1 चु येशूए खलकर्बै ताँ ग। येशू खीए खे, दाऊद म्रुँए हाँगउँइँले फिब् ग। दाऊद स्योंम्बै खे अब्राहामए हाँगउँइँले फिब् ग। च हाँगर्बै खेमैंए मिं छाब् मुँल:
2 अब्राहामए च्हए मिं इसहाक मुँल।
3 यहूदाए च्ह ङ्हिंए मिं फारेस नेरो जाहेर मुँल। (चमैंए आमाए मिं तामार मुँल।)
4 आरामए च्ह अम्मीनादाब मुँल।
5 सल्मोनए च्ह बोअज मुँल। बोअजए आमा राहाब मुँल।
6 यिशैए च्ह दाऊद म्रुँ मुँल।
7 सोलोमनए च्ह रहबाम मुँल।
8 आसाए च्ह यहोशापात मुँल।
9 उज्जियाहए च्ह योताम मुँल।
10 हिजकियाए च्ह मनश्शे मुँल।
11 योशियाहए च्हमैं यकोनियास नेरो चए अलिमैं मुँल।
12 क्हाइ बोयाबै लिउँइँ फिब्मैं यकोनियासए च्ह शालतिएल मुँल।
13 यरुबाबेलए च्ह अबिउद मुँल।
14 आजोरए च्ह सादोक मुँल।
15 एलिउदए च्ह एलाजार मुँल।
16 याकूबए च्ह योसेफ मुँल।
17 छले खे अब्राहामए पलोसेरो दाऊद म्रुँए पलो समा च्युसे प्लि पुस्ता तल। दाऊद म्रुँए पलोसेरो यहूदीमैंलाइ बेबिलोन ह्युलउँइँ बोयाबै त्हे समा अर्को च्युसे प्लि पुस्ता तल। झाइले च त्हेसेरो परमेश्वरजी कुलबै म्रुँ ख्रीष्ट फिबै त्हे समा च्योमा अर्को च्युसे प्लि पुस्ता तल।
18 येशू ख्रीष्ट छले फिइ। खीए आमा मरियम योसेफ बिबै म्हिने ब्ह्या लब् बिसि ह्रिथेंल। चमैं ब्ह्या लब् भन्दा ओंसों मरियमइ परमेश्वरए पबित्र प्ल्हए शक्तिउँइँले प्हसे नोन बिसि योसेफइ था सेइ।
19 दिलेया योसेफ धर्मि म्हि मुँल। छतसि चइ मरियम फा पिन् आलल्ले खाबज्यै था आसेन्ले वाबै सैं लइ।
20 दिलेया योसेफइ सैं न्हों-न्हों चु ताँ मैंरिमा परमेश्वरउँइँले युबै स्वर्गदूतजी चए म्होंडर म्रोंयुसि चने बिइ, “ओ दाऊदए खलकर्बै योसेफ, क्हिए प्ह्रेंस्यो मरियमलाइ तोइ आङ्हाँन्ले ब्ह्या लद्। तलेबिस्याँ चइ पबित्र प्ल्हउँइँले प्हसे नोइमुँ।
21 चइ च्ह घ्रि फिब्मुँ। क्हिइ खीए मिं येशू थेंब्मुँ। तलेबिस्याँ खीजी ह्रोंसए म्हिमैंलाइ चमैंए पापउँइँले जोगेमिंब्मुँ।”
22 अगमबक्ताइ बिबै ताँ पूरा तबै ल्हागिर्न छले तब् ग:
23 “ङ्ह्योद्! कन्ये घ्रिइ प्हसे नोसि च्ह घ्रि फिब्मुँ।
24 योसेफ न्हरुउँइँले छोरसि परमेश्वरए स्वर्गदूतइ बिब् धोंलेन् चइ ह्रोंसए प्ह्रेंस्यो मरियम ह्रोंसनेन् थेंइ।
25 दिलेया मरियमइ प्हसे आफिन् समा योसेफ ह्रोंसए प्ह्रेंस्यो मरियमने बालु आरो। झाइले च्ह फिबै लिउँइँ योसेफइ च्हए मिं “येशू” थेंइ।