1 ⲉⲕϣⲁⲛϩⲙⲟⲟⲥ ⲉⲟⲩⲱⲙ ϩⲓⲧⲉⲧⲣⲁⲡⲉⲍⲁ ⲛⲟⲩϫⲱⲱⲣⲉ ϩⲛⲟⲩⲛⲟⲓ ⲛⲟⲓ ⲛⲛⲉⲧⲟⲩⲕⲱ ⲙⲙⲟⲟⲩ ϩⲁⲣⲱⲕ</ab>
2 ⲛⲅϩⲓⲧⲟⲟⲧⲕ ⲉⲣⲟⲟⲩ ⲉⲕⲥⲟⲟⲩⲛ ϫⲉ ⲕⲛⲁϫⲡⲓⲥⲟⲃⲧⲉ ⲛⲧⲉⲓϩⲉ</ab>
3 ⲉϣⲱⲡⲉ ⲛⲧⲕⲟⲩⲁⲧⲥⲉⲓ ⲙⲡⲣⲉⲡⲓⲑⲩⲙⲓ ⲉⲛⲉϥϭⲓⲛⲟⲩⲱⲙ ⲛⲁⲓ ⲅⲁⲣ ϩⲏⲛ ⲉϩⲟⲩⲛ ⲉⲩⲱⲛϩ ⲛⲛⲟⲩϫ</ab>
4 ⲙⲡⲣⲥⲟⲩⲧⲛⲧⲟⲟⲧⲕ ⲉⲃⲟⲗ ⲙⲛⲟⲩⲣⲙⲙⲁⲟ ⲛⲧⲕⲟⲩϩⲏⲕⲉ ⲥⲁϩⲱⲕ ⲇⲉ ⲉⲃⲟⲗ ⲙⲙⲟϥ ϩⲙⲡⲉⲕϩⲏⲧ</ab>
5 ⲉϣⲱⲡⲉ ⲉⲕϣⲁⲛⲥⲙⲛⲓⲁⲧⲕ ⲉϫⲱϥ ⲛⲛⲉϥⲟⲩⲱⲛϩ ⲉⲃⲟⲗ ϩⲛⲗⲁⲁⲩ ⲙⲙⲁ ⲁϥⲥⲟⲃⲧⲉ ⲅⲁⲣ ⲛⲁϥ ⲛϩⲉⲛⲧⲛϩ ⲛⲑⲉ ⲛⲟⲩⲁϩⲱⲙ ⲉⲃⲟⲗ ⲉⲡⲁⲏⲣ ⲁⲩⲱ ϥⲛⲁⲕⲧⲟϥ ⲉⲡⲏⲓ ⲙⲡⲉⲧϩⲓϫⲱϥ ⲡⲱⲛⲉ ϩⲟⲣϣ ⲁⲩⲱ ⲡϣⲱ ⲙⲟⲕϩ ⲛϥⲓ ϩⲁⲣⲟϥ ⲧⲟⲣⲅⲏ ⲇⲉ ⲙⲡⲁⲑⲏⲧ ϩⲟⲣϣ ⲉϩⲟⲩⲉⲣⲟⲟⲩ ⲙⲡⲉⲥⲛⲁⲩ</ab>
6 ⲙⲡⲣⲟⲩⲱⲙ ⲙⲛⲟⲩⲣⲱⲙⲉ ⲛⲉⲓⲉⲣⲃⲟⲟⲛⲉ ⲁⲩⲱ ⲙⲡⲣⲉⲡⲓⲑⲩⲙⲓ ⲉⲛⲉϥϭⲓⲛⲟⲩⲱⲙ</ab>
7 ⲛⲑⲉ ⲅⲁⲣ ⲛⲟⲩⲁ ⲉϥⲛⲁⲉⲙⲕⲟⲩϥⲱ ⲧⲁⲓ ⲧⲉ ⲑⲉ ⲉⲧϥⲛⲁⲟⲩⲱⲙ ⲁⲩⲱ ⲛⲑϥⲥⲱ</ab>
8 ⲙⲡⲣϫⲓⲧϥ ⲉϩⲟⲩⲛ ⲉⲡⲉⲕⲏⲓ ϫⲉ ⲛⲛⲉⲕⲟⲩⲱⲙ ⲛⲛⲉⲕⲟⲉⲓⲕ ⲛⲙⲙⲁϥ ϥⲛⲁⲕⲁⲃⲟⲗ ⲅⲁⲣ ⲙⲙⲟⲟⲟⲩ ⲛϥⲧⲁⲕⲉⲛⲉⲕϣⲁϫⲉ ⲉⲧⲛⲁⲛⲟⲩⲟⲩ</ab>
9 ⲙⲡⲣϫⲉⲗⲁⲁⲩ ⲉⲙⲙⲁⲁϫⲉ ⲙⲡⲁⲑⲏⲧ ⲙⲏⲡⲟⲧⲉ ⲛϥⲕⲙϣⲛⲉⲕϣⲁϫⲉ</ab>
10 ⲙⲡⲣⲃⲱⲕ ⲉϩⲟⲩⲛ ⲉϭⲱⲙ ⲛⲟⲣⲫⲁⲛⲟⲥ</ab>
11 ⲡⲛⲟⲩⲧⲉ ⲅⲁⲣ ⲉⲧϫⲟⲟⲣ ⲡⲉⲧⲥⲱⲧⲉ ⲙⲙⲟⲟⲩ ⲁⲩⲱ ϥⲛⲁϫⲓϩⲁⲡ ⲛⲑⲙⲙⲁⲕ ϩⲁⲣⲟⲟⲩ</ab>
12 ϯⲡⲉⲕϩⲏⲧ ⲉⲧⲉⲥⲃⲱ ⲛⲅⲥⲃⲧⲉⲛⲉⲕⲙⲁⲁϫⲉ ⲉⲛϣⲁϫⲉ ⲛⲧⲁⲓⲥⲑⲏⲥⲓⲥ</ab>
13 ⲙⲡⲣⲗⲟ ⲉⲕϯⲥⲃⲱ ⲛⲟⲩⲕⲟⲩⲓ ϫⲉ ⲉⲕϣⲁⲛⲣⲁϩⲧϥ ⲛⲟⲩϭⲉⲣⲱⲃ ⲛⲉϥⲛⲁⲙⲟⲩ ⲁⲛ</ab>
14 ⲛⲧⲟⲕ ⲙⲛ ⲅⲁⲣ ⲉⲕⲛⲁⲣⲉϩⲧⲡⲉⲕϣⲏⲣⲉ ϩⲛⲟⲩϭⲉⲣⲱⲃ ⲕⲛⲁⲧⲟⲩϫⲟ ⲇⲉ ⲛⲧⲉϥⲯⲩⲭⲏ ⲉⲃⲟⲗ ϩⲙⲡⲙⲟⲩ</ab>
15 ⲡⲁϣⲏⲣⲉ ⲉⲣϣⲁⲛⲡⲉⲕϩⲏⲧ ⲣⲥⲟⲫⲟⲥ ⲕⲛⲁⲉⲩⲫⲣⲁⲛⲉ ⲙⲡⲱⲓ ϩⲱ</ab>
16 ⲁⲩⲱ ⲛⲧⲉⲛⲁⲥⲡⲟⲧⲟⲩ ϣⲁϫⲉ ⲙⲛⲛⲉⲕⲥⲡⲟⲧⲟⲩ ⲉϣⲱⲡⲉ ⲉⲩⲥⲟⲩⲧⲱⲛ</ab>
17 ⲙⲡⲣⲧⲣⲉⲡⲉⲕϩⲏⲧ ⲕⲱϩ ⲉⲛⲣⲉϥⲣⲛⲟⲃⲉ ⲁⲗⲗⲁ ⲙⲁⲧⲁϣⲟⲕ ⲉⲩⲙⲛⲧⲙⲁⲓⲛⲟⲩⲧⲉ ⲁⲩⲱ ⲛⲅϣⲱⲡⲉ ϩⲛⲑⲟⲧⲉ ⲙⲡϫⲟⲉⲓⲥ ⲙⲡⲉϩⲟⲟⲩ ⲧⲏⲣϥ</ab>
18 ⲉⲕϣⲁⲛϩⲁⲣⲉϩ ⲅⲁⲣ ⲉⲛⲁⲓ ⲟⲩⲛϩⲉⲛϫⲡⲟ ⲛⲁϣⲱⲡⲉ ⲛⲁⲕ ⲁⲩⲱ ⲧⲉⲕϩⲉⲗⲡⲓⲥ ⲛⲁⲱϫⲛ ⲁⲛ</ab>
19 ⲥⲱⲧⲙ ⲡⲁϣⲏⲣⲉ ⲛⲅⲣⲥⲟⲫⲟⲥ ⲁⲩⲱ ⲛⲅⲣϩⲉⲛⲙⲉⲉⲩⲉ ⲉⲩⲥⲟⲩⲧⲱⲛ ⲙⲡⲉⲕϩⲏⲧ</ab>
20 ⲙⲡⲣⲣⲣⲉϥϯϩⲉ ⲁⲩⲱ ⲙⲡⲣⲥⲟⲩⲧⲛⲧⲟⲟⲧⲕ ⲉⲃⲟⲗ ⲉϩⲉⲛⲥⲩⲙⲃⲟⲗⲏ ⲉϣⲉⲡⲁϥ</ab>
21 ⲣⲉϥϯϩⲉ ⲅⲁⲣ ⲛⲓⲙ ϩⲓⲡⲟⲣⲛⲟⲕⲟⲡⲟⲥ ⲛⲁⲣϩⲏⲕⲉ ⲁⲩⲱ ⲥⲁⲟⲩⲏⲣⲡ ⲛⲓⲙ ⲛⲁϯ ϩⲓⲱⲱϥ ⲛϩⲉⲛⲧⲟⲉⲓⲥ</ab>
22 ⲥⲱⲧⲙ ⲡⲁϣⲏⲣⲉ ⲛⲥⲁⲡⲉⲕⲉⲓⲱⲧ ⲛⲧⲁϥϫⲡⲟⲕ ⲁⲩⲱ ⲙⲡⲣⲕⲁⲧⲁⲫⲣⲟⲛⲓ ϫⲉ ⲁⲧⲉⲕⲙⲁⲁⲩ ⲣϩⲗⲗⲱ</ab>
23 <gap reason=""/>
24 ϣⲁⲣⲉⲟⲩⲉⲓⲱⲧ ⲛⲇⲓⲕⲁⲓⲟⲥ ϣⲁⲛϣ ⲕⲁⲗⲱⲥ ϣⲁⲣⲉⲡⲉϥϩⲏⲧ ⲇⲉ ⲉⲩⲫⲣⲁⲛⲉ ⲉϫⲛⲟⲩϣⲏⲣⲉ ⲛⲥⲁⲃⲉ</ab>
25 ⲙⲁⲣⲉⲡⲉⲕⲉⲓⲱⲧ ⲙⲛⲧⲉⲕⲙⲁⲁⲩ ⲉⲩⲫⲣⲁⲛⲉ ϩⲣⲁⲓ ⲉϫⲱⲕ ⲛⲧⲉⲧⲉⲛⲧⲁⲥϫⲡⲟⲕ ⲣⲁϣⲉ</ab>
26 ⲡⲁϣⲏⲣⲉ ⲙⲁ ⲛⲁⲓ ⲙⲡⲉⲕϩⲏⲧ ⲙⲁⲣⲉⲛⲉⲕⲃⲁⲗ ⲇⲉ ϩⲁⲣⲉϩ ⲉⲛⲁϩⲓⲟⲟⲩⲉ</ab>
27 ⲟⲩⲡⲓⲑⲟⲥ ⲅⲁⲣ ⲉϥϭⲟⲧϩ ⲡⲉ ⲟⲩⲏⲓ ⲉⲛⲡⲱⲕ ⲁⲛ ⲡⲉ ⲁⲩⲱ ⲟⲩϣⲱⲧⲉ ⲧⲉ ⲉⲥⲉⲥϭⲏⲩ ⲉⲥⲙⲟⲕϩ ⲛⲉⲓ ⲉϩⲣⲁⲓ</ab>
28 ⲏⲇⲏ ⲅⲁⲣ ϥⲛⲁⲧⲁⲕⲟ ⲛⲧⲉⲩⲛⲟⲩ ⲁⲩⲱ ⲡⲁⲣⲁⲛⲟⲙⲟⲥ ⲛⲓⲙ ⲛⲁⲱϫⲛ</ab>
29 ⲉⲣⲉⲡⲟⲩⲟⲓ ⲛⲁϣⲱⲡⲉ ⲛⲛⲓⲙ ⲁⲩⲱ ⲡⲉϣⲧⲟⲣⲧⲣ ⲛⲛⲓⲙ ⲙⲛⲡϫⲓϩⲁⲡ ⲛⲛⲓⲙ ⲙⲛⲛⲗⲉⲥⲭⲏ ⲉⲑⲟⲟⲩ ⲛⲓⲙ ⲉⲣⲉⲛⲟⲩⲱϣⲥϥ ⲉⲡϫⲓⲛϫⲏ ϣⲟⲟⲡ ⲛⲛⲓⲙ ⲏ ⲛⲓⲙ ⲡⲉⲧⲉⲣⲉⲛⲉϥⲃⲁⲗ ⲟ ⲛⲉⲗⲉⲗⲕⲏⲙⲉ</ab>
30 ⲛⲛⲉⲧⲱⲥⲕ ⲁⲛ ⲛⲉ ϩⲛⲏⲣⲡ ⲛⲛⲉⲧϣⲓⲛⲉ ⲁⲛ ⲛⲉ ϫⲉ ⲉⲣⲉⲙⲙⲁ ⲛⲥⲱ ⲛⲁϣⲱⲡⲉ ⲧⲱⲛ</ab>
31 ⲙⲡⲣϯϩⲉ ϩⲙⲡⲏⲣⲡ ⲁⲗⲗⲁ ϣⲁϫⲉ ⲙⲛⲛⲣⲱⲙⲉ ⲁⲩⲱ ⲛⲧⲉⲧⲛϣⲁϫⲉ ⲙⲛⲛⲉⲧⲙⲟⲟϣⲉ ⲉⲕϣⲁⲛϯⲛⲉⲕⲃⲁⲗ ⲅⲁⲣ ⲉⲛⲉⲫⲓⲁⲗⲏ ⲙⲛⲛϫⲱ ⲙⲛⲛⲥⲱⲥ ⲕⲛⲁⲙⲟⲟϣⲉ ⲉⲕⲕⲏⲕⲁϩⲏⲩ ⲉϩⲟⲩⲉⲟⲩⲥⲁϩⲙⲉⲥ</ab>
32 ⲛⲑⲁⲏ ⲇⲉ ⲕⲛⲁⲣⲑⲉ ⲙⲡⲉⲛⲧⲁϥⲙⲟⲩ ⲉⲁⲩϣⲟⲟϭⲉϥ ϩⲓⲧⲛⲟⲩϩⲟϥ ⲁⲩⲱ ⲛⲑⲉ ⲙⲡⲉⲛⲧⲁⲟⲩⲕⲉⲣⲁⲥⲧⲏⲥ ⲗⲟⲕⲥϥ ⲉⲁⲧⲙⲁⲧⲟⲩ ϣⲱⲗ ⲉⲣⲟϥ</ab>
33 ⲉⲣϣⲁⲛⲛⲉⲕⲃⲁⲗ ⲛⲁⲩ ⲉⲛⲉⲧⲛⲛⲟⲩⲕ ⲁⲛ ⲛⲉ ⲧⲉⲕⲧⲁⲡⲣⲟ ⲛⲁϫⲱ ⲛⲛⲉⲧϭⲟⲟⲙⲉ</ab>
34 ⲕⲛⲁⲛⲟϫⲕ ⲛⲑⲉ ⲙⲡⲉⲧϩⲙⲡϩⲏⲧ ⲛⲑⲁⲗⲁⲥⲥⲁ ⲁⲩⲱ ⲛⲑⲉ ⲛⲟⲩⲛⲉⲉⲃ ⲉϥϩⲛⲟⲩⲛⲟϭ ⲛϩⲟⲉⲓⲙ</ab>
35 ⲕⲛⲁϫⲟⲟⲥ ϫⲉ ⲛⲛⲉⲩϩⲓⲟⲩⲉ ⲉⲣⲟⲓ ⲁⲩⲱ ⲙⲡⲓⲙⲕⲁϩ ⲁⲩⲱ ⲛⲉⲩⲥⲱⲃⲉ ⲙⲙⲟⲓ ⲡⲉ ⲁⲛⲟⲕ ⲇⲉ ⲛⲉⲓⲥⲟⲟⲩⲛ ⲁⲛ ⲡⲉ ⲉⲣⲉϩⲧⲟⲟⲩⲉ ⲛⲁϣⲱⲡⲉ ⲧⲛⲁⲩ ϫⲉ ⲉⲓⲉⲃⲱⲕ ⲧⲁϣⲓⲛⲉ ⲛⲥⲁⲛⲉϯⲛⲁⲥⲟⲩⲱϩ ⲛⲙⲙⲁⲩ</ab>
36 <gap reason=""/>