1 وَارْ تّْفيّشْ زڭْ وَاسّْ ن ثِيوشَّا،
2 أجّْ إِجّْ ن ؤُبَارَّانِي أَذْ شكْ إِشنّعْ،
3 أَژْرُو إِذْقڒْ، إِجْذِي إِوزّنْ،
4 أَسْعَارْ ذ ؤُذُوقّزْ ن وغْضَابْ
5 ثحْڒَا تَّارْبِييّثْ س بْطَايْطَايْ
6 إِيزِّيمنْ ن ونِّي شكْ إِتّخْسنْ
7 ونِّي إِجِّيوْننْ، إِعجّنْ
8 أَمْ إِجّْ ن وجْضِيضْ إِطَّاوْ،
9 زّشْثْ ذ ڒبْخُورْ سّْفَارَّاحنْ ؤُڒْ،
10 وَارْ سمّحْ ذڭْ ؤُمدُّوكّڒْ نّشْ،
11 إِڒِي ذ أَمِيغِيسْ، أَ مِّي، ؤُ سْفَارْحْ ؤُڒْ إِنُو،
12 ونِّي إِفتّْننْ إِتّْوَاڒَا ڒْغَارْ
13 كْسِي أَرُّوضْ نّسْ،
14 ونِّي إِتّْبَارْكنْ أَمدُّوكّڒْ نّسْ زِيشْ
15 أَمشْنَاوْ ثُوذِّيمْثْ وَارْ إِتّْبذِّينْ
16 ونِّي إِتّخْسنْ أَذْ أَسْ إِبلّعْ،
17 أَمْ ونِّي إِسّقْضَاعنْ ؤُزَّاڒْ س وُوزَّاڒْ،
18 ونِّي إِحطَّانْ خْ إِجّْ ن وَارْثُو،
19 أَمْ د-إِتّْبَانْ ؤُغمْبُوبْ ذڭْ ؤُغمْبُوبْ
20 أَمْ ڒَاخَارْثْ ذ ؤُسْهلّكْ وَارْ تّْيِيوِيننْ،
21 أَطنْجِيرْ ن ؤُسفْسِي إِ نُّوقَارْثْ
22 مَاڒَا ثدّْزذْ أَبُوهَاڒِي س وزْذُوزْ
23 حْضَا مَاحنْذْ أَذْ ثسّْنذْ
24 مَاغَارْ ڒكْسِيبثْ وَارْ ثتّْغِيمِي إِ ڒبْذَا،
25 مَاڒَا إِرُوحْ أَرْبِيعْ
26 خنِّي أَذْ إِڒِينْ إِزْمَارنْ إِ وَارُّوضْ نّشْ،
27 ؤُشَا أَذْ غَاركْ يِيڒِي مِينْ ثحْوَاجذْ