1 Bze̱ naga chi'a, Xran.
2 Be̱nna lataj xelá'a lau' chee̱ guchi'u chia',
3 Lue' dxenná' xánniu' xichaj lázrdawa'
4 Dxuzúa' dizra' ca naca da dxennáu',
5 Bxue neda' lu neza chawe' chiu',
6 Dxuláwizra' Lue', Dios, lawe' da dxennu' chi'a.
7 Ble'e ca dxexache lázrele̱'u bénneache.
8 Bxue neda' ca dxun benne' dxuxúe̱' xiaj lawe̱'.
9 chee̱ quebe bi xelún chia' benne' ca' dxelune̱' da cale̱la,
10 Quebe dxelexache lazre̱' le sa' ljwezre̱',
11 Gátete̱ze dxedá' dxeléchaje̱' neda'.
12 Zaj naque̱' ca tu be̱zre xíxre'dau' dxaca lázreba' bi gáguba'.
13 Gudá, Xran, gudábaga' benne' ca' dxelune̱' da cale̱la,
14 Bselá neda' lu na' benne' ca' nen ni'a ná'quezu', Xran.
15 Le'eda' neda' lau Lue' lawe' da naca' xrlátaje.