2 Timóteo 3
Eyacuiñajjija Esohui (ESENT) vs NVI
1 Timoteo, jiquio ba neineicue peaꞌai baꞌa: Epojja cuana beshahua nei oe poajo, Jesosa Quito poe oꞌoya jjimahuajo, ebaꞌejji quea camaja nee nee poaje ojjaña cuanaja dejja quea mimishi nee nee poanijo.
1 Saiba disto: nos últimos dias sobrevirão tempos terríveis.
2 Eꞌe, dejja cuana ojaya aquiana cuanajo, ojaya ebaꞌejjijo, ejjeshejjijo peaꞌai quea nahue poajeꞌyo. Quea dejja tai poajeꞌyo, quea nishehui poajeꞌyo epona cuana peaꞌai. Bichoꞌama jjejojo quea miminaa ojaya ejjashahuabaquijjijo poajeꞌyo tii tii. Eyacuiñajjija esohui huohuijji shajjaꞌajja sa po ajja poajeꞌyo. Mimijajijji cuana peaꞌai poajeꞌyo. Oja chiija, enaese peaꞌaija esohuijo shajjamaꞌ poajeꞌyo oya cuana. Ejeajji etii cuana, enaese etii peaꞌai botiꞌama acajeꞌyo: —Ecuea miya ebobiajji pojjeama —acajeꞌyo.
2 Os homens serão egoístas, avarentos, presunçosos, arrogantes, blasfemos, desobedientes aos pais, ingratos, ímpios,
3 Ojaya huapa pojjeama cuana botiꞌama acajeꞌyo peaꞌai. Quea sapa caꞌa jjejojo jjashahuabaqui ajja peaꞌai. Pea cuanajo siajje poajeꞌyo. Mimishi cuana epajea meeꞌyojji pojjeama. Quea mase ibia jama poajeꞌyo. Mimipanajea panajeajeꞌyo pea nijje. Dejja quea pame nee botiꞌama acajeꞌyo, cajaa acajeꞌyo peaꞌai.
3 sem amor pela família, irreconciliáveis, caluniadores, sem domínio próprio, cruéis, inimigos do bem,
4 Pea nijje jjapee nishoquijeꞌyo. Jjabahuejjaqui jjima tii tii poajeꞌyo. Jama siajje pome poaje baꞌa: —Eya ca ca oe che oeya quea pame nee —nisho poaje.
4 traidores, precipitados, soberbos, mais amantes dos prazeres do que amigos de Deus,
5 Eyacuiñajji nijje jjapee nishoquijeꞌyo. Jamatii ojaya esohui jayojja jama oya po ajja poaje. Timoteo, ¡aꞌa onijje jjapeequijji!
5 tendo aparência de piedade, mas negando o seu poder. Afaste-se também destes.
6 Jjeya nei esohui huohuijji tai cuana equi cuana huasijje poqui majamaja majje siajje poani. Epona jjabahuejjaqui jaꞌa jjima cuana dasia cani. Jiquio epona cuana aje oe quea mimijjequijea nee nee; quea jaꞌa jjashahuabaquiꞌyo ajja, de. Ma dejja tai cuanaja esohui tai shajjaꞌajja sa poani.
6 São estes os que se introduzem pelas casas e conquistam mulherzinhas sobrecarregadas de pecados, as quais se deixam levar por toda espécie de desejos.
7 Oya cuana ojjaña esohui quea quehua shajjaꞌajjajji jjejojo Jesosa Quitoja esohui eꞌe neijo jjabahuejjaquiꞌyo ajja.
7 Elas estão sempre aprendendo, mas não conseguem nunca de chegar ao conhecimento da verdade.
8 Jamaya yahuajo nei nei ejiojjicuiajji cuana Janese, pea Jamese cuanaya nequia poa. Moisesija esohui shajjaꞌajja sa po ajja poa. Jjeyahua nei esohui huohuijji quea mimishi Janese, Jamese peaꞌai jayojja jamaya yani. Oya cuana esohui eꞌe nei Jesosa Quitoja shajjaꞌajja sa po ajja peaꞌai. Quea jjashahuabaqui tai nee nee poani peaꞌai. Jamajjeya Eyacuiñajjiya oya cuana cajaa acajeꞌyo, Jesosa Quito nijje jjapeequi sa po ajjajo.
8 Como Janes e Jambres se opuseram a Moisés, esses também resistem à verdade. A mente deles é depravada; são reprovados na fé.
9 Quijje pishana quea huiso dejjaa jama acajeꞌyo baꞌa: —Eꞌe, joya esohui huohuijji tai cuana jjadasiaquiꞌyojji, ejiojjicuiajji Janese, Jamese peaꞌai jayojja poani —acaje cuaa. Jamajjeya jjadasia mee majamajaqui ajja poaje.
9 Não irão longe, porém; como no caso daqueles, a sua insensatez se tornará evidente a todos.
10 Timoteo, miya enijje nequinajejo eya ca ca miquea eba nei nei poanaje. Ojjaña ecuea ehuohuiꞌyo miquea eba peaꞌai. Ojjaña ecuea ebaꞌeꞌyojji miquea eba peaꞌai. Ecuea ejjashahuabaquiꞌyojji quea pame nee. Miquea eba eya Eyacuiñajjija epeejji nei poani. Pea cuaa eya napa cajje ona nijje quenequene ajja poa. Ecuea pea cuana quea jea nee. Eyaya meteꞌama Eyacuiñajjijo chaco tiitiiꞌyonaje. Jamaya miquea eba peaꞌai.
10 Mas você tem seguido de perto o meu ensino, a minha conduta, o meu propósito, a minha fé, a minha paciência, o meu amor, a minha perseverança,
11 Eꞌe, miquea eba ecuea ehuohuijo pea cuaa janobajjima nei eya napa caꞌyonaje Atioquiajo baꞌe cuaa, Iconiojo baꞌe cuaa, Nisatajo baꞌe cuaa peaꞌai. Napa majamaja cajje eya quea nee nee poanaje. Jamatii ecuea Jesosa Quitoja esohui pajeaꞌyo jjima. Emeshi Mese neiya eya jaahuana tiitii caꞌyonaje. Jamaya miquea eba, Timoteo.
11 as perseguições e os sofrimentos que enfrentei, coisas que me aconteceram em Antioquia, Icônio e Listra. Quanta perseguição suportei! Mas, de todas essas coisas o Senhor me livrou!
12 Eꞌe de, ojjaña joya Jesosa Quito nijje jjapee neineiquiani pea cuaa napa caje.
12 De fato, todos os que desejam viver piedosamente em Cristo Jesus serão perseguidos.
13 Edasiajji cuana jjeyahua nei quea tai. Quijje ca ca quea tai nee nee poaje. Eshahua ma dejja tai cuana nijje siajje poanaje. Jamajjeya ma edasiaꞌyojji cuaa pea cuana dasia cajeꞌyo peaꞌai.
13 Contudo, os perversos e impostores irão de mal a pior, enganando e sendo enganados.
14 Timoteo, miquea eba miquea esohui huohuijji cuanaja ehuohuiꞌyo eꞌe nei. Ma ehuohuiꞌyo cuanajo miya jjabahuejjaquiꞌyonaje. Jamajjeya ¡maya esohui shahuaba tiitiicue; aꞌa pajeaꞌyojji! ¡Jamaya oe acue!
14 Quanto a você, porém, permaneça nas coisas que aprendeu e das quais tem convicção, pois você sabe de quem o aprendeu.
15 Miyaya eshoꞌyahuaa Eyacuiñajjija esohui quea pame nee ba neineiꞌyonaje. Ojaya esohui etehueꞌyo miquea eba. Eꞌe, ma etehueꞌyojo miyaya bajeꞌyo jama baꞌa: Eyacuiñajjiya miya jaahuana cajeꞌyo miya Jesosa Quito nijje jjapeequianijo.
15 Porque desde criança você conhece as sagradas letras, que são capazes de torná-lo sábio para a salvação mediante a fé em Cristo Jesus.
16 Eyacuiñajjiya dejja pame cuana ojjaña ojaya esohui tehue mee caꞌya poa. Eseyaya jiquio esohui huohuiajje pea cuana Jesosa Quitojo jjabahuejjaquijeꞌyo, ojaya mimishijo quea yeno poajeꞌyo peaꞌai, ojjañaa ba cajeꞌyo ache esohui eꞌe nei pojjeama peaꞌai. Eꞌe, ma esohui huohui majje ojjaña quea boejea nee baꞌe meesahuajeꞌyo. Ebaꞌejji quea pame ba meesahuajeꞌyo peaꞌai.
16 Toda a Escritura é inspirada por Deus e útil para o ensino, para a repreensão, para a correção e para a instrução na justiça,
17 Eꞌe, ma esohui etehueꞌyo quea jaꞌa nee ba majje Eyacuiñajjija echacojji quea jaꞌa nee poajeꞌyo. Ojjaña quea pame nee poajeꞌyo peaꞌai Eyacuiñajji nijje, esohui ba neinei majje.
17 para que o homem de Deus seja apto e plenamente preparado para toda boa obra.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 2 Timóteo 3, comparar traduções ou montar um estudo — tudo direto pelo WhatsApp.