1 ⲛⲧⲟⲕ ⲇⲉ ⲧⲁϣⲉⲟⲉⲓϣ ⲛⲧⲥⲟⲫⲓⲁ ϫⲉ ⲉⲣⲉⲧⲙⲛⲧⲣⲙⲛϩⲏⲧ ⲥⲱⲧⲙ ⲛⲁⲕ</ab>
2 ⲉⲥϩⲓϫⲛⲛⲕⲟⲟϩ ⲅⲁⲣ ⲉⲧϫⲟⲥⲉ ⲥⲁϩⲉ ⲇⲉ ⲉⲣⲁⲧⲥ ϩⲛⲧⲙⲏⲧⲉ ⲛⲛⲉϩⲓⲟⲟⲩⲉ</ab>
3 ⲥϭⲟⲣϭ ϩⲁⲧⲛⲙⲡⲩⲗⲏ ⲛⲛϫⲱⲱⲣⲉ ⲁⲩⲱ ⲥⲉⲥⲙⲟⲩ ⲉⲣⲟⲥ ϩⲛⲑⲙⲙⲁⲛⲃⲱⲕ ⲉϩⲟⲩⲛ</ab>
4 ϫⲉ ϯⲡⲁⲣⲁⲕⲁⲗⲓ ⲙⲙⲱⲧⲛ ⲛⲣⲱⲙⲉ ⲁⲩⲱ ϯϫⲱ ⲛⲏⲧⲛ ⲛⲧⲁⲥⲃⲱ ⲛϣⲏⲣⲉ ⲛⲛⲣⲱⲙⲉ</ab>
5 ⲛⲃⲁⲗϩⲏⲧ ⲛⲟⲓ ⲛⲟⲩⲙⲛⲧⲥⲁⲃⲉ ⲛⲁⲑⲏⲧ ϯ ⲙⲡⲉⲧⲛϩⲏⲧ</ab>
6 ⲥⲱⲧⲙ ⲉⲣⲟⲓ ϫⲉ ⲉⲓⲛⲁϫⲱ ⲅⲁⲣ ⲛϩⲉⲛⲥⲃⲱ ⲁⲩⲱ ⲉⲓⲛⲁⲟⲩⲱⲛ ⲛⲛⲉⲧⲥⲟⲩⲧⲱⲛ ⲉⲃⲟⲗ ϩⲛⲛⲁⲥⲡⲟⲧⲟⲩ</ab>
7 ⲉⲣⲉⲣⲱⲓ ⲅⲁⲣ ⲙⲉⲗⲉⲧⲁ ⲛⲟⲩⲡⲓⲥⲧⲓⲥ ⲛⲉⲥⲡⲟⲧⲟⲩ ⲇⲉ ⲛϭⲟⲗ ϫⲁϩⲙ ⲙⲡⲁⲙⲧⲟ ⲉⲃⲟⲗ</ab>
8 ⲉⲣⲉⲛϣⲁϫⲉ ⲧⲏⲣⲟⲩ ⲛⲣⲱⲓ ϩⲛⲟⲩⲇⲓⲕⲁⲓⲟⲥⲩⲛⲏ ⲙⲛⲗⲁⲁⲩ ⲛϩⲏⲧⲟⲩ ⲉϥϭⲟⲟⲙⲉ ⲟⲩⲇⲉ ⲉϥϫⲏⲩ ⲛⲕⲟⲧⲥ</ab>
9 ⲥⲉⲙⲡⲉⲙⲧⲟ ⲉⲃⲟⲗ ⲧⲏⲣⲟⲩ ⲛⲛⲉⲧⲛⲟⲓ ⲥⲉⲥⲟⲩⲧⲱⲛ ⲇⲉ ⲛⲛⲉⲧⲟⲩⲱϣ ⲉϫⲓ ⲛⲟⲩⲁⲓⲥⲑⲏⲥⲓⲥ</ab>
10 ϯϩⲏⲩ ⲛⲟⲩⲥⲃⲱ ⲛⲟⲩϩⲁⲧ ⲁⲛ ⲁⲩⲱ ⲟⲩⲥⲟⲟⲩⲛ ⲉϩⲟⲩⲉⲟⲩⲛⲟⲩⲃ ⲉϥⲥⲟⲧⲡ ⲥⲉⲧⲡⲧⲙⲛⲧⲣⲙⲛϩⲏⲧ ⲉϩⲟⲩⲉⲡⲛⲟⲩⲃ ⲉⲧⲧⲁⲓⲏⲩ</ab>
11 ⲧⲥⲟⲫⲓⲁ ⲅⲁⲣ ⲥⲟⲧⲡ ⲉϩⲟⲩⲉϩⲉⲛⲉⲛⲉ ⲙⲙⲉ ⲛⲉⲧⲧⲁⲓⲏⲩ ⲇⲉ ⲧⲏⲣⲟⲩ ⲙⲡϣⲁ ⲙⲙⲟⲥ ⲁⲛ</ab>
12 ⲁⲛⲟⲕ ⲧⲥⲟⲫⲓⲁ ⲁⲓⲥⲱⲛⲧ ⲙⲡϣⲟϫⲛⲉ ⲁⲛⲟⲕ ⲁⲓⲕⲱ ⲛⲁⲓ ⲛⲧⲁⲓⲥⲑⲏⲥⲓⲥ ⲙⲛⲡⲙⲉⲉⲩⲉ</ab>
13 ⲧⲙⲛⲧⲙⲁⲓⲛⲟⲩⲧⲉ ⲙⲟⲥⲧⲉ ⲛⲧⲕⲁⲕⲓⲁ ⲁⲩⲱ ⲥⲙⲟⲥⲧⲉ ⲛⲟⲩⲥⲱϣ ⲙⲛⲟⲩⲙⲛⲧϫⲁⲥⲓϩⲏⲧ ⲙⲛϩⲉⲛϩⲓⲟⲟⲩⲉ ⲉⲩϩⲟⲟⲩ ⲙⲛⲟⲩⲧⲁⲡⲣⲟ ⲛϭⲟⲗ ⲡⲱⲓ ⲡⲉ ⲡϣⲟϫⲛⲉ ⲙⲛⲡⲱⲣϫ</ab>
14 ⲧⲱⲓ ⲧⲉ ⲧⲙⲛⲧⲣⲙⲛϩⲏⲧ ⲧⲱⲓ ⲧⲉ ⲧϭⲟⲙ</ab>
15 ⲉⲣⲉⲛⲉⲣⲣⲱⲟⲩ ⲟ ⲛⲣⲣⲟ ⲉⲃⲟⲗ ϩⲓⲧⲟⲟⲧ ⲁⲩⲱ ⲉⲣⲉⲛϫⲱⲱⲣⲉ ⲁⲙⲁϩⲧⲉ ⲡⲕⲁϩ ⲉⲃⲟⲗ ϩⲓⲧⲟⲟⲧ</ab>
16 ⲉⲣⲉⲛⲛⲟϭ ⲁⲓⲁⲓ ⲉⲃⲟⲗ ϩⲓⲧⲟⲟⲧ ⲁⲩⲱ ⲉⲣⲉⲛⲧⲩⲣⲁⲛⲛⲟⲥ ⲁⲙⲁϩⲧⲉ ⲙⲡⲕⲁϩ ⲉⲃⲟⲗ ϩⲓⲧⲟⲟⲧ</ab>
17 ⲁⲛⲟⲕ ⲉⲓⲙⲉ ⲛⲛⲉⲧⲙⲉ ⲙⲙⲟⲓ ⲛⲉⲧϣⲓⲛⲉ ⲇⲉ ⲛⲥⲱⲓ ⲥⲉⲛⲁϭⲛⲧ</ab>
18 ⲟⲩⲛⲧⲁⲓⲧⲙⲛⲧⲣⲙⲙⲁⲟ ⲅⲁⲣ ⲙⲛⲡⲉⲟⲩ ⲁⲩⲱ ⲟⲩϫⲡⲉϩⲁϩ ⲙⲛⲟⲩⲇⲓⲕⲁⲓⲟⲥⲩⲛⲏ</ab>
19 ⲛⲁⲛⲟⲩϫⲡⲟⲓ ⲛⲏⲧⲛⲉϩⲟⲩⲉⲡⲛⲟⲩⲃ ⲙⲛⲡⲉⲛⲉ ⲙⲙⲉ ⲁⲩⲱ ⲛⲁⲛⲟⲩⲛⲁⲅⲉⲛⲏⲙⲁ ⲉϩⲟⲩⲉⲡϩⲁⲧ ⲉⲧⲥⲟⲧⲡ</ab>
20 ⲉⲓⲙⲟⲟϣⲉ ϩⲛϩⲉⲛϩⲓⲟⲟⲩⲉ ⲙⲙⲛⲧⲙⲉ ⲁⲩⲱ ⲉⲓⲃⲏⲕ ϩⲛⲛⲉϩⲓⲟⲟⲩⲉ ⲛⲧⲙⲉ</ab>
21 ϫⲉⲕⲁⲥ ⲉⲓⲉⲡⲱϣ ⲉϫⲛⲛⲉⲧⲙⲉ ⲙⲙⲟⲓ ⲛⲟⲩⲙⲛⲧⲣⲙⲙⲁⲟ ⲁⲩⲱ ⲛⲧⲁⲙⲉϩⲛⲉⲩⲁϩⲱⲱⲣ ⲛⲁⲅⲁⲑⲟⲛ ⲉⲓϣⲁⲛϫⲱ ⲛⲏⲧⲛ ⲛⲛⲉⲧϣⲟⲟⲡ ⲙⲙⲏⲏⲛⲉ ϯⲛⲁⲣⲡⲙⲉⲉⲩⲉ ⲉⲉⲡ ϫⲓⲛⲉⲛⲉϩ</ab>
22 ⲁⲡⲛⲟⲩⲧⲉ ⲥⲟⲛⲧ ϩⲛⲧⲁⲣⲭⲏ ⲛⲛⲉϥϩⲓⲟⲟⲩⲉ ⲉⲛⲉϥϩⲃⲏⲩⲉ ⲉⲙⲡⲁⲧϥⲧⲁⲙⲓⲉⲗⲁⲁⲩ</ab>
23 ⲁⲩⲱ ⲁϥⲥⲙⲛⲥⲛⲧⲉ ⲙⲙⲟⲓ ϩⲁⲑⲏ ⲛⲛⲉⲛⲉϩ ϩⲛⲧⲁⲣⲭⲏ</ab>
24 ⲉⲙⲡⲁⲧϥⲧⲁⲙⲓⲉⲡⲕⲁϩ ⲁϥϫⲡⲟⲓ ⲇⲉ ϩⲁⲑⲏ ⲙⲡⲛⲟⲩⲛ</ab>
25 ⲉⲙⲡⲁⲧⲉⲙⲡⲏⲅⲏ ⲙⲙⲟⲟⲩ ⲉⲓ ⲉⲃⲟⲗ ⲉⲙⲡⲁⲧϥⲧⲁϫⲣⲉⲛⲧⲟⲟⲩ ⲁⲩⲱ ⲛϥⲡⲗⲁⲥⲥⲉ ⲙⲡⲕⲁϩ ⲙⲛⲧⲟⲓⲕⲟⲩⲙⲉⲛⲏ ⲁϥϫⲡⲟⲓ ⲇⲉ ϩⲁⲑⲏ ⲛⲥⲓⲃⲧ ⲛⲓⲙ</ab>
26 ⲁⲡⲛⲟⲩⲧⲉ ⲧⲁⲙⲓⲉⲧⲡⲉ ⲙⲛⲡⲕⲁϩ ⲁⲩⲱ ⲁⲣⲏϫϥ ⲙⲡⲕⲁϩ ⲉⲧϭⲟⲣϭ ϩⲁⲧⲡⲉ</ab>
27 ⲉϥⲛⲁⲥⲃⲧⲉⲧⲡⲉ ⲛⲉⲓⲛⲙⲙⲁϥ ⲡⲉ ⲁⲩⲱ ⲉϥⲛⲁⲡⲣϣⲡⲉϥⲑⲣⲟⲛⲟⲥ ⲉⲃⲟⲗ ϩⲓϫⲛⲛⲧⲏⲩ</ab>
28 ⲁⲩⲱ ⲉϥⲛⲁⲱⲣϫ ⲛⲙⲡⲏⲅⲏ ⲉⲧϩⲁⲧⲡⲉ ⲉϥⲛⲁⲧⲁϫⲣⲉⲛⲉⲕⲗⲟⲟⲗⲉ ⲉⲧϩⲣⲁⲓ</ab>
29 ⲁⲩⲱ ⲉϥⲛⲁⲣϫⲛⲥⲛⲧⲉ ⲙⲡⲕⲁϩ</ab>
30 ⲛⲉⲓⲛⲙⲙⲁϥ ⲡⲉ ⲉⲓⲥⲟⲃⲧⲉ ⲛⲁϥ ⲁⲛⲟⲕ ⲡⲉ ⲛⲉϥⲣⲁϣⲉ ⲛⲙⲙⲁⲓ ⲛⲉⲓⲉⲩⲫⲣⲁⲛⲉ ⲇⲉ ⲙⲙⲏⲏⲛⲉ ⲙⲡⲉϥⲙⲧⲟ ⲉⲃⲟⲗ ⲛⲟⲩⲟⲉⲓϣ ⲛⲓⲙ</ab>
31 ⲁⲩⲱ ⲉϥⲛⲁⲉⲩⲫⲣⲁⲛⲉ ⲛⲧⲉⲣⲉϥϫⲱⲕ ⲉⲃⲟⲗ ⲛⲧⲟⲓⲕⲟⲩⲙⲉⲛⲏ ⲁⲩⲱ ⲉϥⲛⲁⲉⲩⲫⲣⲁⲛⲉ ⲉϫⲛⲛϣⲏⲣⲉ ⲛⲛⲣⲱⲙⲉ ϣⲁⲣⲉⲛⲉϥⲁϩⲱⲣ ⲇⲉ ⲧⲣⲉⲛⲣⲱⲙⲉ ⲣⲁϣⲉ</ab>
32 ⲧⲉⲛⲟⲩ ϭⲉ ⲛⲁϣⲏⲣⲉ ⲥⲱⲧⲙ ⲉⲣⲟⲓ</ab>
33 ϯϩⲧⲏⲧⲛ ⲉⲡϣⲁϫⲉ ⲛⲧⲁⲥⲃⲱ ϫⲉ ⲉⲧⲉⲧⲛⲣⲟⲩⲛⲟϭ ⲛⲁϩⲉ ⲁⲩⲱ ⲛⲧⲉⲧⲛⲣⲥⲟⲫⲟⲥ ⲙⲡⲣⲣⲡⲃⲟⲗ ⲛⲛⲁϫⲡⲓⲟ</ab>
34 ⲛⲁⲓⲁⲧϥ ⲙⲡⲣⲱⲙⲉ ⲉⲧⲛⲁⲥⲱⲧⲙ ⲉⲣⲟⲓ ⲁⲩⲱ ⲡⲣⲱⲙⲉ ⲉⲧⲛⲁϩⲁⲣⲉϩ ⲉⲛⲁϩⲓⲟⲟⲩⲉ ⲉⲧⲟ ⲛⲟⲩϣⲏ ⲛⲣⲟⲉⲓⲥ ϩⲓⲣⲛⲛⲁⲣⲟ ⲙⲙⲏⲏⲛⲉ ⲉϥϩⲁⲣⲉϩ ⲉⲛⲟⲩⲉϭⲣⲟ ⲛⲛⲁⲙⲁ ⲛⲉⲓ ⲉϩⲟⲩⲛ</ab>
35 ⲛⲁϩⲓⲟⲟⲩⲉ ⲅⲁⲣ ϩⲉⲛϩⲓⲟⲟⲩⲉ ⲛⲱⲛϩ ⲛⲉ ⲁⲩⲱ ⲉⲣⲉⲡⲟⲩⲱϣ ⲥⲟⲃⲧⲉ ⲉⲃⲟⲗ ϩⲓⲧⲙⲡϫⲟⲉⲓⲥ ⲉⲣⲉⲡⲟⲩⲣⲟⲧ ⲇⲉ ⲛⲏⲩ ⲉⲃⲟⲗ ϩⲓⲧⲙⲡⲛⲟⲩⲧⲉ ⲙⲛϩⲱⲃ ⲛⲓⲙ ⲉⲧⲥⲟⲧⲡ</ab>
36 ⲛⲉⲧⲣⲛⲟⲃⲉ ⲇⲉ ⲉⲣⲟⲓ ⲥⲉⲛⲁⲃⲗⲁⲡⲧⲉⲓ ⲛⲛⲉⲩⲯⲩⲭⲏ ⲁⲩⲱ ⲛⲉⲧⲙⲟⲥⲧⲉ ⲙⲙⲟⲓ ⲉⲩⲟ ⲛϣⲃⲏⲣ ⲉⲡⲙⲟⲩ</ab>
37 <gap reason=""/>