1 ⲧⲙⲛⲧⲣⲙⲛϩⲏⲧ ⲛⲁⲥⲁⲫ ⲉⲧⲃⲉ ⲟⲩ ⲡⲛⲟⲩⲧⲉ ⲁⲕⲕⲁⲁⲛ ⲛⲥⲱⲕ ϣⲁⲃⲟⲗ ⲁϥⲛⲟⲩϭⲥ ⲛϭⲓ ⲡⲉⲕⲱⲛⲧ ⲉϫⲛ ⲛⲉⲥⲟⲟⲩ ⲙⲡⲉⲕⲟϩⲉ</ab>
2 ⲁⲣⲓⲡⲙⲉⲉⲩⲉ ⲛⲧⲉⲕⲥⲩⲛⲁⲅⲱⲅⲏ ⲛⲧⲁⲕϫⲡⲟⲥ ⲛⲁⲕ ϫⲓⲛ ⲛϣⲟⲣⲡ ⲁⲕⲥⲱⲧⲉ ⲙⲡϭⲉⲣⲱⲃ ⲛⲧⲉⲕⲕⲗⲏⲣⲟⲛⲟⲙⲓⲁ ⲡⲉⲓⲧⲟⲟⲩ ⲛⲥⲓⲱⲛ ⲛⲧⲁⲕⲟⲩⲱϩ ϩⲣⲁⲓ ⲛϩⲏⲧϥ</ab>
3 ϥⲓ ⲛⲛⲉⲕϭⲓϫ ⲉϩⲣⲁⲓ ⲉϫⲛ ⲛⲉⲩⲙⲛⲧϫⲁⲥⲓϩⲏⲧ ϣⲁⲃⲟⲗ ⲛⲉⲛⲧⲁⲡϫⲁϫⲉ ⲡⲟⲛⲏⲣⲉⲩⲉ ⲙⲙⲟⲟⲩ ϩⲛ ⲛⲉⲕⲡⲉⲧⲟⲩⲁⲁⲃ</ab>
4 ⲉⲁⲩϣⲟⲩϣⲟⲩ ⲙⲙⲟⲟⲩ ⲛϭⲓ ⲛⲉⲧⲙⲟⲥⲧⲉ ⲙⲙⲟⲕ ⲛⲧⲙⲏⲧⲉ ⲙⲡⲉⲕϣⲁ ⲁⲩⲕⲁⲛⲉⲩⲙⲁⲉⲓⲛ ⲙⲙⲁⲉⲓⲛ ⲁⲩⲱ ⲙⲡⲟⲩⲉⲓⲙⲉ</ab>
5 ⲕⲛⲁⲧⲁⲕⲟ ⲛⲧⲉⲩϩⲓⲏ ⲛⲉⲓ ⲉϩⲟⲩⲛ ⲙⲡⲉⲩⲉⲧⲡⲉ ⲁⲩϣⲱⲱⲧ ⲛⲛⲉⲥⲣⲟ ϩⲛ ϩⲉⲛⲕⲉⲗⲉⲃⲓⲛ ⲛⲑⲉ ⲛϩⲉⲛϣⲏⲛ ϩⲛ ⲧⲥⲱϣⲉ</ab>
6 ⲁⲩⲧⲁⲩⲟⲥ ⲉϩⲣⲁⲓ ϩⲛ ⲟⲩⲕⲉⲗⲉⲃⲓⲛ ⲙⲛ ⲟⲩⲥⲟⲧⲃⲉϥ ϩⲓ ⲟⲩⲥⲟⲡ</ab>
7 ⲁⲩⲣⲱⲕϩ ⲙⲡⲉⲕⲡⲉⲧⲟⲩⲁⲁⲃ ϩⲛ ⲟⲩⲕⲱϩⲧ ⲁⲩⲧⲁⲩⲟ ⲉⲡⲉⲥⲏⲧ ⲙⲡⲙⲁ ⲛϣⲱⲡⲉ ⲙⲡⲉⲕⲣⲁⲛ</ab>
8 ⲁⲧⲉⲩⲥⲩⲅⲅⲉⲛⲓⲁ ϩⲓ ⲟⲩⲥⲟⲡ ϫⲟⲟⲥ ϩⲙ ⲡⲉⲩϩⲏⲧ ϫⲉ ⲁⲙⲏⲓⲧⲛ ⲛⲧⲛϥⲓ ⲛⲛϣⲁ ⲙⲡⲛⲟⲩⲧⲉ ϩⲓϫⲙ ⲡⲕⲁϩ</ab>
9 ⲙⲡⲛⲛⲁⲩ ⲉⲛⲉⲩⲙⲁⲉⲓⲛ ⲙⲛⲡⲣⲟⲫⲏⲧⲏⲥ ⲁⲩⲱ ϭⲉ ϥⲛⲁⲥⲟⲩⲱⲛ ⲛⲁⲛ</ab>
10 ϣⲁ ⲧⲛⲁⲩ ⲡⲛⲟⲩⲧⲉ ⲡϫⲁϫⲉ ⲛⲟϭⲛⲉϭ ϥϯⲛⲟⲩϭⲥ ⲙⲡⲉⲕⲣⲁⲛ ⲛϭⲓ ⲡⲉⲧϯⲟⲩⲃⲏⲕ ϣⲁⲃⲟⲗ</ab>
11 ⲉⲧⲃⲉ ⲟⲩ ⲁⲕⲕⲧⲉⲧⲉⲕϭⲓϫ ϣⲁⲃⲟⲗ ⲁⲩⲱ ⲧⲉⲕⲟⲩⲛⲁⲙ ⲛⲧⲙⲏⲧⲉ ⲛⲕⲟⲩⲟⲩⲛⲕ</ab>
12 ⲡⲉⲛⲛⲟⲩⲧⲉ ⲡⲉ ⲡⲉⲛⲣⲣⲟ ϫⲓⲛ ⲉⲛⲉϩ ⲁϥⲣϩⲱⲃ ⲉⲡⲉϥⲟⲩϫⲁⲓ ϩⲛ ⲧⲙⲏⲧⲉ ⲙⲡⲕⲁϩ</ab>
13 ⲛⲧⲟⲕ ⲁⲕⲧⲁϫⲣⲉⲑⲁⲗⲁⲥⲥⲁ ϩⲛ ⲧⲉⲕϭⲟⲙ ⲛⲧⲟⲕ ⲁⲕⲟⲩⲉϣϥⲧⲁⲡⲉ ⲛⲛⲉⲇⲣⲁⲕⲟⲛ ϩⲓϫⲙ ⲡⲙⲟⲟⲩ</ab>
14 ⲛⲧⲟⲕ ⲁⲕⲗⲉϫⲛⲁⲡⲏⲩⲉ ⲙⲡⲉⲇⲣⲁⲕⲟⲛ ⲁⲕϯ ⲙⲙⲟϥ ⲛϩⲣⲉ ⲛⲛⲗⲁⲟⲥ ⲛⲛⲉϭⲟⲟϣ</ab>
15 ⲛⲧⲟⲕ ⲡⲉⲛⲧⲁⲕⲡⲉϩⲙⲡⲏⲅⲏ ⲙⲛ ⲙⲙⲟⲩ ⲛⲥⲱⲣⲙ ⲛⲧⲟⲕ ⲉⲛⲧⲁⲕⲧⲣⲉⲛⲓⲉⲣⲱⲟⲩ ⲉⲧⲧⲁϫⲣⲏⲩ ϣⲟⲟⲩⲉ</ab>
16 ⲡⲱⲕ ⲡⲉ ⲡⲉϩⲟⲟⲩ ⲁⲩⲱ ⲧⲱⲕ ⲧⲉ ⲧⲉⲩϣⲏ ⲛⲧⲟⲕ ⲡⲉ ⲛⲧⲁⲕⲥⲃⲧⲉⲡⲟⲩⲟⲉⲓⲛ ⲙⲛ ⲡⲣⲏ</ab>
17 ⲛⲧⲟⲕ ⲡⲉ ⲛⲧⲁⲕⲥⲃⲧⲉⲛⲧⲟϣ ⲧⲏⲣⲟⲩ ⲙⲡⲕⲁϩ ⲡϣⲱⲙ ⲙⲛ ⲡⲉⲁⲣ ⲛⲧⲟⲕ ⲡⲉ ⲛⲧⲁⲕⲡⲗⲁⲥⲥⲉ ⲙⲙⲟⲟⲩ</ab>
18 ⲁⲣⲓⲡⲙⲉⲉⲩⲉ ⲙⲡⲉⲓⲥⲱⲛⲧ ⲛⲧⲁⲕ ⲡϫⲁϫⲉ ⲁϥⲛⲟϭⲛⲉϭ ⲙⲡϫⲟⲉⲓⲥ ⲟⲩⲗⲁⲟⲥ ⲛⲁⲑⲏⲧ ⲁϥϯⲛⲟⲩϭⲥ ⲙⲡⲉϥⲣⲁⲛ</ab>
19 ⲟⲩⲯⲩⲭⲏ ⲉⲥⲟⲩⲱⲛϩ ⲛⲁⲕ ⲉⲃⲟⲗ ⲙⲡⲣⲧⲁⲁⲥ ⲛⲛⲉⲑⲏⲣⲓⲟⲛ ⲙⲡⲣⲣⲡⲱⲃϣ ⲛⲛⲉⲯⲩⲭⲏ ⲛⲛϩⲏⲕⲉ ϣⲁⲃⲟⲗ</ab>
20 ϭⲱϣⲧ ⲉϩⲣⲁⲓ ⲉϫⲛ ⲧⲉⲕⲇⲓⲁⲑⲏⲕⲏ ϫⲉ ⲁⲩⲙⲟⲩϩ ⲛⲁⲛⲟⲙⲓⲁ ⲛϭⲓ ⲛⲏⲓ ⲛⲛⲉⲧϫⲟⲟⲣⲉ ⲉⲃⲟⲗ ⲛⲧⲉⲡⲕⲁϩ</ab>
21 ⲙⲡⲣⲧⲣⲉⲡⲉⲧⲑⲃⲃⲓⲏⲩ ⲕⲟⲧϥ ⲉⲃⲟⲗ ⲉϥϫⲓϣⲓⲡⲉⲡϩⲏⲕⲉ ⲙⲛ ⲡⲉⲃⲓⲏⲛ ⲛⲁⲥⲙⲟⲩ ⲉⲡⲉⲕⲣⲁⲛ</ab>
22 ⲧⲱⲟⲩⲛⲅ ⲡⲛⲟⲩⲧⲉ ⲛⲅϯϩⲁⲡ ⲉⲡⲁϩⲁⲡ ⲁⲣⲓⲡⲙⲉⲉⲩⲉ ⲛⲛⲉⲕⲛⲟϭⲛⲉϭ ⲉⲧⲉⲣⲉⲡⲁⲧϩⲏⲧ ⲉⲓⲣⲉ ⲙⲙⲟⲟⲩ ⲙⲡⲉϩⲟⲟⲩ ⲧⲏⲣϥ</ab>
23 ⲙⲡⲣⲣⲡⲱⲃϣ ⲙⲡⲉϩⲣⲟⲟⲩ ⲛⲛⲉⲕϩⲙϩⲁⲗ ⲧⲙⲛⲧϫⲁⲥⲓϩⲏⲧ ⲛⲛⲉⲧⲙⲟⲥⲧⲉ ⲙⲙⲟⲕ ⲁⲥⲉⲓ ⲉϩⲣⲁⲓ ϣⲁⲣⲟⲕ ⲛⲟⲩⲟⲉⲓϣ ⲛⲓⲙ</ab>