1 Kɨ uabɨra uabɨ mɨgɨa ghaze,
2 Kɨ bar nɨmɨra ikia, egha bizir aghuitam bar a mɨgeir puvatɨ.
3 Kɨ bizir kam dughiabar zurarama a gɨnɨghnɨghavɨra ikia,
4 “O Ikiavɨra Itir God, nɨ nan ikɨrɨmɨrimɨn dughiamɨn ruarim nan akagh.
5 Nɨ ti nan ikɨrɨmɨrimɨn dughiabagh amizɨ da bar otefe.
6 Gumazamiziba bar, men ikɨrɨmɨrim mati aruem temem gisirazɨ an nedazim otogha iti.
7 O Ekiam, kɨ datɨrɨghɨn ua tina mɨzuamam? Puvatɨ.
8 Nɨ nan arazir kuraba gɨn amadagh, egh uam na inigh.
9 Nɨ uabɨ osɨmtɨzir kam na ganɨngi.
10 Nɨ ivezir kuram isɨ na danɨngvɨra ikian markɨ.
11 Nɨ gumazimɨn arazir kuram ikarvagha osɨmtɨzim a ganɨdi.
12 O Ikiavɨra Itir God, nɨ nan azangsɨziba baragh.
13 Nɨ ivezir kuram ua na danɨngan markɨ.