Romanos 1
Chipaya NT (CAP_SBB) vs BKJ
1 Wejr Pabluqui anc̈hucaquin tii cartal cjijrz̈cuc̈ha. Jesucristuz̈ mantitacama okiñ z̈oñtc̈ha. Yooz Ejpqui wejr kjawz̈cu apóstol puestuquin utchic̈ha, liwriiñi Yooz taku parlajo.
1 Paulo, servo de Jesus Cristo, chamado para ser apóstolo, separado para o evangelho de Deus;
2 Tuquitanpacha Yoozqui tsjii liwriiñi z̈oñi cuchanz̈quiz compromitchic̈ha. Jalla nii compromittaqui Yooz cuntiquiztan chiiñi profetanacaqui mazinchic̈ha zuma Yooz tawk libruquiz.
2 (que ele antes prometeu pelos seus profetas nas santas escrituras),
3 Nii liwriiñi z̈oñiqui Jesucristo Jiliric̈ha. Yooz Majchc̈ha niiqui. Jesucristuqui z̈oñi cjicanaqui Davidz̈ majch maatinacquiztan tjonñitac̈ha.
3 acerca de seu Filho Jesus Cristo nosso Senhor, que foi feito da semente de Davi, segundo a carne,
4 Niz̈aza Jesucristuqui ticziquiztan jacatatchic̈ha; niz̈aza zuma Yooz Espirituchizza. Jalla nii kjanapacha tjeez̈a, niic̈ha walja azziz Yooz Majchqui, nii. Jesucristo Yooz Majchc̈ha uc̈hum Jiliriqui.
4 e declarou ser o Filho de Deus com poder, segundo o Espírito de santidade, pela ressurreição dos mortos,
5 Jesucristuz̈ cjen wejrqui zuma Yooz kamaña tanzinc̈ha. Niz̈aza Jesucristuz̈ cjen Yooz Ejpqui wejr apóstol puestuquiz utchic̈ha, tjapa wajtchiz z̈oñinaca Jesucristuz̈quin kuzziz cjeyajo, niz̈aza niiz̈quiz cazajo. Jalla nuz̈ apóstol kamañquiz kamcan, Jesucristuz̈tajapa langznuc̈ha.
5 pelo qual nós recebemos a graça e o apostolado, para a obediência da fé entre todas as nações, pelo seu nome,
6 Anc̈huc zakaz Jesucristuz̈quiz kuzziz cjissinc̈hucc̈ha. Yooz Epiz̈ anc̈huca kuzquiz kjawz̈tan Jesucristuz̈ partiquiz cjissinc̈hucc̈ha.
6 entre os quais sois também vós os chamados por Jesus Cristo;
7 Wejrqui tjapa anc̈hucaquin cjijrz̈cuc̈ha, Roma wajtquin z̈ejlñi z̈oñinacc̈hucc̈ha. Yooz k'ayi z̈oñinacaz̈ cjen, Yoozqui anc̈hucaquiz kjawzic̈ha, Yooz zuma kamañchiz cjeyajo. Uc̈hum Yooz Ejpmi, niz̈aza Jesucristo Jilirimi anc̈hucaquiz zumaj yanapt'ila; niz̈aza cuntintu kuzziz cjiskatla.
7 a todos os que estão em Roma, amados de Deus, chamados para serem santos: Graça e paz a vós, de Deus, nosso Pai, e do Senhor Jesus Cristo.
8 Jaziqui anc̈hucaz̈ zuma kamtiquiztan Yooz Ejpz̈quin ancha gracias cjican chiyuc̈ha. Tjapa wajtchiz z̈oñinacaqui anc̈huc puntu chiic̈ha, anc̈hucqui ancha Jesucristuz̈quin kuzzizza, nii. Jesucristuz̈ cjen Yoozquin gracias cjican chiyuc̈ha.
8 Primeiramente, eu agradeço ao meu Deus, por meio de Jesus Cristo, por todos vós, porque a vossa fé é anunciada em todo o mundo.
9 Wejrqui tjapa kuz Yooz sirwuc̈ha, Yooz Majch liwriiñi puntu parlican. Jaziqui Yooz zizza, oracionz̈tan anc̈hucaquiz tirapan yanapuc̈ha, nii.
9 Pois Deus, a quem sirvo em meu espírito, no evangelho de seu Filho, é minha testemunha de como incessantemente faço menção de vós em minhas orações,
10 Niz̈aza Yoozquin mayizuc̈ha. Yooz munan, ultimu anc̈hucaquin jaknuz̈quiztanami tjonzquiz atuc̈hani. Az̈ka anc̈hucaquin tjonzquiz pecatuc̈ha.
10 rogando que de algum modo seja possível, agora por fim, ter uma próspera viagem para ir a vós na vontade de Deus.
11 Anc̈hucatan ancha zalz pecuc̈ha, Yooz kamañquiz anc̈hucaquiz tsjan zuma kami yanapzjapa, niz̈aza Yooz tjup kuzzizpan cjiñi yanapzjapa.
11 Porque desejo ver-vos, para que eu possa transmitir a vós algum dom espiritual, a fim de que sejais fortalecidos;
12 Anc̈hucmi wejrmi Jesucristuz̈quinkaz kuzzizc̈humc̈ha. Jalla niz̈tiquiztan zalz̈cu porapat chiiz̈inascu, Yoozquin juc'ant kuzziz cjesac̈ha uc̈humqui.
12 isto é, para que eu possa ser confortado juntamente convosco, pela fé mútua, tanto a vossa quanto a minha.
13 Jilanaca, cullaquinaca, anc̈hucaquiz zizkatz pecuc̈ha, kjaz̈ wiltami wejrqui anc̈hucaquin tjonz pecatuc̈ha. Pero tii orcama ana atchinc̈ha. Anc̈hucaquin tjonz pecatuc̈ha, Rom wajtquiz zakaz Yooztajapa obranaca payi. Rom wajtquizimi, niz̈aza yekja watjanacquizimi Jesucristuz̈tajapa langz pecuc̈ha, z̈oñinaca niiz̈quin kuzziz cjeyajo.
13 Ora, eu não quero que ignoreis irmãos, que muitas vezes eu propus ir até vós, (mas tenho sido impedido até agora), para que eu também possa ter entre vós algum fruto, mesmo entre os demais gentios.
14 Wejrqui liwriiñi Jesucristuz̈ puntu parlistanc̈ha, k'ar z̈oñinacz̈quizimi campuquiz z̈ejlñi z̈oñinacz̈quizimi, zizñi z̈oñinacz̈quizimi, ana zizñi z̈oñinacz̈quizimi. Jalla tjapa z̈oñinacz̈quizimi liwriiñi Jesucristuz̈ puntu parlistanc̈ha.
14 Eu sou devedor, tanto aos gregos como aos bárbaros, tanto aos sábios como aos ignorantes.
15 Jalla niz̈tiquiztan wejrqui anc̈hucaquiz zakaz nii puntu parliz anchal pecuc̈ha.
15 Então, quanto está em mim, estou pronto para pregar o evangelho também a vós que estais em Roma.
16 Jakziltat liwriiñi Yooz taku catokac̈haj niiqui, liwriita cjequic̈ha. Tuquiqui judío z̈oñinacz̈quiz nii liwriiz puntu parlitatac̈ha. Nekztan yekja wajtchiz z̈oñinacz̈quiz parlitazakaztac̈ha. Jakziltat nii liwriiz puntu catokac̈haja, jalla niiqui liwriitaz̈ cjequic̈ha. Niz̈ta azzizza liwriiñi Yooz takuqui. Jalla niz̈tiquiztan nii Yooz taku parlizjapa anal azuc̈ha; nii ancha zuma taku parlizjapa ancha juztaznuc̈ha.
16 Porque eu não me envergonho do evangelho de Cristo, pois é o poder de Deus para salvação de todo aquele que crê; primeiro do judeu, e também do grego.
17 Liwriiñi takuqui tuz̈ cjic̈ha; Yoozqui ancha zumac̈ha; niz̈aza z̈oñinacz̈quiz niz̈ta zuma niz̈aza ana ujchiz cjiskatasac̈ha. Jalla nuz̈ cjic̈ha nii liwriiñi Yooz takuqui. Jaknuz̈t z̈oñinaca Yooz yujcquiz ana ujchiz, niz̈aza zuma cjec̈haja, jalla nii zizkatuc̈ha, nii liwriiñi taku chiican. Jesucristuz̈quiz kuzziz cjen, jalla nii alajakaz Yooz yujcquiz ana ujchiz, niz̈aza zuma kuzziz cjesac̈ha. Cjijrta Yooz takuqui tuz̈ cjic̈ha: “Jakziltat Yoozquin kuzziz cjec̈haja, jalla niic̈ha Yooz yujcquiz ana ujchizqui, niz̈aza zuma kuzzizqui. Nekztan Yooztan wiñaya kamaquic̈ha”.
17 Porque nele a justiça de Deus é revelada, de fé em fé, como está escrito: O justo viverá pela fé.
18 Arajpachquiztan Yooz casticuqui tjonc̈ha tjapa ana Yooz kuzcama kamñinacz̈ quintra, niz̈aza anawali paañinacz̈ quintra. Jalla nii anazum kamañchiz z̈oñinacaqui anawali paaznacapan pecc̈ha, Yooz zuma kamaña anaz̈ importic̈ha. Nekztan Yooz kuzcama ana kamc̈ha. Yooz puntu werara zizawc cjen, atajc̈ha.
18 Porque a ira de Deus é revelada do céu contra toda a impiedade e injustiça dos homens, que detêm a verdade em injustiça.
19 Pero ninacz̈ kuzquiz Yooz puntu zizasac̈ha. Yoozqui z̈oñinacz̈quiz kjanapacha tjeezic̈ha, niiz̈ puntu.
19 Porque aquilo que de Deus se pode conhecer é manifesto neles, pois Deus o manifestou a eles.
20 Ana Yooz cherz̈cumi tii mundo paatiquiztanpacha Yooz puntu zizta cjesac̈ha. Niiz̈ paatanaca cherz̈cu, tjapa z̈oñinacaqui Yooz puntu zizasac̈ha, Yoozqui wiñaya azzizza, niz̈aza werar Yoozpankazza, tii mundo paachi Yoozqui. Jalla nii kjana zizta cjesac̈ha. Jalla niz̈tiquiztan Yooz kuzcama ana kamcanaqui anazuma kamañchiz z̈oñinacaqui ana razunchizza.
20 Porque as coisas invisíveis, desde a criação do mundo, são claramente vistas, sendo entendidas por meio das coisas que são feitas; o seu eterno poder e divindade, para que eles fiquem inescusáveis;
21 Z̈oñinacaqui Yooz puntu persun kuznacquiz zizza. Jalla nuz̈ zizcumi, Yooz ana rispitc̈ha, niz̈aza ana c̈hjulquiztanami “Gracias, wejt Yooz” cjican chiic̈ha. Nekztan z̈oñinacaqui ina kaz pinsitanacchiz cjissic̈ha. Niz̈aza ninacz̈ chojru kuzziz cjen ana wali zumchiquiztakaz kamc̈ha.
21 porquanto, tendo conhecido a Deus, não o glorificaram como Deus, nem foram agradecidos, mas se tornaram vãos em suas imaginações, e o seu coração insensato se obscureceu.
22 Z̈oñinacaqui “Wejrnacc̈ha ziziñtqui” cjicanami, zumzuz̈takaz cjissic̈ha.
22 Professando-se sábios, tornaram-se loucos.
23 Ancha zumapankazza Yoozqui. Pero z̈oñinacaqui nii wiñaya z̈ejtñi Yoozquiz rispitz jaytichic̈ha. Nekztan z̈oñinacaqui z̈oñiz̈ paata yoozquizkaz rispitñi cjissic̈ha. Nii z̈oñiz̈ paata yooznacaqui ticzñi curpuchiz z̈oñinacz̈ irata paatac̈ha, niz̈aza wez̈lanacz̈ irata paatac̈ha, niz̈aza pajkpic kjojchchiz animalanacz̈ irata paatac̈ha, niz̈aza zkoranacz̈ irata paatac̈ha. Jalla niz̈ta paatanacquiz rispitc̈ha.
23 E mudaram a glória do Deus incorruptível por uma imagem feita à semelhança do homem corruptível, e de aves, e de quadrúpedes, e de répteis.
24 Jalla niz̈tiquiztan Yooz Ejpqui ninacz̈quiz jaytichic̈ha. Nekztan ninacz̈ anazuma pecñi kuzcama c̈hjul ujmi paañic̈ha. Z̈oñinacpora azzucanaca paachic̈ha.
24 Portanto, Deus também os entregou à imundície por meio das luxúrias de seus próprios corações, para desonrarem seus próprios corpos entre si;
25 Ninacaqui Yooz puntuquiztan werar razunanaca criichi ecchic̈ha. Nekztan toscar razunanaca criichic̈ha. Jalla nekztan ninacaqui Yoozquin ana rispitchic̈ha. Yooziz̈ paata obranacquizkaz rispitchic̈ha, niz̈aza sirwichic̈ha. Pero Yoozqui tjappacha paachic̈ha. Jalla nii tjapa paañi Yoozqui wiñaya honorchizza. Jalla nuz̈oj cjila. Amén.
25 os quais mudaram a verdade de Deus em mentira, e adoraram e serviram mais à criatura do que ao Criador, que é abençoado para sempre. Amém.
26 Jalla niz̈ta anawali kuzziz cjen Yoozqui ninaca jaytichic̈ha, ninacaz̈ anazum kuzcama azzucanaca paajo. Jalla nuz̈ azzucanaca paacan maatakanacaqui porapat z̈elassic̈ha, jaknuz̈t lucutiñi z̈elas, jalla niz̈ta.
26 Por esta causa Deus os entregou às afeições vis, porque até as suas mulheres mudaram o uso natural, para aquele que é contrário à natureza.
27 Luctakanacaqui niz̈aza porapat ana wali z̈elassic̈ha, jaknuz̈t lucutiñi z̈elas, jalla niz̈ta. Ninacpora ancha peccu, azzuca ujnaca paachic̈ha. Ancha akñi ujnacquiz tjojtsic̈ha. Jalla niz̈tiquiztan ninacz̈ persun curpuquizpacha casticu sufric̈ha, nii ana wali paatiquiztan. Niz̈aza niz̈ta sufris waquizic̈ha ninacaqui.
27 E, semelhantemente também os homens, deixando o uso natural da mulher, se inflamaram em sua luxúria uns para com os outros, homens com homens, praticando o que é indecente, e recebendo em si mesmos a recompensa adequada do seu erro.
28 Werar Yooz zizzucatac̈ha, pero ninacaqui Yooz ana pajz pecatc̈ha. Jalla niz̈tiquiztan Yoozqui ninaca jaytichic̈ha, ninaca ana zuma pinsiñi kuzziz cjisjapa, niz̈aza ana zuma cjujchi kamañchiz cjisjapa.
28 E, como eles não se importaram em reter Deus em seu conhecimento, Deus os entregou a uma mente reprovada, para fazerem estas coisas que não convêm;
29 Ninacz̈ kuzquiz walja tjapaman ana zumanaca z̈elatc̈ha, chjijpipacha. Jalla tiz̈ta ana zumanaca z̈elatc̈ha; ana Yooz kuzcama kamz, adulteriuquiz ojklayz, z̈oñz̈ quintra ana wali paaz, yekja z̈oñz̈quiztan zmaz, niz̈aza tjapa ana walimi paaz pecñi kuz z̈elatc̈ha. Niz̈aza ninacz̈ kuznaca tiz̈tac̈ha: iñiziñi kuz, z̈oñi coñi kuz, z̈oñz̈tan quija ojklayz kuz, incallñi kuz, ana wal paaz pecñi kuz, niz̈aza ana wal quintu joojooñi kuz. Jalla niz̈ta anawali kuzziz z̈oñi z̈ejlc̈ha.
29 estando cheios de toda a injustiça, fornicação, maldade, cobiça, malícia; cheios de inveja, assassinato, contenda, engano, malignidade, murmuradores,
30 Ninacaqui z̈oñz̈ quintra chiiñinacac̈ha. Yooz quintra chjaawjkatñic̈ha. Niz̈aza z̈oñi iñarñic̈ha, niz̈aza mitarazi kuzzizza, persunpacha honora waytisñic̈ha. Niz̈aza ana zuma paazjapa tantiiñic̈ha, niz̈aza maa ejp ana cazñic̈ha.
30 caluniadores, aborrecedores de Deus, perversos, orgulhosos, fanfarrões, inventores de coisas más, desobedientes aos pais;
31 Niz̈aza Yooz puntu ana intintiz pecñic̈ha, niz̈aza chiiz̈cupacha niiz̈ taku ana cumpliñic̈ha. Niz̈aza ana jec z̈oñz̈tanami munaziñic̈ha. Niz̈aza ana pertunñic̈ha. Niz̈aza ana jec z̈oñz̈quizimi okzñi kuzzizza.
31 sem entendimento, infiéis nos pactos, sem afeição natural, implacáveis, sem piedade;
32 Yoozqui mantichic̈ha, jalla niz̈ta z̈oñinacaqui ticzpan waquizic̈ha. Jalla nuz̈ Yooz mantita zizcumipacha, nii ana wali z̈oñinacaqui niz̈ta ana wali paazkaz pecñic̈ha, niz̈aza yekjaz̈ niz̈ta ana wali paanami, “Walikazza” cjiñic̈ha.
32 os quais, conhecendo o julgamento de Deus, que os que cometem tais coisas são dignos de morte, não somente as fazem, mas têm prazer naqueles que as fazem.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Romanos 1, comparar traduções ou montar um estudo — tudo direto pelo WhatsApp.