2 Tessalonicenses 2
PULU YEMONGA UNGU KONDEMO (UBU-ANDELALE) vs NTLH
NTLH Nova Tradução na Linguagem de Hoje 2000
1 Ango-keme, olionga Ye-Awili Yesusi Karasi ⸤kelepa yando⸥ omba olio lipa maku tomba aku ulutolo wendo ombámonga olio ungu se nimulú sekemolomo ‘ono komu sendeko molangi.’ nimbu nikimulu.
1 Agora, irmãos, a respeito da vinda de Jesus Cristo, o nosso Senhor, e do nosso encontro com ele, pedimos a vocês o seguinte:
2 ‘Yombomane tondolo munduku ninguli “Ye-Awilimunga walemo koronga wendo omu.” ningí kinia ono konopu awisili kimbu siku mini-wale munduku pungu-pungu ningu naa molangi.’ nimbu ono tondolo mundupu mawa sekemolo. Kolo tokole “Pulu Yemone ungu-umbu tondomu ungu se piliendu nimbu siembo.” ninguli aku siku ningí kinia, molo “Pollone ungu se nimba mundomumu niembo.” ninguli aku siku ningí kinia, molo pepá toko sikuli “Na Pollone i pepámo topo sikiru.” ningí kinia, aku siku kolo toko ⸤ “Ye-Awilimunga Walemo koronga wendo omu.” ⸥ ningí kene ⸤unguri naa saa⸥.
2 Não se perturbem facilmente, nem fiquem assustados se alguém afirmar que o Dia do Senhor já chegou. Talvez alguém diga que nós tenhamos afirmado isso enquanto profetizávamos ou anunciávamos o evangelho ou que escrevemos isso em alguma carta.
3 ⸤Aku-na-kolo⸥ ‘Yombo sene aku sipa kolo topa kondi tomba.’ ningu ungu nimbáma naa pilku, ⸤ ‘Nikiru ungumu piliangi.’ nimba⸥ ulu mare sembá kinia naa kanangi. Kanu walemo u we wendo naa ombá. U yombo awisilini Pulu Yemo-kinia kara pungu ‘Yunga ungumu paa naa pilimulú.’ ningu bulu siku mokoli senge walemo u wendo ombá. ⸤Aku senge walemonga⸥ ye sene ungu-manema pulua topa paa sepa kinjimba yemo, Pulu Yemone u nimba taltopa “Kolea-kirina lipu mundumbu.” nimba, nimba panje-rimu yemo wendo omba mona molomba. ⸤Aku ulumu u wendo ombá, Ye-Awilimunga walemo pe wendo ombá.⸥
3 Não deixem que ninguém os engane com nada disso. Pois, antes desse dia, terá de acontecer a Revolta contra Deus, e terá de aparecer o Perverso, que está condenado a ir para o inferno.
4 Kanu yemone yomboma ‘Olionga pulu yema’ ningu popo toko kape ningí pulu yema ‘Mania pupili.’ nimba, ‘Na aku pulu yemanga kolali sepo molopo nanga imbi mindi ambolko paka tondoko na mindi kape niengi.’ nimbá. ⸤Pulu Yemo popo toko kalolemele ulka-tembelena sukundu⸥ Pulu Yemo molemo kisipina kepe pumba polo se lipa akuna molopa “Na nanu Pulu Yemo.” nimbá.
4 Ele será contra tudo o que as pessoas adoram e contra tudo o que elas acham que é divino. Ele vai se colocar acima de todos e até mesmo vai entrar e sentar-se no Templo de Deus e afirmar que é Deus!
5 Kiniá ya nikiru mele u na ono-kinia molopole nimbu sirindu kanu unguma komu sindiku naa pilkimiliye?
5 Por acaso vocês não lembram que eu lhes disse tudo isso quando estava com vocês?
6 Aku-sipa na-kolo kanu ulumu iseli-u wendo ombá aulkamo mélsene pipi silimú, aku mélemo ono pilielemele. ⸤Pulu Yemone⸥ yu wendo omba mona molomba wale nimba taltorumumu wendo ombá kinia akumu sika wendo omba mona molomba.
6 E vocês sabem também que existe alguma coisa que não deixa que isso aconteça agora; porém, no tempo certo, o Perverso aparecerá.
7 Yombomane ungu-manema pulua toko paa seko kinjilimili ulu-pulumu koronga kiyongo nimba pelemo kanumu. Aku-na-kolo pe wendo ombámo we kamu wendo omba mona naa molomba. ‘Iseli-u wendo omba mona naa molopili.’ nimba aulkamo pipi silimú yemo ⸤Pulu Yemone⸥ “Wendo pupili.” nimbá yu wendo pumbá kinia paa sepa kínjelimu kamu wendo omba mona molomba.
7 A Misteriosa Maldade já está agindo, mas o que está para acontecer acontecerá somente depois que for afastado aquele que não deixa que isso aconteça.
8 ⸤Aulkamo pipi silimú yemo wendo pumbá kinia⸥ ungu-manema pulua topa paa sepa kinjimba yemo popenge sepa mona gilimba. Mona gilimba kinia Ye-Awili Yesusini yunga kere-múlumuni yu topa mania mundupa, yu tondolo pa sélimu kinia ombá kanu pa sélimuni kanu yemo topa kondomba.
8 Então o Perverso aparecerá, e o Senhor Jesus, quando vier, o matará com um sopro e o destruirá com a sua gloriosa presença.
9 Ungu-manema pulua topa paa sepa kinjimba ye kanumu ⸤kurumanga nokoli⸥ Setenenga tondolomo-kinia ombale, ⸤Setenenga⸥ ulu kolo tólimuni ulu-tondoloma sepa, yomboma kanokole mini-wale mundungí ulu lupa lupama sembá,
9 O Perverso chegará com o poder de Satanás e fará todo tipo de falsos milagres e maravilhas.
10 ⸤Setenene yu lipa tapondombamonga⸥ mindili nongo molko kinjingí aulkana pulimili yombomane ‘Sika’ ningu kuru mondonge ulu kolo topa kondi tomba ulu kiri lupa lupama sepa ungu kiri lupa lupama nimbá. Kanu yombomane ‘Ye-Awilimuni olio lipa tapondopa, mindili nolemolá aulkana wendo lipa, yu-kinia pea molopo kondomolo aulkana lipa mondopili.’ naa ningu ungu-sikamo konopu naa mondoko ‘Paa pilipu liemili.’ naa niringimunga kolea-kirina pungu mindili nongo molko kinjingí.
10 E enganará com todo tipo de maldade os que vão ser destruídos. Eles vão ser destruídos porque não aceitaram nem amaram a verdade que os poderia salvar.
11 Akumunga, Pulu Yemone ‘kanu yombomane kolo toli ungumu ‘sika-ungumu’ niengi.’ nimba lo lingí tondolomo ono silimú.
11 Por isso Deus envia o poder do erro para agir neles a fim de que acreditem naquilo que é falso.
12 Yuni aku selemomonga yombo ungu-sikamo naa pilku ulu-pulu-kirima mindi konopu siku selemele yomboma kote walemo wendo ombá kinia Pulu Yemone kote pilipa ono apurupa méle kalopa ‘Ono seko kinjeringimunga molko kinjangi.’ nimbá.
12 O resultado disso é que serão condenados todos os que não creem na verdade, mas têm prazer no pecado.
13 Aku-sipa na-kolo Ye-Awilimuni konopu mondolemo ango-keme, Pulu Yemone ono lipa tapondopa, ‘Mindili nolemolá aulkana wendo ongo, yu-kinia pea molko kondonge aulkana pangi.’ nimba ono u kumbi lepa nimba taltorumu. Minimunga tondolomone ono Pulu Yemonga yombo manjiku molko yombo kake selima molemele ulumu kinia, ungu-sikamo kuru mondolemele ulu akutolo pelemomonga Pulu Yemone ono lipa tapondopa mindili nolemolá aulkana wendo liltimu akumunga pilipu molopole olione alieli Pulu Yemo-kinia “Ange.” nimbu molomulu liemu papu.
13 Irmãos, sempre devemos dar graças a Deus por vocês, a quem o Senhor ama. Pois Deus os escolheu como os primeiros a serem salvos pelo poder do Espírito Santo e pela fé que vocês têm na verdade, a fim de tornar vocês o seu povo dedicado a ele.
14 Olione ono semane peanga topo sirimulumuni Pulu Yemone ‘Ono aku siku yomboma molangi waa.’ nirimu. ‘Yomboma olionga Ye-Awili Yesusi Karasinga tondolo pa sélimu kinia yunga tondolomo kinia seluna kopu seko molonge kinia, ono kinia pea seluna kopu seko molangi kene.’ nimba onondo aku sipa “Waa.” nirimu.
14 Foi para isso que Deus os chamou , por meio do evangelho que anunciamos, a fim de que vocês tomem parte na glória do nosso Senhor Jesus Cristo.
15 Olionga ango-keme, aku serimu kene tondolo munduku molko, olione ono⸤-kinia molopole⸥ Pulu Yemonga unguma nimbu sipu, ⸤pe⸥ pepá topo sipu, aku sipu mane sirimulu ungu-sika akuma munduku naa kelko tondolo munduku kuru mondoko molangi.
15 Portanto, irmãos, fiquem firmes e guardem aquelas verdades que ensinamos a vocês tanto nas nossas mensagens como na nossa carta.
16 Pulu Ye olionga Lapa, olio konopu mondorumu yemone olio we kondo kolopale konopu tondolo pumba pora naa nimbá ulumu kinia, ⸤ ‘Pulu Yemone olio kinia ulu peangama sembá.’ nimbu⸥ tondolo mundupu konopu sipu nokopo molemolo ulumu kinia, silimú yemo kinia, olionga Ye-Awili Yesusi Karasi yu kinia olone
16 Que o próprio Jesus Cristo, o nosso Senhor, e Deus, o nosso Pai, que nos ama e que na sua bondade nos dá uma coragem que não acaba e uma esperança firme,
17 ono konopu tondolo pupili toembo toko enge ningu molkole alieli ulu peangama mindi seko ungu peangama mindi ningu molonge tondolomo siengili.
17 encham o coração de vocês de ânimo e os tornem fortes para fazerem e dizerem tudo o que é bom!
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 2 Tessalonicenses 2, comparar traduções ou montar um estudo — tudo direto pelo WhatsApp.