1 <gap reason=""/>
2 <gap reason=""/>
3 ϣⲁⲣⲉⲧⲙⲛⲧⲁⲑⲏⲧ ⲙⲡⲣⲱⲙⲉ ⲧⲁⲕⲉⲛⲉϥϩⲓⲟⲟⲩⲉ ϣⲁϥϭⲛⲁⲣⲓⲕⲉ ⲇⲉ ⲉⲡⲛⲟⲩⲧⲉ ϩⲙⲡⲉϥϩⲏⲧ</ab>
4 ϣⲁⲣⲉⲧⲙⲛⲧⲣⲙⲙⲁⲟ ϫⲡⲉϩⲁϩ ⲛϣⲃⲏⲣ ϣⲁⲣⲉⲡϩⲏⲕⲉ ⲇⲉ ⲡⲱⲣϫ ⲉⲃⲟⲗ ⲙⲡⲉϥⲕⲉⲟⲩⲁ</ab>
5 ⲙⲛⲙⲛⲧⲣⲉ ⲛϭⲟⲗ ⲛⲁⲣⲃⲟⲗ ⲉⲡⲉⲑⲟⲟⲩ ⲁⲩⲱ ⲡⲉⲧⲉⲛⲕⲁⲗⲓ ϩⲛⲟⲩϫⲓⲛϭⲟⲛⲥ ⲛⲛⲉϥⲛⲟⲩϩⲙ</ab>
6 ϩⲁϩ ⲛⲉⲧϣⲙϣⲉ ⲙⲡⲉⲙⲧⲟ ⲉⲃⲟⲗ ⲛⲛⲉⲣⲣⲱⲟⲩ ⲛⲉⲑⲟⲟⲩ ⲇⲉ ⲧⲏⲣⲟⲩ ⲛⲁϣⲱⲡⲉ ⲉⲩⲛⲟϭⲛⲉϭ ⲙⲡⲣⲱⲙⲉ</ab>
7 ϣⲁⲣⲉⲡⲙⲉⲉⲩⲉ ⲉⲧⲛⲁⲛⲟⲩϥ ϩⲱⲛ ⲉϩⲟⲩⲛ ⲉⲛⲉⲧⲥⲟⲟⲩⲛ ⲙⲙⲟϥ ⲡⲣⲱⲙⲉ ⲇⲉ ⲛⲥⲁⲃⲉ ⲛⲁϩⲉ ⲉⲣⲟϥ ⲟⲩⲟⲛ ⲛⲓⲙ ⲉⲧⲛⲁⲙⲉⲥⲧⲉⲟⲩⲥⲟⲛ ⲛϩⲏⲕⲉ ⲉϥⲛⲁⲟⲩⲉ ⲟⲛ ⲛⲟⲩⲙⲛⲧϣⲃⲏⲣ ⲡⲉⲧⲣϩⲁϩ ⲙⲡⲉⲑⲟⲟⲩ ⲛⲁϫⲱⲕ ⲉⲃⲟⲗ ⲛⲟⲩⲕⲁⲕⲓⲁ ⲡⲉⲧⲧⲱⲕⲥ ⲇⲉ ⲛⲛϣⲁϫⲉ ⲛⲁⲟⲩϫⲁⲓ ⲁⲛ</ab>
8 ⲡⲉⲧϫⲡⲟ ⲛⲁϥ ⲛⲧⲙⲛⲧⲣⲙⲛϩⲏⲧ ⲉϥⲙⲉ ⲙⲙⲟϥ ⲟⲩⲁⲁϥ ⲡⲉⲧϩⲁⲣⲉϩ ⲇⲉ ⲉⲧⲙⲛⲧⲥⲁⲃⲉ ⲛⲁϩⲉ ⲉⲡⲡⲉⲧⲛⲁⲛⲟⲩϥ</ab>
9 ⲙⲙⲛⲟⲩⲙⲛⲧⲣⲉ ⲛϫⲓⲛϭⲟⲛⲥ ⲛⲁⲣⲃⲟⲗ ⲉⲡⲉⲑⲟⲟⲩ ⲡⲉⲧⲧⲙϩⲟ ⲇⲉ ⲛⲟⲩⲕⲁⲕⲓⲁ ϥⲛⲁⲧⲁⲕⲟ ⲛϩⲏⲧⲥ</ab>
10 ⲙⲙⲛⲧⲣⲩⲫⲏ ⲣⲛⲟϥⲣⲉ ⲙⲡⲁⲑⲏⲧ ⲁⲩⲱ ⲉⲣϣⲁⲛⲟⲩϩⲙϩⲁⲗ ⲁⲣⲭⲓ ϩⲛⲟⲩϩⲱⲃ ϥⲛⲁϫⲓ ⲛϫⲛⲁϩ ϩⲛⲟⲩⲥⲱϣ</ab>
11 ϣⲁⲣⲉⲡⲣⲱⲙⲉ ⲛⲛⲁⲏⲧ ⲣϩⲁⲣϣϩⲏⲧ ⲉⲣⲉⲡⲉϥϣⲟⲩϣⲟⲩ ⲇⲉ ⲛⲏⲩ ⲉϫⲛⲙⲡⲁⲣⲁⲛⲟⲙⲟⲥ</ab>
12 ⲉⲣⲉⲧⲁⲡⲓⲗⲏ ⲛⲟⲩⲣⲣⲟ ⲟ ⲛⲑⲉ ⲙⲡⲁϣⲁϩⲟⲩⲙ ⲛⲟⲩⲙⲟⲩⲓ ⲉⲣⲉⲡⲉϥⲟⲩⲣⲟⲧ ⲇⲉ ⲟ ⲛⲑⲉ ⲛⲟⲩⲉⲓⲱⲧⲉ ϩⲓⲟⲩⲭⲟⲣⲧⲟⲥ</ab>
13 ⲟⲩϣⲓⲡⲉ ⲛⲟⲩⲉⲓⲱⲧ ⲡⲉ ⲟⲩϣⲏⲣⲉ ⲛⲁⲑⲏⲧ ⲁⲩⲱ ⲛⲁⲛⲟⲩⲛⲉⲣⲁⲧⲉ ⲁⲛ ⲉⲃⲟⲗ ϩⲛⲛⲃⲉⲕⲉ ⲛⲟⲩϩⲉⲧⲉⲣⲁ</ab>
14 ϣⲁⲣⲉⲛⲉⲓⲟⲧⲉ ⲡⲉϣⲏⲓ ϩⲓⲛⲕⲁ ⲉϫⲛⲛϣⲏⲣⲉ ⲉϣⲁⲩϣⲉⲛϥ ⲟⲩⲥϩⲓⲙⲉ ⲇⲉ ⲙⲡⲣⲱⲙⲉ ⲉⲃⲟⲗ ϩⲓⲧⲙⲡⲛⲟⲩⲧⲉ</ab>
15 ϣⲁⲣⲉⲟⲩⲙⲛⲧϭⲱⲃ ⲁⲙⲁϩⲧⲉ ⲙⲡϭⲁⲃϩⲏⲧ ⲧⲉⲯⲩⲭⲏ ⲇⲉ ⲛⲛⲁⲣⲅⲟⲥ ⲛⲁϩⲕⲟ</ab>
16 ⲡⲉⲧⲛⲁϩⲁⲣⲉϩ ⲉⲧⲉⲛⲧⲟⲗⲏ ⲉϥⲛⲁϩⲁⲣⲉϩ ⲉⲧⲉϥⲯⲩⲭⲏ ⲡⲉⲧⲕⲁⲧⲁⲫⲣⲟⲛⲓ ⲇⲉ ⲛⲛⲉϥϩⲓⲟⲟⲩⲉ ϥⲛⲁⲙⲟⲩ</ab>
17 ⲉⲣⲉⲡⲉⲧⲛⲁ ⲛⲟⲩϩⲏⲕⲉ ϯϩⲁⲧ ⲉⲙⲏⲥⲉ ⲙⲡⲛⲟⲩⲧⲉ ϥⲛⲁⲧⲱⲱⲃⲉ ⲇⲉ ⲛⲁϥ ⲕⲁⲧⲁⲡⲉϥϯ ⲉⲣⲉⲡⲟⲩⲁ ⲅⲁⲣ ⲡⲟⲩⲁ ⲛⲁϫⲓ ⲕⲁⲧⲁⲛⲉϥϩⲃⲏⲩⲉ</ab>
18 ϯⲥⲃⲱ ⲙⲡⲉⲕϣⲏⲣⲉ ⲉϥⲛⲁⲁⲓⲁⲓ ⲅⲁⲣ ⲛⲧⲉⲓϩⲉ ⲙⲡⲣϫⲓⲥⲉ ⲇⲉ ⲙⲙⲟⲕ ϩⲙⲡⲉⲕϩⲏⲧ ⲉⲩⲥⲱϣ</ab>
19 ⲡⲣⲉϥⲙⲉⲉⲩⲉ ⲉⲡⲉⲑⲟⲟⲩ ϥⲛⲁϯⲟⲥⲉ ⲉⲙⲁⲧⲉ ⲉϥϣⲁⲛϫⲱϩⲙ ⲇⲉ ⲉϥⲛⲁⲟⲩⲉϩⲙⲧⲉϥⲯⲩⲭⲏ</ab>
20 ⲥⲱⲧⲙ ⲡⲁϣⲏⲣⲉ ⲉⲧⲉⲥⲃⲱ ⲙⲡⲉⲕⲉⲓⲱⲧ ϫⲉ ⲉⲕⲉⲣⲥⲟⲫⲟⲥ ϩⲛⲧⲉⲕϩⲁⲏ</ab>
21 ⲟⲩⲛϩⲁϩ ⲙⲙⲉⲉⲩⲉ ϩⲙⲡϩⲏⲧ ⲙⲡⲣⲱⲙⲉ ⲡϣⲟϫⲛⲉ ⲇⲉ ⲙⲡⲛⲟⲩⲧⲉ ⲡⲉⲧⲟⲣϫ</ab>
22 ⲟⲩⲕⲁⲣⲡⲟⲥ ⲛⲁⲧⲏⲡⲉ ⲧⲉ ⲧⲙⲛⲧⲛⲁ ⲛⲁⲛⲟⲩⲟⲩϩⲏⲕⲉ ⲛⲇⲓⲕⲁⲓⲟⲥ ⲉⲩⲣⲙⲙⲁⲟ ⲛⲣⲉϥϫⲓϭⲟⲗ</ab>
23 ⲉⲣⲉⲑⲟⲧⲉ ⲙⲡϫⲟⲉⲓⲥ ⲣϩⲱⲃ ⲉⲡⲱⲛϩ ⲁⲩⲱ ⲧⲙⲛⲧⲙⲁⲓⲛⲟⲩⲧⲉ ⲉⲩⲱⲛϩ ⲙⲡⲣⲱⲙⲉ ⲉⲣⲉⲡⲉⲧⲉⲛϥⲣϩⲟⲧⲉ ⲇⲉ ⲁⲛ ⲛⲁϣⲱⲡⲉ ϩⲛϩⲉⲛⲙⲁ ⲉⲙⲡϣⲁⲉⲛⲉϩ ϭⲓⲛⲉ ⲁⲛ ⲙⲡⲉⲩϣⲓⲛⲉ</ab>
24 ⲡⲉⲧⲕⲱⲗϫ ⲛⲛⲉϥϭⲓϫ ϩⲁⲕⲟⲩⲛϥ ϩⲛⲟⲩϫⲓ ⲛϭⲟⲛⲥ ⲛⲛⲉϥⲛⲧⲟⲩ ⲟⲛ ⲉⲣⲱϥ</ab>
25 ϩⲣⲁⲓ ϩⲛϩⲉⲛϩⲓⲥⲉ ϣⲁⲣⲉⲡⲁⲑⲏⲧ ⲛⲟⲩϣⲧ ⲙⲙⲟϥ ⲛϩⲟⲩⲟ ⲉⲕϣⲁⲛϫⲡⲓⲟ ⲇⲉ ⲛⲟⲩⲣⲱⲙⲉ ⲛⲥⲁⲃⲉ ϥⲛⲁⲛⲟⲓ ⲛⲟⲩⲁⲓⲥⲑⲏⲥⲓⲥ</ab>
26 ⲡϣⲏⲣⲉ ⲉⲧⲥⲱϣ ⲙⲡⲉϥⲉⲓⲱⲧ ⲁⲩⲱ ⲉⲧⲕⲱ ⲛⲥⲱϥ ⲛⲧⲉϥⲙⲁⲁⲩ ϥⲛⲁϣⲱⲡⲉ ϩⲁⲛⲟϭⲛⲉϭ ⲁⲩⲱ ⲛϥϫⲓ ϣⲓⲡⲉ</ab>
27 ⲟⲩϣⲏⲣⲉ ⲉϥⲕⲱ ⲛⲥⲱϥ ⲛⲧⲉⲥⲃⲱ ϥⲛⲁϩⲁⲣⲉϩ ⲉϩⲉⲛⲡⲉⲑⲟⲟⲩ ϥⲛⲁⲙⲉⲗⲉⲧⲁ ⲇⲉ ⲛϩⲉⲛϣⲁϫⲉ ⲉⲩⲃⲟⲟⲛⲉ</ab>
28 ⲡⲉⲧϣⲡⲧⲱⲣⲉ ⲛⲟⲩϩⲙϩⲁⲗ ⲛⲁⲑⲏⲧ ⲉϥⲥⲱϣ ⲙⲡⲛⲟⲙⲟⲥ ⲧⲧⲁⲡⲣⲟ ⲇⲉ ⲙⲡⲁⲥⲉⲃⲏⲥ ⲛⲁⲱⲙⲕ ⲛϩⲉⲛⲥⲱϣ</ab>
29 ⲥⲉⲛⲁⲥⲟⲃⲧⲉ ⲛϩⲉⲛⲙⲁⲥⲧⲓⲅⲝ ⲛϩⲉⲛⲁⲧⲁⲙⲁϩⲧⲉ ⲁⲩⲱ ϩⲉⲛⲙⲟⲕϩⲥ ϩⲛⲛⲏⲓ ⲛⲛⲁⲑⲏⲧ</ab>