Efésios 6

Tupana Ehay Satere Mawe Pusupuo (MAVNT) vs ARIB

Sair da comparação
MAVNT
ARIB Almeida Revisada Imprensa Bíblica
1 Hira­karia kurum'in ko'i pĩ'ã'in ko'i Iesui mohey haria eipe pote ewetunug no e'ywot ety e hap ewy. Etunug e'ywot ety piat epo'oro hap pote waku rakaria wo hãpyk takaria wo ereĩne'en wuat'i wanẽtup hawe.
1 Vós, filhos, sede obedientes a vossos pais no Senhor, porque isto é justo.
2 Katu­pono mio tã e Tupana sa'a­wy'i sa'y­ru'in me saki­'yt'in me — Etimõ­typot ro e'ywot ety pote woro­poi­tyro aru eipe e. Pywo etimõ­typot e'ywot ety pote ti aru ereĩne'en mot'i mesuwat yi tote e i'ewyte eweikup­te'en waku pe kahato mesuwe at ka'ap e Tupana sa'a­wy'i ahepe.
2 Honra a teu pai e a tua mãe {que é o primeiro mandamento com promessa},
3 Pyno waku wati­mõ­typot aity ai'ywot i'e hap ewy katu­pono Tupana piat ainãpin hap wẽtup yn watunug hawyi Tupana to'e — Koitywy ereĩne'en waku pe mot'i aru e.
3 para que te vá bem, e sejas de longa vida sobre a terra.
4 Ai'y­wot'in ko'i eiwe'eg wo o emẽpyt'in nãpin hap ete. Waku eti'a­tu­'a­piheg wen ma'ato i'atu­ky'e hap wywo yn o waku eti'a­tu­'a­piheg. Yt ewei'a­tu­mo­py­'ahak tei'o ma'ato eti'a­tu­nãpin Aipo­typot Iesui piat ainãpin hap ewy are.
4 E vós, pais, não provoqueis à ira vossos filhos, mas criai-os na disciplina e admoestação do Senhor.
5 Uiwy­ria'in miit emiit eweiwat ro eika­'iwat mesu­wa­rotiat ehay upi eipe­rup'i popuo imõtypot popuo yt kat i eheso hap popuo. Waku watu­wehum howawi aipy'a pyi. Waku wate­ropat kahato aika­'iwat mesu­wa­rotiat aikotã Aika­'iwat Iesui eropat hap ewy.
5 Vós, servos, obedecei a vossos senhores segundo a carne, com temor e tremor, na sinceridade de vosso coração, como a Cristo,
6 Waku wate­ropat kahato haipe kai aikotã heĩne'en turanuat ewy. Waku imowepit hap wywo wate­ropat. Karãpe wate­ropat aika­'iwat mesu­wa­rotiat waku wato'e aipy'a pyi — Tupana woro­mõ­typot teran mesuwat uipotpap ete katu­pono areĩne'en Esa'yru eropat hat waku wato'e Tupana pe aheka­raiwa mesu­wa­rotiat potpap nug hap turan.
6 não servindo somente à vista, como para agradar aos homens, mas como servos de Cristo, fazendo de coração a vontade de Deus,
7 Waku aika­'iwat mesu­wa­rotiat wate­ropat aiwepit hap popuo. Waku haty wo watunug imiky­'esat ewy. Waku aika­'iwat mesu­wa­rotiat potpap ete wati­mo­wepit Aika­'iwat atipy piat. Yt naku i aika­'iwat mesu­wa­rotiat mowepit hap kape yn watu­wa­nẽtup hap. Waku Aika­'iwat atipy piat mowepit hap wy aiwa­nẽtup hawe wate­ropat aika­'iwat mesu­wa­rotiat turan.
7 servindo de boa vontade como ao Senhor, e não como aos homens.
8 Waku aiwa­tetup hap aipotpap sa'up ium hap sese toĩne'en atipy pe hap kape. Yt naku i mesu­wa­rotiat kape yn aheha katu­pono meiũran ti aru Tupana tum aipotpap wakuat sa'up ahepe. Tutum aru wuat'i miit'in me sio miit'in akag sio miit emiit Tupana tum wakuat sa'up watunug yne imõtypot hap wywo pote.
8 Sabendo que cada um, seja escravo, seja livre, receberá do Senhor todo bem que fizer.
9 Mehĩ'in mana'in eweikup­te'en miit akag wuat mesu­wa­rote pote waku eti'a­tu­po­wyro kahato o emiit'in emipo­'o­roria ko'i. Yt ewei'e tei'o ehemiit'in me — Yt ewetunug i uimi­ky­'esat ewy pote woro­ho­'o­'a­piheg yt ewei'e i katu­pono emiit'in Ka'iwat sese toĩne'en atipy pe. Yt eti'a­tu­mohit emiit'in mesuwe katu­pono meiũran ti aru Ai'akag sese timo­herep wuat'i pe aiminug wakuat ko'i sio aiminug sa'ag ko'i. Mekewat e'at pe heremo yne aiminug ko'i sio miit eropat hat watoĩ­ne'en sio miit akag wo watoĩ­ne'en are.
9 E vós, senhores, fazei o mesmo para com eles, deixando as ameaças, sabendo que o Senhor tanto deles como vosso está no céu, e que para com ele não há acepção de pessoas.
10 Pyno Uito Pauru. Waku ra'yn uimiwan. Ahenoi hit hawyi toran na'yn are. Pywo uiwy­ria'in Aika­'iwat Iesui aimoe­saika kahato hat toĩne'en. Mi'i pote — Urumoe­saika ro emohey hap ete waku wato'e Iesui pe. Waku wato­py­hu'at wẽtup miit ewy aiwa­nẽtup hawe Mehĩ waku wato'e Iesui pe. Uinug o hesaika kahato rakat waku nug hap ete waku wato'e Aipo­typot pe.
10 Finalmente, fortalecei-vos no Senhor e na força do seu poder.
11 Iesui mohey haria aito pote watoĩ­ne'en sura­ra'in ewywuat ahiag akit hanuaria. Waku watopag aipiit pe surara esokpe ewywuat Tupana miium. Waku watat yne Tupana miium wu'uka hamuat. Mi'i hawyi put'ok'e ahewa­nĩkap ahiag hawyi aima'at hamo hawyi waku watu­'uka mekewat ahiag mupiat Tupana miium ahiag akit hamuat hap wywo. Yt naku i ahesaika hap wywo aipiit esaika hap wywo watu­'uka ahiag wywo katu­pono po'og po'og hesaika aikai. Katu­pono aito yt watu­'uka i miit'in wywo ma'ato ahiag wywo watu­'uka.
11 Revesti-vos de toda a armadura de Deus, para poderdes permanecer firmes contra as ciladas do Diabo;
12 Katu­pono ahiag ahewa­nĩkap sese topy­hu'at. Ahiag esura­ra'in wywo watu­'uka mã'ãu sa'ag kawiat. Ahiag emiit ko'i atipy piaria ewywuat Ahiagnia tukup­te'en mesuwat yi tote miit'in yt naku i nug haria akag wo. Yt heremo i mã'ãu sa'ag wen ma'ato hesaika kahato miit'in powyro yt naku i nug hamo. Yt naku i nug haria akag wo tukup­te'en mi'iria.
12 pois não é contra carne e sangue que temos que lutar, mas sim contra os principados, contra as potestades, conta os príncipes do mundo destas trevas, contra as hostes espirituais da iniqüidade nas regiões celestes.
13 Mekewat atipy kaipy­wiaria ahewa­nĩ­kaptia kahato mi'iria i'ewyte yne imohey haria ewanĩ­kaptia ahiagnia. Mi'i pote waku watuwat Tupana miium ko'i wywo aipiit piat ahiag sopo hamuat mã'ãu sa'ag ko'i sopo hamo. Waku watopag koran Tupana miium ko'i wu'uka hap ekare'en hawyi waku watopag yianmete yne aipiit pe Tupana miium mekewat sura­ra'in wat ewywuat. Mi'i wywo yn watu­'uka kuap ahiag wywo aimoma teran hap e'at turan. Mekewat e'at pe tu'uka tu'uka kahato ahete at ka'ap. Ma'ato mi'i pytkai yt ai'akit kuap i katu­pono Tupana miium ahiag sopo hap po'og hesaika. Mi'i pote wato­py­hu'at ahiag okpe tote.
13 Portanto tomai toda a armadura de Deus, para que possais resistir no dia mau e, havendo feito tudo, permanecer firmes.
14 Pyno waku watoĩ­ne'en sura­ra'in ewywuat ahewa­nĩkap ekatup hamo. Waku aipiit ete ai'auka hap pupiat sokpe sura­ra'in wat ewywuat. Waku wahẽtup Tupana kape ahesokpe ahiag akit hamuat. Waku sa'a­wy'i watopag aiwa­nẽtup hawe pywuat sehay yn Tupana ehay aikotã sura­ra'in topag iwe'ok kytyt hap iheg nakat ewywuat. Mi'i hamo ahiag pory'a ewywuat yt teke kuap i aipy'a pe. Mi'i wo wati­sopo kuap ahiag miat ai'auka hap ko'i pupi. Waku wahẽtup Tupana pe — Uinug no hãpyk kahato rakano waku wato'e aikotã sura­ra'in topag sokpe iheg nakat sumu wato pupiat ewy. Mi'i hap ewy waku watopag Tupana miium aimo­hãpyk hamuat.
14 Estai, pois, firmes, tendo cingidos os vossos lombos com a verdade, e vestida a couraça da justiça,
15 Topy ete sura­ra'in topag iheg nakat sura­ra'in py sokpe. Mi'i wywo te'e­ru­weput kuap kahato tu'uka hamo. Mi'i hap ewy waku watopag aipy sokpe ewywuat Tupana miium tehay ereto wuat'i miit'in kapiat hamuat hap mekewat sehay wakuat wo'o­wese hap Tupana wywuat hap ete.
15 e calçando os pés com a preparação do evangelho da paz,
16 Sura­ra'in topag ta'a­tupo ete iheg nakat mory'a aria kawiat pupiat. Mory'a pupiat sura­ra'in topag to'o'og me hap ewy. Mi'i ewy Tupana miium ahepiat tomohey hamuat waku aipo pe yne e'at pe ahiag pory'a sem sopo hamo. Waku wato­mohey at ka'ap aiku­'uro hap kape. Mekewat sa'ag nug hat ahiag ahewa­nĩkap kahato. Mi'i ai'a­wa­'awa surara ewy ihay sa'ag mory'a ewy ai'a­wa­'awa surara pory'a wuat hap ewy ma'ato yt put'ok'e i ahete katu­pono sura­ra'in ewy ahe'og iheg nakat aipo pe Iesui mohey pote yt put'ok­'i­'a­tu'e i ahete.
16 tomando, sobretudo, o escudo da fé, com o qual podereis apagar todos os dardos inflamados do Maligno.
17 Sura­ra'in topag i'atu­'akag ete sura­ra'in akag wepainug hap iheg nakat. Mi'i ewywuat Tupana tum neran ahepe. Mi'i ti aheĩne'en wuat'i e'at pianuat tutum. Sura­ra'in po sese kai toĩne'en kyse wu'uka hap iwato'in nakat typy kai hãi hyk kahato rakat. Mi'i hap ewy Tupana Pã'ãu tum ahepe Tupana ehay ahiag wywuat wu'uka hamo ahiag atek tek hamo.
17 Tomai também o capacete da salvação, e a espada do Espírito, que é a palavra de Deus;
18 Karãpe watu­'uka ahiag wywo waku wato'e meremo — Tupana uipo­wyro ahiag akit hamo yne e'at pe wakuat nug hamo waku wato'e. Aikope aikope areĩne'en waku uhewyry Tupana Pã'ãu upi waku wato'e Tupana pe. Etipo­wyro o emiit'in ewe'eg wo o ahiag mupi waku wato'e. Yt urutuwat reran i ahiag ehay upi. I'ewyte irania'in Iesui mohey haria upi waku uruhẽtup wy. Yt uruiky­'esat i ahiag ehay upi urutuwat hap. Yt karãpe i uru'atoiat emohey hap waku wato'e Tupana pe.
18 com toda a oração e súplica orando em todo tempo no Espírito e, para o mesmo fim, vigiando com toda a perseverança e súplica, por todos os santos,
19 Uito ti Pauru atiky­'esat ewehẽtup o Tupana pe uipo­wyro hamuat. Karãpe ewehẽtup irania'in powyro hamo yt uiwaure tei'o eipe. — Etunug o Pauru ewẽ wo ehay moherep hamo wuat'i miit'in me ewei'e ro uika­wiano. Karãpe toimo­herep ehay wakuat turan etum o tope iwe'eg kahato hap i'ewyte ikuap kahato hamuat hap ewat ewywuat hap ewei'e o. — Ehay pywuat yt uwe i mikuap sa'a­wy'i miwan miat hamo etimoe­saika Pauru Iesui etiat moherep hamo ewei'e yt kat i miit'in ken'ẽ hap wywo waku ewei'e Tupana pe uipo­wyro hamo.
19 e por mim, para que me seja dada a palavra, no abrir da minha boca, para, com intrepidez, fazer conhecido o mistério do evangelho,
20 Mesu­wa­rote more­kuaria koro ko'i tipo­'oro kahato ta'a­tue­miit'in irania'in etawa kape ta'a­tuehay moherep hamuat. Ta'a­tuehay ereto hamo ta'a­tu­po­'oro wẽtup ok ta'a­tuemiit po'og ta'a­tu­mi­mohey. Mi'i hap ewy kahato uito Pauru. Mi'i hap ewy kahato areĩne'en. Uipo­rekuat Tupana mipo­'oro areĩne'en tehay moherep hamuat irania'in ywania kape. Mi'i ehay moherep hamo ui'airo. Ma'ato mi'i pytkai koitywy areĩne'en wo'o­pyhik hawe. Mesup yt uhewyry kuap i Tupana ehay sytpok hamo. Pyno waku ewehẽtup o Tupana pe mesuwat wo'o­pyhik hawiat uipo­wyro hamo are. Ewehẽtup o yt kat i uiwe­mõti hap Tupana ehay moherep hamuat mesuwe katu­pono atiky­'esat sura­ra'in sem mu'e hano areĩne'en mesup are.
20 pelo qual sou embaixador em cadeias, para que nele eu tenha coragem para falar como devo falar.
21 Pyno Aika­'iwat emiit sese Tikiku e hap het rakat atipo­'oro ehowawi. Uhehay wywo atipo­'oro aikotã aikotã areĩne'en mesuwe hap enoi hamo. Tikiku waku kahato atipuẽti. Mi'i ti Tupana ehay yt i'atoiat hin i aheywyt sese aikywyt miit sese mi'i.
21 Ora, para que vós também possais saber como estou e o que estou fazendo, Tíquico, irmão amado e fiel ministro no Senhor, vos informará de tudo;
22 Mi'i pote atipo­'oro Tikiku ehowawi katu­pono atiky­'esat tohenoi ehepe aikotã urutu­kup­te'en hap enoi hamo. Mi'i hap eweikuap hawyi eiwepit kahato. Ta'i eimoe­saika aru eipy'a pe aimi­mohey Iesui mohey hap ete aiwo­'o­ky'e hap ete are.
22 o qual vos envio para este mesmo fim, para que saibais do nosso estado, e ele vos conforte o coração.
23 — Uru'ywot Tupana Uruka­'iwat koro Iesui ahẽtup ewawi. Etunug o emohey haria tawa Ewesu piaria wo'o­ky'e haria wo. Etunug o mi'iria wo'o­wese haria wo emohey sese haria wo are.
23 Paz seja com os irmãos, e amor com fé, da parte de Deus Pai e do Senhor Jesus Cristo.
24 Tupana ereĩne'en hegyi'at kahato rakano emohey haria pe katu­pono Esa'yru Uruka­'iwat Koro Iesui ky'e kahato haria mi'iria are. Eti'a­tu­ky'e te'en ne'i mi'iria katu­pono Emipo­'oro Urupo­rekuat ky'e wuat'i e'at piat haria mi'iria are'e at ka'ap Tupana pe mesuwe wo'o­pyhik hawe. Woro­ho­'o­ky'e eipe are.
24 A graça seja com todos os que amam a nosso Senhor Jesus Cristo com amor incorruptível.

Ler em outra tradução

Comparar com outra

Estude este capítulo no WhatsApp

Peça à IA da Bíblia Fala para explicar Efésios 6, comparar traduções ou montar um estudo — tudo direto pelo WhatsApp.

💬 Explicar Efésios 6 no WhatsApp Sobre a Bíblia com IA →