1 ϣⲁⲣⲉⲡⲣⲱⲙⲉ ⲉⲧⲟⲩⲉϣⲡⲱⲣϫ ⲉⲛⲉϥϣⲃⲉⲉⲣ ϣⲓⲛⲉ ⲛⲥⲁⲟⲩⲗⲟⲓϭⲉ ⲡⲁⲓ ⲛⲧⲉⲓⲙⲓⲛⲉ ⲛⲁϣⲱⲡⲉ ϩⲁⲛⲟϭⲛⲉϭ ⲛⲟⲩⲟⲉⲓϣ ⲛⲓⲙ</ab>
2 ⲡⲁⲑⲏⲧ ⲣⲭⲣⲓⲁ ⲛⲛⲧⲥⲟⲫⲓⲁ ϥⲟⲩⲉϣⲧⲙⲛⲧⲁⲑⲏⲧ ⲅⲁⲣ ⲛϩⲟⲩⲟ</ab>
3 ⲉⲣϣⲁⲛⲡⲁⲥⲉⲃⲏⲥ ⲉⲓ ⲉⲩⲙⲏⲏϣⲉ ⲙⲡⲉⲑⲟⲟⲩ ϣⲁϥⲕⲁⲧⲁⲫⲣⲟⲛⲓ ϣⲁⲣⲉⲟⲩⲥⲱϣ ⲇⲉ ⲉⲓ ⲉϫⲱϥ ⲙⲛⲟⲩⲛⲟϭⲛⲉϭ</ab>
4 ⲟⲩⲙⲟⲟⲩ ⲉϥϣⲏⲕ ⲡⲉ ⲡϣⲁϫⲉ ϩⲙⲡϩⲏⲧ ⲙⲡⲣⲱⲙⲉ ϣⲁⲣⲉⲧⲡⲏⲅⲏ ⲇⲉ ⲛⲧⲥⲟⲫⲓⲁ ⲃⲉⲉⲃⲉ ⲛⲥϥⲱϭⲉ ⲉϩⲣⲁⲓ ⲙⲛϭⲟⲙ ⲙⲙⲟⲥ ⲉϩⲱⲡ</ab>
5 ⲛⲁⲛⲟⲩϫⲓⲡϩⲟ ⲁⲛ ⲛⲟⲩⲁⲥⲉⲃⲏⲥ ⲁⲩⲱ ⲛϣϣⲉ ⲁⲛ ⲉⲥⲧⲉⲟⲩⲇⲓⲕⲁⲓⲟⲥ ⲉⲃⲟⲗ ϩⲛⲟⲩϩⲁⲡ</ab>
6 ⲛⲉⲥⲡⲟⲧⲟⲩ ⲙⲡⲁⲑⲏⲧ ⲛⲁⲛⲧϥ ⲉϩⲉⲛⲡⲉⲑⲟⲟⲩ ⲉⲣⲉⲧⲉϥⲧⲁⲡⲣⲟ ⲇⲉ ⲉⲧⲛⲁϣⲧ ⲉⲡⲓⲕⲁⲗⲓ ⲙⲡⲙⲟⲩ</ab>
7 ⲧⲧⲁⲡⲣⲟ ⲙⲡⲁⲑⲏⲧ ⲟⲩⲟⲩⲱϣϥ ⲛⲁϥ ⲧⲉ ⲁⲩⲱ ⲟⲩⲡⲁϣ ⲛⲧⲉϥⲯⲩⲭⲏ ⲛⲉ ⲛⲉϥⲥⲡⲟⲧⲟⲩ</ab>
8 ϣⲁⲣⲉⲑⲟⲧⲉ ⲣⲱϩⲧ ⲙⲡⲣⲉϥϫⲛⲁⲩ ⲛⲉⲯⲩⲭⲏ ⲇⲉ ⲛⲛϭⲁⲃϩⲏⲧ ⲛⲁϩⲕⲟ</ab>
9 ⲡⲉⲧⲉⲛϥⲧⲁⲗϭⲟ ⲙⲙⲟϥ ⲁⲛ ϩⲛⲛⲉϥϩⲃⲏⲩⲉ ⲡⲥⲟⲛ ⲡⲉ ⲙⲡⲉⲧⲧⲁⲕⲟ ⲙⲙⲟϥ ⲟⲩⲁⲁϥ ⲟⲩⲁⲑⲏⲧ ⲉϥϣⲁⲛϣⲓⲡⲉ ⲥⲛⲁⲱⲡ ⲉⲣⲟϥ ⲉⲩⲥⲟⲫⲓⲁ ⲁⲩⲱ ⲡⲉⲧⲧⲁⲗϭⲟ ⲙⲙⲟϥ ϩⲛⲛⲉϥϩⲃⲏⲩⲉ ⲑⲙⲙⲓⲛ ⲙⲙⲟϥ</ab>
10 ⲡⲣⲁⲛ ⲙⲡϫⲟⲉⲓⲥ ⲟⲩⲟⲩⲟⲛϩ ⲉⲃⲟⲗ ϩⲛⲧⲙⲛⲧⲛⲟϭ ⲛⲧⲉϥϭⲟⲙ ⲛⲇⲓⲕⲁⲓⲟⲥ ⲇⲉ ⲛⲁϫⲓⲥⲉ ⲙⲡⲡⲱⲧ ⲉⲣⲁⲧϥ</ab>
11 ⲡⲉϫⲡⲟ ⲛⲟⲩⲣⲱⲙⲉ ⲛⲣⲙⲙⲁⲟ ⲡⲉ ⲟⲩⲡⲟⲗⲓⲥ ⲉⲥⲧⲁϫⲣⲏⲩ ⲡⲉⲥⲉⲟⲟⲩ ⲇⲉ ⲣϩⲁⲓⲃⲉⲥ ⲉⲙⲁⲧⲉ</ab>
12 ⲡϩⲏⲧ ⲙⲡⲣⲱⲙⲉ ϫⲓⲥⲉ ϩⲁⲑⲏ ⲙⲡⲟⲩⲱϣϥ ⲁⲩⲱ ϣⲁϥⲑⲃⲃⲓⲟ ϩⲁⲑⲏ ⲙⲡⲉⲟⲟⲩ</ab>
13 ⲡⲉⲧⲛⲁϣⲁϫⲉ ⲉⲙⲡⲁⲧϥⲥⲱⲧⲙ ⲟⲩⲙⲛⲧⲁⲑⲏⲧ ⲛⲁϥ ⲧⲉ ⲙⲛⲟⲩⲛⲟϭⲛⲉϭ</ab>
14 ϣⲁⲣⲉⲟⲩϩⲙϩⲁⲗ ⲛⲥⲁⲃⲉ ⲧⲁⲗϭⲉⲟⲩϭⲱⲛⲧ ⲛⲟⲩⲣⲱⲙⲉ ⲛⲓⲙ ⲇⲉ ⲡⲉⲧⲛⲁϣϥⲓ ϩⲁⲟⲩⲣⲱⲙⲉ ⲛϩⲏⲧ ϣⲏⲙ</ab>
15 ⲡϩⲏⲧ ⲙⲡⲥⲁⲃⲉ ⲛⲁϫⲡⲟ ⲛⲁϥ ⲛⲟⲩⲁⲓⲥⲑⲏⲥⲓⲥ ⲉⲣⲉⲙⲙⲁⲁϫⲉ ⲇⲉ ⲛⲛⲥⲟⲫⲟⲥ ϣⲓⲛⲉ ⲛⲥⲁⲟⲩⲙⲉⲉⲩⲉ</ab>
16 ϣⲁⲣⲉⲛⲧⲁⲓⲟ ⲙⲡⲣⲱⲙⲉ ⲟⲩⲟϣⲥϥ ⲉⲃⲟⲗ ⲁⲩⲱ ϣⲁⲩⲥⲩⲛϩⲩⲥⲧⲁ ⲙⲙⲟϥ ⲛϩⲉⲛⲛⲟϭ</ab>
17 ϣⲁⲣⲉⲡⲇⲓⲕⲁⲓⲟⲥ ⲕⲁⲧⲉⲅⲟⲣⲓ ⲙⲙⲟϥ ⲟⲩⲁⲁϥ ϩⲙⲡⲉϥϣⲟⲣⲡ ⲛϣⲁϫⲉ ⲥⲉⲛⲁϫⲡⲓⲉⲡⲉⲧⲟⲩⲃⲏϥ ⲇⲉ ϩⲙⲡⲉⲧϥⲛⲁϩⲓⲧⲟⲟⲧϥ ⲉⲣⲟϥ</ab>
18 ϣⲁⲣⲉⲟⲩⲕⲗⲏⲣⲟⲥ ⲧⲁⲗϭⲉϩⲉⲛⲟⲩⲱϩⲙ ⲁⲩⲱ ϣⲁϥⲡⲱϣ ϩⲛⲛⲛⲟϭ</ab>
19 ⲉⲣⲉⲟⲩⲥⲟⲛ ⲉⲩⲃⲟⲏⲑⲓ ⲉⲣⲟϥ ϩⲓⲧⲛⲟⲩⲥⲟⲛ ⲟ ⲛⲑⲉ ⲛⲟⲩⲡⲟⲗⲓⲥ ⲉⲥⲟⲣϫ ⲁⲩⲱ ⲉⲥϫⲟⲥⲉ ϥϭⲙϭⲟⲙ ⲇⲉ ⲛⲑⲉ ⲛⲟⲩⲙⲛⲧⲉⲣⲟ ⲉⲥⲟⲣϫ</ab>
20 ⲉⲣⲉⲡⲣⲱⲙⲉ ⲛⲁⲙⲉϩϩⲏⲧϥ ⲉⲃⲟⲗ ϩⲛⲛⲕⲁⲣⲡⲟⲥ ⲛⲣⲱϥ ⲁⲩⲱ ⲉϥⲛⲁⲥⲉⲓ ⲛⲛⲕⲁⲣⲡⲟⲥ ⲛⲛⲉϥⲥⲡⲟⲧⲟⲩ</ab>
21 ⲉⲣⲉⲡⲙⲟⲩ ⲙⲛⲡⲱⲛϩ ⲛⲧϭⲓϫ ⲙⲡⲗⲁⲥ ⲛⲉⲧⲁⲙⲁϩⲧⲉ ⲇⲉ ⲙⲙⲟϥ ⲛⲁⲟⲩⲱⲙ ⲛⲛⲉϥⲕⲁⲣⲡⲟⲥ</ab>
22 ⲡⲉⲛⲧⲁϥϩⲉ ⲉⲩⲥϩⲓⲙⲉ ⲉⲛⲁⲛⲟⲩⲥ ⲁϥϩⲉ ⲉⲩϩⲙⲟⲧ ⲁϥϫⲓ ⲇⲉ ⲛⲟⲩⲟⲩⲣⲟⲧ ⲉⲃⲟⲗ ϩⲓⲧⲙⲡⲛⲟⲩⲧⲉ ⲡⲉⲧⲛⲁⲛⲟⲩϫⲉ ⲉⲃⲟⲗ ⲛⲟⲩⲥϩⲓⲙⲉ ⲉⲛⲁⲛⲟⲩⲥ ⲉϥⲛⲁⲛⲟⲩϫⲉ ⲉⲃⲟⲗ ⲛϩⲉⲛⲁⲅⲁⲑⲟⲛ ⲡⲉⲧⲛⲁϭⲱ ⲇⲉ ⲙⲛⲟⲩⲥϩⲓⲙⲉ ⲛⲛⲟⲉⲓⲕ ⲟⲩⲁⲑⲏⲧ ⲡⲉ ⲁⲩⲱ ⲟⲩϣⲁϥⲧⲉ ⲡⲉ</ab>
23 <gap reason=""/>
24 <gap reason=""/>