1 ¡Guliʼgul-la queëʼ Xanruʼ tu le cubi!
2 ¡Guliʼgul-la queëʼ Xanruʼ! ¡Guliʼgún zxön lëʼ!
3 Buliʼsiyö́n bönachi yúguʼtë yödzö yöl-laʼ ba queëʼ.
4 Zxö́ntërö náquiëʼ Xanruʼ, ateʼ rundaʼ bayúdx cúʼuruʼ-nëʼ yöl-laʼ ba.
5 Yuguʼ dios quégaca bönachi izáʼa nácagacasö budóʼ guiö́j budóʼ yaga,
6 Nacuáʼ yöl-laʼ beníʼ, en yöl-laʼ ba lahuëʼ Lëʼ.
7 ¡Guliʼcuʼë Xanruʼ yöl-laʼ ba, bönachi yúguʼtë yödzö!
8 ¡Guliʼcuʼë Xanruʼ yöl-laʼ ba niʼa que Lëʼ!
9 ¡Guliʼgún Lëʼ zxön, náculiʼ le naca baʼa!
10 Guliʼnná lógaca bönachi yúguʼtë yödzö: “Rinná bëʼë Xanruʼ.
11 Ral-laʼ udzeja lúzxiba, en uluʼzíʼ xibé luyú.
12 Ral-laʼ udzeja guixiʼ caz, en yúguʼtë le nacuáʼ laʼ guixiʼ.
13 lahuëʼ Xanruʼ, tuʼ siʼ ulë́ʼ.