
11 Sin ele dolai olole ne besa weng obita naka mak eta dolane otane olole nemaye kweilo tubunia dolanamabibe. Ibo ne dolamin olo watemine! O sumobe.
11 Vede com que letras grandes vos escrevi de meu próprio punho.
12 Nakai funaniba Naka mak unang maki ni baabeniba Ibo naka ayamobo, ibo Gode kukubo kla wafu bliobo geine ge fumbib nakai teniba ibo baabeniba Ibo Yuda ni kukubo wafu bianiba ib aalo wetlaine ge oyebib naka eli funino inaminobe. I Yuda naka mak unang maki tekein keniba ni Yesus Klaiste atdimo kaanea nib hengmino walubenebio wengo bainobo gabiobo geib mole i ni enino omyomabiobo ge funaniba tosiananibta aalo waketoumin weng olo baabenomabib kesoa ibo i wengo mo wentaibe!
12 Todos os que querem ostentar-se na carne, esses vos constrangem a vos circuncidardes, somente para não serem perseguidos por causa da cruz de Cristo.
13 Nakai aalo waketoubibi Mosese hekmel wengo alukumo mo wafu blibba otane i funaniba Galesia teni ni wengo wenteniba i aalo wetlaib mole ni Yuda naka mak unang maki baabenoba Galesia teni ni wengo wenteniba i aalo wetlaibobo ge baabenoba i ni wengo wenteniba ni niniino omfabeniba funaniba Ib kukub olo ayamobo geine ge funanibta i aalo weketoubiobe.
13 Pois nem mesmo aqueles que se deixam circuncidar guardam a lei; antes, querem que vos circuncideis, para se gloriarem na vossa carne.
14 Ina otane ne mo funanita I ne niniino nemtouleb nine ge funanimibabe. Ne Sume Yesus Klaiste niniino olota dobtouleb blibe. Ne e atdimo kaanebuo weng ota naka mak unang maki omkayebibe. E kaanebuo makob nesa kaaibio kesoa ne sino kukub misiamo nabinibuo blimanobiobe. E kaanebio dimo ne kukub misiamo sino nabinibu osa kaanobio kesoa ne imino mo funanita Ne kukub misiam olo wafunano genimibabe.
14 Mas longe esteja de mim gloriar-me, senão na cruz de nosso Senhor Jesus Cristo, pela qual o mundo está crucificado para mim, e eu, para o mundo.
15 Ibo aalo wetlanimib deibonimib osa kukub olo besabe. Kukub olo nakaia unangai mo daabenomobabe. Gode nibo daabenea bobol tem funin ayamo omyenea kukub ayamo wafu bianoba mema naka unang anobbio kukub olota kukub afeto gaisonobiobe.
15 Pois nem a circuncisão é coisa alguma, nem a incircuncisão, mas o ser nova criatura.
16 Nakaia unangai ne weng olo wente bianiba wafu blib ibsa eka Islel naka mak unang maki Gode wengo bainobo gabib isa ibo Gode dohalim bianea bobol ayam omkayemeko!
16 E, a todos quantos andarem de conformidade com esta regra, paz e misericórdia sejam sobre eles e sobre o Israel de Deus.
17 Ne mubiang weng olo baanamabio inaminobe. Naka mak unang maki ne wengo mo ombiatnenibta baanibta E Gode mo dofakaim blim kesoa e Yesuse okok dabasanin nakababo ge baatnenimibe! Ne Yesus Klaiste okoko okok kebio o dafa ota i nebianiba ne aalo manafa nemfaibbua gul menob kibli kesoa ibo nateniba tekein keine! Ne bain Yesuse okok nakabe.
17 Quanto ao mais, ninguém me moleste; porque eu trago no corpo as marcas de Jesus.
18 Ne nekwal ibo ne nib Sume Yesus Klaiste baabania Kobo Galesia teni bainobo galin nakaia unangai alukum daabenale ge ohabibe. Bainobe. Ne wengo bayotabe. Fol neta ib futan olo dola omfubenamabibe.
18 A graça de nosso Senhor Jesus Cristo seja, irmãos, com o vosso espírito. Amém!
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Gálatas 6, comparar traduções ou montar um estudo — tudo direto pelo WhatsApp.