1 Timóteo 2
Autaahaatɨhomɨ Pɨwɨha Gaaha Wanɨha (AGM) vs NVT
1 Pɨwɨha kɨma watɨpɨha sahɨ baiwɨ atiwɨ gwɨnyaapɨ kaitaatɨwɨha kasatɨtandiyonɨ atiwɨse. Sahɨ Autaahaatɨhopɨ isɨhiya yapɨpatɨ nahatewaara nahatiyaapɨ gaapɨwundɨwɨse. Aiwɨ wapa sawanaatangi jatatamanɨtandɨ gwɨnyaawaahapaapɨ Autaahaatɨhoai nunjepɨ kaundɨwɨse. Aiwɨ amɨ isɨhiya usaisɨ wapa iwɨtatamanɨtandɨ sahɨ gwɨnyaawaahapaapɨ Autaahaatɨhoai nunjepɨ kaundɨwɨse. Aiwɨ sahɨ sangi wapa jatatamanɨtandɨhaiwa nasamiwaiwaapɨ Autaahaatɨhoai gaare undɨwɨse.
1 Em primeiro lugar, recomendo que sejam feitas petições, orações, intercessões e ações de graça em favor de todos,
2 Aiwɨ sahɨ Autaahaatɨhopɨ isɨhiya awaisawɨhiya mɨtɨhiya jɨhiyaapunɨ amɨ awaisawɨhiya nahatiyaapɨ gaare undɨwɨ gaapundɨwɨse. Kiya nyangi baiwɨ nyainjaawɨ binyaihɨ nyahɨ bɨpi napaisaatɨ bindahaawɨ amɨ Autaahaatɨhopɨ biyaatɨ gɨwunyaawaatɨ tɨtɨhɨ gaahiyaanɨnɨ bitotahaawɨ komɨhaiwaapaahaitɨhaawo.
2 em favor dos reis e de todos que exercem autoridade, para que tenhamos uma vida pacífica e tranquila, caracterizada por devoção e dignidade.
3 Amɨ sandɨ nyahɨ siyaatɨ kaitɨhaawɨ Autaahaatɨho nyangi japɨhɨ nanyamaasɨho maaritataise.
3 Isso é bom e agrada a Deus, nosso Salvador,
4 Iyataatɨ nyahɨ isɨhiya nahatiyaapɨ gaapɨwundaatɨ amɨ tɨtɨhɨ gaahiyaanɨnɨ bitohonɨhɨ Autaahaatɨho nyangi japɨhɨ nanyamaasɨho mmonataatɨ sandapɨ maaritataise. Amɨ ko isɨhiya nahatiyaisɨ japɨhɨ numwaahonɨhɨ noaipapɨ komɨhiyaimatɨwɨ komɨ pɨwɨha akaaha nahata mmowɨ nusesɨpatɨtandɨ maaritatɨ gwɨnyaahoso.
4 cujo desejo é que todos sejam salvos e conheçam a verdade.
5 Iyataatɨ Autaahaatɨho nehɨ naasohɨhɨ bindataise. Iyataatɨ amɨ utaaho isɨhiya Autaahaatɨhoaisawɨ japɨhɨ pɨwanɨwɨ naisɨhiyaimatɨtaatɨwɨhɨra daihɨra daahɨwatɨ otɨhapɨhɨ naasohɨhɨ bitondaise. So utaaso Kɨraisɨ Jisaasihore.
5 Pois: Há um só Deus e um só Mediador entre Deus e a humanidade: o homem Cristo Jesus.
6 Autaahaatɨho isɨhiyaisɨ maipɨhaiwaatɨhapɨ japɨhɨ numwaatɨ sawahoaisawɨ tɨmaamaitɨtaatɨwɨhandapɨ gwɨnyaataatɨ sura kaitando tatɨ katatɨ tɨmanatɨ ahaisɨha asisɨha noaipasɨhɨ kura Jisaasiho komɨ ambɨpatɨ gaahatɨ maipɨhandaahɨhɨ nesi nandaatɨ sawahomɨ ambɨpatɨ kataahɨ isɨhiyaisɨ maipɨhaiwaatɨhapɨ japɨhɨ nuwatɨ numwaataise. Jisaasiho sandɨ kaindɨmandaahɨ Autaahaatɨho isɨhiya nahatiyaisɨ japɨhɨ numwaitandiyo nyatatɨ nyangisɨ netɨ nanyisataise.
6 Ele deu sua vida para comprar a liberdade de todos. Essa é a mensagem que foi entregue ao mundo no momento oportuno.
7 Maipɨhandaatɨhɨ Jisaasiho komɨ ambɨpatɨ namatɨ isɨhiyaisɨ japɨhɨ numwaasɨtɨndapɨ pɨwɨha ausaatɨ isɨhiyaisɨ kaundɨtandɨ Autaahaatɨho ahɨnihɨ nɨnɨ aposerɨhonɨnimatataayo. Sa pɨwɨha nɨnɨ akɨtɨ kandaato. Nɨnɨ wɨndɨ jaipɨndaamaato. Owetise. Isɨhiya Judaahiyaanamɨ dawaataatɨ bimohiyɨhiyaisɨ komɨ pɨwɨha akaaha nahata ausaatɨ kandunjisanɨhɨ noaipapɨ Autaahaatɨhopɨ gɨwunyaitaatɨwɨ Autaahaatɨho komɨ otɨpɨpatɨ pɨwɨha naninyatɨ ahɨnihɨhonɨne.
7 E eu fui escolhido como pregador e apóstolo para ensinar aos gentios essa mensagem a respeito da fé e da verdade. Não estou mentindo; digo a verdade.
8 Iyataatɨ sahɨ usɨhiyaatɨ tɨtɨhɨ gaahiyaatɨ saasanotahiyaatɨ samɨ ikwɨrɨ naimaapɨ samɨ aposatɨ itɨhɨtohɨwaiwa namapɨ Autaahaatɨhopɨ gaapundɨwɨse. Sandɨ usɨhiya yapɨhɨ nahatewaara saiwɨ kaitaatɨwɨ nɨnɨ maaritɨtɨ gwɨnyaataatɨ sangisɨ kasatataato.
8 Quero, portanto, que em todo lugar de culto os homens orem com mãos santas levantadas, livres de ira e de controvérsias.
9 Iyataatɨ amɨ nɨnɨ asɨhiya kiyaamɨ apotɨhɨrɨ yutɨhɨrɨ konaarapɨho yundanyaaha niyopɨ namaasatɨwɨ naahɨpɨwɨ niwɨ yundanyaayohɨpɨpa yatɨhɨ ipatisanɨwɨ baiwɨ mmotɨnɨwɨ kaiwɨse ndɨ nisɨ maarɨho gwɨnyaahohɨtɨhandɨ ausaatɨ kandaato. Iyawaawɨ kiya genanɨwɨ isɨhiya usaisɨ nyahɨ setahiyaanɨne tɨwɨ kiyaamɨ ambɨpatɨ nunjaanɨwɨ kahapaamapɨpa apɨpaahɨ gaahaiwa wɨndɨ yundanyaamaiwɨse.
9 Da mesma forma, quero que as mulheres tenham discrição em sua aparência. Que usem roupas decentes e apropriadas, sem chamar a atenção pela maneira como arrumam o cabelo ou por usarem ouro, pérolas ou roupas caras.
10 Iyawaawɨ asɨhiya Autaahaatɨhopɨ baiwɨ gɨwunyaahohiyɨhiya kiyohɨrɨhɨretɨ asɨhiya baiwɨ japepihɨrɨwɨ kahapaamapɨpa gaahaiwa kaiwɨ yundanyɨhaamataiwɨ nepɨ yundanyaiwɨ isɨhiyaisɨ nunjawɨse. Saiwɨ kaiwɨ saiwa asɨhiya baiwɨ isɨwatawaawɨ isɨhiya Autaahaatɨhopɨ gɨwunyaahohiyɨhiya koaisɨ mepɨ autaahemwapɨ pɨwaundɨtaatɨwɨ ahoyainjaihɨhapɨhɨ kiya napaitɨwɨ kaitaatɨwe.
10 Pois as mulheres que afirmam ser devotas a Deus devem se embelezar com as boas obras que praticam.
11 Iyawaawɨ sapɨhɨ asɨhiya kiyaamɨ maahomwaaŋɨ wɨndɨ namusaapɨ yatɨhɨ ipatisanɨwɨ Autaahaatɨhomɨ isɨhiyaamɨ mɨtɨhiyaamɨ otɨtɨhɨ pɨnuwɨ bindawaawɨ pɨwɨha atiwɨ mmonɨwɨ nepɨse.
11 As mulheres devem aprender em silêncio e com toda submissão.
12 Iyataatɨ amɨ Autaahaatɨhoai mepɨ autaahemwapɨ pɨwaundɨtaatɨwɨ isɨhiya ahoyainjaihɨhapɨhɨ asɨhiya usɨhiyaisɨ yatɨhɨ otɨtɨhemapɨ wɨndɨ isɨhiyaisɨ Autaahaatɨhomɨ pɨwɨha katɨwɨmunjawɨse ndɨ nɨnɨ itɨhɨndɨ owe ndaato.
12 Não permito que as mulheres ensinem aos homens, nem que tenham autoridade sobre eles. Antes, devem ouvir em silêncio.
13 Sandɨ apaapɨmaato, Autaahaatɨho Adaamɨhoaisɨ jɨhɨ kiyatɨ ahɨwihɨ nehɨ sawahohɨhɨ bɨsotɨmɨ naihɨ namatɨ Autaahaatɨho Ewaahaatisɨ Adaamɨhomɨ ambɨpatetapɨ netɨ kiyatɨ ahɨwisataise.
13 Porque primeiro Deus fez Adão e, depois, Eva.
14 Iyataatɨ amɨ Bwaasɨrɨhɨramɨ pɨwɨha jaipɨpa Adaamɨho wɨndɨ atisa namese. Owetise. Ewaahaatɨ apopaatɨhɨhɨ pɨwɨha jaipɨpa atisatɨ netaatɨ kandaahɨ Autaahaatɨhomɨ pɨwɨha wɨnɨhapɨpa wapa netɨ nopɨsasatɨ maipɨhandaatɨhɨ nandaatɨ tɨmahaise. Siyatɨ apopaatɨhɨhɨ Adaamɨhomɨ ambɨpatetapɨ noaipatɨ amɨ kaatɨhɨhɨ jaipɨpa atisatɨ netɨ tɨmahaindɨhandapɨsato.
14 E não foi Adão o enganado. A mulher é que foi enganada, e o resultado foi o pecado.
15 Ewaahaatɨ maipɨhandaatɨhɨ tɨmahaindɨhandaahɨ asɨhiya nahatiyaisɨ kiyaamɨ ambɨpatɨ yaawɨhandɨ maaha namoyaitaatɨwɨhandɨ Autaahaatɨho numwihɨ kiya apɨpaahɨ mɨmaipaiwusaasanohiyɨhiyaamatetawaayopo. Asɨhiya setawaahandɨ kandɨ kiya maaha namoyaapɨ manyinyai yamanawaawɨ Jisaasihopɨ gɨwunyaapɨ amɨ maarɨho nunyawɨ namɨndaatɨwɨhandɨ nepɨ isɨpɨ tɨtɨhɨ saasanotahiya daiwɨ yatɨhɨ ipatisanɨwɨ napaisaatɨ bindawaawaahɨ kiyaisɨ Autaahaatɨho apɨpaahɨ kiyaisɨnɨhɨ numwaitaise.
15 Mas as mulheres serão salvas dando à luz filhos, desde que continuem a viver na fé, no amor e na santidade, com discrição.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 1 Timóteo 2, comparar traduções ou montar um estudo — tudo direto pelo WhatsApp.