2 Timóteo 2
Eyacuiñajjija Esohui (ESENT) vs VC
1 Eꞌe Timoteo, miya ecuea ebacua ejja jayojja. Miya quea caꞌa po mee cani Jesosa Quitohua, ese jaahuanajjiya. Jamajjeya ¡quea pame tiitii jjapeequicue onijje!
1 Tu, portanto, meu filho, procura progredir na graça de Jesus Cristo.
2 Miyaya ecuea esohui shajjaꞌajjanaje. Quea huiso dejjaa shajjaꞌajja canaje peaꞌai. ¡Jiquio esohui huohuicue miyaya Jesosaja epeejji eꞌe jojo nei yasijje! Ona jjabahuejjaqui majje ¡ma esohui quea pame che jja oma oe huohui meesahuacue quea pame nee pea cuana huasijje!
2 O que de mim ouviste em presença de muitas testemunhas, confia-o a homens fiéis que, por sua vez, sejam capazes de instruir a outros.
3 Pea cuaa miya napa cajeꞌyo Jesosa Quito nijje jjapeequianijo; jamatii ¡aꞌa quea mete pojji! ¡Jjapee tiitiiquicue eꞌe jojo nei! ¡Emeshi Mese neija echacojji quea caꞌa pocue!
3 Suporta comigo os trabalhos, como bom soldado de Jesus Cristo.
4 Jama baꞌa: Dejjaa echacomeejjijo chaco canijo pea nijje chacochaco sa po ajja. Chojo. Ohuaya ojaya echacomeejjija esohui jama chaco cani. ¡Jamaya oe pocue; Jesosa Quito nijje chacochacoanijo aꞌa eshahua nijje pojji!
4 Nenhum soldado pode implicar-se em negócios da vida civil, se quer agradar ao que o alistou.
5 Jamajjeya jama poani peaꞌai baꞌa: Dejja janobajjima nei cuajicuaji neineiani pea cuana nijje. Joya ebionei cuajicuaji cooani oe aquiana quea pame quia cani sosemaꞌ. Jiquio ecua ohua huohui caje jama mi cuajicuajiajo, shajjamaꞌ poajo, aquiana equiajji pojjeama. ¡Jamaya jjashahuabaquicue Jesosa Quitojo chacoañajo; janobajjima chacocue! ¡Aꞌa shajjamaꞌ jayojja jama pojji!
5 Nenhum atleta será coroado, se não tiver lutado segundo as regras.
6 Dejja quejo janobajjima nei chacoꞌyo majje, que bana majje peaꞌai ohuaya ebionei bobi cachicha cahua ojaya eꞌijjiajji. Jamajjeya ¡aꞌa quea huea pojji Jesosa Quitojo chacochacoani!
6 É preciso que o lavrador trabalhe antes com afinco, se quer boa colheita.
7 ¡Jiquio ecuea esohuijo jjashahuaba neineiquicue, miya! Esejaya Emeshi Mese neiya miya jiquio esohui ba meesahua cajeꞌyo.
7 Entende bem o que eu quero dizer. O Senhor há de dar-te inteligência em tudo.
8 Jamajje ¡jjashahuaba tiitiiquicue Jesosa Quitojo! Eyacuiñajjiya Jesosa Quito shequi mee ca oꞌoya poa. Ojaya Jesosaja etiiquiana yahuajo nei nei baꞌya poa Dabi bajjani etiiquianaja emeshi mese poa.
8 Lembra-te de Jesus Cristo, saído da estirpe de Davi e ressuscitado dos mortos, segundo o meu Evangelho,
9 Jiquio esohui quea pame nee Jesosa Quitojo eyaya huohuiaña. Jamajjeya dejja tai cuaa eya napa canaje, dejja quea mimishi poso eya jeanobia canaje. Jamatii. Dejja tai cuanaja eya Eyacuiñajjija esohui ehuohui pajea meeꞌyojji pojjeama.
9 pelo qual estou sofrendo até as cadeias como um malfeitor. Mas a palavra de Deus, esta não se deixa acorrentar.
10 Jamajjeya dejja cuaa eya napa cajje jamatii eya quea caꞌa tii tii Jesosajo poani. Jamajjeya eyaya ojjaña Eyacuiñajjija ebabaca cuana quea caꞌa po meesahuajeꞌyo. Jamajjeya Jesosa Quitohua onajaya mimishi cuana cuijea neinei cajeꞌyo. Oya cuana nequi tiitii mee cajeꞌyo eyajo quea jaꞌa nee nee ese jayojja. Eyacuiñajji nijje nequi tiitiijeꞌyo.
10 Pelo que tudo suporto por amor dos escolhidos, para que também eles consigam a salvação em Jesus Cristo, com a glória eterna.
11 Jiquio esohui eꞌe nei jama baꞌa:
11 Eis uma verdade absolutamente certa: Se morrermos com ele, com ele viveremos.
12 Jjeya onijje jjapee tiitiiquianijo quijje Jesosa nijje ona huoojeaꞌyojji poajeꞌyo. Jjeya eseyaya cajaa ajje ohuaya eseya quijje cajaa acajeꞌyo peaꞌai.
12 Se soubermos perseverar, com ele reinaremos.
13 Eseyaya ojaya esohui atiitii ajjajo, jamatii ohuaya eseya pajeaꞌyo ajja. Ojjaña ojaya esohui jayojjaya jama acajeꞌyo tii, ohuaya. Oya esohui siajje aꞌajja nei nei”.
13 Se, porém, o renegarmos, ele nos renegará. Se formos infiéis... ele continua fiel, e não pode desdizer-se.
14 ¡Jamaya miyaya ecuea ehuohuiꞌyo cuana esohui huohuijji cuana huasijje huohui huichaꞌa huichaꞌacue! Janobajjima nei huohuicue jama baꞌa: —Emeshi Mese neiya miya ba neinei canijo, ¡aꞌa mimicuiajeanobiajeajji!
14 Lembra-lhes estas coisas e conjura-os, por Deus, a evitarem discussões de palavras, que só servem para a perdição dos ouvintes.
15 ¡Quea jaꞌa nee nee oe jjashahuabaquicue quea pame nee Eyacuiñajjijo echacojji! Jamajjeya oya mijo quea jaji nee poaje. Eꞌe, ¡miyaya ojaya esohui eꞌe nei huohuicue quea jaꞌa nee! Jamajjeya miya ojaya echacojji quea pame nee poaje, bichoꞌama.
15 Empenha-te em te apresentares diante de Deus como homem digno de aprovação, operário que não tem de que se envergonhar, íntegro distribuidor da palavra da verdade.
16 Beca cuanaja Eyacuiñajji botiꞌama, de. Jamajjeya ¡aꞌa shajjaꞌajjajji onajaya mimi quea tai Eyacuiñajjijo! Ma esohui tai shajjaꞌajja canijo pea cuaa Eyacuiñajji ba jjima acaje. Eꞌe, esohui tai shajjaꞌajja majje jjashahuabaqui ajja poaje.
16 Procura esquivar-te das conversas frívolas dos mundanos, que só contribuem para a impiedade.
17 Tajjaja ijjia biso nei anicuayani, quijje ijjia huesha cani. Tajjaja ijjia jayojja jama poani esohui quea tai. Esohui huohuijji taija esohui quea tai shajjaꞌajja majje quijje quea tai nee poajeꞌyo quea huiso cuana. Jjapeequi pajea cajeꞌyo pojjaꞌa. Jamaya esohui huohuijji nisho cuana Pineto bajjani, Imeneo peaꞌai poani.
17 As palavras dessa gente destroem como a gangrena. Entre eles estão Himeneu e Fileto,
18 Ohuaya esohui eꞌe nei pajea caꞌyonaje. Siajje poani jama baꞌa: —Ojaya epeejji manoꞌyajo, Eyacuiñajjiya eyami eyacua aje oe eꞌaꞌyojji pojjeama —acani.
18 que se desviaram da verdade dizendo que a ressurreição já aconteceu e transtornaram a fé em alguns.
19 ¡Aꞌa oya cuana shajjaꞌajjajji! Eseya ca ca Eyacuiñajji nijje jjapeequi pajeaꞌyo ajja. Eyacuiñajjija esohui quea jaꞌa neejo jjashahuabaquiani. Equi yamajjana quea caꞌa nee nee nequi jayojja jama Eyacuiñajjija esohui nequi tiitiijeꞌyo. Eꞌe, yahuajo nei nei esohui tehue mee ca poa jama baꞌa: “Esejaya Emeshi Mese neija ebacua cuana ojaya eba ache ese ejja eꞌe jojo nei poaje”. Pea tehue mee ca poa jama baꞌa: “¡Eyacuiñajjija epeejji neiya mimishi cuana capajea neinei cayahua!” Jama yahuajo nei tehue meemeya aca poa, Eyacuiñajjiya.
19 Contudo, o sólido fundamento de Deus se mantém firme, porque vem selado com estas palavras: O Senhor conhece os que são seus {Nm 16,5}; e: Renuncie à iniqüidade todo aquele que pronuncia o nome do Senhor {Is 26,13}.
20 Cuanaya equi tii tiijo quea huiso aquiana cuana yani: ena ishijji cuana, ena nequijji cuana, ena shojji natajee oshe quea nahue siyosiyo yani. Ena nequijji mei huoꞌo quea caꞌa yani aquiana quea nahue iyajji. Acui epejja cuana yani, meshimisi peaꞌai yani, caꞌaꞌama, aquiana nahueꞌama iyajji.
20 Numa grande casa não há somente utensílios de ouro e de prata, mas também de madeira e de barro. Aqueles para ocasiões finas, estes para uso ordinário.
21 Jiquio ecua ena nequijji caꞌaꞌama jayojja jama eseya poaje mimishijo. Eseya mimishi cuana pajeaꞌyo majje ena nequijji quea nahue jayojja jama poajeꞌyo. Jamajjeya mimishi pajeaꞌyojji chacojeꞌyo Eyacuiñajjijo. Eꞌe, quea pame nee poanijo Eyacuiñajjiya eseya huoojea cajeꞌyo ojo chacohua. Jamaya eseya Eyacuiñajjija tii poajeꞌyo.
21 Quem, portanto, se conservar puro e isento dessas doutrinas, será um utensílio nobre, santificado, útil ao seu possuidor, preparado para todo uso benéfico.
22 Jamajjeya ¡shacuimaꞌ nequija ejjashahuaba taiquijji jama aꞌa pojji miya! Jiquio jama quea bihui nee po huichaꞌacue baꞌa: ¡Quea jaꞌa baꞌecue! ¡Eyacuiñajjija esohuijo jjabahuejja neineiquicue! ¡Pea cuana quea jea nee acue! ¡Ojjaña nijje quea bei pocue! Beca cuana quea bihui nee Eyacuiñajji nijje mimiani. Quea jaꞌa nee jjashahuabaquiani peaꞌai. ¡O jayojjaya oe pocue!
22 Foge das paixões da mocidade, busca com empenho a justiça, a fé, a caridade, a paz, com aqueles que invocam o Senhor com pureza de coração.
23 ¡Esohui quea tai, quea quehua peaꞌai aꞌa shajjaꞌajjajji! Ma esohui shajjaꞌajja majje dejja cuana jjamimicuiajea nobiajeaquije. Jamaya miquea eba.
23 Rejeita as discussões tolas e absurdas, visto que geram contendas.
24 Miya Eyacuiñajjija echacojji poanijo ca ¡aꞌa jjamimicuiajea nobiajeaquijji! Chojo. ¡Ojjaña nijje maseꞌama pocue! ¡Jesosa Quitoja esohui cuana oe huohuicue quea pame nee! ¡Aꞌa tecuea cuajijji peaꞌai!
24 Não convém a um servo do Senhor altercar; bem ao contrário, seja ele condescendente com todos, capaz de ensinar, paciente em suportar os males.
25 Pea cuana esohui eꞌe neijo maimaianijo, ¡quea bei esohui huohui oꞌoyacue! Jamajjeya eꞌe pojjaꞌa Eyacuiñajjiya ojaya esohui eꞌe neijo jjabahuejjaqui meesahua cajeꞌyo oya cuana; jjashahuaba taiqui pajea mee cajeꞌyo.
25 É com brandura que deve corrigir os adversários, na esperança de que Deus lhes conceda o arrependimento e o conhecimento da verdade,
26 Jamajjeya oya cuana quea jaꞌa nee jjashahuabaquije oꞌoya pojjaꞌa, Eyacuiñajji nijje jjapeequijeꞌyo. Joya esohuijo mimijajiani aje oe poquiquehuaꞌyonaje de, Edosiquiana nijje. Ohuaya oya cuana dasia caꞌyonaje o jayojja epoꞌyojji. ¡Oya cuana Eyacuiñajji nijje cajjapeequiahua! Eꞌe, dejjaa ibia meꞌ ijjia mee cani. Ibia emeꞌ ijjia meeani, emeꞌ jjequihuijjiajea majje poquiani. Emeꞌ ijjia meeꞌajja jjabahuejjaquiani. Jiquio ecua ibia emeꞌ ijjia meeꞌajja poe becaꞌyo ajja jayojja jama eshahuaja epeejjiya dasia cajje eshajjaꞌajja becaquiꞌyojji pojjeama; jjabahuejjaquiani oya pojjaꞌa.
26 e voltem a si, uma vez livres dos laços do demônio, que os mantém cativos e submetidos aos seus caprichos.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 2 Timóteo 2, comparar traduções ou montar um estudo — tudo direto pelo WhatsApp.