Mateus 16
Ẽwandam Iek (NOAE) vs NVT
1 Mag Magadán durr paaukhabaimaawai fariseonaanau Saduceonaan dʉ̈imua Jesús oon bëejierram. Pari mag bëetarran sĩi i imeraa pʉr aum khõchgaupai arr aawai irig amachdëu bʉ̈ʉrjã ooba aajem nemta amach dakhĩir edjã ee waupi jaau naajim, mag gaaimua chadcha Ẽwandamau pʉ̈iwiata mag nʉrrʉm a amachig khap jaaumkhĩir.
1 Os fariseus e saduceus vieram pôr Jesus à prova, exigindo que lhes mostrasse um sinal do céu.
2 Pari Jesuu am ipierraajã khaba, warag sĩi amag, —¿Khan jãgwi pãrau kheeurag edau dubmamua edjã phur waau thʉnʉm oowia, “Nan edau wärjäphä aju” aajẽ;
2 Ele respondeu: “Vocês conhecem o ditado: ‘Céu vermelho ao entardecer, bom tempo amanhã;
3 maimua jũrr edaupherrejã agjö edau öbër urum bʉ̈ʉu edjã phur thʉnʉm oowi, “Nan edau khõrkhaju” a jaaujẽ? ajim. Pãrau jãg edjã oobarm gaaimuapai ed wärjäug aju wa ed khõrkhajujã nem khaug nʉmta, ¿jãga jãg pãrau pãach daúa mua nem wau chitʉm oo nʉmjã pöd khaug auba nʉ mʉ chadcha Ẽwandamau pʉ̈iju jaaujerr? ajim amag.
3 céu vermelho e sombrio logo cedo, mau tempo o dia todo’. Vocês sabem identificar as condições do tempo no céu, mas não sabem interpretar os sinais dos tempos!
4 Pãran pãachdëu Ẽwandam iseg nʉm gaaimua warag chi ajaugjã chukhu thʉnaawaita warag pãachdëu nem ooba aajem nempata pãach dakhĩir waupi nʉm. Mamʉ mua waubamgui ajim. Mag khãai warrgar jöoi Jonás aajerr nemmeeurrkhan buch ee khãai thãrjup sĩethurtarr gaaimua Nínivepienau Ẽwandamau i pʉ̈itarr khaug autarrjöta, ĩchab mʉchjã Ẽwandamau pʉ̈itarr pãrag khaphʉ apijugui ajim, mʉch iiu phiidʉbarm gaaimua. Mamʉ magʉmjã pãrau ʉ̈khabajugui ajim.
4 Pedem um sinal porque são uma geração perversa e adúltera, mas o único sinal que lhes darei será o sinal do profeta Jonas”. Então Jesus os deixou e se retirou.
5 Mag igbaadëwi ya thoom igar paaukhabaimaawaita maar khĩir ee dʉnʉisijim, panjã aibëeba sĩi ich jãgta wënʉrrʉm.
5 Mais tarde, depois de atravessar o mar, os discípulos descobriram que tinham se esquecido de levar pães.
6 Magbarm dʉ̈ichata ich Jesuujã marag, —Khĩir khaphʉ wënʉrrathʉ̈ ajim. Fariseonaan bënta saduceonaan bën dʉ̈i jãg levadurajö sim pãach gaai dʉrbapimiet ajim marag.
6 Jesus os advertiu: “Fiquem atentos! Tenham cuidado com o fermento dos fariseus e saduceus”.
7 Mag ũrwia, chadcha levadurata jaau simpii awi, maach appaijã, —Keena, maach chan chadchata pan aibëebajimwai anaajim.
7 Os discípulos começaram a discutir entre si por que não tinham trazido pão.
8 Mamʉ maar mag iyʉ̈ʉ nʉmjã ich Jesuu khaphʉ sĩerr aawai, —¿Khantheeta pãar mag pan aibëebajim anʉ́ma? Pãrau chan jãgan mua nem wau chitʉmjã oobamjöta aajeeb ajim, mʉg mʉ dʉ̈i ãba wënʉrrʉmjã ʉ̈khaba aag.
8 Ao tomar conhecimento do que falavam, Jesus disse: “Como é pequena a sua fé! Por que vocês discutem entre si sobre a falta de pão?
9 ¿Pãrau khĩir ee paba nʉ, mua pandam cincopai narrau ʉʉinjã beerba, chaainjã beerba, emkhooin appai cinco mil jãogtarr? Maimua ¿thʉbʉt kharr ipiirkha aujĩ chi sobau?
9 Ainda não entenderam? Não se lembram dos cinco pães para os cinco mil e dos cestos de sobras que recolheram?
10 ¿Khĩir ee paba nʉ agjö, pan sietepai narrau õor pöm cuatro mil narr jãogtarr? Maimua jãg edjã, ¿thʉbʉt kharr ipiirkha aujierrá chi sobau? Pan chaarta ig nʉm akhiinjã, ¿pãrau khĩirjuawai ĩsjã mua pöd pãach jãog aubajupii nʉ?
10 Nem dos sete pães para os quatro mil e dos cestos grandes de sobras que recolheram?
11 ¿Jãga jãg pãrau bʉ̈ʉrjã khaug auba nʉ ajim, mua pãachig, “Fariseonaan bën saduceonaan bën dʉ̈i levadurajö simta pãach gaai dʉrbapimiet” aawai? Mua mag chirʉm aig chan pan chaar igwiata pãrag mag iekhaba chirʉm; wajapcharan muan maiguin, oob amjö chikham khĩir aawaipaita chadam iekjö iekhamiet a chirʉmʉu ajim marag.
11 Como não conseguem entender que não estou falando de pão? Repito: tenham cuidado com o fermento dos fariseus e saduceus”.
12 Magbaawaita marau khaugphöbaadëjim, Jesuu levadura chaar jaauba, sĩi fariseonaanau saduceonaan dʉ̈imua nem jaaujemta jaau sim.
12 Finalmente entenderam que ele não se referia ao fermento do pão, mas ao ensino dos fariseus e saduceus.
13 Mag wëtwia deeum durr Cesarea de Filipo anʉm paaukhabaimaawai ich Jesuu marag, —Õrau mʉch chi Emkhooi Iewaa igwia iyʉ̈ʉ nʉm ũurwai, am iek ¿mʉ khai aajẽ? ¿Pãrau ũrba aajẽ? a jëeujim.
13 Quando Jesus chegou à região de Cesareia de Filipe, perguntou a seus discípulos: “Quem as pessoas dizem que o Filho do Homem é?”.
14 Magbaawai marau irig, —Am iek pʉ Juan chi õor pör choomie aajem; deeum khʉʉnau jaauwai pʉʉta Elías aajem, warrgar Ẽwandam i jaaujerr; wa magba Jeremías khabam khai, dewam khãijã aajem, agjö Ẽwandam i jaaujerr.
14 Eles responderam: “Alguns dizem que o senhor é João Batista; outros, que é Elias; e outros, ainda, que é Jeremias ou um dos profetas”.
15 Marau ichig magbaawai jũrr maachigta, —¿Ma pãachdëujãma? Pãrau khĩirjuawai, ¿mʉ khai agá? ajim.
15 “E vocês?”, perguntou ele. “Quem vocês dizem que eu sou?”
16 Magbaawai Simón Pedroou, —Pʉ Cristo khabahab ajim irig, ich Ẽwandam Iewaa warrgarwe ichdëu jʉr auwia õor peerdʉ aumkhĩir pʉ̈iju a jaaujerr.
16 Simão Pedro respondeu: “O senhor é o Cristo, o Filho do Deus vivo!”.
17 Magbaawai Jesuu irig, —Simón Pedro, Jonás iewaa, õrau bʉ̈ʉrjã pʉrʉg jaautarr khabamta chadcha pua ag eyaa jaaubapʉ̈imkë ajim. Jãg pua khaphʉ jaaubapʉ̈imʉn, jãan ich mʉ Aai ʉ̈gthar chiraajemuata pʉrʉg mag khĩirjupiwi ajim. Maguata pua ag eyaa jaaubapʉ̈ibahab ajim.
17 Jesus disse: “Que grande privilégio você teve, Simão, filho de João! Foi meu Pai no céu quem lhe revelou isso. Nenhum ser humano saberia por si só.
18 Pedro, maagwai pʉʉn chadcha pʉch thʉ̈riu jaau simjö mokdauu ajim irig. Pua mʉ iek jaaubaadëm gaaimuata mua mʉch iek ʉ̈kha nʉm khʉʉn khapaana apiju. Mag khapaana aadëm chan pãach chi ʉ̈rʉm khʉʉnan khëchwiajã, pãar akhaar chan okhooba ich mag Ẽwandam dʉ̈ita nʉisiju ajim.
18 Agora eu lhe digo que você é Pedro, e sobre esta pedra edificarei minha igreja, e as forças da morte não a conquistarão.
19 Pedro, pʉrʉgta mua mʉch iek jaaumkhĩir jaau chirʉmgui ajim. Pua mʉ iek jaaubaadëm ũrwi ʉ̈kha nʉm khʉʉn mʉ dënkha nʉisiju. Mamʉ ĩchab pua jaau khitʉm ũr nʉmjã asekasba warag iseg nʉm khʉʉnan amach mag nʉm gaaimua warag ich mag okhoo wënʉrrajugui ajim. Mag nʉm aiguin pua chi mʉ aar öbërju aai nʉm khʉʉnag puertdi weeu deenaa pöd dubbaju aai nʉm khʉʉn athee sĩi warag phãar sĩsiukhamjöta aju.
19 Eu lhe darei as chaves do reino dos céus. O que você ligar na terra terá sido ligado no céu, e o que você desligar na terra terá sido desligado no céu”.
20 Mamʉ Jesuu mag ich chadcha ich Ẽwandamau jʉr auwia pʉ̈itarrkha simjã bʉ̈ʉrjã õrag jaaupiba jaaujim marag.
20 Então ele advertiu a seus discípulos que não dissessem a ninguém que ele era o Cristo.
21 Maimua jaaumamua ich Jerusalenag majujã jaaujim. Mag Jerusalén pabaimaawai jöoin chi pörkha nʉm khʉʉnau phadnaan chi pörkha nʉm khʉʉnaupa Moisés iek jawaag chi machnaan dʉ̈imua ich dau aphʉʉ wai naawi ich thõojujã jaaujim. Mamʉ mag amau i thõowiajã deeu ũwaai khãai thãrjup nʉm ee deeu ich iiu phiidʉjujã jaaujim.
21 Daquele momento em diante, Jesus começou a falar claramente a seus discípulos que era necessário que ele fosse a Jerusalém e sofresse muitas coisas terríveis nas mãos dos líderes do povo, dos principais sacerdotes e dos mestres da lei. Seria morto, mas no terceiro dia ressuscitaria.
22 Mag jaaumam ũrwia, Pedroou ich appai chaaur thʉ̈rnaa, —Señor, ¿khanii Ẽwandamau pʉ dʉ̈i magpibarju? Pʉ dʉ̈i chan õrau magju khaba nʉmgui ajim irig.
22 Pedro o chamou de lado e começou a repreendê-lo por dizer tais coisas. “Jamais, Senhor!”, disse ele. “Isso nunca lhe acontecerá!”
23 Pari Pedroou ichig magbaawai, jũrr chi Jesuu irig, —Jöpkhaa mʉ aigmua chaaug petá ajim. Meperauta pʉrʉg mag iekhapi sĩebahab. Puan mag sim aig sĩi warag khaibag ee mʉ burrpijuuta ẽkha simgui ajim. Pua chan Ẽwandamau nem waum ig simjã khaugba, sĩi parhoobam khʉʉnjöta khĩirju simgui ajim irig.
23 Jesus se voltou para Pedro e disse: “Afaste-se de mim, Satanás! Você é uma pedra de tropeço para mim. Considera as coisas apenas do ponto de vista humano, e não da perspectiva de Deus”.
24 Maimua ichdëupai jũrr maach thumaam khʉʉnagta, —Chadcha pãrau mʉ iek pãach thãraucha ʉ̈kha nʉm khai, magan mua nem waupi jaau chirʉm appaita waubat, “Mʉchdëuta khap chirʉm mʉchdëu nem wauju” a iekhaba. Mʉ gaaimua chikhamnau pãach dau aphʉʉ thõoju khĩirjuwia khãijã magʉmjã igba waragta ʉ̈khanaat ajim.
24 Então Jesus disse a seus discípulos: “Se alguém quer ser meu seguidor, negue a si mesmo, tome sua cruz e siga-me.
25 Ar mʉig eegarjã mʉ gaaimua phithurg aumapha nʉm khʉʉn chan bʉ̈ʉrjã ʉ̈gthar öbërbam. Magarrau ar chi mua nem jaau chirʉm waum khõchgauta amach nemjã khĩirjuba, sĩi warag mʉ gaaimuata dau aphʉʉ anʉm khʉʉnan chadau ʉ̈gtharcha öbërju jaaujim.
25 Se tentar se apegar à sua vida, a perderá. Mas, se abrir mão de sua vida por minha causa, a encontrará.
26 Pãrau oowai, ¿khan wajaug sĩ ajim, ãbmua mʉg durr thum ichdëupai jʉ̈a wai sĩsim, mamʉ mag sim meebaadee khĩmie durr petam? ¿Irua ich durr thum ich dʉ̈i arrju aai sĩ? Pöd arrbam. ¿Pãrau khĩirjuawai ãbmua khãijã ʉ̈gthar öbëraag phatkhon pöm phagju aai sĩ? Mag phagwiajã pöd dubbamgui ajim.
26 Que vantagem há em ganhar o mundo inteiro, mas perder a vida? E o que daria o homem em troca de sua vida?
27 Mʉgnaa mʉ Ayau mʉg durr i agkham edjã mʉchta ichdëu jua theeg deetarr dʉ̈i i chognaan angelnaanpa bëewi, mʉig eegar amach nem waaujerrpierr aju am dʉ̈i: chi nem wajapha waaujerr khʉʉn dʉ̈ijã ich agjö maimua nem khaigba waaujerr khʉʉn dʉ̈ijã ich agjö.
27 Pois o Filho do Homem virá com seus anjos na glória de seu Pai e julgará cada pessoa de acordo com suas ações.
28 Cha mʉ iekha chirʉm iekhau ãaur khʉʉn cha mʉ iek ũr nʉm khʉʉn chan mʉch chi Emkhooi Iewaa thumaam khʉʉn Pörkha bëeju edamjö aadëm oobam aigjã meebajugui a jaaumajim.
28 Eu lhes digo a verdade: alguns que estão aqui neste momento não morrerão antes de ver o Filho do Homem vindo em seu reino!”.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Mateus 16, comparar traduções ou montar um estudo — tudo direto pelo WhatsApp.