1 ⲉⲡϫⲱⲕ ⲉⲃⲟⲗ ϩⲛ ⲛⲉⲥⲙⲟⲩ ⲡⲉⲯⲁⲗⲙⲟⲥ ⲛⲧⲱⲇⲏ ⲛⲁⲥⲁⲫ</ab>
2 ⲡⲛⲟⲩⲧⲉ ⲟⲩⲟⲛϩ ⲉⲃⲟⲗ ϩⲛ ϯⲟⲩⲇⲁⲓⲁ ⲟⲩⲛⲟϭ ⲡⲉ ⲡⲉϥⲣⲁⲛ ϩⲙ ⲡⲓ︤ⲏ︦ⲗ︥</ab>
3 ⲁⲩⲱ ⲁⲡⲉϥⲙⲁ ⲛϣⲱⲡⲉ ϩⲛ ⲟⲩⲉⲓⲣⲏⲛⲏ ⲁⲩⲱ ⲡⲉϥⲙⲁ ⲛⲟⲩⲱϩ ϩⲛ ⲥⲓⲱⲛ</ab>
4 ϫⲉ ⲛⲧⲁϥⲟⲩⲟϣϥ ⲙⲙⲁⲩ ⲙⲡⲧⲁϫⲣⲟ ⲛⲙⲡⲓⲧⲉ ⲟⲩϩⲟⲡⲗⲟⲛ ⲙⲛ ⲟⲩⲥⲏϥⲉ ⲙⲛ ⲟⲩⲡⲟⲗⲉⲙⲟⲥ ⲇⲓⲁⲯⲁⲗⲙⲁ</ab>
5 ⲕⲣⲟⲩⲟⲉⲓⲛ ⲛⲧⲟⲕ ϩⲛ ⲟⲩϣⲡⲏⲣⲉ</ab>
6 ⲁⲩϣⲧⲟⲣⲧⲣ ⲛϭⲓ ⲛⲁⲑⲏⲧ ⲧⲏⲣⲟⲩ ϩⲙ ⲡⲉⲩϩⲏⲧ ⲉⲃⲟⲗ ϩⲛ ⲛⲧⲟⲟⲩ ⲛϣⲁ ⲉⲛⲉϩ ⲁⲩⲱⲃϣ ϩⲙ ⲡⲉⲩⲱⲃϣ ⲙⲡⲟⲩϭⲛ ⲗⲁⲁⲩ ϩⲛ ⲛⲉⲩϭⲓϫ ⲛϭⲓ ⲛⲣⲱⲙⲉ ⲧⲏⲣⲟⲩ ⲛⲧⲙⲛⲧⲣⲙⲙⲁⲟ</ab>
7 ⲉⲃⲟⲗ ϩⲛ ⲧⲉⲕⲉⲡⲓⲧⲓⲙⲓⲁ ⲡⲛⲟⲩⲧⲉ ⲛⲓⲁⲕⲱⲃ ⲁⲩϫⲓⲣⲉⲕⲣⲓⲕⲉ ⲧⲏⲣⲟⲩ ⲛϭⲓ ⲛⲉⲧⲧⲁⲗⲉ ⲉϩⲣⲁⲓ ⲉϫⲛ ⲛⲉϩⲧⲱⲱⲣ</ab>
8 ⲛⲧⲕ ⲟⲩϩⲟⲧⲉ ⲛⲓⲙ ⲡⲉⲧⲛⲁϣⲁϩⲉⲣⲁⲧϥ ⲟⲩⲃⲏⲕ ⲧⲉⲕⲟⲣⲅⲏ ϣⲟⲟⲡ ϫⲓⲛ ⲉⲛⲉϩ</ab>
9 ⲛⲧⲟⲕ ⲡϫⲟⲉⲓⲥ ⲁⲕⲧⲣⲉⲩⲥⲱⲧⲙ ⲉⲩϩⲁⲡ ⲉⲃⲟⲗ ϩⲛ ⲧⲡⲉ ⲡⲕⲁϩ ⲁϥⲣϩⲟⲧⲉ ⲁϥϭⲱ</ab>
10 ϩⲙ ⲡⲧⲣⲉⲡⲛⲟⲩⲧⲉ ⲧⲱⲟⲩⲛ ϩⲛ ⲟⲩϩⲁⲡ ⲉⲛⲉϩⲙ ⲛⲣⲙⲣⲁϣ ⲧⲏⲣⲟⲩ ⲙⲡⲕⲁϩ ⲇⲓⲁⲯⲁⲗⲙⲁ</ab>
11 ϫⲉ ⲡⲙⲉⲉⲩⲉ ⲛⲛⲣⲱⲙⲉ ⲛⲁⲟⲩⲱⲛϩ ⲛⲁⲕ ⲉⲃⲟⲗ ⲁⲩⲱ ⲡϣⲱϫⲡ ⲙⲡⲙⲉⲉⲩⲉ ⲛⲁⲣϣⲁ ⲛⲁⲕ</ab>
12 ⲉⲣⲏⲧ ⲛⲧⲉⲧⲛⲧⲁⲁⲩ ⲙⲡϫⲟⲉⲓⲥ ⲡⲉⲛⲛⲟⲩⲧⲉ ⲟⲩⲟⲛ ⲛⲓⲙ ⲉⲧⲙⲡⲉϥⲕⲱⲧⲉ ⲛⲁⲛ ⲇⲱⲣⲟⲛ ⲛⲁϥ</ab>
13 ⲡⲉⲧϯϩⲟⲧⲉ ⲁⲩⲱ ⲉⲧϥⲓ ⲙⲡⲉⲡ︤ⲛ︦ⲁ︥ ⲛⲛⲁⲣⲭⲱⲛ ⲡⲉⲧϯϩⲟⲧⲉ ⲛⲛⲁϩⲣⲛ ⲛⲉⲣⲱⲟⲩ ⲧⲏⲣⲟⲩ ⲙⲡⲕⲁϩ</ab>