1 ታ ሼምፔሌ! ናንጊና ናንጋ ጎዳ ዓንጄ!
2 ኔ ኔና ፖዒና ካንቄኔ፤
3 ማኣሮ ኔኤሲ ኔኤኒ ሎ ዋኣፆ ዑፃ ማዤኔ፤
4 ኪኢታንቾ ኔኤኮ ኔ ዢባሬ
5 ናንጊና ዓጊፁዋጉዲ
6 ባዞና ዓፒላጉዲ ሳዖ ኔ ካንቄኔ፤
7 ዔያቶ ኔ ጎሬ ዎዶና ጋዓንቴ ቤዞና ሺኢኬኔ፤
8 ዹኮኮ ዑፃ ዔያታ ላኣሊንቴኔ፤
9 ጊንሣ ዔያታ ሳዖ ዔኤዺ ባይዙዋጉዲ
10 ዓልቃ ዋኣፃ ዶኦጫዼ ጊንፆ ዎታንዳጉዲ ኔ ማሄኔ፤
11 ካዮ ቦዓ ዒኢካፓ ዑሽካኔ፤
12 ካፓ ማኣሮ ፔኤኮ ዎሮ ዓጫ ማዣኔ፤
13 ኔኤኒ ሎ ኔ ማኣራፓ ዹኮ ዑሻኔ፤
14 ቆልሞም ሳዓፓ ማኣቲ ኔ ባቃልሳኔ፤
15 ዓሲ ዎዛሳ ዎይኔ
16 ዬያጉዲ ሃሣ ናንጊና ናንጋ ጎዳኮ ሚፃ
17 ካፓ ፔኤኮ ማኣሮ ዒኢካ ማዣኔ፤
18 ዖዶዞ ዹካ ዎሻ ናንጋ ቤሲ
19 ዓጊና ዎዶ ዱማሳንዳጉዲ ኔ ማዼኔ፤
20 ሳዓ ኔ ዓሚሻዛ ዹሚ ማዓኔ፤
21 ሃጊ ዔቃ ዞባ ሙዖ ኮይ ጉዻኔ፤
22 ዓባ ፆርቃኣና ዓኣሺንቲ ካዮ ጌላኔ፤
23 ዬካፓ ዓሳ ማዾይዳ ሶኦፓኔ፤
24 ናንጊና ናንጋ ጎዳሢዮ!
25 ሃይ ዼኤፖ ባዛ ዳልጊና ሚጪንቴያኬ፤
26 ዋኣፆ ካኣሚላ ዒኢካ ዑፃ ሃንታኔ፤
27 ዔያታ ሙዓንዳ ባኮ ዎዶና ኔ ዔያቶም ዒንጋኔ፤
28 ኔኤኒ ዔያቶም ዒንጋ ዎዶና ዬያ ዔያታ ቡኩሳኔ፤
29 ዔያቶይዳፓ ዓኣፖ ካሮ ኔኤኮ ኔ ሺርሻዛ
30 ኔኤኮ ዓያኖ ኔ ዳካዛ ዔያታ ማማዢንታኔ፤
31 ናንጊና ናንጋ ጎዳኮ ቦንቻ ናንጊና ዶዲ ናንጎም፤
32 ሳዖ ዒዚ ዛጋዛ ዓዓጊፃኔ፤
33 ታኣኒ ሼምፔና ዓኣና ናንጊና ናንጋ ጎዳም ዓይናዻንዳኔ፤
34 ታኣኒ ናንጊና ናንጋ ጎዳና ዎዛዻሢጉዲ
35 ጎሞ ዓሳ ሳዓፓ ባይቆንጎ!