1 João 4
De riidz ni trat cub nu bicy nu Ñgyoozh mbecy: Salmos; Proverbios (ZPZNTPP) vs NTLH
1 De ru bicy na nu dzi rca̱, cueꞌ cheña lagy der ni de mbecy ornu ricy dey nu rniiy por cuen ni Ñgyoozh, sinu bicy der preb dey ben a laab Espiriit Yon ni Ñgyoozh rcyiiñ mi nañ lardoo dey, uti walab. Gun gyishlombecy ii bzu laa mbecy rguu nu ricy nu rnii por cuen ni Ñgyoozh.
1 Meus queridos amigos, não acreditem em todos os que dizem que têm o Espírito de Deus. Ponham à prova essas pessoas para saber se o espírito que elas têm vem mesmo de Deus; pois muitos falsos profetas já se espalharam por toda parte.
2 Nii tub mod nu gac gad lagy der nu ca na mbecy nu ricy cup Espiriit Yon ni Ñgyoozh nañ lardoo: dela mbecy nu driib cuen nu Jesucrisht biid mi gyishlombecy byac mi mbecy nu rishli, orzeꞌ dela de yu zeꞌ ricy cup yu Espiriit Yon ni Ñgyoozh.
2 É assim que vocês poderão saber se, de fato, o espírito é de Deus: quem afirma que Jesus Cristo veio como um ser humano tem o Espírito que vem de Deus.
3 Zeꞌ de mbecy nu wagriib cuen de coz zeꞌ, de yu zeꞌ a̱ꞌ ricy cup dey Espiriit Yon ni Ñgyoozh, sinu de yu zeꞌ ricy cup dey tub espiriit nu za contr ni Crisht. De ru bi reñ der nu bi ca lo cuen nu cyid espiriit a̱ꞌ nap zeꞌ. Nunu mas na la bi rded espiriit zeꞌ gyishlombecy ii.
3 Mas quem nega isso a respeito de Jesus não tem o Espírito de Deus; o que ele tem é o espírito do Inimigo de Cristo . Vocês ouviram dizer que esse espírito viria, e agora ele já está no mundo.
4 De ru yu feñ ne̱, de ru bi nac der ni Ñgyoozh. Nunu de ru bi bicy der gan de mbecy rguu zeꞌ. Gun biñ nu rcyiiñ nañ lardoo der, mi zeꞌ fert zir mi gazeꞌ nuras nu riib ic nañ lardoo de mbecy ni gyishlombecy ii.
4 Meus filhinhos , vocês são de Deus e têm derrotado os falsos profetas. Porque o Espírito que está em vocês é mais forte do que o espírito que está naqueles que pertencem ao mundo.
5 De mbecy rguu zeꞌ nac dey ni gyishlombecy ii. Ndeꞌ nu rnii dey de riidz nu druu gyishlombecy ii. Nunu dela de mbecy nu yuꞌ gyishlombecy ii rzuub gyidag dey de riidz zeꞌ.
5 Eles falam das coisas do mundo, e o mundo os ouve porque eles pertencem ao mundo.
6 Zeꞌ de ub na nac naa mbecy ni Ñgyoozh. Orzeꞌ de mbecy nu bi yuꞌ lo Ñgyoozh rzuub gyidag dey de riidz nu rniin. Tees de mbecy nu walab mbecy ni Ñgyoozh, de yu zeꞌ wacsuub gyidag yu ni de riidz nu rniin. Orzeꞌ nu nac de nu ndeꞌ rad lagy den ca na mbecy nu ricy cup Espiriit Yon ni Ñgyoozh, biñ nu rnii de coz rishli, nunu rad lagy den ca na de mbecy nu ricy cup nuras nu rguu.
6 Mas nós somos de Deus. Quem conhece a Deus nos ouve, mas quem não pertence a Deus não nos ouve. É desse modo, então, que podemos saber a diferença que existe entre o Espírito da verdade e o espírito do erro.
7 De ru bicy na nu dzi rca̱, rlagy ñi nu ca tub ca tub ziꞌl den losaꞌn. Gun nu caan losaꞌn, ndeꞌ coz nu bruu lo Ñgyoozh. Dela mbecy nu rca losaꞌ nac yu iꞌñ Ñgyoozh, nunu bi yuꞌ loy mi.
7 Queridos amigos, amemos uns aos outros porque o amor vem de Deus. Quem ama é filho de Deus e conhece a Deus.
8 Zeꞌ de mbecy nu waca losaꞌ, de yu zeꞌ a̱ꞌ yuꞌ loy Ñgyoozh, gun Ñgyoozh nac mi biñ nu rca mbecy.
8 Quem não ama não o conhece, pois Deus é amor.
9 Ñgyoozh briic mi nu gad lagy den nu rcam de ub na nu nac nu bzuu nez mi Iꞌñ mi nu tub zi la zu nim nu biid mi gyishlombecy ii, gun orzeꞌ gad nu cui mbañ den nu nac Iꞌñ mi zeꞌ.
9 Foi assim que Deus mostrou o seu amor por nós: ele mandou o seu único Filho ao mundo para que pudéssemos ter vida por meio dele.
10 I mod rshaal ñi lac mod rca Ñgyoozh de ub na: walab ti de ub na pcaan mi, sinu mi zeꞌ pcam de ub na. Ndeꞌ nu gashtal bzuu nez mi Iꞌñ mi nu biid mi gyishlombecy par nu gac mi gun, gun orzeꞌ Ñgyoozh gyicy sulagy mi cyi den.
10 E o amor é isto: não fomos nós que amamos a Deus, mas foi ele que nos amou e mandou o seu Filho para que, por meio dele, os nossos pecados fossem perdoados.
11 De ru bicy na nu dzi rca̱, zeꞌ benu ni mod rca Ñgyoozh de ub na, orzeꞌ niꞌ ziꞌl de ub na ca tub ca tub ziꞌl den losaꞌn.
11 Amigos, se foi assim que Deus nos amou, então nós devemos nos amar uns aos outros.
12 Gun ni tub la mbecy nigul zac yu Ñgyoozh. Tees benu ca tub ca tub ziꞌl den losaꞌn, orzeꞌ Ñgyoozh nac num de ub na, nunu rabee de coz nu ricy mi nañ lardoo den nu nac nu rcam de ub na.
12 Nunca ninguém viu Deus. Se nos amamos uns aos outros, Deus vive unido conosco, e o seu amor enche completamente o nosso coração.
13 Yuꞌ tub mod par nu gad lagy den nu nac dun Ñgyoozh nunu Ñgyoozh nac num de ub na. Rad lagy der de ndeꞌ nu nac nu briic mi Espiriit Yon nim ni den.
13 A razão por que podemos ter a certeza de que vivemos unidos com Deus e de que ele vive unido conosco é esta: ele nos deu o seu Espírito.
14 Nunu de̱ ya̱ laa bzaac de̱ nu Ñgyoozh Uz na bzeed mi Iꞌñ mi biid mi par nu co mbañ mi de mbecy nu yuꞌ gyishlombecy ii. De ndeꞌ riidz nu rshaal den.
14 E nós vimos e anunciamos aos outros que o Pai enviou o Filho para ser o Salvador do mundo.
15 Orzeꞌ cyu ziꞌl mbecy nu driib cuen yu nu Jesuuz nac mi Iꞌñ Ñgyoozh, orzeꞌ Ñgyoozh nac num yu, nunu yu zeꞌ nac nuy mi.
15 Todo aquele que afirma que Jesus é o Filho de Deus, Deus vive unido com ele, e ele vive unido com Deus.
16 Ni mod gud lagy na nu Ñgyoozh rcam de ub na nunu guña lagy na niñ. Ñgyoozh nac mi biñ nu rca mbecy. Ndeꞌ nu de mbecy nu zaab rca la losaꞌ, de yu zeꞌ nac nu dey Ñgyoozh, nunu Ñgyoozh nac num dey.
16 E nós mesmos conhecemos o amor que Deus tem por nós e cremos nesse amor. Deus é amor. Aquele que vive no amor vive unido com Deus, e Deus vive unido com ele.
17 Orzeꞌ ni mod gyac den mbecy nu ca zaꞌ la Ñgyoozh, gun orzeꞌ ornu shuub dzi nu gri beem ni de mbecy ni gyishlombecy, orzeꞌ de ub na wadzibaꞌn, gun de ub na rded na gyishlombecy ii gal mod nu gusa Jesucrisht.
17 Assim o amor em nós é totalmente verdadeiro para que tenhamos coragem no Dia do Juízo, porque a nossa vida neste mundo é como a vida de Cristo.
18 Gun de mbecy nu rca de ub na, de yu zeꞌ wadzib na loy. Ndeꞌ nu, como Ñgyoozh tonaꞌ rcam de ub na, orzeꞌ sacaꞌ la mod nu dzib den lom. Gun dzib den nu nac cashtig. Ndeꞌ nu benu ca na mbecy rdzib yu, orzeꞌ ndeꞌ gun wacabee riiñ nu bicy Ñgyoozh nañ lardooy nu nac nu rcam yu.
18 No amor não há medo; o amor que é totalmente verdadeiro afasta o medo. Portanto, aquele que sente medo não tem no seu coração o amor totalmente verdadeiro, porque o medo mostra que existe castigo.
19 De ub na rcaan mi, gun mi zeꞌ pcam de ub na nu loga la.
19 Nós amamos porque Deus nos amou primeiro.
20 Benu ca na tub mbecy rniiy: “Ya̱ rca̱ Ñgyoozh”, rniiy, zeꞌ laab tiem zeꞌ rzi lagy yu lo losaꞌy, orzeꞌ yu zeꞌ nac yu tub mbecy rguu. Gun benu ca na tub mbecy wacay losaꞌy, tub mbecy nu rzac yu, zeꞌ yegar nu caa gaꞌy Ñgyoozh, biñ nu wagac zac yu.
20 Se alguém diz: “Eu amo a Deus”, mas odeia o seu irmão, é mentiroso. Pois ninguém pode amar a Deus, a quem não vê, se não amar o seu irmão, a quem vê.
21 Jesucrisht mniim lo den nu gyicy na de coz ii: mbecy nu rca Ñgyoozh, yu zeꞌ niꞌ ziꞌl rcay losaꞌy.
21 O mandamento que Cristo nos deu é este: quem ama a Deus, que ame também o seu irmão.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 1 João 4, comparar traduções ou montar um estudo — tudo direto pelo WhatsApp.