Isaías 16
Habo nalolene bi gahenge lo winigo ogo (HUI) vs ARA
1 Ina Moaba wali agali maru ibida ibini Idomo dindinaga tano dunini mbira Sela ngagoria kamarume nogo sibi iginiru Yudanaga kini Yarusalemeni kagohondo mimi̱ya. Sibi igini muleberemago ogoni iname kini biagohondo dagisi lone nguleberema lalu walia holebira. Agali sibi igini uruni haru poraru tigua hariga dindi ko iba dalu naibaga ngadagua pialu Hari Saiono kagoria tagira pole polebira.
1 Enviai cordeiros ao dominador da terra, desde Sela, pelo deserto, até ao monte da filha de Sião.
2 Ani puwa tigua kinihondo lamialu lalu, Kini-o waitigirume tanoha howabi inane daluha howabi bama ibalu bo taliatogo layagola ibida ibuwa Anono iba ange wiagoria kaware íbu howa ha ko kama. Ega igini gali ibu andaha howa dindini ibira henego agoha polebe toba howa irabuha odahe bameore biragagobi kama, lalu ka.
2 Como pássaro espantado, lançado fora do ninho, assim são as filhas de Moabe nos vaus do Arnom, que dizem:
3 Ani lowa Yudali tígua inanaga bi laramago baya hangu mo tale bialu ina biamogo bilimulo hamelo kamagoni. Tí inanaga ha do hagane anda ale kamigola ina tínaga dindiha ibalu ni hongohe daragola wali agalime ira gumba kagoha bira do hagadagua mo ko holene inaha ibiragola ina tí daluha ibalu ha do holoma̱ya hamelo kama. Waitigirume ina bama talima ibaga bialu kagola ina ibida pialu kamaria tigua lone ina mo ko holigo tígua ina yu wa nahalimu.
3 Dá conselhos, executa o juízo e faze a tua sombra no pino do meio-dia como a noite; esconde os desterrados e não descubras os fugitivos.
4 Tí dalu ngemiruha ina íbu hole hamelo kamagoni. Waitigi bu karume ina mo ko nahelo tígua ina haru howa handayaho halimulo, lalu lamini. Hengedape holenebi genda damenebi ereba hai holebira. Waitigi bu karume tini dindi dai biragola mo ko holene mbira dindi ogoriani nawulebira.
4 Habitem entre ti os desterrados de Moabe, serve-lhes de esconderijo contra o destruidor. Quando o homem violento tiver fim, a destruição for desfeita e o opressor deixar a terra,
5 Anidagua birangi Debidinaga aguanene mbira ibu kini holebira. Ani howa kini ogoni ibugua ibunaga wali agaliru gubalini ho haabo howa mana bayale tigabi ngagoria baya hangu haru holebira. Ibugua wali agalirunaga genda abaleore mo tiga bigi buwa mana bayale bulenego hangu mo hongo haabo halu holebira.
5 então, um trono se firmará em benignidade, e sobre ele no tabernáculo de Davi se assentará com fidelidade um que julgue, busque o juízo e não tarde em fazer justiça.
6 Moaba wali agalirume bi layiyago hale howa Yuda wali agali tigua tini degedege la la bialu lalu, Moaba wali agalinaga mine haga mana wiago layadane ina hale harimagoni. Tininaga mini yaraga halu tini duniniore maru karu bolanguahe kamabe toba ho haga ka. Ani howa tigua wali agali maru karu mege bialu kago bi uruni nagalone layidalo manda bidamagoni, lene.
6 Temos ouvido da soberba de Moabe, soberbo em extremo; da sua arrogância, do seu orgulho e do seu furor; a sua jactância é vã.
7 Moaba wali agali tigua genda tandagaru yu howa dugu bialu ka. Bamba tigua Kiriherese tano wiagoria howa pu mbira mini gerebi lini do gembe biniru nalu hagago mitangi bialu tiniore dara timbuni halu mbirale uruni mo ko hai hayagonaga dugu bialu ka.
7 Portanto, uivará Moabe, cada um por Moabe; gemereis profundamente abatidos pelas pastas de uvas de Quir-Haresete.
8 Tigua gerebi mabu baya taraore Hesebono Sibimala tanoha winigobi mitangi bialu dara timbuni ho ka. Bamba dindi tara tara wiarunaga haru haga bu hearume waini iba gerebi mabu uruniha taweme wabini wiaru turu howa nalu no lulu yaga hene. Anigo gerebi mabu uruni dugua halu mo labu hai haya. Tinaga gerebi mabu dewaore uruni Hesebono tano howa wima pialu Sibima tanohabi wima pialu amura Yasere tano uyurahayagi winigoria howa wima puabo halu dindi abene ni tagira ibiragohayagi dindi ko iba dalu naibaga wiagoria wima tagira pene. Ogoniha howa pialu ni paliragohayagi iba kuyama mini Homene Iba laga bereagoria tagira pene.
8 Porque os campos de Hesbom estão murchos; os senhores das nações talaram os melhores ramos da vinha de Sibma, que se estenderam até Jazer e se perderam no deserto, sarmentos que se estenderam e passaram além do mar.
9 I̱na Yasere tanonagabi Sibima dindinaga gerebi mabu ngagonagabi dugu bia harogoni. Ani bialu i̱naga de iba Hesebono tanola Eleale tanolani ibira haragoni. Irane ti bibahende mo ko hai hene ngagome tinaga wali agali bu karu tigua gerebi mabuha puwa gerebi lini bogabi dedaru dalu mabuha howa ga̱ la amunana nabulubadago ogonaga dugu bero.
9 Pelo que prantearei, com o pranto de Jazer, a vinha de Sibma; regar-te-ei com as minhas lágrimas, ó Hesbom, ó Eleale; pois, sobre os teus frutos de verão e sobre a tua vindima, caiu já dos inimigos o eia, como o de pisadores.
10 Mabu uruniha howa wali agali tigua pu mbira mini gerebi lini daga dewaore do wigi bialu howa ti turu timbuni halu daga hene. Ani bialu hagago ainde áyu tigua turu howa gerebi lini dalu howa ga̱ ladagadaga bialu haga hayadaruni ereba haya. Wali agalime turu ho howa iba gana lalu hagadarubi ereba haya. Gerebi lini uruni dowa waini iba wabule geme hengedaga uli timbuni ege to̱le̱ha howa gua bini wiaruha waini iba wabiaga wiarubi nawabi bame ngagoni ndobe. Tinaga ne hariga Anduane Homogohanda ndibulo wa helayagola tigua turu howa bi lalu ga̱ ladagadaga bialu haga biaruni ereba hai helaya.
10 Fugiu a alegria e o regozijo do pomar; nas vinhas já não se canta, nem há júbilo algum; já não se pisarão as uvas nos lagares. Eu fiz cessar o eia dos pisadores.
11 Ani biyago mitangi bialu i̱naga bu miniha Moaba wali agalibi Kiriherese tano wali agalirubi dara timbuni ho kogoni. Mbiralime wali agali mbirago homedagola dara howa ngida balu iba ganaru lalu kaligobi i̱ kogoni.
11 Pelo que por Moabe vibra como harpa o meu íntimo, e o meu coração, por Quir-Heres.
12 Moaba wali agaliru tigua dama mitangi bialu gime wabini wiaruhondo bi pupu wule hari nene ngaruha pugu biaga ka. Ani bialu tinaga dama uruninaga anda karuha pialu bi pupu wiaga ka. Mbirale urunime bilo ti mo hongo halu biamogo nabiaga wini.
12 Ver-se-á como Moabe se cansa nos altos, como entra no santuário a orar e nada alcança.
13 Moaba wali agalirunaga bi mo ko hai hayadagoni Anduane Homogo ibunime bule lo winidagua bini.
13 Esta é a palavra que o Senhor há muito pronunciou contra Moabe.
14 Ani bialu áyu Anduane Homogohanda laabo halu lalu, Horo mbira mbirani tigua bialu hayagonaga Moaba wali agalibi tinaga mbirale ngarubi bibahendeore mo ko hai holene mali tebira nga. Mali tebonegonaga horo mo ko holene i̱nime mandabu henego tagira ibirangi mbirale tihondo bule mitangibu henego bulebero. Áyu Moaba dindiha wali agali dewaliore bu kagonigo mani dindi ogoni mo ko harongi wali agali emene hangu howa ti hongo naheore holebira, lalu lene.
14 Agora, porém, o Senhor fala e diz: Dentro de três anos, tais como os de jornaleiros, será envilecida a glória de Moabe, com toda a sua grande multidão; e o restante será pouco, pequeno e débil.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Isaías 16, comparar traduções ou montar um estudo — tudo direto pelo WhatsApp.