Gálatas 2
Gu ñio'ki'ñ gu Dios na bhaan tu a'ga guch xoi'kam (STPNT) vs ARIB
1 Baꞌ mambhɨɨx daman maakob oidhaꞌ xip duu na ñich gio muiꞌp jii Jerusaleen bɨɨmaꞌn gu Bernabee, bɨɨx gu Tiito ñich xi baidhak.
1 Depois, passados catorze anos, subi outra vez a Jerusalém com Barnabé, levando também comigo a Tito.
2 Gu Dios pɨx puiꞌ jaꞌk jiñ jurtuda guꞌ nañ mu jimiaꞌ na ñich baꞌ aañ muiꞌp jii. Baꞌ bhammɨ nach bap tuꞌiiꞌ Jerusaleen, maaꞌn kap jachich bach jumaap dɨlhkob ja bɨɨm guiꞌ nam jɨꞌk jix ioꞌm jir jix chu mamatdaꞌ ja bui bɨɨx guch Xoiꞌkam jɨɨgiꞌñdham. Baꞌ aañ xi ja aagiꞌñ nañ jax jaꞌk tu aꞌga gux bhaiꞌm kaiꞌchdham ñioꞌkiꞌñ guch Xoiꞌkam na bhaan tu aꞌga nam jax jaꞌk dui cham mu jaꞌk ka bhɨɨyaꞌ gu jaꞌtkam nam paiꞌ gammɨjɨ miꞌ pup jum tulhiiñdhaꞌ, xi ja aagiꞌñ iñ nañ puꞌñi chuꞌm ja bui tu aꞌga guiꞌ nam cham jir Israel kam jaꞌtkam. Baꞌ dhiꞌ na ñich ja aaꞌñ, jaꞌp kaiꞌñkam ja aaꞌñ jañich nam guiꞌ mu dɨr bha jaꞌk jiñ aagiꞌñdhaꞌ noꞌr am puiꞌ nañ jax jaꞌk tu aꞌga piam ku guꞌ cham, nañ guꞌx maachim noꞌ cham jir tuꞌ kub nañ jax jaꞌk tu ja aꞌgiꞌñ.
2 E subi devido a uma revelação, e lhes expus o evangelho que prego entre os gentios, mas em particular aos que eram de destaque, para que de algum modo não estivesse correndo ou não tivesse corrido em vão.
3 Baꞌ cham paiꞌ jax kaiꞌch am. Sia gu Tiito nañ baiꞌñchuꞌ, cham paiꞌ jax tɨtda am sia ku cham jir Israel kam maaꞌnkam. Cham paiꞌ jax tɨtda am noꞌp jum aaꞌ nam matgilhdhaꞌ na baꞌ bhaan bax maatɨꞌ kaꞌ na jaiꞌp bar Israel kam maaꞌnkam.
3 Mas nem mesmo Tito, que estava comigo, embora sendo grego, foi constrangido a circuncidar-se;
4 Jix maat iñ guꞌ nam jaiꞌ dhɨt bhaiꞌp oipodaꞌ guiꞌ nam sap puiꞌp tɨ jɨɨgiꞌñdhaꞌ tɨi buiñor guch Xoiꞌkam, guꞌ nam jax dhui bhaiꞌch maiꞌchidhaꞌ nach sap gio miꞌ puiꞌp tu dagiaꞌ nam jɨꞌk jax tu jim gu Israel kam jaꞌtkam guiꞌ nam cham tɨ jɨɨgiꞌñ buiñor guch Xoiꞌkam. Tɨi chian am guꞌ gu Tiito nam matgilhdhaꞌ na baꞌ jaiꞌp bar Israel kam maaꞌnkam kaꞌ. Jax dhui na guꞌ aach dhiꞌ puiꞌ jaꞌk cham kam aaꞌ nach puiꞌ ka tu buadaꞌ, cham tuꞌch dhaam kap tuꞌiiꞌ guꞌ puiꞌ nam jax jaꞌk tu jim, nat guꞌ aach guch Xoiꞌkam miꞌ dhɨr bach boosolh. Baꞌ dhiꞌ bhaan jix maatɨꞌ nam cham tuꞌ sɨlhkam buiñor tɨ jɨɨgiꞌñdhaꞌ guch Xoiꞌkam, nam puiꞌ pɨx xi iatat jix xɨꞌlhim bha jaꞌp jich iatgiꞌñ.
4 e isto por causa dos falsos irmãos intrusos, os quais furtivamente entraram a espiar a nossa liberdade, que temos em Cristo Jesus, para nos escravizar;
5 Guꞌ ji nach guꞌ aach xi guꞌkiꞌndaꞌ sia kum jax jich chɨtda, ni jɨꞌx dho moo ku chich am puiꞌ tɨi nach miꞌ puiꞌ jimiaꞌ, nach guꞌ aach jix aaꞌ na pim miꞌ puiꞌp tu dagiaꞌ bhaan gux bhaiꞌm kaiꞌchdham ñioꞌkiꞌñ guch Xoiꞌkam nar sɨlhkam puiꞌ na jax jum kaiꞌch.
5 aos quais nem ainda por uma hora cedemos em sujeição, para que a verdade do evangelho permanecesse entre vós.
6 Baꞌ guiꞌ nam jir jix chu mamatdaꞌ ja bui bɨɨx guch Xoiꞌkam jɨɨgiꞌñdham, cham paiꞌ jax jiñ chɨɨꞌn jamɨt nañ jax ba kaiꞌch noꞌñ tuꞌ cham miꞌ pu duiñchuꞌ nañ jax tu aꞌga gux bhaiꞌm kaiꞌchdham ñioꞌkiꞌñ guch Xoiꞌkam. Cham paiꞌ jax jiñ chɨtdam ɨp noꞌ tuꞌ pup jum aaꞌ nañ miꞌ xi bɨndaꞌ dhiꞌ nañ jax jaꞌk tu aꞌga. Guꞌ ji nañ guꞌ cham maat noꞌm sɨlhkam jir jix chu mamatdagɨm kaꞌ baꞌ cham. Gio guꞌ cham jax bua sia kuñ cham maat noꞌm jir jix chu mamatdagɨm, na guꞌ gu Dios cham tuꞌ dhiꞌ kɨꞌn xich joiꞌmdaꞌ.
6 Ora, daqueles que pareciam ser alguma coisa {quais outrora tenham sido, nada me importa; Deus não aceita a aparência do homem}, esses, digo, que pareciam ser alguma coisa, nada me acrescentaram;
7 Guꞌ ji nam guꞌ jaꞌkbuiꞌ kat jup jiñ chɨtda nat sap aañ jiñ aꞌm tɨ tɨɨ gu Dios nañ tu ja aꞌgidhaꞌ gux bhaiꞌm kaiꞌchdham ñioꞌkiꞌñ guch Xoiꞌkam guiꞌ nam cham jir Israel kam jaꞌtkam, guꞌ baꞌ gu Peegro bhaan jup tɨ tɨɨ sap na tu ja aꞌgidhaꞌ gu Israel kam jaꞌtkam.
7 antes, pelo contrário, quando viram que o evangelho da incircuncisão me fora confiado, como a Pedro o da circuncisão
8 Baꞌ gu Dios, dhiꞌ nat Peegro bhaan tɨ tɨɨ na naiꞌ tu ja aꞌgidhaꞌ guiꞌ nam jir Israel kam jaꞌtkam, dhiꞌ pɨx gu Dios nat aañ jiñ aꞌm jup tɨ tɨɨ nañ puiꞌ naiꞌp tu ja aꞌgidhaꞌ guiꞌ nam cham jir Israel kam jaꞌtkam.
8 {porque aquele que operou a favor de Pedro para o apostolado da circuncisão, operou também a meu favor para com os gentios},
9 Baꞌ gu Santiago gio gu Peegro gio baꞌ gu Juan, dhiꞌ nax ioꞌm jix bhaaiꞌ nam jax jaꞌk tɨꞌyaꞌ ja bui bɨɨx guch Xoiꞌkam jɨɨgiꞌñdham, dhiꞌ bɨɨx puiꞌp tɨi mɨt nat aañ jiñ aꞌm tɨ tɨɨ gu Dios nañ naiꞌ tu ja aꞌgidhaꞌ gux bhaiꞌm kaiꞌchdham ñioꞌkiꞌñ guch Xoiꞌkam guiꞌ nam cham jir Israel kam jaꞌtkam. Guꞌ baꞌ na bhaan jix maatɨꞌ kaꞌ nach maap pu chuꞌm kaꞌm tu juanaꞌ, bhaiꞌ xiñ dhaaꞌñ jamɨt gu ja noonob, panaas ku chich jich ñiñioꞌki, sia bɨɨx gu Bernabee bhaiꞌp xi dhaaꞌñ jamɨt, nat guꞌ dhiꞌ baꞌ bhaan bii nañ bɨɨm naiꞌ tu aꞌgaꞌ. Baꞌ guiꞌ dɨɨlh sap ja bui tu aꞌga am dai gu Israel kam jaꞌtkam.
9 e quando conheceram a graça que me fora dada, Tiago, Cefas e João, que pareciam ser as colunas, deram a mim e a Barnabé as destras de comunhão, para que nós fôssemos aos gentios, e eles à circuncisão;
10 Baꞌ jaꞌpni soiꞌp xich chɨɨꞌn jamɨt nach sap siamrix joiꞌmdat jix bhaiꞌ xi ja buaꞌt guiꞌ nam cham tuꞌ biaꞌ ni jɨꞌx, na pu cham bhaaiꞌ nam paiꞌ dhɨr uꞌji gu tuꞌ kɨꞌn tu sabaꞌdaꞌ. Baꞌ aañ dhiꞌ puiꞌ tɨi duiñchuꞌ, cham mɨk buppa iñ.
10 recomendando-nos somente que nos lembrássemos dos pobres; o que também procurei fazer com diligência.
11 Baꞌ maaꞌnnim nat mu jii gu Peegro Antiokiiya, ñiok jañich maaxik bhaiꞌ ji nɨidhat buibsaram, na guꞌ buam pɨx tu jim na jax cham kɨɨꞌ kaꞌm nɨiꞌñ gu Dios.
11 Quando, porém, Cefas veio a Antioquia, resisti-lhe na cara, porque era repreensível.
12 Bɨɨpɨꞌ dɨr ja bɨɨm ka xi chu kuaꞌdaꞌ guiꞌ nam cham jir Israel kam jaꞌtkam. Baꞌ mɨkkat na mɨt bhammɨp ba ji bubua jɨꞌkchi guiꞌ nam bhaankam bhammɨ jaꞌp oipim gu Santiago, cham tuꞌ ja bɨɨm ka tu kuaꞌ, nat guꞌ bax ja ɨɨbhi. Miꞌ puiꞌ tu daaꞌñchuꞌ am guꞌ nam jax tu jim gu Israel kam jaꞌtkam nam cham tɨ jɨɨgiꞌñ buiñor guch Xoiꞌkam, jum aaꞌndaꞌ sap guꞌ nam matgilhdhix kaꞌ sia kum guꞌp tɨ jɨɨgiꞌñ buiñor guch Xoiꞌkam, miꞌ dhɨr baꞌ bax bhaaiꞌn kaꞌ ɨp nam ja bɨɨm tu kuaꞌdaꞌ guiꞌ nam jir Israel kam jaꞌtkam.
12 Pois antes de chegarem alguns da parte de Tiago, ele comia com os gentios; mas quando eles chegaram, se foi retirando e se apartava deles, temendo os que eram da circuncisão.
13 Baꞌ guiꞌ nam jir Antiokiiya kam nam puiꞌ tɨip tɨ jɨɨgiꞌñ buiñor guch Xoiꞌkam, jaiꞌ miꞌ puiꞌ tɨip ba tu daagɨk jamɨt nam jax ji ñɨidhat gu Peegro na jax jaꞌk tu jim, nam guꞌ puiꞌp jir Israel kam jaꞌtkam, sia jaiꞌ gu Bernabee puiꞌ jaꞌk jup xi chu jii.
13 E os outros judeus também dissimularam com ele, de modo que até Barnabé se deixou levar pela sua dissimulação.
14 Baꞌ puiꞌ na mɨt jax jaꞌk tu jii, dhiꞌ cham tuꞌ puiꞌm kaiꞌch gux bhaiꞌm kaiꞌchdham ñioꞌkiꞌñ guch Xoiꞌkam nach puꞌñi jaꞌk tu jimdaꞌ. Puiꞌ ku ñich baꞌ pu tɨɨꞌn gu Peegro nam bɨɨx dhɨt xi chɇ kɇɇ guch Xoiꞌkam jɨɨgiꞌñdham guiꞌ nam jɨꞌk jir Antiokiiya kam. Jaꞌpniñ moo tɨtda: “Aap nap jir Israel kam maaꞌnkam, puiꞌ jaꞌk jap tu jimdat nap panaas pu cham tuꞌr Israel kam maaꞌnkam. Guꞌ baꞌ xib, ¿jax kup baꞌp ba ja chian guiꞌ nam cham jir Israel kam jaꞌtkam nam miꞌ puiꞌ jimiaꞌ na jax guiꞌ nam jir Israel kam jaꞌtkam? Na guꞌ cham jir am gu puiꞌ.”
14 Mas, quando vi que não andavam retamente conforme a verdade do evangelho, disse a Cefas perante todos: Se tu, sendo judeu, vives como os gentios, e não como os judeus, como é que obrigas os gentios a viverem como judeus?
15 Aach dho pui tɨich chɨɨtɨꞌ nach jir Israel kam jaꞌtkam, nach miꞌ puiꞌ jiim panaas na jɨꞌk jax tu aagix gu ñioꞌkiꞌñ gu Dios, baꞌ cham tuꞌ puiꞌr jich chɨɨtgɨdam ich nach jir jix uꞌuaꞌtulhdhix kam, jaꞌp na jax guiꞌ nam cham jir Israel kam jaꞌtkam.
15 Nós, judeus por natureza e não pecadores dentre os gentios,
16 Guꞌ pɨx ji nach guꞌx bhaiꞌx maat na gu Dios cham jɨꞌxkat ja uañdhaꞌ gu ja uaꞌtulhdharaꞌ guiꞌ nam miꞌ puiꞌ tɨi xi chu duñiim na jɨꞌk jax tu aagix ja bui gu Israel kam jaꞌtkam, guꞌ guiꞌ ji na ja uañiꞌñ nam tuꞌ sɨlhkam soiꞌm ɨlhdhai buiñor ba tɨ jɨɨꞌñdhaꞌ guch Xoiꞌkam. Puiꞌ ku chich baꞌ aach tuꞌ sɨlhkam soiꞌch ɨlhdhak buiñor tɨ jɨɨꞌñ nach jix aagɨt nach uañdhaꞌ guch uaꞌtulhdharaꞌ gu Dios, cham tuꞌch miꞌ puiꞌ ka tu daaꞌñchuꞌ na jɨꞌk jax tu aagix, na guꞌ dhiꞌ cham jɨꞌxkat jich palhbuidhaꞌ.
16 sabendo, contudo, que o homem não é justificado por obras da lei, mas sim, pela fé em Cristo Jesus, temos também crido em Cristo Jesus para sermos justificados pela fé em Cristo, e não por obras da lei; pois por obras da lei nenhuma carne será justificada.
17 Guꞌ baꞌ aach nach gaagim nach jax jaꞌk jix bhaiꞌ biꞌyaꞌ buiñor gu Dios bhaankam guch Xoiꞌkam, guꞌ ji nam guꞌ jaiꞌ puiꞌ ɨlhiiꞌñ nach aach ji baꞌr diꞌ gux uꞌuaꞌtulhdhix kam, ¿jaꞌp kaiꞌñkam jup kaiꞌchdhaꞌm aa baꞌ na guch Xoiꞌkam uaꞌtulhdharaꞌ bhaan jup tuiꞌdhiꞌ? Chaam tuꞌ ji matgɨm.
17 Mas se, procurando ser justificados em Cristo, fomos nós mesmos também achados pecadores, é porventura Cristo ministro do pecado? De modo nenhum.
18 Na guꞌ dhiꞌ jaꞌpni na jax gu tuꞌ noꞌ ñich xi iarak nañ puiꞌ ɨlhiiꞌñ na cham tuꞌ bhaiꞌ, guꞌ ji noꞌ ñich guꞌ gatuuk gio miꞌp kɨi, dhiꞌ bhaan jix maatɨꞌ kaꞌ na cham jir am puiꞌ nañ jax tu bua.
18 Porque, se torno a edificar aquilo que destruí, constituo-me a mim mesmo transgressor.
19 Aañ nañ guꞌ cham tuꞌ miꞌ puiꞌ ka tu daaꞌñchuꞌ na jɨꞌk jax tu aagix gu bɨjɨk dɨr kam, jaꞌp ji buusan nañ muukix buiñor dhiꞌ. Kuñ ji guꞌ dua ji buiñor gu Dios, nañ guꞌ dai puiꞌ pɨx jaꞌk ba tu duñiim na jax jix aaꞌ, cham tuꞌ kiaꞌ na jax jaꞌk tu aagix.
19 Pois eu pela lei morri para a lei, a fim de viver para Deus.
20 Bɨɨmaꞌn muu ñich guꞌ guch Xoiꞌkam janoꞌ na mɨt paiꞌ dhuuk mua. Baꞌ na ñich paiꞌ dhuuk bɨɨmaꞌn duadɨk giop bam, cham jañ kar pu chuꞌm nañ jax jir tuꞌm kat bɨɨpɨꞌ dɨr, bar jumai iñ. Guch Xoiꞌkam pɨx jiñ aꞌm pup kio baꞌ miꞌ dhɨr, dai baꞌ nañ soiꞌñ ɨlhdhat pɨx buiñor ba tɨ jɨɨgiꞌñ, nat guꞌ xiñ joiꞌmdak jiñ aꞌmkam muu. Dhiꞌr diꞌ guꞌ gu Maraaꞌn gu Dios.
20 Já estou crucificado com Cristo; e vivo, não mais eu, mas Cristo vive em mim; e a vida que agora vivo na carne, vivo-a na fé no filho de Deus, o qual me amou, e se entregou a si mesmo por mim.
21 Baꞌ aañ tɨ jɨɨgiꞌñ dhiꞌ puiꞌ nat jax jaꞌk tu duu gu Dios xich joiꞌmdak, na guꞌ cham kam aaꞌ nach miꞌ puiꞌ ka tu duñiidhaꞌ na jax tu aagix. Na guꞌ noꞌ puiꞌ jaꞌk xich joiꞌmdat jich aꞌm tɨ nɨidhidhaꞌ gɨt gu Dios nach miꞌ puiꞌ tu duñiidhaꞌ na jɨꞌk jax tu aagix, jir tuꞌ kub kaꞌ gɨt pɨx baꞌ guch Xoiꞌkam nat ba muu bhaan gu uꞌuux na gai bɨɨt.
21 Não faço nula a graça de Deus; porque, se a justiça vem mediante a lei, logo Cristo morreu em vão.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Gálatas 2, comparar traduções ou montar um estudo — tudo direto pelo WhatsApp.