Tito 2
Kotimo Kawe Someaka Masane Oyapo (FAA) vs VC
1 Kiríti aporomo kotafe somerakano yia nómo kakaro someane some kakanie. Some karaka Keresomo makata ainane soko makata rakirane soko some kakanie.
1 O teu ensinamento, porém, seja conforme à sã doutrina.
2 Aporo sisimaki úyaka some kakanie. “Himu maparitaenapaka he watikisa nakopo. Né yano motosane kotesapo, aihoasimo koteaka risikianie. Arirakano koteaka hemakapunie. Kaumo hemakapusuane makama kesekeraka, himumo koteaka takekea hemakapurane makama fanaraka ayiáka risikianie. Kakaro someane kakimaka himu hakasaraka hemakapunie. Kotiaki himu tumurumo hemakapunie. Makata umisa fasereperakano paroaka hemakapukua Kotiaki hemakapusuane rosaka taehoko hemakapunie.” Aíyaka aporo sisimaki some kakanie.
2 Os mais velhos sejam sóbrios, graves, prudentes, fortes na fé, na caridade, na paciência.
3 Aporo sisimaki some kasa ayiáka hinamo sisimaki soko úyaka some kakanie. Kotiaki hemakapukua koteaka tokoanie. Ayiáka toke aporo hinamo metane hokomaka somehokopo. He watikisamo re kirimarakano, nariraka hemakapurapaka paroaka tokoanie. Makata kotesa susu ainane hinamo metakiramo enomakasimo repo koteaka susu tariraka tokoanie.
3 Assim também as mulheres de mais idade mostrem no seu exterior uma compostura santa, não sejam maldizentes nem intemperantes, mas mestras de bons conselhos.
4 Hinamo sisima, repo hinamo aporo aseane maropohoanie. Ipu namina aporo pusuaki soko, hokosaki soko, himu tumurumo hemakapusimo maroporaka some kakanie.
4 Que saibam ensinar as jovens a amarem seus maridos, a quererem bem seus filhos,
5 Kotimo someane aporo hinamo metamo mawakasemahokohoamo hinamo aporo aseaki úyaka some kakanie. Kaumo hemakapusuamo watikiaka rakiako hemakapurakarakano kakipayaraka Kotiaki hemakapukua tokoanie. Ní aporoyaki hakāsa punie. Aporo metayaki mokome pukupo. Hinamomo makata rakirane masakariaraka tokoakopo. Nómo ní aporo pusuane soko, ní hokosane soko, ní apea hakāsa risiane soko koteaka hemakapukua ararehoanie. Ní aporo pusuamo someane koaretaehokopo. Aíyaka hinamo sisimamo hinamo aporo aseaki maropohoasimo, Taetase, nómo hinamo sisimaki somehoanie.
5 a serem prudentes, castas, cuidadosas da casa, bondosas, submissas a seus maridos, para que a palavra de Deus não seja desacreditada.
6 Arirakano hokosa rauaki kaumo hemakapusuane makama kesekeraka, makata suane koteaka takekea hemakapukua risikianie, aihoanie. Aíyaka hokosa rauaki some kakanie.
6 Exorta igualmente os moços a serem morigerados,
7 Taetase, nómo soko koteaka takekea hemakapukua rakinie. Nómo arakirane asekea aporo hokosa rauamo soko koteaka rakisimo nómo koteaka rakinie. Aporo hinamo metakiraki tariraka some watikisane some kakakopo. Nómo some karaka, kakaro someane ereketae some kakanie. Some akara yine kekemaraka rakinie.
7 e mostra-te em tudo modelo de bom comportamento: pela integridade na doutrina, gravidade,
8 Kakaro someane some karakano aporo metamo né hokomakosafapo. Né koteaka reke kakaro someane some karakano, Kotimo some hisisa aporomo isu hokomaka somehokosapoko asiane, ne koteaka reasamo, i namina yia hemakapuraka kaiyahokosapo.
8 linguagem sã e irrepreensível, para que o adversário seja confundido, não tendo a dizer de nós mal algum.
9 Arirakano aporo raipa roposaki úyaka somehoanie. Re roposa wafayamo sesehoasimo epo someane kaikia kekemaraka rakinie. Repo wafayamo somerakano kakipayaraka some paripukupo.
9 Exorta os servos a que sejam submissos a seus senhores e atentos em agradar-lhes. Em lugar de reclamar deles
10 Re roposa wafayamo makata kemoane tau hakimakopo. Maiya suamo koteaka risike, makata rakirane himu hakásaraka rakiraka risikianie. Kau hisiraka rakiraka risikiakopo. Koteaka rakiraka risikinone, aporo metakiramo aseraka someraka, “Aporo raipa roposamo Kotimo someane kakimaka koteaka arakire.” Aíyaka somerakano asekea isu Mafasira Kotiane ipu makárahokosapo. Aíyaka aporo raipa roposaki some kakanie.
10 e defraudá-los, procurem em tudo testemunhar-lhes incondicional fidelidade, para que por todos seja respeitada a doutrina de Deus, nosso Salvador.
11 Hao, kaisie. Aporo hinamo suamo himu watikisane mafahokosakipoko Kotimo yaku ararenane kakama tarisiapo. Aporo hinamo suane mafasiakosakipoko Kotimo ipi Yasu Keresoane hauaka wo pusiesapo. Pusierakano Yasu peraka Kotimo yaku ararenane tarisiapo.
11 Manifestou-se, com efeito, a graça de Deus, fonte de salvação para todos os homens.
12 Kotimo hisisa makatane isiapo metakarisimo Kotimo yaku ararenamo isu maroponapo. Arirakano hauaka wo kaumo hemakapusuane soko rukupatehoasimo maroponapo. Arirakano koteaka takekea hemakapurane makama fanaraka, arirakano ereketaeraka rakipe pusimo maroponapo. Maiya omo hauaka wo risike makata watikiaka hemakapurane kikisiraka, Kotimo sesehoasimo makata rakirane makama fanaraka ayiáka risikiasimo maroponapo.
12 Veio para nos ensinar a renunciar à impiedade e às paixões mundanas e a viver neste mundo com toda sobriedade, justiça e piedade,
13 Asiamo Yasu paripeakosane hemakapukua kau risiakipoko Kotimo yaku ararenamo isu ararerakanapo. Yasu Kereso faesayaki pariapera maiya amo sesenane mokoakosakipoko isu kau risikinapo. Isu mafasira aporo Yasu Keresoane isiapo Koti kárapo.
13 na expectativa da nossa esperança feliz, a aparição gloriosa de nosso grande Deus e Salvador, Jesus Cristo,
14 Isiapo makata watikiaka rakisiane soko, efera hunia watikiaka rakirapaka Yasumo isuane mafasisiapo. Mafasiraka Yasu ipiane isupoko farimaka rusua kukusimo ipi kauane kasapo. Epo aporo hinamo suane makoteraka, epo ipi aporo ira pariraka ayiáka risikiasimo isupoko farimaka kusuapo. Isiapo makata watikisa suane metakarikia, koteaka susu hemakapukua risikiasimo farimaka kusuapo.
14 que se entregou por nós, a fim de nos resgatar de toda a iniqüidade, nos purificar e nos constituir seu povo de predileção, zeloso na prática do bem.
15 Asiamo koteaka ainane nōmo neaki some kasane, maiya suamo aporo hinamoaki nómo some kakanie. Some one ipu kakimakasimo nómo wakapuaka some kakanie. Some one kaikia koaretaeraka risia aporo hinamoane maropohoanie. Né makata rakisimo Kotimo maresasamo nómo someane aporo hinamomo koaretaehoane siahoasifareapo. Nómo some akarane metamo mawakasemaraka koaretaehokopo, aíyaka, Taetase, nómo wakapuaka some kakanie.
15 Eis o que deves ensinar, pregar e defender com toda a autoridade. E que ninguém te menospreze!
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Tito 2, comparar traduções ou montar um estudo — tudo direto pelo WhatsApp.