Marcos 16
Eyacuiñajjija Esohui (ESENT) vs NVI
1 Jodioja epojja ejomishocajji jjayejjequiajo, sinecua Mania Madanena, Jacoboja enaese Mania bajjaniya, Sanomeya peaꞌai shiyeshiye iña jjeshe canaje Jesosa shicuijji nisho.
1 Quando terminou o sábado, Maria Madalena, Salomé e Maria, mãe de Tiago, compraram especiarias aromáticas para ungir o corpo de Jesus.
2 Jamajjeya mecajjeahua nei jjajaꞌaꞌajjaqui jjimahuajo ebionei epojjajo, nomico pojjajo, oya cuana poquinaje jjani yasijje.
2 No primeiro dia da semana, bem cedo, ao nascer do sol, elas se dirigiram ao sepulcro,
3 Bañaqui jjimahuajo mimimiminaje jama baꞌa: —¿Aya shai mei quea quemo jeacajjajjajea cajeꞌyo ese dobiquijji? Quea quemo nee nee mei.
3 perguntando umas às outras: "Quem removerá para nós a pedra da entrada do sepulcro? "
4 Epona cuana jjani yasijje poe majje ba cañaquinaje jjani huejja ecapajeaꞌyo nequi.
4 Mas, quando foram verificar, viram que a pedra, que era muito grande, havia sido removida.
5 Jamajjeya jjani ai yasijje dobiquinaje. Dobiqui majje epona cuaa eshoꞌi ai ba canaje. Oja daqui quea oshe nee nee, quea ao nee. Jesosaja equipajaajji biajje ani ba canaje esohuidojojji ebianei mijijje ani. Jjeya ca ca Jesosa chamaꞌ. Ba majje epona cuana quea mete poanaje.
5 Entrando no sepulcro, viram um jovem vestido de roupas brancas assentado à direita, e ficaram amedrontadas.
6 Jamaya oya epona cuana nijje poanaje baꞌa: —¡Aꞌa quea mete pojji! Miya ecuea eba. Eꞌe, miyaya Jesosa ma Nasanenajo baꞌya poa saꞌajjaꞌyo poequi, ma acui ecueataꞌapeejo manoꞌyonaje. Chamaꞌ oya jjeya jiquiojo. Shequi oꞌoyanaje ca jja coma. ¡Eꞌe, quiaꞌo jiquio baꞌajjahuaꞌyo socue! Jiquiojo jaanaje.
6 "Não tenham medo", disse ele. "Vocês estão procurando Jesus, o Nazareno, que foi crucificado. Ele ressuscitou! Não está aqui. Vejam o lugar onde o haviam posto.
7 Jamajjeya ¡jjeyahua nei poquicuajicue oja epeejji huohuiya! ¡Jama huohuime acue baꞌa: “Jesosa pa shequiꞌyonaje” acue! “Oya jjeya nei Janinea meshi yasijje poquije miquiana poqui jjimahuajo” o shajjaꞌajjajji cuana huohuiquicue. ¡Peno oe huohuiñaquicue Jesosaja esohui ma ohuaya huohui canaje oe aꞌa pajeaꞌyojji! ¡Oya oe jocuama baquicue! —esohuidojojjiya epona cuana acanaje.
7 Vão e digam aos discípulos dele e a Pedro: ‘Ele está indo adiante de vocês para a Galiléia. Lá vocês o verão, como ele lhes disse’ ".
8 Jamajjeya epona cuana jjani esecue yasijje cuayaquiꞌyo majje poquicuajicuajinaje. Quea mete neejo oya cuana piopionaje. Pea nijje mimi jjima Jesosajo. Cuajicuajinaje Jesosa shajjaꞌajjajji cuana esohuidojojjija esohui huohuiya.
8 Tremendo e assustadas, as mulheres saíram e fugiram do sepulcro. E não disseram nada a ninguém, porque estavam amedrontadas.
9 Eꞌe, ebionei epojjajo, nomico pojjajo, Jesosa shequi oꞌoya majje, jjanequijaꞌaquiꞌyo majje peaꞌai, Mania Madanenaa ebionei oya ba caꞌyonaje. Oya Maniaja yahuajo eshahua quea huiso dobiquiyajo, Jesosaa eshahua cuana huoojeacuayajea caꞌyonaje me oejje pea beca huisome.
9 Quando Jesus ressuscitou, na madrugada do primeiro dia da semana, apareceu primeiramente a Maria Madalena, de quem havia expulsado sete demônios.
10 Majoya Jesosa ba majje Maniaa o shajjaꞌajjajji cuana huasijje poquicuajinaje huohuiya. Jesosa emanoꞌyo tii jaa posojo, oya cuana pa neinei aninaje quea yeno.
10 Ela foi e contou aos que com ele tinham estado; eles estavam lamentando e chorando.
11 Jamajjeya Maniyaa oya cuana huohui cañaquinaje Jesosa eshe oꞌoya: —Eyaya oya banaje eꞌe jojo nei —acanaje Maniaa.
11 Quando ouviram que Jesus estava vivo e fora visto por ela, não creram.
12 Majoya Jesosaja epeejji becanejjijji peaꞌai ejiojjijje poquijejo, Jesosa pea jayojjaya jjanequijaꞌaquinaje onijje. Jesosa ba jjima poanaje cuanaja.
12 Depois Jesus apareceu noutra forma a dois deles, estando eles a caminho do campo.
13 Quijje yejje nei oya eꞌe jojo nei Jesosa ba majje oya cuana poquinaje pea eshajjaꞌajjajji cuana huohuiya. Jamatii ojjaña jama poanaje baꞌa: —Eꞌe pojjaꞌa, de. Chojja de, oya manoꞌyo tii —ojjaña cuana poanaje, Jesosa shequi oꞌoya ajja poso acanaje.
13 Eles voltaram e relataram isso aos outros; mas também nestes eles não creram.
14 Quijje Jesosa shajjaꞌajjajji cuana 11 huisome oe equijo ojee ijjiaꞌijjia anijo Jesosa onijje jjanequijaꞌaquiꞌyonaje. Oya cuana tecuea canaje jama baꞌa: —¿Apiojji acuae quiana quea sapa caꞌa poani? ¿Apiojji shajjaꞌajja jjima onajaya ehuohuiꞌyo eya eshe oꞌoya ba majje? ¡Bacue eya eꞌe jojo nei eshequiꞌyo, jjabahuejjaquicue! —Jesosaa acanaje.
14 Mais tarde Jesus apareceu aos Onze enquanto eles comiam; censurou-lhes a incredulidade e a dureza de coração, porque não acreditaram nos que o tinham visto depois de ressurreto.
15 Majoya Jesosaa oya cuana jama acanaje baꞌa: —¡Poquicue ojjaña cuana huasijje, ma ojjaña meshijo baꞌe yasijje! ¡Ecuea esohui quea pame nee ebaꞌe tiitiiꞌyojjijo ba meequicue! ¡Enijje jjapeequi meequicue! ¡Enijje jjapeequiyajo enajo besa meecue!
15 E disse-lhes: "Vão pelo mundo todo e preguem o evangelho a todas as pessoas.
16 Ojjaña joya enijje jjapeequiani Eyacuiñajjiya baꞌe tiitii mee cajeꞌyo. Enijje jjapeequiyajo, ¡ojjañaja ebajji onaaya oya cuana besa meequicue! Ojjaña joya enijje jjapeequiꞌyo ajja ca ca Eyacuiñajjiya quea nee nee po mee cajeꞌyo, quea mimishi poanajejojo. Jamajjeya Eyacuiñajjiya oya cuanaja mimishi cuanajo quea yeno po mee cajeꞌyo.
16 Quem crer e for batizado será salvo, mas quem não crer será condenado.
17 —Ecuea epeejji cuana eyaya ameejeꞌyo ma dejjaa ajjima acani. Oya cuana eyaya quea caꞌa nee po meejeꞌyo, eshahua cuana dejjajo nequi huoojeacuayajea meejeꞌyo. Pea esohui ojaya cuanaja ba jjima mimi meeje peaꞌai.
17 Estes sinais acompanharão os que crerem: em meu nome expulsarão demônios; falarão novas línguas;
18 Peyo se najji ba jjima iña majje manoꞌyo jjima po meejeꞌyo eyaya. Ena pase nei nei paseꞌama poso ishijea majje, manoꞌyo jjima po meeje eyaya. Ecuea epeejji neiya emano biajje eme huana majje jiquio quea aja poaje; eyaya jjaajaqui meejeꞌyo, huaquia meejeꞌyo peaꞌai —Jesosaa o shajjaꞌajjajji cuana huohui canaje.
18 pegarão em serpentes; e, se beberem algum veneno mortal, não lhes fará mal nenhum; imporão as mãos sobre os doentes, e estes ficarão curados".
19 Majoya Emeshi Mese nei Jesosa pea cuana nijje mimiajo, oja Chiiya, Eyacuiñajjiya jjequisohua caꞌyonaje eyahuasijje. Jomajo oya Jesosa anioquenaje oja Chii ebianei mijijje onijje ojjaña huoojeaꞌyojji epojji.
19 Depois de lhes ter falado, o Senhor Jesus foi elevado ao céu e assentou-se à direita de Deus.
20 Majoya o shajjaꞌajjajji cuaa Jesosaja esohui huohuiqui canaje ojjaña cuana huasijje. Ojaya esohui jayojja jama Emeshi Mese nei Jesosaa oya cuana ameesahua canaje ma dejjaa ajjima acani ojjañaja ebajji ojaya esohui cuana eꞌe nei nei. Jamaya ojjaña ba mee canaje Jesosaa oya cuana huoojea canaje ojaya esohui huohuiya.
20 Então, os discípulos saíram e pregaram por toda parte; e o Senhor cooperava com eles, confirmando-lhes a palavra com os sinais que a acompanhavam.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Marcos 16, comparar traduções ou montar um estudo — tudo direto pelo WhatsApp.