1 Ikiavɨra Itir God, nɨ Godɨn Bar Pɨn Itim,
2 Nɨ nan apangkuvir araziba, kɨ mɨzarazibar dar gun mɨkɨmam.
3 Kɨ gita ko kulele ko boam mɨsoghtɨ da ararer aghuim damu
4 Kɨ nɨn ingangarir aghuim gɨnɨghnɨgha ighiam gamua bar akongezɨ,
5 O Ikiavɨra Itir God, nɨn nɨghnɨzim bar ekevezɨ,
6 Gumazir nɨghnɨzir aghuiba puvatɨgha onganiziba,
7 Gumazir kuraba dadabar mɨn zuamɨram otivam.
8 Kamaghɨn, Ikiavɨra Itir God,
9 E fo, gumazir nɨn apanimɨn itiba me arɨmɨghiregham.
10 Nɨ na amɨsevegha gavgavir ekiam na ganɨngizɨ, kɨ bar akonge.
11 Kɨ uan apanibar gari me ikuvigha gɨfa,
12 Gumazir Godɨn damazimɨn deraziba, me deragh otivigham.
13 Me mati, temer me Ikiavɨra Itir Godɨn Dɨpenimɨn oparigha gɨvaziba.
14 Da ghurizir dughiamɨn, dar dagheba ikiavɨra iti.
15 Da kamagh amua gumazamizibav gɨa ghaze,