1 Kona, a Zhɔbu wì si Bilidadi wi yɔn sogo ma yo fɔ:
2 E, lere ŋa fanŋga woro wi ni, maa sagalɔmɔ pi jɛn fasi!
3 Ma kambajɛnŋɛ wi yɛrilɔmɔ pi jɛn dɛ!
4 Maa ki sɛnrɛ nda ti yuun ambɔ fɔ kan ma?
5 Kuulo pe yɛn na seri
6 Kuulo tara ti yɛn ma yɛngɛ kpeŋgbeleŋgbe Yɛnŋɛlɛ li yɛgɛ na,
7 Yɛnŋɛlɛ lo lì naayeri wi yɔnlɔparawa kamɛŋgɛ kɛɛ ki tɛgɛ wa fowaga ki go na,
8 Li ma tɔnmɔ pi gbogolo pi yɛɛ na wa li kambaara ti ni,
9 Li ma li wunluwɔ jɔngɔ ki yɛgɛ tɔn,
10 Lì perege kacɛn wogo kɔn wa kɔgɔje wi na,
11 Na li ka gbanla,
12 Li ma kɔgɔje tɔnmɔ pi tigile li yawa pi fanŋga na,
13 Li yɔn tifɛlɛgɛ ki ma yɛnŋɛlɛ li pɛ mali sulu coyi,
14 Ma si yala, ko wogo ŋga ko yɛn Yɛnŋɛlɛ li kapyegele ke ke ni fuun jɛɛlɛ le.