1 ϣⲁⲣⲉⲟⲩϣⲏⲣⲉ ⲛⲥⲟⲫⲟⲥ ⲉⲩⲫⲣⲁⲛⲉ ⲙⲡⲉϥⲉⲓⲱⲧ ⲟⲩⲗⲩⲡⲏ ⲇⲉ ⲛⲧⲉϥⲙⲁⲁⲩ ⲡⲉ ⲟⲩϣⲏⲣⲉ ⲛⲁⲑⲏⲧ</ab>
2 ⲛⲁϩⲱⲱⲣ ⲛⲁϯϩⲏⲩ ⲁⲛ ⲛⲛⲁⲛⲟⲙⲟⲥ ϣⲁⲣⲉⲧⲇⲓⲕⲁⲓⲟⲥⲩⲛⲏ ⲇⲉ ⲛⲟⲩϩⲙ ⲉⲃⲟⲗ ϩⲙⲡⲙⲟⲩ</ab>
3 ⲡϫⲟⲉⲓⲥ ⲛⲁⲙⲉⲩⲧⲟⲩⲯⲩⲭⲏ ⲁⲛ ⲛⲇⲓⲕⲁⲓⲟⲥ ϩⲁⲡⲉϩⲕⲟ ϥⲛⲁⲟⲩⲱⲗⲥ ⲇⲉ ⲙⲡⲱⲛϩ ⲛⲛⲁⲥⲉⲃⲏⲥ</ab>
4 ϣⲁⲣⲉⲧⲙⲛⲧϩⲏⲕⲉ ⲑⲃⲃⲓⲉⲡⲣⲱⲙⲉ ϣⲁⲣⲉⲧϫⲓϭ ⲇⲉ ⲛⲛϫⲱⲱⲣⲉ ⲣⲣⲙⲙⲁⲟ ⲟⲩⲛⲟⲩϣⲏⲣⲉ ⲉϥⲧⲥⲁⲃⲏⲩ ⲛⲁⲣⲥⲟⲫⲟⲥ ϥⲛⲁⲭⲣⲱ ⲇⲉ ⲙⲡⲁⲑⲏⲧ ϩⲱⲥ ⲣⲉϥϣⲙϣⲉ</ab>
5 ϥⲛⲁⲟⲩϫⲁⲓ ϩⲛⲟⲩⲕⲁⲩⲙⲁ ⲛϭⲓⲟⲩϣⲏⲣⲉ ⲛⲥⲁⲃⲉ ⲟⲩⲛⲟⲩϣⲏⲣⲉ ⲇⲉ ⲙⲡⲁⲣⲁⲛⲟⲙⲟⲥ ⲛⲁϣⲱⲥⲙ ϩⲙⲡⲱϩⲥ ϥⲛⲁⲥⲟⲩⲱϩ ⲉϩⲟⲩⲛ ϩⲙⲡϣⲱⲙ ⲡⲉϫⲡⲓⲏⲧ ⲇⲉ ⲛⲁϣⲱⲥⲙ ϩⲙⲡⲱϩⲥ</ab>
6 ⲉⲣⲉⲡⲉⲥⲙⲟⲩ ⲙⲡⲛⲟⲩⲧⲉ ϩⲓϫⲛⲧⲁⲡⲉ ⲛⲛⲇⲓⲕⲁⲓⲟⲥ ⲟⲩⲛⲟⲩϩⲏⲃⲉ ⲇⲉ ⲛϣⲁⲣⲁϩⲉ ⲛⲁϩⲱⲃⲥ ⲛⲧⲧⲁⲡⲣⲟ ⲛⲛⲁⲥⲉⲃⲏⲥ</ab>
7 ⲟⲩⲥⲟⲉⲓⲧ ⲉⲛⲁⲛⲟⲩϥ ⲡⲉ ⲡⲣⲡⲙⲉⲉⲩⲉ ⲙⲡⲇⲓⲕⲁⲓⲟⲥ ⲡⲣⲁⲛ ⲇⲉ ⲛⲛⲁⲥⲉⲃⲏⲥ ⲛⲁϫⲉⲛⲁ</ab>
8 ⲡⲥⲟⲫⲟⲥ ϩⲙⲡⲉϥϩⲏⲧ ⲛⲁϣⲱⲡ ⲉⲣⲟϥ ⲛⲧⲛⲧⲟⲟⲗⲏ ⲁⲩⲱ ⲥⲉⲛⲁϭⲱⲡⲉ ⲙⲡⲁⲑⲏⲧ ϩⲛⲛⲉϥⲥⲡⲟⲧⲟⲩ ⲡⲉⲧϣⲧⲣⲧⲱⲣ ⲇⲉ ⲉϥϭⲟⲟⲙⲉ ϩⲛⲛⲉϥⲥⲡⲟⲧⲟⲩ ϥⲛⲁϩⲉ</ab>
9 ⲡⲉⲧⲙⲟⲟϣⲉ ϩⲛⲟⲩⲙⲛⲧⲃⲁⲗϩⲏⲧ ⲉϥⲙⲟⲟϣⲉ ϩⲛⲟⲩⲧⲁϫⲣⲟ ⲡⲉⲧⲕⲧⲟ ⲇⲉ ⲉⲃⲟⲗ ⲛⲛⲉϥϩⲓⲟⲟⲩⲉ ϥⲛⲁⲟⲩⲱⲛϩ ⲉⲃⲟⲗ</ab>
10 ⲡⲉⲧϫⲱⲣⲙ ⲛⲛⲉϥⲃⲁⲗ ϩⲛⲟⲩⲕⲣⲟϥ ϥⲛⲁⲥⲉⲩϩⲗⲩⲡⲓ ⲉϩⲟⲩⲛ ⲛⲛⲣⲱⲙⲉ ⲡⲉⲧϫⲡⲓⲟ ⲇⲉ ϩⲛⲟⲩⲟⲩⲱⲛϩ ⲉⲃⲟⲗ ϥⲛⲁⲁⲁⲩ ⲛⲉⲓⲣⲏⲛⲏ</ab>
11 ⲉⲣⲉⲧⲡⲏⲅⲏ ⲙⲡⲱⲛϩ ϩⲛⲧϭⲓϫ ⲙⲡⲇⲓⲕⲁⲓⲟⲥ ⲡⲧⲁⲕⲟ ⲇⲉ ⲛⲁϩⲱⲃⲥ ⲛⲧⲧⲁⲡⲣⲟ ⲙⲡⲁⲥⲉⲃⲏⲥ</ab>
12 ϣⲁⲣⲉⲡⲙⲟⲥⲧⲉ ⲧⲟⲩⲛⲉⲥⲟⲩϯⲧⲱⲛ ⲟⲩⲟⲛ ⲇⲉ ⲛⲓⲙ ⲉⲧⲉⲛⲥⲉϫⲓ ⲁⲛ ⲛϭⲟⲛⲥ ⲧⲙⲛⲧϣⲃⲏⲣ ⲛⲁϩⲟⲃⲥⲟⲩ</ab>
13 ⲡⲉⲧⲉⲓⲛⲉ ⲛⲟⲩⲥⲟⲫⲓⲁ ⲉⲃⲟⲗ ϩⲛⲣⲱϥ ⲉϥⲣⲱϩⲧ ⲛⲟⲩⲣⲱⲙⲉ ⲛⲁⲑⲏⲧ ϩⲛⲟⲩϭⲉⲣⲱⲃ</ab>
14 ⲛⲥⲟⲫⲟⲥ ⲛⲁϩⲱⲡ ⲛϩⲉⲛⲥⲱϣ ⲧⲧⲁⲡⲣⲟ ⲇⲉ ⲛⲟⲩϣⲧⲣⲧⲱⲣ ⲛⲁϩⲱⲛ ⲉϩⲟⲩⲛ ⲉⲡⲟⲩⲱϣϥ</ab>
15 ⲡⲉϫⲡⲟ ⲛⲟⲩⲣⲙⲙⲁⲟ ⲡⲉ ⲟⲩⲡⲟⲗⲓⲥ ⲉⲥⲟⲣϫ ⲡⲟⲩⲱϣϥ ⲇⲉ ⲛⲛⲁⲥⲉⲃⲏⲥ ⲡⲉ ⲧⲙⲛⲧϩⲏⲕⲉ</ab>
16 ϣⲁⲣⲉⲛⲉϩⲃⲏⲩⲉ ⲙⲡⲇⲓⲕⲁⲓⲟⲥ ϫⲡⲉⲡⲱⲛϩ ⲛⲕⲁⲣⲡⲟⲥ ⲇⲉ ⲛⲛⲁⲥⲉⲃⲏⲥ ⲛⲉ ⲛⲛⲟⲃⲉ</ab>
17 ϣⲁⲣⲉⲧⲉⲥⲃⲱ ϩⲁⲣⲉϩ ⲉⲛⲉϩⲓⲟⲟⲩⲉ ⲙⲡⲱⲛϩ ⲧⲉⲥⲃⲱ ⲇⲉ ⲉⲧⲉⲙⲡⲟⲩϫⲡⲓⲟⲥ ⲡⲗⲁⲛⲁ</ab>
18 ϣⲁⲣⲉϩⲉⲛⲥⲡⲟⲧⲟⲩ ⲙⲙⲉ ϩⲉⲡⲟⲩⲙⲛⲧϫⲁϫⲉ ϩⲉⲛⲁⲑⲏⲧ ⲇⲉ ⲛⲉⲧⲉⲓⲛⲉ ⲉⲃⲟⲗ ⲛϩⲉⲛⲥⲁϩⲟⲩ</ab>
19 ⲉⲃⲟⲗ ϩⲛⲧⲙⲛⲧϩⲁϩ ⲛϣⲁϫⲉ ⲛⲛⲉⲕⲣⲃⲟⲗ ⲉⲛⲟⲃⲉ ⲉⲕϯⲥⲟ ⲇⲉ ⲉⲛⲉⲕⲥⲡⲟⲧⲟⲩ ⲕⲁⲛⲛⲣⲣⲙⲛϩⲏⲧ</ab>
20 ⲟⲩϩⲁⲧ ⲉϥⲥⲟⲧⲡ ⲡⲉ ⲡⲗⲁⲥ ⲛⲛⲇⲓⲕⲁⲓⲟⲥ ⲡϩⲏⲧ ⲇⲉ ⲛⲛⲁⲥⲉⲃⲏⲥ ⲛⲁⲱϫⲛ</ab>
21 ⲛⲉⲥⲡⲟⲧⲟⲩ ⲛⲛⲇⲓⲕⲁⲓⲟⲥ ⲥⲟⲟⲩⲛ ⲛⲛⲉⲧϫⲟⲥⲉ ⲉⲣⲉⲛⲁⲑⲏⲧ ⲇⲉ ⲛⲁⲙⲟⲩ ϩⲛⲟⲩϭⲣⲱϩ</ab>
22 ⲡⲉⲥⲙⲟⲩ ⲙⲡⲛⲟⲩⲧⲉ ⲡⲉ ⲧⲙⲛⲧⲣⲙⲙⲁⲟ ⲁⲩⲱ ⲛⲉⲩⲟⲩⲱϩ ⲉⲣⲟϥ ⲛⲟⲩⲗⲩⲡⲓ ϩⲙⲡϩⲏⲧ</ab>
23 ϣⲁⲣⲉⲡⲁⲑⲏⲧ ϩⲙⲡⲉϥⲥⲱⲃⲉ ⲉⲓⲣⲉ ⲛⲟⲩⲙⲛⲧϣⲁϥⲧⲉ ϣⲁⲣⲉⲧⲥⲟⲫⲓⲁ ⲇⲉ ϫⲡⲉⲧⲙⲛⲧⲥⲁⲃⲉ ⲙⲡⲣⲱⲙⲉ</ab>
24 ϣⲁⲣⲉⲡⲁⲥⲉⲃⲏⲥ ϣⲉⲓ ϩⲙⲡⲧⲁⲕⲟ ⲑⲟⲧⲉ ⲇⲉ ⲙⲡⲁⲥⲉⲃⲏⲥ ⲛⲧⲟⲥ ⲉⲧⲛⲏⲩ ⲉϫⲱϥ ⲛⲉⲡⲓⲑⲩⲙⲓⲁ ⲇⲉ ⲛⲛⲇⲓⲕⲁⲓⲟⲥ ⲥⲟⲧⲡ</ab>
25 ⲡⲁⲥⲉⲃⲏⲥ ⲛⲁⲧⲁⲕⲟ ϩⲛⲟⲩϩⲁⲧⲏⲩ ⲉⲥⲙⲟⲟϣⲉ ⲡⲇⲓⲕⲁⲓⲟⲥ ⲇⲉ ⲛⲁⲣⲁⲕⲧϥ ⲉⲃⲟⲗ ⲙⲙⲟⲥ ⲛϥⲟⲩϫⲁⲓ ϣⲁⲉⲛⲉϩ</ab>
26 ⲛⲑⲉ ⲛⲟⲩⲉⲗⲉⲗϩⲙϫ ⲉϣⲁⲣⲃⲟⲟⲛⲉ ⲛⲛⲛⲁϫϩⲉ ⲁⲩⲱ ⲟⲩⲕⲁⲡⲛⲟⲥ ⲛⲛⲃⲁⲗ ⲧⲁⲓ ⲧⲉ ⲑⲉ ⲛⲧⲡⲁⲣⲁⲛⲟⲙⲓⲁ ⲛⲛⲉⲧⲉⲓⲣⲉ ⲙⲙⲟⲥ</ab>
27 ϣⲁⲣⲉⲧⲙⲛⲧⲙⲁⲓⲛⲟⲩⲧⲉ ⲟⲩⲱϩ ϩⲛⲟⲩⲛⲟϭ ⲛⲁϩⲉ ⲛⲣⲟⲙⲡⲉ ⲇⲉ ⲛⲛⲁⲥⲉⲃⲏⲥ ⲛⲁⲥⲃⲟⲕ</ab>
28 ϣⲁⲣⲉⲡⲟⲩⲛⲟϥ ⲱⲥⲕ ⲙⲛⲛⲇⲓⲕⲁⲓⲟⲥ ⲑⲉⲗⲡⲓⲥ ⲇⲉ ⲛⲛⲁⲥⲉⲃⲏⲥ ⲛⲁⲧⲁⲕⲟ</ab>
29 ⲡϫⲓⲥⲉ ⲙⲡⲉⲧⲟⲩⲁⲁⲃ ⲧⲉ ⲧⲉϩⲓⲏ ⲙⲡϫⲟⲉⲓⲥ ⲧⲉϩⲓⲏ ⲇⲉ ⲙⲡϫⲟⲉⲓⲥ ⲟⲩϩⲟⲧⲉ ⲧⲉ ⲛⲛⲉⲧⲣϩⲱⲃ ⲉⲧⲁⲛⲟⲙⲓⲁ ⲟⲩⲟⲩⲱϣϥ ⲇⲉ ⲧⲉ ⲛⲛⲉⲧⲣϩⲱⲃ ⲉⲡⲉⲑⲟⲟⲩ</ab>
30 ⲙⲉⲣⲉⲡⲇⲓⲕⲁⲓⲟⲥ ⲉⲓ ⲉⲡⲁϩⲟⲩ ϣⲁⲉⲛⲉϩ ⲛⲁⲥⲉⲃⲏⲥ ⲇⲉ ⲛⲁⲟⲩⲱϩ ⲁⲛ ϩⲓϫⲙⲡⲕⲁϩ</ab>
31 ⲧⲧⲁⲡⲣⲟ ⲛⲛⲇⲓⲕⲁⲓⲟⲥ ⲛⲁⲧⲁⲩⲟ ⲉⲃⲟⲗ ⲛⲧⲥⲟⲫⲓⲁ ⲡⲗⲁⲥ ⲇⲉ ⲛⲛⲣⲉϥϫⲓⲛϭⲟⲛⲥ ⲛⲁⲧⲁⲕⲟ</ab>
32 ⲛⲉⲥⲡⲟⲧⲟⲩ ⲛⲛⲣⲱⲙⲉ ⲛⲇⲓⲕⲁⲓⲟⲥ ⲥⲟⲟⲩⲛ ⲛϩⲉⲛⲭⲁⲣⲓⲥ ⲧⲧⲁⲡⲣⲟ ⲇⲉ ⲛⲛⲁⲥⲉⲃⲏⲥ ⲛⲁϣⲟⲣϣⲣ</ab>
33 <gap reason=""/>