1 Mwa Guyau! Avaka paila saina kusikaduwonaku?
2 Tomitugaga deli ninasi walakaiwa ilamidadaisi tonamakava.
3 Tomitugaga la nanamsa gaga ivigaki la kamnomwana,
4 Tomitugaga gala ikamiabi Guyau.
5 Tomitugaga iyubwaila ola vavagi komwaidona.
6 E ininamsi titoulela kawala, “Galaga bakapusi.
7 Kala livala ivakasau bigigaga, sopa deli vitukokola.
8 Matauna isupepuni wala ovalu,
9 Matauna isupepuni iuwayausa makawala laiyoni.
10 Tobubwaila ikaligasi paila gala availa bipilasi,
11 Tomitugaga ininamsi titoulela kawala,
12 Mwa Guyau! Kumipuki matausina tomitugaga,
13 Ammakawala tomitugaga bikaluwou Yaubada
14 Mitaga yoku bogwa lokugigisi goli,
15 Ibodi bukukwatudidaimi si peula tomitugaga.
16 Yaubada matauna Guyau Tosivagasi.
17 Mwa Guyau! Ibodi bukunakaigali si nigada matausina tommanum,
18 Yoku bukulagi si dou matausina eibodasi lamadada deli matausina weilova,