1 ⲛⲁⲛⲟⲩⲟⲩⲣⲁⲛ ⲉⲛⲁⲛⲟⲩϥ ⲉϩⲟⲩⲉⲟⲩⲙⲛⲧⲣⲙⲙⲁⲟ ⲉⲛⲁϣⲱⲥ ⲁⲩⲱ ϩⲉⲛⲭⲁⲣⲓⲥ ⲉⲛⲁⲛⲟⲩⲟⲩ ⲉϩⲟⲩⲉⲟⲩϩⲁⲧ ⲡⲛⲟⲩⲃ ⲙⲛⲡϩⲁⲧ ϩⲉⲛⲁⲡⲁⲧⲏ ⲛⲉ ⲛϩⲏⲇⲟⲛⲏ ⲛⲁⲛⲟⲩⲟⲩⲭⲁⲣⲓⲥ ⲉⲥⲥⲟⲧⲡ ⲉϩⲟⲩⲉⲣⲟⲟⲩ ⲙⲡⲉⲥⲛⲁⲩ</ab>
2 ⲁⲡⲣⲙⲙⲁⲟ ⲙⲛⲡϩⲏⲕⲉ ⲧⲱⲙⲛⲧ ⲉⲛⲉⲩⲉⲣⲏⲩ ⲡⲛⲟⲩⲧⲉ ⲇⲉ ⲁϥⲧⲁⲙⲓⲟⲟⲩ ⲙⲡⲉⲥⲛⲁⲩ</ab>
3 ⲉⲣϣⲁⲛⲡⲥⲁⲃⲉ ⲛⲁⲩ ⲉⲡⲉⲑⲟⲟⲩ ⲉⲩϩⲓⲟⲩⲉ ⲉⲣⲟϥ ⲑⲛⲧⲟϥ ⲇⲉ ϣⲁϥϫⲓⲥⲃⲱ ⲛϩⲟⲩⲟ ϣⲁⲣⲉⲛⲁⲑⲏⲧ ⲇⲉ ⲉⲓ ⲉⲃⲟⲗ ϩⲓⲧⲟⲟⲧϥ ⲛⲥⲉϯⲟⲥⲉ</ab>
4 ⲧⲅⲉⲛⲉⲁ ⲛⲧⲥⲟⲫⲓⲁ ⲧⲉ ⲑⲟⲧⲉ ⲙⲡϫⲟⲉⲓⲥ ϣⲁⲥϫⲡⲟ ⲇⲉ ⲛⲟⲩⲙⲛⲧⲣⲙⲙⲁⲟ ⲙⲛⲡⲉⲟⲟⲩ ⲛⲱⲛϩ</ab>
5 ϩⲉⲛⲁⲣⲟⲟⲩⲉ ⲙⲛϩⲉⲛϭⲟⲣϭⲥ ⲛⲉⲧϩⲓⲛⲉϩⲓⲟⲟⲩⲉ ⲉⲧϭⲟⲟⲙⲉ ⲡⲉⲧϩⲁⲣⲉϩ ⲇⲉ ⲉⲧⲉϥⲯⲩⲭⲏ ⲛⲁⲥⲁϩⲱϥ ⲉⲃⲟⲗ ⲙⲙⲟⲟⲩ</ab>
6 <gap reason=""/>
7 ⲛϩⲏⲕⲉ ⲛⲁⲣϫⲟⲉⲓⲥ ⲉⲛⲣⲙⲙⲁⲟ ⲁⲩⲱ ⲛϩⲙϩⲁⲗ ⲛⲁϯ ⲉⲙⲏⲥⲉ ⲛⲛⲉⲩϫⲓⲥⲟⲟⲩⲉ ⲙⲙⲓⲛ ⲙⲙⲟⲟⲩ</ab>
8 ⲡⲉⲧϫⲟⲛⲉⲧϩⲟⲟⲩ ⲉϥⲛⲁⲱϩⲥ ⲛⲛⲉⲧⲃⲟⲟⲛⲉ ϥⲛⲁϫⲱⲕ ⲇⲉ ⲉⲃⲟⲗ ⲛⲛⲉϥϩⲃⲏⲩⲉ ϩⲛⲟⲩⲡⲗⲏⲅⲏ ⲡⲛⲟⲩⲧⲉ ⲛⲁⲥⲙⲟⲩ ⲉⲡⲣⲱⲙⲉ ⲉⲧⲣⲟⲟⲩⲧ ⲁⲩⲱ ⲛⲣⲉϥϯ ϥⲛⲁϫⲱⲕ ⲇⲉ ⲉⲃⲟⲗ ⲛⲧⲙⲛⲧⲙⲁⲕⲁⲣⲓⲟⲥ ⲛⲛⲉϥϩⲃⲏⲩⲉ</ab>
9 ⲡⲉⲧⲛⲁ ⲛⲟⲩϩⲏⲕⲉ ⲛⲧⲟϥ ⲡⲉⲧⲟⲩⲛⲁⲥⲁⲛⲟⲩϣϥ ⲁϥϯ ⲅⲁⲣ ⲙⲡϩⲏⲕⲉ ⲉⲃⲟⲗ ϩⲛⲛⲉϥⲟⲉⲓⲕ ⲡⲉⲧϯⲇⲱⲣⲟⲛ ⲛⲁϫⲡⲟ ⲛⲟⲩϫⲣⲟ ⲙⲛⲟⲩⲧⲁⲓⲟ ⲧⲉϥⲯⲩⲭⲏ ⲙⲛⲛⲁϣⲱⲱⲧ ⲛⲛⲧⲁϥⲧⲁⲁⲩ</ab>
10 ⲛⲟⲩϫⲉ ⲉⲃⲟⲗ ⲛⲟⲩⲁ ⲉϥϩⲟⲟⲩ ϩⲛⲟⲩⲙⲏϣⲉ ⲧⲁⲣⲉⲡϯⲧⲱⲛ ⲃⲱⲕ ⲉⲃⲟⲗ ⲛⲙⲙⲁϥ ⲉϥϣⲁⲛϩⲙⲟⲟⲥ ⲅⲁⲣ ϩⲙⲡⲙⲏⲏϣⲉ ϣⲁϥⲥⲟϣⲟⲩ ⲧⲏⲣⲟⲩ</ab>
11 ⲉⲣⲉⲡⲛⲟⲩⲧⲉ ⲙⲉ ⲛⲛϩⲏⲧ ⲉⲧⲟⲩⲁⲁⲃ ⲟⲩⲟⲛ ⲇⲉ ⲛⲓⲙ ⲉⲧⲟⲩⲁⲁⲃ ⲥⲟⲧⲡ ⲛⲁϥ ⲉⲣⲉⲡϣⲱⲥ ⲙⲟⲟⲛⲉ ϩⲓⲛⲉϥⲥⲡⲟⲧⲟⲩ ⲉⲣⲉⲡⲣⲣⲟ ⲇⲉ ϩⲙⲡⲉϥⲁⲙⲁϩⲧⲉ</ab>
12 ⲛⲃⲁⲗ ⲙⲡⲛⲟⲩⲧⲉ ϩⲁⲣⲉϩ ⲉⲛⲣⲉϥⲁⲓⲥⲑⲁⲛⲉ ϣⲁⲣⲉⲡⲡⲁⲣⲁⲛⲟⲙⲟⲥ ⲥⲱϣϥ ⲛϩⲉⲛϣⲁϫⲉ</ab>
13 ϣⲁⲣⲉⲡⲣⲉϥϫⲛⲁⲁⲩ ϭⲛⲗⲟⲓϭⲉ ⲛϥϫⲓⲟⲩⲱ ϫⲉ ⲡⲙⲟⲩⲓ ϩⲛⲛⲉϩⲓⲟⲟⲩⲉ ⲁⲩⲱ ⲥⲉϩⲱⲧⲃ ϩⲛⲛⲉⲡⲗⲁⲧⲓⲁ</ab>
14 ⲟⲩϩⲓⲉⲓⲧ ⲉϥϣⲏⲕ ⲧⲉ ⲧⲧⲁⲡⲣⲟ ⲛⲙⲡⲁⲣⲁⲛⲟⲙⲟⲥ ⲡⲉⲛⲧⲁⲩⲙⲉⲥⲧⲱϥ ⲇⲉ ϩⲓⲧⲙⲡⲛⲟⲩⲧⲉ ϥⲛⲁϩⲉ ⲉϩⲣⲁⲓ ⲉⲣⲟϥ ⲟⲩⲛϩⲉⲛϩⲓⲟⲟⲩⲉ ⲉⲩϩⲟⲟⲩ ⲙⲡⲉⲙⲧⲟ ⲉⲃⲟⲗ ⲙⲡⲣⲱⲙⲉ ⲁⲩⲱ ⲛϥⲙⲉ ⲁⲛ ⲛⲕⲧⲟϥ ⲉⲃⲟⲗ ⲙⲙⲟⲟⲩ ϣϣⲉ ⲇⲉ ⲛⲕⲟⲧⲕ ⲉⲃⲟⲗ ⲛϩⲓⲏ ⲛⲓⲙ ⲉⲧϭⲟⲟⲩϭ ⲁⲩⲱ ⲉⲑⲟⲟⲩ</ab>
15 ⲁⲡϩⲏⲧ ⲙⲡϣⲏⲣⲉ ⲛϣⲏⲙ ϫⲓϥⲟϭⲥ ϩⲛⲧⲙⲛⲧⲁⲑⲏⲧ ⲡϭⲉⲣⲱⲃ ⲅⲁⲣ ⲙⲛⲧⲉⲥⲃⲱ ⲟⲩⲏⲩ ⲙⲙⲟϥ</ab>
16 ⲡⲉⲧϩⲓⲗⲁ ⲉⲩϩⲏⲕⲉ ⲉϥⲧⲁϣⲟ ⲛⲛⲉϥⲡⲉⲑⲟⲟⲩ ϥⲛⲁϯ ⲇⲉ ⲙⲡⲣⲙⲙⲁⲟ ⲉϫⲙⲡⲉⲧⲣϩⲣⲱϩ</ab>
17 ⲣⲓⲕⲉ ⲙⲡⲉⲕⲙⲁⲁϫⲉ ⲉⲛϣⲁϫⲉ ⲛⲛⲥⲟⲫⲟⲥ ⲁⲩⲱ ⲛⲅⲥⲱⲧⲙ ⲉⲛⲁϣⲁϫⲉ ⲛⲅⲥⲙⲓⲛⲉ ⲇⲉ ⲙⲡⲉⲕϩⲏⲧ ϫⲉ ⲉⲕⲉⲉⲓⲙⲉ ⲉⲣⲟⲟⲩ ϫⲉ ⲛⲁⲛⲟⲩⲟⲩ</ab>
18 ⲁⲩⲱ ⲉⲕϣⲁⲛⲕⲁⲁⲩ ϩⲙⲡⲉⲕϩⲏⲧ ⲕⲛⲁϯϩⲏⲩ ⲥⲟⲩⲧⲱⲛⲟⲩ ⲇⲉ ϩⲓⲟⲩⲥⲟⲡ ⲉϫⲛⲛⲉⲕⲥⲡⲟⲧⲟⲩ</ab>
19 ϫⲉⲕⲁⲥ ⲉⲣⲉⲟⲩⲧⲱⲕ ⲛϩⲏⲧ ϣⲱⲡⲉ ⲛⲁⲕ ⲉϫⲙⲡⲛⲟⲩⲧⲉ ⲁⲩⲱ ⲛϥⲧⲁⲙⲟⲕ ⲉⲧⲉϥϩⲓⲏ</ab>
20 ⲛⲧⲟⲕ ⲇⲉ ϩⲱⲕ ⲥϩⲁⲓⲥⲟⲩ ⲛⲁⲕ ⲛϣⲙⲧⲥⲟⲡ ⲉⲩϣⲟϫⲛⲉ ⲙⲛⲟⲩⲥⲟⲟⲩⲛ</ab>
21 ϯⲧⲥⲁⲃⲟ ⲇⲉ ⲙⲙⲟⲕ ⲉⲥⲟⲩⲛⲧⲙⲉ ⲁⲩⲱ ⲉϫⲱ ⲛⲛϣⲁϫⲉ ⲛⲧ ⲙⲉ ⲛⲛⲉⲧⲛⲁϫⲛⲟⲩⲕ ⲡϣⲟϫⲛⲉ ⲛⲁϣⲧ ⲉⲡⲟⲩⲟⲓ ⲛⲟⲩⲙⲟⲟⲩ ⲥⲱⲧⲙ ⲉϫⲓ ⲛⲟⲩⲱ ⲛⲛⲉⲧⲛⲁϫⲛⲟⲩⲕ</ab>
22 ⲙⲡⲣϫⲓⲟⲩϩⲏⲕⲉ ⲛϭⲟⲛⲥ ϫⲉ ϥⲣϭⲣⲱϩ ⲅⲁⲣ ⲁⲩⲱ ⲙⲡⲣⲥⲉϣϥⲟⲩⲁⲥⲑⲏⲥⲓⲥ ϩⲛϩⲉⲛⲡⲩⲗⲏ</ab>
23 ⲡϫⲟⲉⲓⲥ ⲅⲁⲣ ⲛⲁⲕⲣⲓⲛⲉ ⲙⲡⲉϥϩⲁⲡ ⲁⲩⲱ ⲕⲛⲁⲧⲟⲩϫⲟ ⲛⲧⲉⲕⲯⲩⲭⲏ ⲛⲁⲧⲁⲣⲓⲕⲉ</ab>
24 ⲙⲡⲣⲣϣⲃⲏⲣ ⲉⲩⲣⲱⲙⲉ ⲛⲣⲉϥϭⲱⲛⲧ ⲙⲡⲣϣⲱⲡⲉ ⲙⲛⲟⲩϣⲃⲏⲣ ⲛⲣⲉϥⲛⲟⲩϭⲥ</ab>
25 ⲙⲏⲡⲟⲧⲉ ⲛⲅϫⲓⲥⲃⲱ ⲉⲛⲉϥϩⲓⲟⲟⲩⲉ ⲛⲅϫⲓ ⲟⲛⲩϩⲁϭⲉ ⲉⲧⲉⲕⲯⲩⲭⲏ</ab>
26 ⲙⲡⲣⲧⲁⲁⲕ ⲛϣⲡⲧⲱⲣⲉ ⲉⲁⲕϣⲓⲡⲉ ϩⲏⲧϥ ⲛⲟⲩϩⲟ</ab>
27 ⲉϣⲱⲡⲉ ⲅⲁⲣ ⲉⲙⲛⲧⲁⲕ ⲉⲧⲁⲁⲩ ⲥⲉⲛⲁϥⲓ ⲙⲡⲉⲡⲣⲏϣ ⲉⲧϩⲁⲛⲉⲕⲥⲡⲓⲣⲟⲟⲩⲉ</ab>
28 ⲙⲡⲣⲡⲉⲉⲛⲉ ⲛⲧⲟϣ ⲉⲃⲟⲗ ϣⲁⲉⲛⲉϩ ⲛⲧⲁⲛⲉⲕⲉⲓⲟⲧⲉ ⲥⲙⲛⲧⲟⲩ</ab>
29 ⲟⲩⲣⲱⲙⲉ ⲛⲣⲉϥϯϩⲧⲏϥ ⲛⲣⲉϥϭⲉⲡⲏ ϩⲛⲛⲉϥϩⲃⲏⲩⲉ ϩⲁⲡⲥ ⲉⲧⲣⲉϥⲁϩⲉⲣⲁⲧϥ ⲉϩⲉⲛⲉⲣⲱⲟⲩ ⲛϥⲧⲙⲁϩⲉⲣⲁⲧϥ ⲉϩⲉⲛⲣⲱⲙⲉ ⲛϭⲱⲃ</ab>
30 <gap reason=""/>
31 <gap reason=""/>