João 3
Eyacuiñajjija Esohui (ESENT) vs ARC
1 Majoya oe dejja Jesosa que poeyanaje, oya Nicodemo bajjani. Oya Jodio etii cuana nijje pea Jodio cuana huoojeajji poani, Paniseo dejja cuana jama jjashahuabaquime poani.
1 E havia entre os fariseus um homem chamado Nicodemos, príncipe dos judeus.
2 Oya, Nicodemo Jesosa que poeyanaje mecajje quehuajje. Jama acanaje baꞌa: —Esohui huohuijji, Eyacuiñajjiya miya ameesahua cani ma dejjaa ajjima acani. Jamajjeya ecuanaja eba Eyacuiñajjiya miya huoojea canaje ecuana sohuihuohuiya.
2 Este foi ter de noite com Jesus e disse-lhe: Rabi, bem sabemos que és mestre vindo de Deus, porque ninguém pode fazer estes sinais que tu fazes, se Deus não for com ele.
3 Jesosaa oya huohui canaje Eyacuiñajji nijje ebaꞌe tiitiiꞌyojjijo; jama poanaje baꞌa: —Nicodemo, eyaya miya eꞌe jojo nei huohuiaña: ¡Bacue! Jiquio ecua epona jjamejoqui majje bacua cuayani jayojja jama Eyacuiñajjiya miya cacuaya mee ca oꞌoyahua jiquio ecua eshoꞌi cuayani jama. Jamajjeya Eyacuiñajjiya miya ebacua shoꞌi jayojja jama acajeꞌyo, miya baꞌe tiitii mee cajeꞌyo onijje, ojjañaja Emeshi Mese nei nijje —Jesosa poanaje.
3 Jesus respondeu e disse-lhe: Na verdade, na verdade te digo que aquele que não nascer de novo não pode ver o Reino de Deus.
4 —Chojja de, ¿aꞌa cuae se dejja etii cuaya oꞌoyame soꞌo? —Nicodemohua acanaje—. ¿Aꞌa cuae eseja enaeseja yone yasijje baꞌedobiqui oꞌoya majje ebacua jama cuaya oꞌoyame soꞌo? Chojja, de —acanaje Nicodemohua.
4 Disse-lhe Nicodemos: Como pode um homem nascer, sendo velho? Porventura, pode tornar a entrar no ventre de sua mãe e nascer?
5 Jamajjeya Jesosaa oya huohui ca oꞌoyanaje: —Nicodemo, eꞌe jojo nei ecuea ehuohui jama baꞌa: Jiquio ecua ebacua eshoꞌi cuayani jama Eyacuiñajjiya miya cacuaya mee ca oꞌoyahua. Joya Eyacuiñajji shajjaꞌajjajji poani enajo besa mee majje, Eyacuiñajjija Edojjoshahua Pameya oya quea pame jjashahuaba tiitiiqui mee majje peaꞌai miya pea jjashahuabaquime poajeꞌyo. Oya Eyacuiñajji nijje baꞌe tiitiijeꞌyo. Jamaya po ajjajo ca ca Eyacuiñajji nijje ebaꞌe tiitiiꞌyojji pojjeama eyajo.
5 Jesus respondeu: Na verdade, na verdade te digo que aquele que não nascer da água e do Espírito não pode entrar no Reino de Deus.
6 Eꞌe Nicodemo, ojjaña cuana enaeseja mejo bacua cuayani yahueja jea, oja chii jayojja yamijji. Joya Eyacuiñajjija Edojjoshahua Pameya pea jjashahuabaquime po mee caꞌyani ca ca Eyacuiñajjija Edojjoshahua Pame onijje nequi —Jesosa poanaje—.
6 O que é nascido da carne é carne, e o que é nascido do Espírito é espírito.
7 Eyaya miya huohuinaje eꞌe jojo nei ebacua eshoꞌi cuayani jama Eyacuiñajjiya miya cacuaya mee ca oꞌoyahua. Jamatii aꞌa jama jjashahuabaquijji baꞌa: “Chojja de, ¿yajja epojji?”
7 Não te maravilhes de te ter dito: Necessário vos é nascer de novo.
8 Miyaya beni shajjaꞌajjaña; beni baña peaꞌai acui iña dojo cani. Jamatii ache huesha beni poeani miquea ba jjima; achacua poquije miquea ba jjima peaꞌai. Jiquio ecua beni achacua poquije ba jjima jayojja jama miquea ba jjima peaꞌai ache shono, achejo pojjaꞌa Eyacuiñajjija Edojjoshahua Pameya dejja pea jjashahuabaquime po mee caꞌyani. Jamaya miquea eba pojjeama. Eꞌe, Eyacuiñajjiya miya cacuaya mee ca oꞌoyahua ebacua eshoꞌi cuayani jayojja jama —Jesosa poanaje.
8 O vento assopra onde quer, e ouves a sua voz, mas não sabes donde vem, nem para onde vai; assim é todo aquele que é nascido do Espírito.
9 —Eꞌe pojjaꞌa. ¿Achajja acuae ebacua eshoꞌi cuayani jayojja jama epojji soꞌo? —huohuiꞌajja canaje Nicodemohua.
9 Nicodemos respondeu e disse-lhe: Como pode ser isso?
10 —Nicodemo, miya Jodio esohui huohuijji; Eyacuiñajjija esohui yahuajo nei etehueꞌyo huohuijji. Jamajjeya ¿yajjajo miquea ba jjima ebacua eshoꞌi cuayani jayojja jama epojji ebaꞌejji pea baꞌeme epoꞌyojji? —Jesosa poanaje.
10 Jesus respondeu e disse-lhe: Tu és mestre de Israel e não sabes isso?
11 —Eyaya, Huaniya ma ona besameejji poaniya peaꞌai miya eꞌe jojo nei huohuiaña jama baꞌa: Ma ecuanaja eba poa huohuiaña pea baꞌeme epoꞌyojjijo; ma ecuaa yahuajo banaje peaꞌai huohuiaña. Jamatii miya, pea Jodio esohui huohuijji cuana peaꞌai ecuanaja esohuijo jama poani baꞌa: “Chojja, siajje oya cuana poani”. Eꞌe, miquianaaya ecuana siajjepojji poso aña —Jesosa poanaje—.
11 Na verdade, na verdade te digo que nós dizemos o que sabemos e testificamos o que vimos, e não aceitais o nosso testemunho.
12 Eꞌe, eyaya miya huohuiaña ebacua eshoꞌi cuayani jayojja jama Eyacuiñajjija Edojjoshahua Pameya miya pea jjashahuabaquime po mee cajeꞌyo, Eyacuiñajji nijje ebaꞌe tiitiiꞌyojji. Jamatii ecuea esohui quea quehua miquea. Jamajjeya eyaya miya Eyacuiñajjija ejjashahuabaquiꞌyojji eyajo huohuiajo, ¿aꞌa ecuea esohui quea jaꞌa poaje miquea? Chojja, quea quehua poaje peaꞌai.
12 Se vos falei de
13 ¡Shajjaꞌajjacue ecuea esohui, Nicodemo! Dejja cuana eyahuasijje dobiquiꞌyo majje meshi yasijje epoe oꞌoyajji pojjeama ojjaña eyajo baꞌe huohuiya, Eyacuiñajjija ejjashahuabaquiꞌyojjijo peaꞌai epoe oꞌoyajji pojjeama huohuiya. Eya ma ojjañaja Edoe Mese eyajo baꞌeꞌyonaje. Eya eyajo baꞌe poeyanaje meshi yasijje. Jamajjeya eyaye nei baña ojjaña eyajo, Eyacuiñajjija ejjashahuabaquijji ecuea eba peaꞌai —Jesosa poanaje—.
13 Ora, ninguém subiu ao céu, senão o que desceu do céu, o Filho do Homem, que está no céu.
14 Cuanaya eya, Eyacuiñajjija huoojeaꞌyo ojjaña jaahuanajji baꞌehuanasohuajea cajeꞌyo cuaa. Eꞌe, yahuajo nei nei meshi jabojo Moisesiya baa peyo jayojja acui aojo baꞌehuanasohua ca poa ojjañaja ebajji; ojjaña joya peyoja ijjia baa peyo jayojja ba cajo, Eyacuiñajjiya huaquia mee caꞌya poa. Jiquio ecua Moisesiya baa peyo jayojja baꞌehuanasohua ca poa jayojja jamaya quijje eya baꞌehuanasohuajea cajeꞌyo cuaa acui ecueataꞌapeejo ojjañaja mimishijo manoꞌyohua, mimishi cuijeaꞌyojji sosejje.
14 E, como Moisés levantou a serpente no deserto, assim importa que o Filho do Homem seja levantado,
15 Jamajjeya Eyacuiñajjiya ojjaña baꞌe tiitii mee cajeꞌyo onijje, ca ejo jama jjashahuabaquiajo baꞌa: “Eꞌe jojo nei ohuaya ecuea mimishi cuijea neinei cajeꞌyo”. Eꞌe, enijje jjapeequiajo, Eyacuiñajjija quea nee nee epo meeꞌyojji pojjeama cuaquijo —Jesosa poanaje.
15 para que todo aquele que nele crê não pereça, mas tenha a vida eterna.
16 —Eꞌe Nicodemo —Jesosa poanaje peaꞌai—, Eyacuiñajjiya ojjaña cuana ojjaña meshijo baꞌe quea jea nee nee acani. Jamajjeya eya, oja Bacua Ejja oe nei huoojea canaje ojjañaja mimishijo manoꞌyohua. Jamajjeya ojjaña joya eꞌe jojo nei enijje jjapeequiani Eyacuiñajjiya baꞌe tiitii mee cajeꞌyo onijje eyajo; quea nee nee epo tiitii meeꞌyojji pojjeama.
16 Porque Deus amou o mundo de tal maneira que deu o seu Filho unigênito, para que todo aquele que nele crê não pereça, mas tenha a vida eterna.
17 Ecue Chiija eya huoojea jjima ojjaña tecueaa. Ecuea ejjashahuabaquiꞌyojji jama pojjeama baꞌa: “Ojjaña cuana quea mimishi nee poanijo, quea nee nee po meejeꞌyo; quea nee tii tii”. Chojja, Eyacuiñajjija eya, oja Bacua Ejja oe nei onijje eyajo baꞌya poa meshi yasijje huoojea ca poa. Ojjañaja mimishi cuijeaꞌyo majje enijje baꞌe tiitii meejeꞌyo —Jesosa poanaje—.
17 Porque Deus enviou o seu Filho ao mundo não para que condenasse o mundo, mas para que o mundo fosse salvo por ele.
18 Jamajjeya ojjaña joya eꞌe jojo nei enijje jjapeequiani Eyacuiñajjiya huohui caje jama baꞌa: “Miquianaya ecue Bacua Ejjaja epeejji eꞌe jojo nei poanijo, mimishi cuijeajeꞌyo. Quea nee nee epo meeꞌyojji pojjeama cuaquijo” Eyacuiñajjiya acaje —Jesosa poanaje—. Pea cuana enijje jjapeequi ajjajo ca ca Eyacuiñajjiya yahuajo jama acaje baꞌa: “Miquianaya ecue Bacua Ejja oe nei nijje jjapeequi ajjajo cajaa ajeꞌyo, mimishi cuana cuijeaꞌyo jjima ajeꞌyo. Jamajjeya quea nee tii tii poajeꞌyo” Eyacuiñajjiya acaje —Jesosa poanaje—.
18 Quem crê nele não é condenado; mas quem não crê já está condenado, porquanto não crê no nome do unigênito Filho de Deus.
19 Eꞌe, Eyacuiñajjiya eya, oja Bacua Ejja huoojea canaje esohui eꞌe nei huohuiya, ojjaña cuana quea jjashahuabaqui jaꞌa nee po meeya. Eꞌe, eya cuaquijiji jayojja jama poanijo ojjaña quea jjashahuabaqui jaꞌa po meejeꞌyo. Jamatii quea huiso cuana ecuea esohui shajjaꞌajja sa po ajja, mimishi cuana ojaya quea boti neejojo. Quea mimishi nee baꞌe, de. Jamajoya Eyacuiñajjiya oya cuana cajaa acajeꞌyo. Quea nee tii tii poajeꞌyo cuaquijo.
19 E a condenação é esta: Que a luz veio ao mundo, e os homens amaram mais as trevas do que a luz, porque as suas obras eram más.
20 Quea mimishi baꞌeja botiꞌama Eyacuiñajjija esohui eꞌe nei; cajaa acani quea mimishi baꞌyaniya jjejojo. Jamajjeya enijje jjapeequi ajja. Quea mete jjashahuabaquiani jama baꞌa: “¡Jesosaa mo tecuea caje ecue mimishijo!”
20 Porque todo aquele que faz o mal aborrece a luz e não vem para a luz para que as suas obras não sejam reprovadas.
21 Ojjaña joya quea pame nee baꞌeya ca ca Eyacuiñajjija esohui quea boti nee acani. Enijje jjapeequianijo, eyaya oya cuana quea jjashahuabaqui jaꞌa po meeaña. Jamajjeya oya cuana jama poani baꞌa: “Eꞌe, Eyacuiñajjiya eya quea pame baꞌe meesahua cani ojaya esohui jayojja” poani —Jesosaa Nicodemo huohui canaje. Majoya Jesosa Nicodemo nijje mimipajeanaje.
21 Mas quem pratica a verdade vem para a luz, a fim de que as suas obras sejam manifestas, porque são feitas em Deus.
22 Majoya Jesosa Jenosanenajo ani poquinaje o shajjaꞌajjajji cuana nijje Jodea meshi yasijje, pea cuiñajji cuana huasijje. Jomajo nequi cuana Jesosaa sohuihuohui canananaje. O shajjaꞌajjajjiya dejja cuana besa mee canananaje Eyacuiñajjijo.
22 Depois disso, foi Jesus com os seus discípulos para a terra da Judeia; e estava ali com eles e batizava.
23 Huaniya jomajo dejja besa mee canaje peaꞌai Enoni cuiñajjijo, Sanima cuiñajji pejjejo peaꞌai ena quea doejo. Ojjaña pojjajo quea huiso dejja cuana, ponaña peaꞌai Huani que poquinaje. Eyacuiñajjijo enajo besa mee canaje.
23 Ora, João batizava também em Enom, junto a Salim, porque havia ali muitas águas; e vinham ali e eram batizados.
24 Eꞌe, ma pojjajo emeshi mese Enodeja Huani jeanobia jjima poanaje.
24 Porque ainda João não tinha sido lançado na prisão.
25 Jamajjeya oe Jodio dejjaa Huanija epeejji cuana mimicuiajeanobia canaje. Jama poanaje baꞌa: —¿Ache dejjaa acuae mi Eyacuiñajjijo enajo besa mee majje eseya eꞌe jojo nei quea boejea po mee cajeꞌyo soꞌo? ¿Aꞌa Huaniya pojjaꞌa? ¿Aꞌa cuae peaa besa mee cajji, Jesosa shajjaꞌajjajjiya pojjaꞌa besa mee cajji? —Jodio poanaje.
25 Houve, então, uma questão entre os discípulos de João e um judeu, acerca da purificação.
26 Jamajjeya Huani que poquinaje ojaya epeejji cuana, huohuiꞌajjaa jama baꞌa: —Esohui huohuijji, ma dejja joya yahuajo minijje nequinaje cuei ojje mijijje, ma ojo miyaya jama huohuinaje baꞌa: “Oya Eyacuiñajjija huoojeaꞌyo ojjaña jaahuanajji”, maaya jjeya o shajjaꞌajjajji nijje onaya besa mee cani; ojjaña cuana aje oe jjeya o que poquiani. Jesosaa quea huiso nee nee Eyacuiñajjijo besa mee cani. ¿Apiojji shai? —poanaje Huanija epeejji cuana.
26 E foram ter com João e disseram-lhe: Rabi, aquele que estava contigo além do Jordão, do qual tu deste testemunho, ei-lo batizando, e todos vão ter com ele.
27 Huaniya oja epeejji cuana sajaꞌa canaje: —¡Aꞌa quea yeno pojji! Jamaya Eyacuiñajjiya oya pea cuana besa mee cani. Yahuajo quea huiso dejja e que poeyanaje; Eyacuiñajjiya oya cuana huoojea canaje. Jjeya ca ca ojjaña cuana Jesosa que poquiani; Eyacuiñajjiya oya cuana huoojea cani.
27 João respondeu e disse: O homem não pode receber coisa alguma, se lhe não for dada do céu.
28 Miquiaaya ecue sohui yahuajo shajjaꞌajjanaje. Jama poanaje baꞌa: “Eya Eyacuiñajjija huoojeaꞌyo ojjaña jaahuanajji pojjeama. Eyacuiñajjiya eya huoojea canaje ebionei Jesosajo huohuiya”.
28 Vós mesmos me sois testemunhas de que disse: eu não sou o Cristo, mas sou enviado adiante dele.
29 Eꞌe —Huani poanaje—, Jesosajo jama jjashahuabaquicue baꞌa: Ejjahuanaquijjijo, epona yahueja ehuanase poajeꞌyo. Jamatii yahueja epeejjiya poe majje jjahuanaquiequi ba cani. Yahue ojaya ehuanase nijje mimiani shajjaꞌajja majje quea bihui nee poani ojaya epeejji. Jiquio ecua yahueja epeejji o ba majje quea bihui nee poani jayojja jama eya Eyacuiñajjija huoojeaꞌyo ojjaña jaahuanajji Jesosa bajjani ba coo majje quea bihui nee nee poani; eya Jesosaja epeejji.
29 Aquele que tem a esposa é o esposo; mas o amigo do esposo, que lhe assiste e o ouve, alegra-se muito com a voz do esposo. Assim, pois, já essa minha alegria está cumprida.
30 ¡Ojjaña cuaa oya cashajjaꞌajja tiitii cahua! Quijje ca ca ojjaña cuana e que poepajeajeꞌyo. Jamatii capoahua —poanaje Huani, ma ona besameejji poani.
30 É necessário que ele cresça e que eu diminua.
31 ¡Bacue! Eyacuiñajjija huoojeaꞌyo ojjaña jaahuanajji eyajo tii ania poa, meshi yasijje poeyanaje. Jamajjeya oya ojjaña huoojeaꞌyojji poani tii; ohuaya eꞌe jojo nei Eyacuiñajjija ejjashahuabaquijji ba mee cani. Huani ca ca jiquiojo anija mejo, dejjaja jea. Jamajjeya aje oe dejja, oja chii jayojjaya. Dejja jama mimiani. Jamajjeya Eyacuiñajjija esohui oe pojji ba mee cani, Huaniya.
31 Aquele que vem de cima é sobre todos, aquele que vem da terra é da terra e fala da terra. Aquele que vem do céu é sobre todos.
32 Eyacuiñajjija huoojeaꞌyo ojjaña jaahuanajji ca ca Eyacuiñajji nijje eyajo ania poa. Jamajjeya ohuaya jama huohui cani baꞌa: “Eyacuiñajjija ejjashahuabaquijji ecuea eba nei nei. Maya eyaya miya huohuiaña”. Jamatii ojaya esohui shajjaꞌajja sa po ajja beca cuana.
32 E aquilo que ele viu e ouviu, isso testifica; e ninguém aceita o seu testemunho.
33 Ojjaña joya eꞌe jojo nei oya shajjaꞌajja sa poani ca ca jama poani baꞌa: “Eyacuiñajjija esohui eꞌe nei; ¡Cashajjaꞌajjaꞌyahua!”
33 Aquele que aceitou o seu testemunho, esse confirmou que Deus é verdadeiro.
34 Eꞌe, Eyacuiñajjija huoojeaꞌyo ojjaña jaahuanajjiya, Jesosaa Eyacuiñajjija esohui huohui cani eꞌe jojo nei. Eyacuiñajjija Edojjoshahua Pameya oya huohui meesahua cani; quea jaꞌa nee ameesahua cani tii tii.
34 Porque aquele que Deus enviou fala as palavras de Deus, pois não lhe dá Deus o Espírito por medida.
35 Eyacuiñajjiya oja Bacua Ejja quea jea nee nee acani tii. Jamajjeya oya jama poani Jesosa nijje: —Miya ecuea ecue Bacua Ejja quea jea nee nee. ¡Jamajjeya ojjaña huoojeaꞌyojji pocue tii, meshijo, eyajo peaꞌai! —poani Eyacuiñajji.
35 O Pai ama o Filho e todas as coisas entregou nas suas mãos.
36 Jamajjeya ojjaña joya eꞌe jojo nei Jesosa nijje jjapeequiani, Eyacuiñajjija Bacua Ejja shajjaꞌajja cani peaꞌai onijje baꞌe tiitii mee cajeꞌyo eyajo. Ojjaña joya o shajjaꞌajja sa po ajja ca ca onijje ebaꞌe meeꞌyojji pojjeama. Eyacuiñajjiya oya cuana cajaa acajeꞌyo; quea nee nee poajeꞌyo tii cuaquijo.
36 Aquele que crê no Filho tem a vida eterna, mas aquele que não crê no Filho não verá a vida, mas a ira de Deus sobre ele permanece.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar João 3, comparar traduções ou montar um estudo — tudo direto pelo WhatsApp.