Salmos 74

CopSahBible2: Sahidic Bible 2 (SM_COPSAHBIBLE2)

1 ⲉⲡϫⲱⲕ ⲉⲃⲟⲗ ⲙⲡⲣⲧⲁⲕⲟ ⲡⲉⲯⲁⲗⲙⲟⲥ ⲛⲧⲱⲇⲏ ⲛⲁⲥⲁⲫ</ab>

2 ⲡⲛⲟⲩⲧⲉ ⲧⲛⲛⲁⲟⲩⲱⲛϩ ⲛⲁⲕ ⲉⲃⲟⲗ ⲧⲛⲛⲁⲟⲩⲱⲛϩ ⲛⲁⲕ ⲉⲃⲟⲗ ⲛⲧⲛⲉⲡⲓⲕⲁⲗⲉⲓ ⲙⲡⲉⲕⲣⲁⲛ</ab>

3 ϯⲛⲁϫⲱ ⲛⲛⲉⲕϣⲡⲏⲣⲉ ⲉⲓϣⲁⲛϭⲙⲡⲟⲩⲟⲉⲓϣ ⲡϫⲟⲉⲓⲥ ⲁⲛⲟⲕ ϯⲛⲁⲕⲣⲓⲛⲉ ⲙⲡⲥⲟⲟⲩⲧⲛ</ab>

4 ⲁⲡⲕⲁϩ ⲃⲱⲗ ⲉⲃⲟⲗ ⲙⲛ ⲛⲉⲧⲟⲩⲏϩ ⲧⲏⲣⲟⲩ ϩⲓϫⲱϥ ⲁⲛⲟⲕ ⲁⲓⲧⲁϫⲣⲉⲛⲉϥⲥⲧⲩⲗⲟⲥ ⲇⲓⲁⲯⲁⲗⲙⲁ</ab>

5 ⲁⲓϫⲟⲟⲥ ⲛⲙⲡⲁⲣⲁⲛⲟⲙⲟⲥ ϫⲉ ⲙⲡⲣⲡⲁⲣⲁⲛⲟⲙⲉⲓ ⲁⲩⲱ ⲛⲣⲉϥⲣⲛⲟⲃⲉ ϫⲉ ⲙⲡⲣϫⲓⲥⲉ ⲙⲡⲉⲧⲛⲧⲁⲡ</ab>

6 ⲙⲡⲣϫⲓⲥⲉ ⲙⲡⲉⲧⲛⲧⲁⲡ ⲉϩⲣⲁⲓ ⲉⲧⲡⲉ ⲙⲡⲣϣⲁϫⲉ ⲉⲡⲛⲟⲩⲧⲉ ϩⲛ ⲟⲩϫⲓⲛϭⲟⲛⲥ</ab>

7 ϫⲉ ⲛϥⲥⲟϣϥ ⲁⲛ ϩⲓ ⲡⲉⲙⲛⲧ ⲟⲩⲇⲉ ⲉⲃⲟⲗ ϩⲛ ⲛⲧⲟⲟⲩ ⲛϫⲁⲓⲉ</ab>

8 ϫⲉ ⲟⲩⲕⲣⲓⲧⲏⲥ ⲡⲉ ⲡⲛⲟⲩⲧⲉ ϣⲁϥⲑⲃⲃⲓⲉ ⲡⲁⲓ ⲛϥϫⲉⲥⲧ ⲡⲁⲓ</ab>

9 ϫⲉ ⲟⲩⲛⲟⲩϫⲱ ϩⲛ ⲧϭⲓϫ ⲙⲡϫⲟⲉⲓⲥ ⲛⲏⲣⲡ ⲛⲁⲕⲣⲁⲧⲟⲛ ⲉϥⲙⲉϩ ⲉⲃⲟⲗ ϩⲛ ⲣⲱϥ ϣⲁϥⲡⲱϩⲧ ⲉⲃⲟⲗ ϩⲙ ⲡⲁⲓ ⲉⲡⲁⲓ ϣⲁⲧⲙⲡⲉϥⲥⲟⲣⲙ ⲉⲙⲡϥⲡⲱⲛ ⲉⲃⲟⲗ ⲥⲉⲛⲁⲥⲱ ⲛϭⲓ ⲛⲣⲉϥⲣⲛⲟⲃⲉ ⲧⲏⲣⲟⲩ ⲙⲡⲕⲁϩ</ab>

10 ⲁⲛⲟⲕ ⲇⲉ ϯⲛⲁⲧⲉⲗⲏⲗ ϣⲁ ⲉⲛⲉϩ ϯⲛⲁⲯⲁⲗⲗⲉⲓ ⲉⲡⲛⲟⲩⲧⲉ ⲛⲓⲁⲕⲱⲃ ⲁⲛⲟⲕ ϯⲛⲁϫⲟⲟⲩ ϣⲁ ⲉⲛⲉϩ</ab>

11 ϯⲛⲁⲕⲱⲗϫ ⲛⲛⲧⲁⲡ ⲧⲏⲣⲟⲩ ⲛⲛⲣⲉϥⲣⲛⲟⲃⲉ ⲛⲧⲁⲡ ⲇⲉ ⲙⲡⲇⲓⲕⲁⲓⲟⲥ ⲛⲁϫⲓⲥⲉ</ab>

Ler em outra tradução

Comparar lado a lado

Estude este capítulo no WhatsApp

Peça à IA da Bíblia Fala para explicar Salmos 74, comparar traduções ou montar um estudo — tudo direto pelo WhatsApp.