Mateus 23
Ka Lamana'a Mono'i Lu Mu Tifi'ehina Ka Yabe (BEF) vs NVT
1 Alihi Yesu babu boanaꞌi li gehesa hite minana hiti to aiꞌa koko panaꞌa hiti kaga ma luto beto hu epiꞌehina:
1 Então Jesus disse às multidões e a seus discípulos:
2 Kaga keheli bati huse bo hiti to Felosi bo hiti enali Mosehi keya kamofihi hapaꞌa lu hokolo hise minelata nehabe.
2 “Os mestres da lei e os fariseus ocuparam o lugar de intérpretes oficiais da lei de Moisés.
3 Ya huꞌehinagi enali kaga lu lepilete ya hilo ya hilo nelinogomo lenali enabaga liyafa hite enemegeꞌi melete minalo. Ya huꞌehina moneꞌnaya enali bati mehina suhi li huto nehinogomo lenali ana hapaꞌamofihi enemegeꞌi memalalo. Enali babu kaga fato fatoꞌi lilata nehanaya ana kaga enaliꞌani megeꞌi melelata menehabe.
3 Portanto, pratiquem tudo que eles dizem e obedeçam-lhes, mas não sigam seu exemplo, pois eles não fazem o que ensinam.
4 Enali kaga lu keta fi epilete enaliꞌani mino saga hiꞌehite enayatu meeneheꞌmelata nehabe.
4 Oprimem as pessoas com exigências insuportáveis e não movem um dedo sequer para aliviar seus fardos.
5 Asagaꞌna li huto hilata nehanaya enali bonaꞌmagi bu galabe lite li huto hilata nehabe. Enali mono ka fayahi geꞌahanana enogo gobisalo li hekelela to numuna fayahi geꞌahanana enayanugu sahi bila to yatama guketeꞌaniga naga ilago limila hite li hekelelata nehabe.
5 “Tudo que fazem é para se exibir. Usam nos braços filactérios mais largos que de costume e vestem mantos com franjas mais longas.
6 Mono nonugu enali Felosi bonaꞌmagi kefa hisa bati hinalo bona folaganugu mino saga hite nehago asaga bonaꞌmagi lenebe tigite lenigitini bona enubulo li saga hilata nehabe. To asaga bonaꞌi li gehesa hite noseꞌna nete minelata nehanagu ana hilata nehabe.
6 Gostam de sentar-se à cabeceira da mesa nos banquetes e de ocupar os lugares de honra nas sinagogas.
7 Enali bonaꞌmagi folagahaꞌanigu bite ho tite nehago asaga bonaꞌmagi enofokehi lite enugufaga soso hu epelelete Tisao lite ligiti halabe lite hilata nehabe.
7 Gostam de receber saudações respeitosas enquanto andam pelas praças e de ser chamados de ‘Rabi’.
8 Ya huꞌehina lenali kumuꞌi Tisao lite lenigi meheno. Moneko bo nohina aisigo tisa botini nohibe, ya huꞌehinagi lenali koguna ite minalo.
8 “Não deixem que pessoa alguma os chame de ‘Rabi’, pois vocês têm somente um mestre, e todos vocês são irmãos.
9 To ma melugu bo moneꞌmofihi afotifu yabe lite gi mehalo. Afotinifu monekoꞌisi aiꞌasigo kokulumalugu nohibe.
9 Não se dirijam a pessoa alguma aqui na terra como ‘Pai’, pois somente Deus no céu é seu Pai.
10 Enali lenikibina bonaꞌi yabe lite lenigi memeleno. Lenali kibina botini moneꞌisi nohina ai Mesia nohibe.
10 Não deixem que pessoa alguma os chame de ‘Mestre’, pois vocês têm somente um mestre, o Cristo.
11 Ya huꞌehina lenali folagahatiniguti kaba botini ai lenali koko panatini mineno.
11 O mais importante entre vocês deve ser servo dos outros,
12 To bo moneuba giꞌa li saga huloto hutu hata hilina ai giꞌa alihi melugu limo ilinaꞌmu yabe. Bo moneuba giꞌa li saga mehuse legeso huto minalina alihi sipi gihiti bo minalinaꞌmu yabe.
12 pois os que se exaltam serão humilhados, e os que se humilham serão exaltados.
13 Lenali kaga keheli bati hulata bo hiti to Felosi bo lenali, ehetinio, kaba hite mino sepa ite minalo. Lenali loe ka luse bo nehabe. Lenali boanaꞌmagihi enubulo kokulumamofihi kasihaꞌa li hekini lelata nehabe. Lenalitini ana kapoꞌalo metise nehite boanaꞌmagi tiluneꞌmu nehana ana kapo lenali li hokolo mehi epelelata nehabe.
13 “Que aflição os espera, mestres da lei e fariseus! Hipócritas! Fecham a porta do reino dos céus na cara das pessoas. Vocês mesmos não entram e não permitem que os outros entrem.
14 Lenali keya kaga keheli bati huse bo hiti to Felosi bo, ehetinio, lenali kaba hite minalo. Lenali loe lenabaga hiti bo yabe. Lenali keto anaꞌmagihi nohi feꞌnohaꞌani kaꞌi legelata bo yabe. To lenali yaꞌmana foipanatini yatama nunumu lilete ifi telata nehanabe. Lenali osahi lepilinaꞌa hofa talibe.
14 “Que aflição os espera, mestres da lei e fariseus! Hipócritas! Tomam posse dos bens das viúvas de maneira desonesta e, depois, para dar a impressão de piedade, fazem longas orações em público. Por causa disso, serão duramente castigados.
15 Keya kaga kehelise bo hiti Felosi bo, lenali ehetinio. Lenali loe kaga lulata bo lenabaga kaba hilo. Lenali koko boti lilune lite mone bo ai mono kagatimofihi megeꞌi malalibe lite hege nagami beletoga to hepato hepato sa sa hilata bo yabe. Ya hite, koko panatini leꞌmeletemo akuꞌi lenali logo kapolo lenalitini suhi lite leꞌmo melelata nehabe. Ya huꞌehina ai lenebege ligito babu luto foipanaꞌa nominabe.
15 “Que aflição os espera, mestres da lei e fariseus! Hipócritas! Atravessam terra e mar para converter alguém e depois o tornam um filho do inferno, duas vezes pior que vocês.
16 Lenali lenubutini pisi lina bomagita bonaꞌi kapo enelepilune lite nehafiye? Ehetinio, lenali kaba hu bati hilo. Lenali ma lite lilata nehabe: Bo moneuba Huꞌmamofihi mono nohaꞌa gi holoto lusiga luto ifogati yabe lilinaya faꞌmene yabe lilata nehabe. Ya huꞌehina bo moneuba fayahaꞌa lubo labo lina goli efapo gi holoto maꞌnaka luto ifogati Huꞌmamofihi nohaꞌa yabe lilina. Yalo ai ana luꞌehina kaꞌa megeꞌi moloto anana li huto hino.
16 “Que aflição os espera, guias cegos! Vocês dizem não haver importância se alguém jura ‘pelo templo de Deus’, mas se jurar ‘pelo ouro do templo’ será obrigado a cumprir o juramento.
17 Lenali lenubu pisi luto negi nagi bo. Henana ai sipina niꞌibe? Ai goli sipina niꞌifi to Huꞌmamofihi nohaꞌauba golimofihi leꞌmo lagaso nohibe?
17 Tolos cegos! O que é mais importante: o ouro ou o templo, que torna o ouro sagrado?
18 To lenali ma lite lilata nehabe: Bo moneuba Huꞌmamofihi emise nasana emilata nehana hita gi holoto ifogati maꞌnaka nolube nolina, ya bati huto yabe. Ya huꞌehina to emise nasana hitalo ninamofihi gi holoto maꞌnaka luto ifogati yabe lilina, yalo ai luꞌehina suhi lino.
18 Dizem também não haver importância se alguém jura ‘pelo altar’, mas se jurar ‘pelas ofertas sobre o altar’ será obrigado a cumprir o juramento.
19 Lenali lenubu pisi lina bo. Henana ai sipina niꞌibe? Ai emise nasana sipina to nasana hitauba emiseꞌnamofihi leꞌmo gi nobibe?
19 Cegos! O que é mais importante: a oferta sobre o altar ou o altar, que torna a oferta sagrada?
20 Ya huꞌehina to bouba ai Huꞌmamofihi emiseꞌna go emise hita gi holoto ifogati nolube lilina, ai asagaꞌna emiseꞌna hitalo ninana hiti to ana hitamofi hiti kagaꞌamofihi lu amuya nomalabe.
20 Quando juram ‘pelo altar’, juram por ele e por tudo que está sobre ele.
21 To bo moneuba Huꞌmamofihi mono nohaꞌa gi holoto maꞌnaka luto ifogati nolube lilina, ai Huꞌmamofihi sipi nohaꞌa hiti to Huꞌma ana nonuga nohibe luto kehelito kagaꞌamofihi lu amuya nomalabe.
21 Quando juram ‘pelo templo’, juram por ele e por Deus, que nele habita.
22 To bo moneuba kokulumaꞌi gi holoto maꞌnaka luto ifogati nolube nolina ai kefa hisa hiti to Huꞌma, anaga nomina bo hiti to bo ana kefa hisalo nohinaꞌmu luto kagaꞌa lu amuya nomalabe.
22 Quando juram ‘pelo céu’, juram pelo trono de Deus e por Deus, que se senta no trono.
23 Lenali keya kaga keheli bati huse bo hiti Felosi bo, ehetinio. Lenali loe kaga lilata bo lenabagatini kaba hu bati hilo. Asagaꞌna yuhufa foyagu niꞌinana guna ite nayahi luga luga su hago melelete nayahi su hanaꞌamofihi Huꞌmamofihi emilata nehabe. Ya hiꞌahana lenali asaga kaga nekisaꞌaga sipi loto ninamofihi heꞌmilata nehabe. Bonaꞌi eneleꞌmo bati huse kagafi, bonaꞌi hiti koguna ito minoseꞌnafi to komopatini monetoga molosemofihi kaga hapa heꞌmilata nehabe. Nayahi luga luga su hana batiꞌna ninaloti nesiꞌasi Huꞌmamofihi emise kaga meheꞌmilutaya ma sipina ninauba li yege halibe.
23 “Que aflição os espera, mestres da lei e fariseus! Hipócritas! Têm o cuidado de dar o dízimo da hortelã, do endro e do cominho, mas negligenciam os aspectos mais importantes da lei: justiça, misericórdia e fé. Sim, vocês deviam fazer essas coisas, mas sem descuidar das mais importantes.
24 Lenali lenubu pisi lina bo bonaꞌi kapo enelepiluneꞌmu nehafihe? Lenali guya noseꞌnagu umeꞌumeꞌi noagomo hesi neheꞌmite to kameli yaga noagomo lenali faꞌmene asagaꞌi mikili helata nehabe.
24 Guias cegos! Coam a água para não engolir um mosquito, mas engolem um camelo!
25 Keya kaga keheli bati hulata bo hiti to Felosi bo, lenali ehetinio. Lenali loe lenabaga hiti bo lenabaga kaba hilo. Lenali kohi to lapeꞌi gupisaꞌa loko sese hilata bo. Ya nehite guminanatini hiti to lenugufalo niꞌinanatu komopaꞌagu li bai telata nehabe.
25 “Que aflição os espera, mestres da lei e fariseus! Hipócritas! Têm o cuidado de limpar a parte exterior do copo e do prato, enquanto o interior está imundo, cheio de ganância e falta de domínio próprio.
26 Felosi bo lenali lenubutini pisi luꞌehina. Yataꞌa kohi komopaꞌa luga okala huto li gulu gulu luletogo alihi gupisaꞌaga hiti ana huto gulu gulu lilibe.
26 Fariseus cegos! Lavem primeiro o interior do copo e do prato, e o exterior também ficará limpo.
27 Keya kaga keheli bati huse bo hiti to Felosi bo, lenali ehetinio. Lenali loe lenabaga hiti bo kaba hu bati hilo. Lenali kene mala mala hepaꞌi koholi penituꞌi nefalanaꞌa hite nehabe. Fegutoga bu go bati huseꞌa ninaga to komopaꞌaluga filise bona felisaꞌanifi to asagaꞌna kolo tuba inana fato fatoꞌi babu luto bai toto minolata nohibe.
27 “Que aflição os espera, mestres da lei e fariseus! Hipócritas! São como túmulos pintados de branco: bonitos por fora, mas cheios de ossos e de toda espécie de impureza por dentro.
28 Lenali yaꞌma suhi lite nehabe. Bonaꞌmagi fegutoga lenugufa be gelete lenebebe sana bonaꞌi nehabe lite lilata nehabe. Ya hana komopatinigu faga faga lusemofihi to kaga li gofa hosemofihi fato fatoꞌi bai toto niꞌibe.
28 Por fora parecem justos, mas por dentro seu coração está cheio de hipocrisia e maldade.
29 Lenali keya kaga kehelise bo hiti to Felosi bo, lenali ehetinio. Lenali kaga loe lulata bo kaba hu bati hite minalo. Lenali kaga leliꞌali bomagihi kene mala mala nohaꞌani gi epelelata nehabe, to lenali bebe sana bomagihi kene mala malato lose tose kifiꞌna fato fatoꞌi hekelelata nehabe.
29 “Que aflição os espera, mestres da lei e fariseus! Hipócritas! Constroem túmulos para os profetas, enfeitam os monumentos dos justos
30 To lenali ma lite lilata nehabe: Koyapaꞌi tatatigi mineꞌahana kanagu lali minotitaya tatatigi eneheꞌmoto kaga lu yege hose bo meenohotitaꞌmu yabe.
30 e depois dizem: ‘Se tivéssemos vivido no tempo de nossos antepassados, não teríamos participado com eles do derramamento de sangue dos profetas’.
31 Yaꞌmana kagauba lenalitini lu kuguma nohibe, lenali kaga lu yege helata nehana bo enoho fililata nehana bonaꞌi ana nagaꞌmo lenaliya nehabe.
31 “Ao dizer isso, porém, testemunham contra si mesmos que são, de fato, descendentes dos que assassinaram os profetas.
32 Ya hite enali hapi fiꞌahago lenali kehelite enemegeꞌi melete ana suhi hime bilanaꞌmu yabe.
32 Vão e terminem o que seus antepassados começaram.
33 Lenali osifaꞌi yabe. Lenali foipa osifaꞌmofihi yagapanaꞌa yabe. Huꞌma ka foyagu leneleꞌmo malalinauba logo kapogu lenoho lifilinaꞌmu yabe. Hena hite lenali koli felenogo Huꞌmamofihi ka foyauba lenugufalo melilina niꞌibe? Lenali koli mehilanaꞌa huto niꞌibe luto Yesu luꞌehina yabe.
33 Serpentes! Raça de víboras! Como escaparão do julgamento do inferno?
34 Ya huꞌehinagi lenali kehelilo. Nani kaga lu yege hose bo lugaꞌa hiti, to latahaꞌanigu kaga bati huto niꞌilina bo hiti to mono ka keheli bati hiꞌahana bonaꞌi hiti lenalitoga enoho lifinogoꞌni bilanaꞌmu yabe. Enali folagahaꞌaniguti lugaꞌa enoho fililabe, to lugaꞌa malipu yafalo enahalabe, to lugaꞌa mono nohatinigu nehinogo naga osatuꞌi enibi yigilanaꞌmu yabe. To lenali mone hepatoti eneleꞌmo heꞌminogo fato hepalugu netinogo enegene mane ite eneleꞌmo fato hepato malalanaꞌmu yabe.
34 “Por isso eu lhes envio profetas, homens sábios e mestres da lei. Vocês crucificarão alguns e açoitarão outros nas sinagogas, perseguindo-os de cidade em cidade.
35 To enali komopaꞌani bati huꞌehina bonaꞌi melugu nehago lugaꞌa bonaꞌmagi enoho filiꞌahana, enali asaga yaꞌmana bonaꞌmagihi gumiꞌani lenali lenugufalo pa salinaꞌmu yabe. Bati bo Ebeli ai filiꞌehina, ya hulago analoti oto Sekalaiya ai Belakaiyahi panaꞌa, aiꞌi lenali mono nohi folagahaꞌagu ho filiꞌahana. Asaga yaꞌma bomagihi gumiꞌani lenalito oto pa salinaꞌmu yabe.
35 Como resultado, serão responsabilizados pelo assassinato de todos os justos de todos os tempos, desde o assassinato do justo Abel até o de Zacarias, filho de Baraquias, que vocês mataram no templo, entre o santuário e o altar.
36 Nani maꞌnaka luto lu nolepube. Asaga yaꞌmana gumiꞌanimofihi foipa minaꞌauba yatai ma nehana boanaꞌi enali enugufalo huto hilinaꞌmu yabe, luto Yesu lu epiꞌehina yabe.
36 Eu lhes digo a verdade: esse julgamento cairá sobre a presente geração.”
37 Hege, Yelusale bonaꞌise. Kaga lu yege hose bo kai enoho fililata hane, to Huꞌma liliꞌnalo bo kai kumu luto enoho lifigo limina kai efa kosatu enoho nofiline. Babu yupahi yagapanaka nani eneleꞌmo nupa hilubeꞌmu hulata nohube. To nala kokoleuba yagapanaꞌa koketapaꞌaluga eneleꞌmo nupa nohina suhi luto leneleꞌmo nupa hilubeꞌmu nohunamo lenali melepesibe.
37 “Jerusalém, Jerusalém, cidade que mata profetas e apedreja os mensageiros de Deus! Quantas vezes eu quis juntar seus filhos como a galinha protege os pintinhos sob as asas, mas você não deixou.
38 Lenali kehelilo, yatai hepatini faꞌmene hepaꞌi yafaꞌa minalinaꞌmu yabe.
38 E, agora, sua casa foi abandonada e está deserta.
39 Nani yaꞌma kaga luto lu nolepunaya, lenali aku akuꞌi nani bu menegese mineme bite alihi yupahaꞌa ma lite lilana yupahi yabe, Sipi Bomofihi giꞌalo oꞌehina bo ai Huꞌmau be tigilibe luto lu emilibe.
39 Pois eu lhe digo: você nunca mais me verá, até que diga: ‘Bendito é o que vem em nome do Senhor!’”.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Mateus 23, comparar traduções ou montar um estudo — tudo direto pelo WhatsApp.