1 ङि परमेश्वरने बालु के लब्मैं तबइले क्हेमैंने यो छ्युँ लमुँ, क्हेमैंइ योंबै परमेश्वरए दयाम्हाँया छलेन् खेरो ह्याल् आपिंन्।
2 तलेबिस्याँ
3 ङिइ परमेश्वरए सेवा लमा आगुइ ताँ सेन् आछेरिगे बिसि ङिइ खाबलाज्यै सैं नल् लबै के आल।
4 बरु ङि “परमेश्वरए के लबै चेलामैं मुँन” बिब म्हिमैंइ सेरिगे बिसि ङिइ खोंयोंन् बिलै छ्याँबै के लसि उँइँम्। खैतबै दुःखन् तलेया ङिइ सैदिम्।
5 धोंलै, टिंलै, झेलर च्युलै, हुल त्हुँसि दुःख पिंलै, गारो केमैं लल् त्हुलै, न्हरु च्हुइल् आयोंलै, चल्-थुँल् आयोंलै,
6 ङि स्योर आतेल्ले, ज्ञान-बुद्धिए ताँमैं बिदै, दुःख सैदिदै, ताँनए फिर ल्हयो खदै, पबित्र प्ल्हउँइँले भों योंसि खाबलाज्यै या आफेलल्ले ताँनने म्हाँया लम्।
7 क्ह्रोंसेंन्बै ताँ बिदै, परमेश्वरउँइँले भों योंसि खीए फिर थेबै बिश्वास लदै खीए बचनर बिब् धोंलेन् ङिइ ठिक के लइमुँ।
8 ङिइ मानै योंइ, हेलै तइ। छ्याँब मिं योंइ, आछ्याँब मिं योंइ। म्हिमैंइ ङिलाइ स्योर्गु मैंम्, दिलेया ङि क्ह्रोंसेंन्बै ताँ पोंब्मैं ग।
9 ङिलाइ खाबज्यै ङो आसे बिलेया ताँनइ ङो सेइमुँ। ङि सियाब् धों तलेया ङि अझै सोगोंन् मुँ। ङिलाइ सजैं पिंलेया तिंयाँ समा आसैइमुँ।
10 न्हुँ खलेया ङि खोंयोंन् बिलै सैं तोंरिम्, ङ्हाँदुमैं तलेया ङिइ ल्हें म्हिमैंलाइ प्ल्होब लमिंम्, ङि तोइ आरेब् धों तलेया ख्रीष्टए फिर बिश्वास लबइले ङिइ तोन्दोंरि सै योंइमुँ।
11 ओ कोरिन्थथेंमैं, ङिइ सैंर तोइ ताँ आलोल्ले छेनाले क्हेमैने बिमिंइमुँ।
12 ङिइमि क्हेमैंए फिर बेल्ले म्हाँया लइमुँ, बरु क्हेमैंइ गो ङिए फिर म्हाँया आलब् धों तइमुँ।
13 ङइ क्हेमैंने ह्रोंसए प्हसेमैंने धोंले चु ताँ बिमुँ: ङिइ क्हेमैंने लब् धोंबै म्हाँया ङिलाज्यै लद्।
14 येशू ख्रीष्टए फिर बिश्वास आलब्मैंने घ्रि तसि आप्रद्। धर्मि नेरो अधर्मि खैले क्ह्रिमुँ? चारबै ह्वे नेरो मिछु खैब खैले बालु तल् खाँमुँ?
15 येशू ख्रीष्ट नेरो दुष्ट खैले क्ह्रिमुँ? बिश्वास लब्मैं बिश्वास आलब्मैंने खैले घ्रि तल् खाँम्?
16 ङ्यो परमेश्वर टिबै क्ल्ह्यो तबइले ङ्योइ कु म्हाँदिल् खाँम्मा? आखाँ! तलेबिस्याँ ङ्योए ज्यु क्ह्रोंसेंन खोंयोंइ तरिबै परमेश्वर टिबै क्ल्ह्यो ग। परमेश्वरजी ङ्योए बारेर छ बिइमुँ:
17 छतसि याहवेहजी छ बिइमुँ:
18 ङ क्हेमैंए आबा तब्मुँ,