1 Eraximase, atarypopyra exiase Kuesẽkõ
2 Janymyase oramã xihpyry ae,
3 Jamorepase eremiatoh tyrisenã poko,
4 Tãkye exiketõ mokaro Kuesẽkõ enetupuhnanomo,
5 Ritonõpo, yna Esemy, tuhke kurãkõ tyrise
6 Okyno tõ etapary ynanekaroryme ise pyra mase,
7 Naeroro kuezukuase: “Taro ase;
8 Õmihpyry omipona sehxo ase, Ritonõpo Jesemy!
9 Ritonõpo, opoetory tõ oximõmãkõ ẽpataka
10 Õmiry kurã yna pynanopyry poko
11 Ritonõpo, zuaro ase ypyno exikehpyra mase.
12 Tomyehmase ywy yyryhmatoh ke tuhke.
13 Ritonõpo Jesemy, kypynanohko!
14 Jetapary se exiketõ iporemãkapoko,
15 Ah ypoihtonanõ notupĩ toto;
16 Ah tãkye nexĩ toto emero oehketõ oya,
17 Ywy ase jamihme pyra te, tytineruke pyra;