1 مَاڒَا ثقِّيمذْ
2 أڭّْ إِجّْ ن ڒْمُوسْ خْ يِيڒِي نّشْ،
3 وَارْ تّڭّْ مژْرِي ذِي مَاشَّا نّسْ إِشْنَانْ،
4 وَارْ سِّيحِيڒْ إِخفْ نّشْ
5 مَاڒَا طَّاونْثْ ثِيطَّاوِينْ غَارسْ،
6 وَارْ تّتّْ أَغْرُومْ
7 مَاغَارْ أَمْ مَامّشْ ث إِتّْخَارَّاصْ،
8 أَزعِّيفْ إِ ثشِّيذْ، أَذْ ث-إِ-د-ثْعُوقّذْ،
9 وَارْ سِيوڒْ ذڭْ ؤُمزُّوغْ ن إِجّْ ن ؤُبُوهَاڒِي،
10 وَارْ سْمُوطُّويْ أَيْمِيرْ ن وشْحَاڒْ ؤُيَا،
11 مَاغَارْ أَمفْذِي نْسنْ ذ أَمقّْرَانْ،
12 أَرّْ ؤُڒْ نّشْ غَارْ ؤُوبّخْ،
13 وَارْ تّطّفْ تَّارْبِييّثْ خْ ؤُحُوذْرِي،
14 شكْ أَذْ ث ثوْثذْ س وعْمُوذْ،
15 مِّي إِنُو، مَاڒَا ؤُڒْ نّشْ ذ أَمِيغِيسْ،
16 ثِيژَّاڒْ إِنُو أَذْ نڭْزنْثْ س ڒفْرَاحثْ،
17 أجّْ ؤُڒْ نّشْ وَارْ إِتِّيسِيمْ زڭْ إِمذْنَابْ،
18 مَاغَارْ خنِّي أَقَا ذِينْ ثِيوشَّا،
19 سڒْ-د شكْ، أَ مِّي، إِڒِي ذ أَمِيغِيسْ،
20 وَارْ تّْغِيمِي غَارْ إِسْكَارْجِييّنْ،
21 مَاغَارْ أَسْكَارْجِييْ ذ أَملْهُوفْ
22 سڒْ-د شكْ غَارْ بَابَاشْ
23 سغْ-دّْ ثِيذتّْ، وَارْ ت ثزْنُوزَا شَا،
24 بَابَاسْ ن ؤُمْسڭّذْ أَذْ إِفَارْحْ س وَاطَّاسْ،
25 أجّْ أَذْ إِفَارْحْ بَابَاشْ ؤُڒَا ذ يمَّاشْ،
26 أوْشْ أَيِي ؤُڒْ نّشْ، أَ مِّي،
27 مَاغَارْ ثَامْغَارْثْ فَارْقْ-شّْغڒْ
28 وَاهْ، نتَّاثْ ثتّْحَامَا
29 وِي إِ غَارْ إِدْجَا وشْضَانْ؟
30 غَارْ إِنِّي إِتّْغِيمَانْ غَارْ بِينُو أَڒْ ثَامذِّيثْ،
31 وَارْ خزَّارْ غَارْ بِينُو، خْمِي إِتّزْوِيغْ،
32 غَارْ ؤُنڭَّارْ إِتّْغِيمَا إِزعّفْ
33 ثِيطَّاوِينْ نّشْ أَذْ ثْوَاڒَانْثْ
34 شكْ أَذْ ثِيڒِيذْ أَمْ يِيجّنْ
35 أَذْ ثِينِيذْ: ”وْثِينْ أَيِي، مَاشَا وَارْ يزْمغْ،