1 ⲟⲩⲁⲧⲁⲙⲁϩⲧⲉ ⲡⲉ ⲡⲏⲣⲡ ⲁⲩⲱ ⲟⲩⲥⲱϣ ⲡⲉ ⲡϯϩⲉ ⲟⲩⲟⲛ ⲇⲉ ⲛⲓⲙ ⲉⲧⲧⲱⲗⲙ ϩⲛⲛⲁⲓ ⲛϥⲛⲁϣⲱⲡⲉ ⲁⲛ ⲛⲥⲁⲃⲉ</ab>
2 ⲡⲛⲟⲩϭⲥ ⲛⲟⲩⲣⲣⲟ ϣⲟⲃⲉ ⲁⲛ ⲉⲡϭⲱⲛⲧ ⲛⲟⲩⲙⲟⲩⲓ ⲡⲉⲧⲧⲱⲃⲥ ⲇⲉ ⲙⲙⲟϥ ⲁⲩⲱ ⲉⲧⲧⲧⲏϩ ⲛⲙⲙⲁϥ ⲉϥⲣⲛⲟⲃⲉ ⲉⲧⲉϥⲯⲩⲭⲏ ⲙⲙⲓⲛ ⲙⲙⲟϥ</ab>
3 ⲡⲉⲟⲟⲩ ⲙⲡⲣⲱⲙⲉ ⲡⲉ ⲥⲁϩⲱϥ ⲉⲃⲟⲗ ⲛϩⲉⲛⲥⲁϩⲟⲩ ⲁⲑⲏⲧ ⲇⲉ ⲛⲓⲙ ϣⲁⲩⲙⲟⲩϫⲧ ϩⲛⲛⲁⲓ</ab>
4 ⲙⲉⲣⲉⲛⲣⲉϥϫⲛⲁⲁⲩ ϣⲓⲡⲉ ⲉⲩⲛⲟϭⲛⲉϭ ⲙⲙⲟϥ ⲧⲁⲓ ⲟⲛ ⲧⲉ ⲑⲉ ⲙⲡⲉⲧϫⲓⲥⲟⲩⲟ ⲉⲙⲏⲥⲉ ϩⲙⲡⲱϩⲥ</ab>
5 ⲟⲩⲙⲟⲟⲩ ⲉϥϣⲏⲕ ⲡⲉ ⲡϣⲟϫⲛⲉ ϩⲙⲡϩⲏⲧ ⲙⲡⲣⲱⲙⲉ ⲡⲣⲱⲙⲉ ⲇⲉ ⲛⲥⲟⲫⲟⲥ ⲛⲁⲛⲧϥ ⲉϩⲣⲁⲓ</ab>
6 ⲟⲩⲛⲟϭ ⲡⲉ ⲟⲩⲣⲱⲙⲉ ⲁⲩⲱ ⲡⲣⲱⲙⲉ ⲑⲛⲛⲁⲏⲧ ⲧⲁⲓⲏⲩ ⲟⲩϩⲱⲃ ⲇⲉ ⲡⲉ ⲉϩⲉ ⲉⲩⲣⲱⲙⲉ ⲙⲡⲓⲥⲧⲟⲥ</ab>
7 ⲡⲉⲧⲙⲟⲟϣⲉ ⲉϥⲟⲩⲁⲁⲃ ϩⲛⲟⲩⲇⲓⲕⲁⲓⲟⲥⲩⲛⲏ ϥⲛⲁⲕⲱ ⲑⲛⲛⲉϥϣⲏⲣⲉ ⲙⲙⲁⲕⲁⲣⲓⲟⲥ</ab>
8 ⲉⲣϣⲁⲛⲟⲩⲣⲣⲟ ⲛⲇⲓⲕⲁⲓⲟⲥ ϩⲙⲟⲟⲥ ϩⲓⲟⲩⲑⲣⲟⲛⲟⲥ ⲙⲉⲣⲉⲗⲁⲁⲩ ⲙⲡⲉⲑⲟⲟⲩ ϯⲟⲩⲃⲏϥ</ab>
9 ⲛⲓⲙ ⲡⲉⲧⲛⲁϣⲟⲩϣⲟⲩ ⲙⲙⲟϥ ⲉⲣⲉⲡⲉϥϩⲏⲧ ⲟⲩⲁⲁⲃ ⲏ ⲛⲓⲙ ⲡⲉⲧⲛⲁⲡⲁⲣⲣⲏⲥⲓⲁⲍⲉ ⲙⲙⲟϥ ⲉϥϫⲱ ⲙⲙⲟⲥ ϫⲉ ϯⲟⲩⲁⲁⲃ ⲉⲛⲟⲃⲉ ⲡⲟⲩⲟⲉⲓⲛ ⲛⲁⲱϫⲛ ⲙⲡⲉⲧϫⲉⲡⲉⲑⲟⲟⲩ ⲛⲥⲁⲡⲉϥⲉⲓⲱⲧ ⲙⲛⲧⲉϥⲙⲁⲁⲩ ⲛⲕⲉⲕⲉ ⲇⲉ ⲛⲛⲉϥⲃⲁⲗ ⲛⲁⲛⲁⲩ ⲉⲩⲕⲁⲕⲉ ⲟⲩⲙⲉⲣⲓⲥ ⲉⲩϭⲉⲡⲏ ⲉϫⲡⲟⲥ ⲛϣⲟⲣⲡ ⲥⲛⲁⲥⲟⲟⲩⲧⲛ ⲁⲛ ϩⲛⲧⲉⲥϩⲁⲏ ⲙⲡⲣϫⲟⲟⲥ ϫⲉ ϯⲛⲁⲧⲱⲱⲃⲉ ⲙⲡⲁϫⲁϫⲉ ⲁⲗⲗⲁ ϩⲩⲡⲟⲙⲓⲛⲉ ⲉⲡⲛⲟⲩⲧⲉ ϫⲉ ⲉϥⲉⲃⲟⲏⲑⲓ ⲉⲣⲟⲕ</ab>
10 ⲟⲩⲛⲟϭ ⲛϣⲓ ⲙⲛⲟⲩⲕⲟⲩⲓ ⲁⲩⲱ ⲟⲉⲓⲡⲉ ⲥⲛⲧⲉ ϩⲉⲛⲁⲕⲁⲑⲁⲣⲧⲟⲛ ⲛⲉ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ϩⲓⲟⲩⲥⲟⲡ</ab>
11 ⲁⲩⲱ ⲡⲉⲧⲉⲓⲣⲉ ⲛⲛⲁⲓ ⲥⲉⲛⲁⲥⲟⲛϩϥ ϩⲛⲛⲉϥⲙⲉⲉⲩⲉ ⲟⲩϩⲣϣⲓⲣⲉ ⲉϥⲙⲟⲟϣⲉ ⲙⲛⲡⲉⲧⲟⲩⲁⲁⲃ ϣⲁⲣⲉⲧⲉϥϩⲓⲏ ⲥⲟⲟⲩⲧⲛ</ab>
12 ⲡⲙⲁⲁϫⲉ ⲡⲉⲧⲥⲱⲧⲙ ⲁⲩⲱ ⲡⲃⲁⲗ ⲡⲉⲧⲛⲁⲩ ⲉⲃⲟⲗ ⲛⲉϩⲃⲏⲩⲉ ⲇⲉ ⲙⲡⲛⲟⲩⲧⲉ ⲛⲉ ⲙⲡⲉⲥⲛⲁⲩ</ab>
13 ⲙⲡⲣⲙⲉⲣⲉ ϫⲉ ⲡⲉⲑⲟⲟⲩ ⲙⲏⲡⲟⲧⲉ ⲛⲅⲧⲁⲕⲟ ⲟⲩⲱⲛ ⲇⲉ ⲛⲛⲉⲕⲃⲁⲗ ⲛⲅϭⲱϣⲧ ⲉⲛⲉⲧⲥⲟⲩⲧⲱⲛ</ab>
14 <gap reason=""/>
15 <gap reason=""/>
16 <gap reason=""/>
17 <gap reason=""/>
18 <gap reason=""/>
19 <gap reason=""/>
20 <gap reason=""/>
21 <gap reason=""/>
22 <gap reason=""/>
23 ⲧⲃⲟⲧⲉ ⲙⲡϫⲟⲉⲓⲥ ⲡⲉ ϣⲓ ⲥⲛⲁⲩ ⲁⲩⲱ ⲛⲁⲛⲟⲩⲟⲩⲙⲁϣⲉ ⲁⲛ ⲛⲕⲣⲟϥ ⲙⲡⲉϥⲙⲧⲟ ⲉⲃⲟⲗ</ab>
24 ⲉⲣⲉⲛⲉϩⲓⲟⲟⲩⲉ ⲙⲡⲣⲱⲙⲉ ⲥⲟⲩⲧⲱⲛ ϩⲓⲧⲙⲡⲛⲟⲩⲧⲉ ⲉⲣⲉⲡⲣⲱⲙⲉ ⲇⲉ ⲛⲁⲛⲟⲓ ⲛⲛⲉϥϩⲓⲟⲟⲩⲉ ⲛⲁϣ ⲛϩⲉ</ab>
25 ⲟⲩϭⲟⲣϭⲥ ⲙⲡⲣⲱⲙⲉ ⲡⲉ ⲉⲣⲏⲧ ⲉⲃⲟⲗ ϩⲛⲛⲉϥⲛⲕⲁ ϩⲛⲟⲩϭⲉⲡⲏ ⲙⲛⲛⲥⲁⲧⲣⲉϥⲉⲣⲏⲧ ⲅⲁⲣ ϣⲁⲥϣⲱⲡⲉ ⲛϥⲣϩⲧⲏϥ</ab>
26 ⲡⲣⲉϥϩⲓ ⲛⲛⲁⲥⲉⲃⲏⲥ ⲡⲉ ⲟⲩⲣⲣⲟ ⲛⲥⲟⲫⲟⲥ ⲁⲩⲱ ϣⲁϥⲉⲓⲛⲉ ⲉϫⲱⲟⲩ ⲛⲟⲩⲕⲟⲧ ⲙⲡⲉⲑⲟⲟⲩ ⲙⲙⲛⲧⲛⲁ ⲙⲛⲧⲡⲓⲥⲧⲓⲥ ⲡⲉ ⲡϩⲁⲣⲉϩ ⲛⲟⲩⲣⲣⲟ ⲁⲩⲱ ϩⲉⲛⲇⲓⲕⲁⲓⲟⲥ ⲛⲉⲧⲛⲁⲕⲱⲧⲉ ⲉⲡⲉϥⲑⲣⲟⲛⲟⲥ</ab>
27 ⲡⲟⲩⲟⲉⲓⲛ ⲙⲡϫⲟⲉⲓⲥ ⲡⲉ ⲧⲉⲡⲛⲟⲏ ⲛⲛⲣⲱⲙⲉ ⲡⲉⲧⲙⲟⲩϣⲧ ⲛⲛⲧⲁⲙⲓⲟⲛ ⲛⲑⲏ</ab>
28 ⲧⲙⲛⲧⲛⲁ ⲙⲛⲧⲙⲉ ⲡⲉ ⲡϩⲁⲣⲉϩ ⲛⲟⲩⲣⲣⲟ ⲁⲩⲱ ⲧⲇⲓⲕⲁⲓⲟⲥⲩⲛⲏ ⲛⲁⲕⲟⲧⲥ ⲉⲡⲉϥⲑⲣⲟⲛⲟⲥ</ab>
29 ⲡⲕⲟⲥⲙⲟⲥ ⲛⲛϣⲏⲣⲉ ϣⲏⲙ ⲡⲉ ⲧⲥⲟⲫⲓⲁ ⲡⲉⲟⲟⲩ ⲇⲉ ⲛⲛϩⲗⲗⲟ ⲡⲉ ⲡⲥⲟⲟⲩⲛ</ab>
30 ϩⲉⲛⲉⲗⲉⲗⲕⲏⲙⲉ ⲙⲛϩⲛⲟⲩⲱϣϥ ⲛⲉⲧⲛⲁⲧⲱⲙⲛⲧ ⲉⲛⲉⲑⲟⲟⲩ ϩⲉⲛⲡⲗⲏⲅⲏ ⲇⲉ ⲛⲉ ⲛⲧⲁⲙⲓⲟⲛ ⲛϩⲏⲧⲟⲩ</ab>