2 Timóteo 3
Umbu-Ungu No Penge NT (UBU_NOP) vs NAA
1 ⸤Kanu yema Setene munduku kelko altoko umbu konopu pepili molongenje⸥* nakolo ⸤kinié umbuni wendo olemomando⸥ nu i ungumu paa pilku molani: Walema pora nimbé temba kinie** ulu umbuni aisili wendo ombá.***
1 Mas você precisa saber disto: nos últimos dias sobrevirão tempos difíceis.
2 Kanu walemanga yambomane kou mone kinie ene eneno mindi konopu monjiku; enenga imbime ambolko ola liku kara puku; we yamboma marake teko iri toko; anupili lapalinge unguma liku ai naa siku, ⸤ulu peangamanga⸥ “Ange.” naa ningu; ‘ulu kake telime pilipu teamili.’ naa ningu;
2 Pois os seres humanos serão egoístas, avarentos, orgulhosos, arrogantes, blasfemadores, desobedientes aos pais, ingratos, ímpios,
3 yamboma kinie kondo naa kolko; yambomane ene teko kenjingí kinie siye naa kolko; ungu bulkundu ninjiku; enenga kangi nokoko naa konjikulie, we waka lemo uluma pilku, umbu konopu naa pepili konopuni ulu kerime mindi pilku teko; owa takarama konopu naa pelemo kinie teko kenjilimele mele enene yamboma aku siku teko kenjiku; ulu peangama kinie opa tou molko;
3 sem afeição natural, implacáveis, caluniadores, sem domínio de si, cruéis, inimigos do bem,
4 enene enenga angenupili yamboma ‘molko kenjengi!’ ningu enenga opa touma kondi toko; ulu mare tengendo ‘I ulumu tembo kinie tepo kenjimbunje.’ molo ‘I ulumu tembo kinie yambo te umbuni simbunje.’ ningu naa pilku sumbi siku walu we teko, ene eneno konopuni pilkulie ‘Olio ye imbi ola molemo yamboma.’ ningu pilku; enenga kangikundu konopu singí uluma konopu monjiku Pulu Yemone nilimo mele pilku tengendo konopu naa monjiku;
4 traidores, atrevidos, convencidos, mais amigos dos prazeres do que amigos de Deus,
5 Pulu Yemonga uluma kangikundu mindi ⸤kolo toko⸥ tenge, konopuna sukundu ‘Pulu Yemonga tondolomone olio lipe naa taponjipili olio oliolio manda telemolo.’ ningu aku siku telemele. Aku siku teko molemele yema kinie teluna kongono teko naa molko enenga unguma naa pilku bulu sieni.*
5 tendo forma de piedade, mas negando o poder dela. Fique longe também destes.
6 Kanu yemanga marene ‘Ambo mare olionga unguma piliengi kondi tamili.’ ningu puku mane singíndu yambomanga ulke marenga taka lelko sukundu pukulie ningímuni, aku ulkemanga molemele ambo mare ⸤Pulu Yemonga⸥ unguma mimi siku naa pilku, konopuni pilkulie ‘Ulu pulu kerime tepo ambo kerime molemolo.’ ningu pilku, enenga konopu mimi sipe naa pelemo kinie ulu lupe lupema tengendo konopu siku walu teko, yemane pali mane silimele unguma alieli komuni pilimele nakolo ungu sikema mindi mimi siku naa pilku limele ambo kanuma kondi tonge kinie kanu amboma enenga ungu ⸤kolo toli⸥ me pilku lingí.
6 Pois entre estes se encontram os que se infiltram nas casas e conseguem cativar mulheres tolas, sobrecarregadas de pecados, que são levadas por todo tipo de desejos,
7 — ausente —
7 que estão sempre aprendendo e nunca conseguem chegar ao conhecimento da verdade.
8 Ou ye Janesi kinie Jambirisitolone ‘Mosisinge ungu nikimuma kolo tokomo. Isipi ye nomi kingimu naa pilipili.’ ningulu Mosisinge unguma kinie opa tou moloringili mele* teko kenjilimele ye kinié nikirumane kepe aku siku ‘yamboma ungu sikema naa piliengi!’ ningu ene ungu sikema kinie opa tou molemele. Ene konopu paa kerime pepili molkolie konopuna kolo toli unguma mindi pilku, ungu sikema mane singí ulu pulu te naa pepili molemelemonga enenga tondolo munduku pilimele ulumu paa lupe.
8 E do mesmo modo que Janes e Jambres resistiram a Moisés, também estes resistem à verdade. São homens que têm a mente totalmente corrompida, reprovados quanto à fé.
9 Nakolo ungu sikema kinie opa tou molemele yemane tenge mele yambomane pali kanokolie ningímuni, kanu yema kekelepa mele toko tenge mele sumbi siku kanongemonga ene teko kenjilimele mele tondolo aili tepa olandopa naa pumbe. Ou ye ⸤Janesi kinie Jambirisi⸥ tolone teringili mele tondolo naa purumu mele aku sipe mele temba.
9 Mas esses não irão longe, porque a insensatez deles ficará evidente a todos, como também aconteceu com a insensatez de Janes e Jambres.
10 ⸤Enene aku telemele tenge⸥ nakolo ⸤Timoti⸥ nu ⸤na ulu lupe lupe peangama telio mele⸥ pilku moleno. Nane yambo ungu mane sirindu mele kinie, nanu uluma tepo molorundu mele kinie, na ulu terindumanga pulumu kinie, Kirasi ‘Sike’ nimbu tondolo mundupu pilirindu mele kinie, yamboma kinie kara naa pupu andiki tepo taka lepo molorundu mele kinie, yamboma konopu monjirindu mele kinie, yambomane na teko kenjiku mindili siringi kinie kongonoma mundupu naa kelepo tondolo mundupu terindu mele kinie, nu pilino.
10 Mas você tem seguido de perto o meu ensino, a minha conduta, o meu propósito, a minha fé, a minha paciência, o meu amor, a minha perseverança,
11 Na kolea Andiyoko kinie Akoniamo kinie LLisira kinie ⸤aku taonomanga andopo Pulu Yemonga kongonomo tenjipu molorundu kinie⸥ na teko kenjiku mindili siku umbuni aisili siringi merindu mele nu pilino. Aku siku umbuni keri aisili siringi paa mindili norundu kanumu.* Nakolo Ailimuni** ‘Na isili ou naa kolambo.’ nimbe na lipe taponjirimu kinie kapola molorundu.
11 as minhas perseguições e os meus sofrimentos, os quais tive de enfrentar em Antioquia, Icônio e Listra. Quantas perseguições sofri! Porém o Senhor me livrou de todas elas.
12 Ungu te paa sike pelemo akumu i sipe: Kirasi Yesusi kinie pea tapu toko molkolie ‘Pulu Yemone kanopa peanga kanolemo uluma manjipu tepo molamili.’ ningu aku siku teko molonge yamboma pali we yambomane teko kenjiku mindili singí;
12 Na verdade, todos os que querem viver piedosamente em Cristo Jesus serão perseguidos.
13 nakolo teko kenjiku, kolo toko ‘Ungu sikema nikimulu.’ ningu mane singí yema olandopa olandopa teko kenjiku molko kenjingí. Enene yamboma anju kolo toko mane singí kinie kanu ungumane topele topa ene kondi tombala, kanu kinie ene eneno kanu ungu koloma ‘Ungu sikema.’ ningu pilingíla.
13 Mas os perversos e impostores irão de mal a pior, enganando e sendo enganados.
14 Nakolo ⸤Timoti⸥ nu ungu sikema pilku likulie ‘Akumu paa sike.’ ningu tondolo munduku pilirinu unguma ⸤Kirasinge yambo peangamane⸥ nu kanu unguma mane siringi kene pilkulie ‘aku unguma ungu sikema.’ ningu pilku tondolo munduku pilino mele kamu mimi siku pilku konjiku molani.
14 Quanto a você, permaneça naquilo que aprendeu e em que acredita firmemente, sabendo de quem você o aprendeu
15 Pulu Yemonga bokuna ungu molemomane Kirasi Yesusi ‘Sike.’ ningu tondolo munduku pilimele* yamboma Pulu Yemone lipe taponjipe mindili nolemelka aulkena wendo lipe yu kinie molko konjingí aulkena lipe monjilimo mele** nimbe silimo unguma nu kango paa kangamo molkolie pulu monjiku pilirinu ⸤kene ‘Sike.’ ningu tondolo munduku pilino mele kamu mimi siku pilku konjiku molani⸥.***
15 e que, desde a infância, você conhece as sagradas letras, que podem torná-lo sábio para a salvação pela fé em Cristo Jesus.
16 Pulu Yemonga bokuna molemo unguma pali Pulu Yemonga Minimuni nimbe sirimuna pilkulie toringi. Aku ungumane yamboma lipe taponjilimo mele i sipe: Aku ungumane olio ⸤Pulu Yemonga yamboma molomolo mele⸥ mane sipe, ⸤ulu pulu keri telemoloma ‘naa teamili.’ nimbe⸥ mane sipe, ⸤ulu pulu kerime mundupu kelepo molopo konjimulú mele⸥ mane sipe, ⸤Pulu Yemone “Teko molai.” nimbe, ulu sumbi nilime nimbe kanolemo uluma temolo mele⸥ mane silimo.
16 Toda a Escritura é inspirada por Deus e útil para o ensino, para a repreensão, para a correção, para a educação na justiça,
17 ‘Pulu Yemonga ⸤kongono tenjilimolo⸥ yamboma yunge kongonoma tenjimulúmanga pilipe konginjilime pepili kongono peangama sumbi sipu tepo konjimulúmunge tondoloma olio kinie pepili.’ nimbe ⸤olio aku sipe mane silimo⸥.
17 a fim de que o servo de Deus seja perfeito e perfeitamente habilitado para toda boa obra.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 2 Timóteo 3, comparar traduções ou montar um estudo — tudo direto pelo WhatsApp.