1 ⲉⲡϫⲱⲕ ⲉⲃⲟⲗ ϩⲁ ⲓⲇⲓⲑⲟⲩⲛ ⲡⲉⲯⲁⲗⲙⲟⲥ ⲛⲁⲥⲁⲫ</ab>
2 ⲁⲓϫⲓϣⲕⲁⲕ ⲉϩⲣⲁⲓ ϩⲛ ⲧⲁⲥⲙⲏ ⲉⲡϫⲟⲉⲓⲥ ϩⲛ ⲧⲁⲥⲙⲏ ⲉⲡⲛⲟⲩⲧⲉ ⲁⲩⲱ ⲁϥϯ ϩⲧⲏϥ ⲉⲣⲟⲓ</ab>
3 ⲁⲓϣⲓⲛⲉ ⲛⲥⲁ ⲡϫⲟⲉⲓⲥ ⲙⲡⲉϩⲟⲟⲩ ⲛⲧⲁⲑⲗⲓⲯⲓⲥ ϩⲛ ⲛⲁϭⲓϫ ⲛⲧⲉⲩϣⲏ ⲙⲡⲉⲕⲙⲧⲟ ⲉⲃⲟⲗ ⲁⲩⲱ ⲙⲡⲟⲩⲣϩⲁⲗ ⲙⲙⲟⲓ ⲧⲁⲯⲩⲭⲏ ⲙⲡⲥⲟⲩⲉϣ ⲥⲗⲥⲱⲗⲥ</ab>
4 ⲁⲓⲣⲡⲙⲉⲉⲩⲉ ⲙⲡⲛⲟⲩⲧⲉ ⲁⲓⲉⲩⲫⲣⲁⲛⲉ ⲁⲓϫⲓ ϩⲣⲁⲓ ⲁϥⲣϩⲏⲧ ϣⲏⲙ ⲛϭⲓ ⲡⲁⲡ︤ⲛ︦ⲁ︥ ⲇⲓⲁⲯⲁⲗⲙⲁ</ab>
5 ⲁⲛⲁⲃⲁⲗ ⲣⲉⲑⲏ ⲛⲛⲟⲩⲣϣⲉ ⲁⲓϣⲧⲟⲣⲧⲣ ⲙⲡⲓϣⲁϫⲉ</ab>
6 ⲁⲓⲙⲉⲉⲩⲉ ⲉⲛⲉϩⲟⲟⲩ ⲛϣⲟⲣⲡ ⲁⲓⲣⲡⲙⲉⲉⲩⲉ ⲛⲛⲣⲙⲡⲟⲟⲩⲉ ⲛϣⲁ ⲉⲛⲉϩ ⲁⲓⲙⲉⲗⲉⲧⲁ ⲙⲙⲟⲟⲩ</ab>
7 ⲁⲓϫⲓ ϩⲣⲁⲓ ⲙⲛ ⲡⲁϩⲏⲧ ⲛⲧⲉⲩϣⲏ ⲁⲩⲱ ⲁⲓϣⲧⲟⲣⲧⲣ ϩⲙ ⲡⲁⲡ︤ⲛ︦ⲁ︥</ab>
8 ⲙⲏ ⲉⲣⲉⲡϫⲟⲉⲓⲥ ⲛⲁⲕⲁⲁⲛ ⲛⲥⲱϥ ϣⲁ ⲉⲛⲉϩ ⲁⲩⲱ ⲛϥⲧⲙⲧⲱⲧ ϭⲉ ⲛϩⲏⲧ ⲛⲙⲙⲁⲛ</ab>
9 ⲏ ⲉϥⲛⲁϭⲱϫⲃ ⲙⲡⲉϥⲛⲁ ϣⲁⲃⲟⲗ ϫⲓⲛ ⲟⲩϫⲱⲙ ϣⲁ ⲟⲩϫⲱⲙ ⲏ ⲉⲣⲉⲡⲛⲟⲩⲧⲉ ⲛⲁⲣⲡⲱⲃϣ ⲛϣⲛϩⲧⲏϥ</ab>
10 ⲏ ⲉϥⲛⲁⲁⲙⲁϩⲧⲉ ⲛⲛⲉϥⲙⲛⲧϣⲁⲛϩⲧⲏϥ ϩⲛ ⲧⲉϥⲟⲣⲅⲏ ⲇⲓⲁⲯⲁⲗⲙⲁ</ab>
11 ⲁⲩⲱ ⲡⲉϫⲁⲓ ϫⲉ ⲧⲉⲛⲟⲩ ⲁⲓⲁⲣⲭⲉⲓ ⲡⲁⲓ ⲡⲉ ⲡϣⲓⲃⲉ ⲛⲧⲟⲩⲛⲁⲙ ⲙⲡⲉⲧϫⲟⲥⲉ</ab>
12 ⲁⲓⲣⲡⲙⲉⲉⲩⲉ ⲛⲛⲉϩⲃⲏⲩⲉ ⲙⲡϫⲟⲉⲓⲥ ϫⲉ ϯⲛⲁⲣⲡⲙⲉⲉⲩⲉ ⲛⲛⲉⲕϣⲡⲏⲣⲉ ϫⲓⲛ ⲛϣⲟⲣⲡ</ab>
13 ⲧⲁⲙⲉⲗⲉⲧⲁ ⲛⲛⲉⲕϩⲃⲏⲩⲉ ⲧⲏⲣⲟⲩ ⲧⲁϫⲓ ϩⲣⲁⲓ ϩⲛ ⲛⲉⲕⲙⲉⲉⲩⲉ</ab>
14 ⲉⲣⲉⲧⲉⲕϩⲓⲏ ⲛⲉⲓ ⲉⲃⲟⲗ ⲡⲛⲟⲩⲧⲉ ϩⲙ ⲡⲉⲧⲟⲩⲁⲁⲃ ⲛⲓⲙ ⲡⲉ ⲡⲛⲟϭ ⲛⲛⲟⲩⲧⲉ ⲛⲑⲉ ⲙⲡⲉⲛⲛⲟⲩⲧⲉ</ab>
15 ⲛⲧⲟⲕ ⲡⲉ ⲡⲛⲟⲩⲧⲉ ⲉⲧⲉⲓⲣⲉ ⲛⲛⲓϣⲡⲏⲣⲉ ⲙⲁⲩⲁⲁϥ ⲁⲕⲟⲩⲉⲛϩⲧⲉⲕϭⲟⲙ ⲉⲃⲟⲗ ϩⲛ ⲛⲓⲗⲁⲟⲥ</ab>
16 ⲁⲕⲥⲱⲧⲉ ⲙⲡⲉⲕⲗⲁⲟⲥ ϩⲙ ⲡⲉⲕϭⲃⲟⲓ ⲛϣⲏⲣⲉ ⲛⲓⲁⲕⲱⲃ ⲙⲛ ⲓⲱⲥⲏⲫ ⲇⲓⲁⲯⲁⲗⲙⲁ</ab>
17 ⲁϩⲉⲛⲙⲟⲟⲩ ⲛⲁⲩ ⲉⲣⲟⲕ ⲡⲛⲟⲩⲧⲉ ⲁϩⲉⲛⲙⲟⲟⲩ ⲛⲁⲩ ⲉⲣⲟⲕ ⲁⲩⲣϩⲟⲧⲉ ⲁⲩϣⲧⲟⲣⲧⲣ ⲛϭⲓ ⲛⲛⲟⲩⲛ ϩⲙ ⲡⲁϣⲁⲓ ⲙⲡⲉϩⲣⲟⲟⲩ ⲛⲙⲙⲟⲟⲩ</ab>
18 ⲁⲛⲉⲕⲗⲟⲟⲗⲉ ϯ ⲛⲧⲉⲩⲥⲙⲏ ⲕⲁⲓ ⲅⲁⲣ ⲛⲉⲕⲥⲟⲧⲉ ⲛⲁⲙⲟⲟϣⲉ</ab>
19 ⲡⲉϩⲣⲟⲟⲩ ⲛⲛⲉⲕϩⲣⲟⲩⲃⲃⲁⲓ ϩⲙ ⲡⲉⲧⲣⲟⲭⲟⲥ ⲁⲛⲉⲕⲉⲃⲣⲏϭⲉ ⲣⲟⲩⲟⲉⲓⲛ ⲉⲧⲟⲓⲕⲟⲩⲙⲉⲛⲏ ⲁⲡⲕⲁϩ ⲕⲓⲙ ⲁⲩⲱ ⲁϥⲥⲧⲱⲧ</ab>
20 ⲉⲣⲉⲧⲉⲕϩⲓⲏ ϩⲛ ⲑⲁⲗⲁⲥⲁ ⲁⲩⲱ ⲛⲉⲕⲙⲁ ⲙⲙⲟⲟϣⲉ ϩⲛ ϩⲉⲛⲙⲟⲟⲩ ⲉⲛⲁϣⲱⲟⲩ ⲁⲩⲱ ⲛⲥⲉⲛⲁⲥⲟⲩⲛ ⲛⲉⲕⲧⲁϭⲥⲉ ⲁⲛ</ab>
21 ⲁⲕϫⲓⲙⲟⲉⲓⲧ ϩⲏⲧϥ ⲙⲡⲉⲕⲗⲁⲟⲥ ⲛⲑⲉ ⲛϩⲉⲛⲉⲥⲟⲟⲩ ϩⲛ ⲧϭⲓϫ ⲙⲙⲱⲩⲥⲏⲥ ⲙⲛ ⲁⲁⲣⲱⲛ</ab>