1 ⲁⲧⲥⲟⲫⲓⲁ ⲕⲉⲧⲟⲩⲏⲓ ⲛⲁⲥ ⲁⲩⲱ ⲁⲥⲧⲁϫⲣⲟ ⲛⲥⲁϣϥ ⲛⲥⲧⲩⲗⲟⲥ</ab>
2 ⲁⲥⲕⲱⲛⲥ ⲛⲛⲉⲥϣⲱⲱⲧ ⲁⲥⲕⲉⲣⲁ ⲙⲡⲉⲥⲏⲣⲡ ⲉⲩϩⲛⲁⲁⲩ ⲁⲥⲥⲟⲃⲧⲉ ⲛⲧⲉⲥⲧⲣⲁⲡⲉⲍⲁ</ab>
3 ⲁⲥϫⲟⲟⲩ ⲛⲛⲉⲥϩⲙϩⲁⲗ ⲉⲥⲙⲟⲩⲧⲉ ϩⲛⲟⲩⲛⲟϭ ⲛⲧⲁϣⲉⲟⲉⲓϣ ⲉϫⲙⲡⲉϩⲛⲁⲁⲩ ⲉⲥϫⲱ ⲙⲙⲟⲥ</ab>
4 ϫⲉ ⲡⲁⲑⲏⲧ ⲉⲧⲛϩⲏⲧⲧⲏⲩⲧⲛ ⲙⲁⲣⲉϥⲣⲁⲕⲧϥ ϣⲁⲣⲟⲓ ⲁⲩⲱ ⲡⲉϫⲁⲥ ⲛⲛⲉⲧϣⲁⲁⲧ ⲛⲥⲃⲱ</ab>
5 ϫⲉ ⲁⲙⲉⲓⲧⲛ ⲛⲧⲉⲧⲛⲟⲩⲱⲙ ⲉⲃⲟⲗ ϩⲛⲛⲁⲟⲉⲓⲕ ⲁⲩⲱ ⲛⲧⲉⲧⲛⲥⲱ ⲙⲡⲁⲏⲣⲡ ⲛⲧⲁⲓⲕⲉⲣⲁ ⲙⲙⲟϥ</ab>
6 ⲕⲱ ⲛⲥⲱⲧⲛ ⲛⲧⲙⲛⲧⲁⲑⲏⲧ ϫⲉ ⲉⲧⲉⲧⲛⲉⲱⲛϩ ⲛⲧⲉⲧⲛϣⲓⲛⲉ ⲛⲥⲁⲧⲙⲛⲧⲣⲙⲛϩⲏⲧ ϫⲉ ⲉⲧⲉⲧⲛⲉⲣⲁϩⲉ ⲁⲩⲱ ϫⲉ ⲉⲧⲉⲧⲛⲉⲥⲟⲟⲩⲧⲛ ⲛⲧⲙⲛⲧⲣⲙⲛϩⲏⲧ ϩⲛⲟⲩⲥⲟⲟⲩⲧⲛ ⲙⲉⲉⲩⲉ ⲉⲧⲉⲥⲃⲱ ϩⲛⲟⲩϩⲓⲏ ⲉⲥⲥⲟⲩⲧⲱⲛ</ab>
7 ⲡⲉⲧϯⲥⲃⲱ ⲛⲛⲉⲑⲟⲟⲩ ⲉϥⲛⲁϫⲓ ⲛⲁϥ ⲛϩⲉⲛⲥⲱϣ ⲉⲣⲉⲟⲩⲥⲱϣ ⲇⲉ ⲛⲏⲩ ⲉϫⲛⲛⲉⲑⲟⲟⲩ ϩⲙⲡⲉⲧⲟⲩϭⲱϣⲧ ⲉⲃⲟⲗ ϩⲏⲧϥ ϩⲉⲛⲉⲗⲉⲗⲕⲏⲙⲉ ⲛⲉ ⲛⲉϫⲡⲓⲟ ⲉⲧϣⲟⲟⲡ ⲙⲡⲁⲥⲉⲃⲏⲥ</ab>
8 ⲙⲡⲣϫⲡⲓⲉⲛⲉⲑⲟⲟⲩ ⲇⲉ ⲛⲛⲉⲩⲙⲉⲥⲧⲱⲕ ϫⲡⲓⲉⲟⲩⲥⲁⲃⲉ ⲧⲁⲣⲉϥⲙⲉⲣⲓⲧⲕ</ab>
9 ϯⲧⲁⲫⲟⲣⲙⲏ ⲛⲟⲩⲥⲟⲫⲟⲥ ⲧⲁⲣⲉϥⲣϩⲟⲩⲉⲥⲟⲫⲟⲥ ⲙⲁⲧⲁⲙⲉⲡⲇⲓⲕⲁⲓⲟⲥ ⲧⲁⲣⲉϥϣⲣⲡⲥⲟⲟⲩⲛ ⲛϩⲟⲩⲟ</ab>
10 ⲧⲁⲣⲭⲏ ⲛⲧⲥⲟⲫⲓⲁ ⲧⲉ ⲧⲙⲛⲧⲙⲁⲓⲛⲟⲩⲧⲉ ⲧⲙⲛⲧⲣⲙⲛϩⲏⲧ ⲇⲉ ⲛⲛⲉⲧⲟⲩⲁⲁⲃ ⲡⲉ ⲡϣⲣⲡⲥⲟⲟⲩⲛ ⲡⲁⲟⲩϩⲏⲧ ⲇⲉ ⲉⲛⲁⲛⲟⲩϥ ⲡⲉ ⲡⲉⲓⲙⲉ ⲉⲡⲛⲟⲙⲟⲥ</ab>
11 ϩⲙⲡⲉⲓⲥⲙⲟⲧ ⲅⲁⲣ ⲉⲕⲛⲁⲣⲟⲩⲛⲟϭ ⲛⲁϩⲉ ⲁⲩⲱ ⲥⲉⲛⲁⲟⲩⲱϩ ⲉⲣⲟⲕ ⲛϩⲉⲛⲣⲙⲡⲟⲟⲩⲉ ⲛⲱⲛϩ</ab>
12 ⲡⲁϣⲏⲣⲉ ⲉⲕϣⲁⲛⲣⲥⲟⲫⲟⲥ ⲉⲕⲛⲁⲉⲓⲣⲉ ⲛⲁⲕ ⲙⲛⲡⲉⲧϩⲓⲧⲟⲩⲱⲕ ⲉϣⲱⲡⲉ ⲇⲉ ⲉⲕϣⲁⲛⲑⲟ ⲉⲕⲛⲁⲥⲉⲕⲡⲉⲑⲟⲟⲩ ⲛⲁⲕ ⲟⲩⲁⲁⲕ ⲡⲉⲧⲧⲁϫⲣⲟ ⲙⲙⲟϥ ⲉϫⲛϩⲉⲛϭⲟⲗ ⲡⲁⲓ ⲉϥⲙⲟⲟⲛⲉ ⲛϩⲉⲛⲧⲏⲩ ⲁⲩⲱ ⲉϥⲡⲏⲧ ⲛⲥⲁϩⲉⲛϩⲁⲗⲁⲧⲉ ⲉⲩϩⲏⲗ ⲁϥⲕⲱ ⲅⲁⲣ ⲛⲥⲱϥ ⲛⲛⲉϩⲓⲟⲟⲩⲉ ⲙⲡⲉϥⲙⲁⲛⲉⲗⲟⲟⲗⲉ ⲁⲩⲱ ⲁϥⲣⲡⲱⲃϣ ⲛⲛⲉϩⲓⲟⲟⲩⲉ ⲛⲧⲉϥⲥⲱϣⲉ ⲙⲙⲓⲛ ⲙⲙⲟϥ ⲉϥⲙⲟⲟϣⲉ ϩⲓⲧⲛⲟⲩϫⲁⲓⲉ ⲛⲁⲧⲙⲟⲟⲩ ⲁⲩⲱ ϩⲛⲟⲩⲕⲁϩ ⲉϥϣⲏϥ ϩⲛⲟⲩⲉⲓⲃⲉ ⲉϥⲥⲟⲩⲱϩ ⲇⲉ ⲉϩⲟⲩⲛ ⲛⲛⲉϥϭⲓϫ ⲑⲛⲟⲩϣⲱⲱⲃⲉ</ab>
13 ⲟⲩⲛⲟⲩⲥϩⲓⲙⲉ ⲛⲁϣⲧⲙⲙⲉ ⲁⲩⲱ ⲛⲁⲑⲏⲧ ⲛⲁⲣϭⲣⲱϩ ⲙⲡⲟⲉⲓⲕ ⲧⲁⲓ ⲉⲧⲉ ⲛⲥⲥⲟⲟⲩⲛ ⲁⲛ ⲙⲡϣⲓⲡⲉ</ab>
14 ⲁⲥϩⲙⲟⲟⲥ ϩⲓⲣⲛⲑⲛⲣⲟ ⲙⲡⲉⲥⲏⲓ ϩⲓⲟⲩⲧⲟϭⲥ ⲉⲥⲟⲩⲟⲛϩ ⲉⲃⲟⲗ ϩⲓⲛⲉⲡⲗⲁⲧⲓⲁ</ab>
15 ⲉⲥⲙⲟⲩⲧⲉ ⲉⲛⲉⲧⲡⲁⲣⲁⲅⲉ ⲁⲩⲱ ⲛⲉⲧⲥⲟⲩⲧⲱⲛ ϩⲓⲛⲉⲩϩⲓⲟⲟⲩⲉ ⲉⲥϫⲱ ⲙⲙⲟⲥ</ab>
16 ϫⲉ ⲛⲓⲙ ⲡⲉ ⲡⲁⲑⲏⲧ ⲉⲧⲛϩⲏⲧⲧⲏⲩⲧⲛ ⲙⲁⲣⲉϥⲣⲁⲕⲧϥ ϣⲁⲣⲟⲓ ϯⲟⲩⲁϩⲥⲁϩⲛⲉ ⲇⲉ ⲛⲛⲉⲧϣⲁⲁⲧ ⲛⲥⲃⲱ ⲉⲓϫⲱ ⲙⲙⲟⲥ</ab>
17 ϫⲉ ⲟⲩⲱⲙ ⲛϩⲉⲛⲟⲉⲓⲕ ⲉⲩϩⲏⲡ ϩⲛⲟⲩⲟⲩⲣⲟⲧ ⲙⲛⲟⲩⲙⲟⲟⲩ ⲑⲛϫⲓⲟⲩⲉ ⲉϥϩⲟⲗϭ</ab>
18 ⲛϥⲥⲟⲟⲩⲛ ⲇⲉ ⲁⲛ ϫⲉ ⲉⲣⲉⲛⲣⲱⲙⲉ ⲙⲟⲩ ϩⲁⲧⲏⲥ ⲁⲩⲱ ⲉⲥⲧⲱⲙⲛⲧ ⲉⲡⲡⲁϣ ⲛⲁⲙⲛⲧⲉ ⲁⲗⲗⲁ ⲡⲱⲧ ⲉⲡⲟⲩⲉ ⲛⲅⲧⲙⲱⲥⲕ ϩⲙⲡⲉⲥⲙⲁ ⲁⲩⲱ ⲙⲡⲣⲥⲙⲛⲛⲉⲕⲃⲁⲗ ⲉϩⲟⲩⲛ ⲉϩⲣⲁⲥ ⲧⲁⲓ ⲅⲁⲣ ⲧⲉ ⲑⲉ ⲉⲧⲕⲛⲁϫⲓⲟⲟⲣ ⲛⲟⲩⲙⲟⲟⲩ ⲉⲛⲡⲱⲕ ⲁⲛ ⲡⲉ ⲁⲩⲱ ⲉⲕⲛⲁⲟⲩⲱⲧⲃ ⲛⲟⲩⲉⲓⲉⲣⲟ ⲛϣⲙⲙⲟ ⲥⲁϩⲱⲕ ⲉⲃⲟⲗ ⲑⲛⲟⲩⲙⲟⲟⲩ ⲉⲛⲡⲱⲕ ⲁⲛ ⲡⲉ ⲁⲩⲱ ⲙⲡⲣⲥⲱ ϩⲛⲟⲩⲡⲏⲅⲏ ⲛϣⲙⲙⲟ ϫⲉ ⲉⲕⲉⲣⲟⲩⲛⲟϭ ⲛⲁϩⲉ ⲡⲉⲧϩⲱⲛ ⲅⲁⲣ ⲉϩⲟⲩⲛ ⲉⲧⲁⲓ ϥⲛⲁⲃⲱⲕ ⲉⲡⲉⲥⲏⲧ ⲉⲁⲙⲛⲧⲉ ⲡⲉⲧⲛⲁⲥⲁϩⲱϥ ⲇⲉ ⲉⲃⲟⲗ ϥⲛⲁⲟⲩϫⲁⲓ ⲁⲩⲱ ϥⲛⲁⲱⲛϩ ⲉⲩⲟⲩⲟⲉⲓϣ ⲛⲁϩⲉ ⲥⲉⲛⲁⲟⲩⲱϩ ⲇⲉ ⲉⲣⲟϥ ⲛϩⲉⲛⲣⲙⲡⲟⲟⲩⲉ ⲛⲱⲛϩ</ab>
19 <gap reason=""/>
20 <gap reason=""/>
21 <gap reason=""/>
22 <gap reason=""/>
23 <gap reason=""/>
24 <gap reason=""/>
25 <gap reason=""/>