1 ⲁⲩⲱ ⲁⲥϣⲱⲡⲉ ϩⲛ ⲛⲉϩⲟⲟⲩ ⲛⲁⲭⲁⲍ ⲡϣⲏⲣⲉ ⲛⲓⲱⲁⲑⲁⲙ ⲡϣⲏⲣⲉ ⲛⲟⲍⲓⲁⲥ ⲡⲣⲣⲟ ⲛⲓⲟⲩⲇⲁ ⲁⲣⲁⲁⲥⲥⲱⲛ ⲉⲓ ⲉϩⲣⲁⲓ ⲡⲣⲣⲟ ⲛⲁⲣⲁⲙ ⲁⲩⲱ ⲫⲁⲕⲉⲉ ⲡϣⲏⲣⲉ ⲛϩⲣⲟⲙⲉⲗⲓⲁⲥ ⲡⲣⲣⲟ ⲙⲡⲓⲏⲗ ⲉϫⲛ ⲑⲓⲗⲏⲙ ⲉϫⲓⲧⲥ ⲁⲩⲱ ⲙⲡⲟⲩⲉϣϭⲙϭⲟⲙ ⲉϫⲓⲧⲥ</ab>
2 ⲁⲩϫⲓⲡⲟⲩⲱ ⲇⲉ ⲉϩⲣⲁⲓ ⲉⲡⲏⲓ ⲛⲇⲁⲩⲉⲓⲇ ⲉⲩϫⲱ ⲙⲙⲟⲥ ϫⲉ ⲁⲁⲣⲁⲙ ϥⲓ ⲙⲛ ⲉⲫⲣⲁⲓⲙ ⲁⲩⲱ ⲁⲧⲉϥⲯⲩⲭⲏ ⲡⲱϣⲥ ⲙⲛ ⲧⲉⲯⲩⲭⲏ ⲙⲡⲉϥⲗⲁⲟⲥ ⲛⲑⲉ ⲛϣⲁⲣⲉⲟⲩϣⲏⲛ ⲕⲓⲙ ⲉⲃⲟⲗ ϩⲓⲧⲛ ⲟⲩⲧⲏⲩ ⲉⲃⲟⲗ ϩⲛ ⲧⲥⲱϣⲉ</ab>
3 ⲁⲩⲱ ⲡⲉϫⲉⲡϫⲟⲉⲓⲥ ⲛⲏⲥⲁⲓⲁⲥ ϫⲉ ⲃⲱⲕ ⲉⲃⲟⲗ ⲛⲅⲧⲱⲙⲛⲧ ⲉⲁⲭⲁⲍ ⲛⲧⲟⲕ ⲁⲩⲱ ⲡⲉⲕϣⲏⲣⲉ ⲛⲧⲁϥϣⲱϫⲡ ⲓⲁⲥⲥⲟⲩⲃ ϩⲁⲧⲛ ⲧⲕⲟⲗⲩⲙⲃⲏⲑⲣⲁ ⲛⲁⲣⲭⲁⲓⲟⲛ ⲛⲧⲉϩⲓⲏ ⲉⲧⲛⲧⲡⲉ ⲛⲧⲥⲱϣⲉ ⲙⲡⲣⲁϩⲧ</ab>
4 ⲁⲩⲱ ⲛⲅϫⲟⲟⲥ ⲛⲁϥ ϫⲉ ϩⲁⲣⲉϩ ⲉⲣⲟⲕ ⲉⲧⲣⲉⲕⲕⲁⲣⲱⲕ ⲁⲩⲱ ⲙⲡⲣⲣϩⲟⲧⲉ ⲟⲩⲇⲉ ⲙⲡⲣⲧⲣⲉⲧⲉⲕⲯⲩⲭⲏ ⲣϭⲱⲃ ϩⲏⲧⲟⲩ ⲙⲡⲉⲓϣⲏⲛ ⲥⲛⲁⲩ ⲛⲉⲓⲗⲁⲙⲡⲁⲥ ⲉⲧϯⲕⲁⲡⲛⲟⲥ ϩⲟⲧⲁⲛ ⲅⲁⲣ ⲉⲣϣⲁⲛⲧⲟⲣⲅⲏ ⲙⲡⲁϭⲱⲛⲧ ϣⲱⲡⲉ ⲡⲁⲗⲓⲛ ⲟⲛ ϯⲛⲁⲧⲁⲗϭⲟ</ab>
5 ⲁⲩⲱ ⲡϣⲏⲣⲉ ⲛⲁⲣⲁⲙ ⲙⲛ ⲡϣⲏⲣⲉ ⲛϩⲣⲟⲙⲉⲗⲓⲁⲥ ϫⲉ ⲁⲩϣⲟϫⲛⲉ ⲛⲟⲩϣⲟϫⲛⲉ ⲉϥϩⲟⲟⲩ ⲉⲣⲟⲕ ⲉⲩϫⲱ ⲙⲙⲟⲥ ϫⲉ</ab>
6 ⲧⲛⲛⲁⲃⲱⲕ ⲉϩⲣⲁⲓ ⲉϯⲟⲩⲇⲁⲓⲁ ⲛⲧⲛϣⲁϫⲉ ⲛⲙⲙⲁⲩ ⲛⲧⲛⲕⲧⲟⲟⲩ ⲛⲁⲛ ⲛⲧⲛⲉⲓⲣⲉ ⲙⲡϣⲏⲣⲉ ⲛⲧⲁⲃⲉⲏⲗ ⲛⲣⲣⲟ ⲉϩⲣⲁⲓ ⲉϫⲱⲥ</ab>
7 ⲛⲁⲓ ⲛⲉⲧⲉⲣⲉⲡϫⲟⲉⲓⲥ ⲥⲁⲃⲁⲱⲑ ϫⲱ ⲙⲙⲟⲟⲩ ϫⲉ ⲛⲛⲉⲡⲉⲓϣⲟϫⲛⲉ ⲙⲟⲩⲛ ⲉⲃⲟⲗ ⲟⲩⲇⲉ ⲛⲛⲉϥϣⲱⲡⲉ</ab>
8 ⲁⲗⲗⲁ ⲧⲁⲡⲉ ⲛⲁⲣⲁⲙ ⲡⲉ ⲧⲁⲙⲁⲥⲕⲟⲥ ⲁⲗⲗⲁ ⲕⲉⲥⲉⲧⲏ ⲛⲣⲟⲙⲡⲉ ⲛⲉ ⲛⲧⲉⲧⲙⲛⲧⲉⲣⲣⲟ ⲛⲉⲫⲣⲁⲓⲙ ⲱϫⲛ ⲉⲃⲟⲗ ϩⲙ ⲡⲗⲁⲟⲥ</ab>
9 ⲁⲩⲱ ⲧⲁⲡⲉ ⲛⲉⲫⲣⲁⲓⲙ ⲡⲉ ⲥⲟⲙⲟⲣⲁ ⲁⲩⲱ ⲧⲁⲡⲉ ⲛⲥⲟⲙⲟⲣⲁ ⲡⲉ ⲡϣⲏⲣⲉ ⲛϩⲣⲟⲙⲉⲗⲓⲁⲥ ⲁⲩⲱ ⲉⲧⲉⲧⲛⲧⲙⲡⲓⲥⲧⲉⲩⲉ ⲛⲛⲉⲧⲛⲉⲓⲙⲉ ⲟⲛ</ab>
10 ⲁⲩⲱ ⲁⲡϫⲟⲉⲓⲥ ⲟⲩⲱϩ ⲉⲧⲟⲟⲧϥ ⲁϥϣⲁϫⲉ ⲙⲛ ⲁⲭⲁⲍ ⲉϥϫⲱ ⲙⲙⲟⲥ ϫⲉ</ab>
11 ⲁⲓⲧⲉⲓ ⲛⲁⲕ ⲛⲟⲩⲙⲁⲉⲓⲛ ⲉⲃⲟⲗ ϩⲓⲧⲟⲟⲧϥ ⲙⲡϫⲟⲉⲓⲥ ⲡⲉⲕⲛⲟⲩⲧⲉ ⲉⲡϣⲓⲕⲉ ⲏ ⲉⲡϫⲓⲥⲉ</ab>
12 ⲁⲩⲱ ⲡⲉϫⲉⲁⲭⲁⲍ ϫⲉ ⲛⲛⲁⲉⲧⲉⲓ ⲁⲩⲱ ⲛⲛⲁⲡⲉⲓⲣⲁⲍⲉ ⲙⲡϫⲟⲉⲓⲥ</ab>
13 ⲁⲩⲱ ⲡⲉϫⲁϥ ϫⲉ ⲥⲱⲧⲙ ⲛⲧⲟⲟⲩⲛ ⲛⲁⲡⲏⲓ ⲛⲇⲁⲩⲉⲓⲇ ⲙⲏ ⲟⲩⲕⲟⲩⲓ ⲛⲏⲧⲛ ⲡⲉ ϯⲁⲕⲱ ⲛⲛⲣⲱⲙⲉ ⲁⲩⲱ ⲛⲁϣ ⲛϩⲉ ⲧⲉⲧⲛϯⲁⲕⲱⲛ ⲙⲡϫⲟⲉⲓⲥ</ab>
14 ⲉⲧⲃⲉ ⲡⲁⲓ ⲡϫⲟⲉⲓⲥ ⲛⲧⲟϥ ϥⲛⲁϯ ⲛⲏⲧⲛ ⲛⲟⲩⲙⲁⲉⲓⲛ ⲉⲓⲥ ⲧⲡⲁⲣⲑⲉⲛⲟⲥ ⲛⲁⲱⲱ ⲛⲥϫⲡⲟ ⲛⲟⲩϣⲏⲣⲉ ⲛⲧⲉⲧⲛⲙⲟⲩⲧⲉ ⲉⲡⲉϥⲣⲁⲛ ϫⲉ ⲉⲙⲙⲁⲛⲟⲩⲏⲗ</ab>
15 ⲉϥⲛⲁⲟⲩⲉⲙⲥⲁⲓⲣⲉ ϩⲓ ⲉⲃⲓⲱ ⲙⲡⲁⲧⲉϥⲉⲓⲙⲉ ⲉⲡⲉⲣϫⲡⲡⲉⲑⲟⲟⲩ ⲉⲥⲉⲧⲡⲡⲉⲧⲛⲁⲛⲟⲩϥ</ab>
16 ⲏ ⲡⲡⲉⲑⲟⲟⲩ ϥⲛⲁⲕⲱ ⲛⲥⲱϥ ⲛⲧⲡⲟⲛⲏⲣⲓⲁ ⲉⲥⲱⲧⲡ ⲛⲁϥ ⲙⲡⲁⲅⲁⲑⲟⲛ ⲁⲩⲱ ⲥⲉⲛⲁⲕⲁⲡⲕⲁϩ ⲉⲃⲟⲗ ⲉⲧⲕⲣϩⲟⲧⲉ ⲛⲧⲟⲕ ϩⲏⲧϥ ϩⲱⲥ ⲉⲕⲛⲁϫⲓⲧϥ ⲁⲛ ϩⲛ ⲟⲩⲙⲕⲁϩ ⲙⲡⲉⲙⲧⲟ ⲉⲃⲟⲗ ⲙⲡⲣⲣⲟ ⲥⲛⲁⲩ</ab>
17 ⲁⲗⲗⲁ ⲡⲛⲟⲩⲧⲉ ⲛⲁⲉⲓⲛⲉ ⲉϩⲣⲁⲓ ⲉϫⲱⲕ ⲁⲩⲱ ⲉϩⲣⲁⲓ ⲉϫⲙ ⲡⲉⲕⲗⲁⲟⲥ ⲁⲩⲱ ⲉϫⲙ ⲡⲏⲓ ⲙⲡⲉⲕⲉⲓⲱⲧ ⲛϩⲛϩⲟⲟⲩ ⲙⲡⲁⲧⲟⲩⲉⲓ ϫⲓⲛ ⲙⲡⲉϩⲟⲟⲩ ⲛⲧⲁⲉⲫⲣⲁⲓⲙ ϥⲓⲡⲣⲣⲟ ⲛⲛⲁⲥⲥⲩⲣⲓⲟⲥ ⲉⲃⲟⲗ ϩⲛ ⲓⲟⲩⲇⲁ</ab>
18 ⲁⲩⲱ ⲥⲛⲁϣⲱⲡⲉ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲡϫⲟⲉⲓⲥ ⲛⲁⲥⲱⲕ ⲙⲡⲁϥ ⲡⲁⲓ ⲉⲧⲛⲁⲣϫⲟⲉⲓⲥ ⲉⲩⲥⲁ ⲙⲡⲓⲉⲣⲟ ⲛⲕⲏⲙⲉ ⲁⲩⲱ ⲙⲡⲁϥ ⲛⲉⲃⲓⲱ ⲉⲧϩⲛ ⲧⲉⲭⲱⲣⲁ ⲛⲛⲁⲥⲥⲩⲣⲓⲟⲥ</ab>
19 ⲁⲩⲱ ⲥⲉⲛⲏⲩ ⲧⲏⲣⲟⲩ ⲛⲥⲉⲙⲧⲟⲛ ⲙⲙⲟⲟⲩ ϩⲛ ⲛⲉⲓⲁ ⲛⲧⲉⲭⲱⲣⲁ ⲁⲩⲱ ϩⲛ ⲛⲉϣⲕⲟⲗ ⲛⲙⲡⲉⲧⲣⲁ ⲙⲛ ⲛⲙϩⲁⲁⲩ ⲁⲩⲱ ϩⲙ ⲡⲱϩ ⲛⲓⲙ ⲁⲩⲱ ϩⲛ ϣⲉ ⲛⲓⲙ</ab>
20 ⲁⲩⲱ ⲥⲛⲁϣⲱⲡⲉ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲡϫⲟⲉⲓⲥ ⲛⲁϩⲱⲱⲕⲉ ϩⲙ ⲡⲛⲟϭ ⲛⲧⲟⲕ ⲉⲧⲧⲁϩⲉ ⲛⲧⲁⲡⲉ ⲙⲡⲣⲣⲟ ⲛⲛⲁⲥⲥⲩⲣⲓⲟⲥ ϩⲓ ⲡⲉⲕⲣⲟ ⲙⲡⲓⲉⲣⲟ ⲙⲛ ⲛⲃⲱ ⲛⲛⲉϥⲟⲩⲉⲣⲏⲧⲉ ⲁⲩⲱ ϥⲛⲁϥⲓ ⲛⲧⲉϥⲙⲟⲣⲧ</ab>
21 ⲁⲩⲱ ⲥⲉⲛⲁϣⲱⲡⲉ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲡⲣⲱⲙⲉ ⲛⲁⲥⲁⲁⲛϣ ⲛⲟⲩⲃⲁϩⲥⲉ ⲛⲉϩⲉ ⲙⲛ ⲉⲥⲟⲟⲩ ⲥⲛⲁⲩ</ab>
22 ⲁⲩⲱ ⲛⲥϣⲱⲡⲉ ⲉⲃⲟⲗ ϩⲙ ⲡⲉϩⲟⲩⲟ ⲛϩⲣⲉⲣⲱⲧⲉ ⲟⲩⲟⲛ ⲛⲓⲙ ⲉⲧⲛⲁϣⲱϫⲡ ϩⲓϫⲙ ⲡⲕⲁϩ ⲛⲁⲟⲩⲉⲙⲥⲁⲓⲣⲉ ϩⲓ ⲉⲃⲓⲱ</ab>
23 ⲁⲩⲱ ⲥⲛⲁϣⲱⲡⲉ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲙⲁ ⲛⲓⲙ ⲉⲧⲉⲣⲉϣⲟ ⲛⲃⲱ ⲛⲉⲗⲟⲟⲗⲉ ⲛⲁϣⲱⲡⲉ ⲛϩⲏⲧϥ ϩⲁ ϣⲟ ⲛⲥⲓⲕⲗⲟⲥ ⲛⲥⲉϣⲱⲡⲉ ⲛⲭⲉⲣⲥⲟⲥ ⲁⲩⲱ ⲛⲥⲉⲣϣⲟⲛⲧⲉ</ab>
24 ⲉⲣⲉⲛⲁⲓ ⲛⲁⲃⲱⲕ ⲉϩⲟⲩⲛ ⲉⲙⲁⲩ ϩⲙ ⲡⲥⲟⲧⲉ ⲙⲛ ⲡⲡⲓⲧⲉ ϫⲉ ⲡⲕⲁϩ ⲧⲏⲣϥ ⲛⲁⲣⲭⲉⲣⲥⲟⲥ ϩⲓ ϣⲟⲛⲧⲉ</ab>
25 ⲁⲩⲱ ⲥⲉⲛⲁⲥⲉⲕⲧⲟⲟⲩ ⲛⲓⲙ ⲉϣⲁⲩⲥⲟⲕϥ ⲛⲛⲉϩⲟⲧⲉ ⲉⲓ ⲉϫⲙ ⲡⲙⲁ ⲉⲧⲙⲙⲁⲩ ⲥⲉⲛⲁϣⲱⲡⲉ ⲅⲁⲣ ⲉⲃⲟⲗ ϩⲙ ⲡⲉϣⲛⲁ ⲙⲛ ⲡϣⲟⲛⲧⲉ ⲉⲩⲙⲁ ⲛⲙⲟⲟⲛⲉ ⲛⲉⲥⲟⲟⲩ ⲁⲩⲱ ⲉⲩϣⲁⲓⲣⲉ ⲛⲉϩⲉ</ab>