Romanos 7
Apinayé NT (APN_WBT) vs NVI
1 E Jejus kôt ixkwỳjaja. Nà Tĩrtũm kot mẽ pakaxyw tanhmã Mojes mã kapẽr tota na ka mẽ ra mar tỳx nẽ. Na pu htem kormã pahtĩr ri hkôt amnhĩ nhĩpêx o ri papa. Tã ty hãmri nẽ axte hkôt amnhĩ nhĩpêx kêt nẽ. Ra mẽ ate ja mar tỳx. E pa mẽ amã ja hã ejẽp jarẽ ka mẽ inhma.
1 Meus irmãos, falo a vocês como a pessoas que conhecem a lei. Acaso vocês não sabem que a lei tem autoridade sobre alguém apenas enquanto ele vive?
2 Nà finat Mojes kot Tĩrtũm nhỹ hã mẽnijaja kot tanhmã amnhĩ nhĩpêx to ho pa hã mẽ kãm karõja. Koja mẽhõ ho mjên hãmri nẽ ãm kôt pix mã ri pa ho pa nẽ aa hkaga hkêt nẽ. No koja nhỹrmã mjên kêp ty nhũm ahte ri pa. Hãmri nẽ kãm axte mẽhõ ho mjên prãm nẽ mãmrĩ axte mẽhõ ho mjên. Ja tanhmã kute hkêt.
2 Por exemplo, pela lei a mulher casada está ligada a seu marido enquanto ele estiver vivo; mas, se o marido morrer, ela estará livre da lei do casamento.
3 Nom koja wam mjên arĩ htĩr japêr nhũm hprõ tanhmã hamaxpẽr to nẽ hkaga nẽ hpãnhã nhãm mẽhõ ho mjên. Hã koja Tĩrtũm pê ja homnuj nẽ. Nom koja mjên ra kêp ty nhũm mỳrpê axte kãm mẽhõ ho mjên prãm nẽ mãmrĩ ho mjên. Ja na Tĩrtũm pê homnuj kêt. Ra wam mjênja htyk kênã. Ã Tĩrtũm kot Mojes mã mẽ pakaxyw mẽmoj tã karõ kot anhỹr.
3 Por isso, se ela se casar com outro homem enquanto seu marido ainda estiver vivo, será considerada adúltera. Mas se o marido morrer, ela estará livre daquela lei, e mesmo que venha a se casar com outro homem, não será adúltera.
4 Tã ja pyrà nẽ na pu prem amnepêm pajamaxpẽr o: —Ixte Tĩrtũm kapẽr kôt pix mã amnhĩ nhĩpêx o ri ixpa jakamã nhũm Tĩrtũm ja hã ixpumu nẽ amnhĩm inhmex ã ijarẽ. Anẽ. Tã pu mẽ ra tanhmã pajamaxpẽr to nẽ hpãnhã pajamaxpẽr õ ho pajamaxpẽr o: —Nà na xep hte Tĩrtũm mẽ ixte kapẽr kôt amnhĩ nhĩpêx ã mẽ ixpumunh kôt amnhĩm mẽ inhmex xwỳnh ã mẽ ijarẽnh kêt nẽ. Mẽ ixte hkôt amnhĩ nhĩpêx mex o ri ixpare hã. Kêt ãm Kris kot mẽ inhnê htyk nhũm mẽ ixte amnhĩ kaxyw hkôt ijamaxpẽr nẽ hkôt amnhĩ xunhwỳr pix ã mẽ ixpumunh kôt na hte mẽ inhmex ã mẽ ijarẽ. Ãm ja pix ã mẽ ixpumunh kôt na hte mẽ ixto hkra nẽ mẽ ixkutã nojarêt o pa. Kra Jejus pix kukwak ri na hte ã mẽ inhĩpêx anhỹr o pa. Anẽ. Ã mẽ pajamaxpẽr nyw kot anhỹr. Jakamã te mẽ pahte mẽhõ kot mjên nyw xwỳnh gryk ã axte mjên htyk xwỳnh mã hamaxpẽr kêêta pyràk o na pu htem amnhĩ nhĩpêx o papa. Jao Kris kapẽr kôt pix mã amnhĩ nhĩpêx o ri papa. Nẽ Tĩrtũm noo mã tãm ri amnhĩ nhĩpêx. Nẽ axte mẽ pahte amnhĩ tomnuj kukamã tanhmã pajamaxpẽr to hkêt nẽ.
4 Assim, meus irmãos, vocês também morreram para a lei, por meio do corpo de Cristo, para pertencerem a outro, àquele que ressuscitou dos mortos, a fim de que venhamos a dar fruto para Deus.
5 Nẽ amnepê mã mẽ pahte amnhĩ krã hkôt tanhmã mẽ pahte amnhĩ nhĩpêx to ho ri papata ã na pu prem amnhĩ tomnuj pix o ri papa. Ra mẽ pahte Tĩrtũm kapẽr mar tỳx tã kuma nẽ ãm kuma nẽ ri papa nẽ ri hkôt amnhĩ nhĩpêx kêt nẽ. Mỳrapê nhũm Tĩrtũm tee ri ja hã mẽ pahpumu nẽ mẽ pahtyk nẽ ma mẽ kot amnhĩ xà htỳx kamã hamak tũm xà hwỳr papa mã xwỳnhjê hã mẽ pajarẽ.
5 Pois quando éramos controlados pela carne, as paixões pecaminosas despertadas pela lei atuavam em nossos corpos, de forma que dávamos fruto para a morte.
6 Nẽ amnepêm na pu pre htem ã pajamaxpẽr anhỹr o: —Nà kot paj Tĩrtũm kapẽr kôt pix mã amnhĩ nhĩpêx o ri ixpa nhũm amnhĩ tã ixpumu nẽ ixte amnhĩ tomnuj kêt xwỳnh ã ijarẽ. Anhỹr o pajamaxpẽr no ãm tee ri ã pajamaxpẽr anhỹr kaprỳ. Nẽ arĩ tanhmã amnhĩ tomnuj to ho ri papa. Tã hpãnhã te Jejus Kris kôt pahtyk pyràk o amnhĩ nhĩpêx nẽ hpãnhã Karõ nhỹ hã tãm amnhĩ nhĩpêx. Jao ra tee ri mẽ pamã Tĩrtũm kapẽr kôt amnhĩ nhĩpêx prãm kaprỳ hkêt nẽ. Ra Tĩrtũm Karõ nhỹ hã amnhĩ nhĩpêx nyw o amnhĩ nhĩpêx mex o ri papa.
6 Mas agora, morrendo para aquilo que antes nos prendia, fomos libertados da lei, para que sirvamos conforme o novo modo do Espírito, e não segundo a velha forma da lei escrita.
7 Tã Tĩrtũm mẽ pahte kapẽr kôt ri amnhĩ nhĩpêx ã mẽ pahpumunh kôt amnhĩm mẽ pamex ã mẽ pajarẽnh kêt jakamã mẽmo kaxyw na kapẽr ã kagà htũmja? Nà mẽ pahte mar nẽ pahprĩ hã Tĩrtũm noo mã mẽ kot amnhĩ tomnuj xà jarẽnh mar nẽ omunh mex kaxyw na. Na hte mẽ pahkwỳjê kukrêx kĩnh o pamã ho panhõ hprãm nê mẽ pamã karõ. Ã kot mẽmoj punuj piitã nê mẽ pamã karõ kot anhỹr. Tã mẽ pahte ja mar kêt ronhỹx pu mẽ Tĩrtũm kêp ja homnuj ã harẽnh mar kêt nẽ.
7 Que diremos então? A lei é pecado? De maneira nenhuma! De fato, eu não saberia o que é pecado, a não ser por meio da lei. Pois, na realidade, eu não saberia o que é cobiça, se a lei não dissesse: "Não cobiçarás".
8 Tã ra mẽ pahte harẽnh mar nẽ kêp ja homnuj ã harẽnh ma. Mẽ pamã axpẽn kukrêx kĩnh o ho pamã panhõ hprãmja mããnẽn kêp ja homnuj ã harẽnh mar tã nom aa hkaga hkêt nẽ arĩ pamã axpẽn kukrêx kĩnh o pamã ho panhõ hprãm tỳx rãhã ho ri papa. Kop ãm Tĩrtũm kapẽr kêt ronhỹx pu mẽ kot amnhĩ tomnuj xàja aa mar kêt kumrẽx nhũm te mẽ pamã amrakati pyràk.
8 Mas o pecado, aproveitando a oportunidade dada pelo mandamento, produziu em mim todo tipo de desejo cobiçoso. Pois, sem a lei, o pecado está morto.
9 Amnepê mã ixte Tĩrtũm kapẽr mar kêt ri na pa pre ixtỳx ri amnhĩ kukamã ijamaxpẽr o ri ixpa nẽ ijamaxpẽr o: —E kot paj nhỹrmã Tĩrtũm ri ixtĩr tũm nẽ inhmex nẽ ixpa ho ixpa. Anhỹr tã hpãnhã pamã axpẽn kukrêx kĩnh o ho pamã panhõ hprãm nê kapẽrta ma nẽ ja hã amnhĩ pumunh kurê kumrẽx. Hãmri nẽ tee ri amnhĩ kukamã ijamaxpẽr nẽ ijamaxpẽr o: —Hêxta waa nẽ. Nà ã ixte amnhĩ nhĩpêx anhỹr o ixpa jakamã kot paj nhỹrmã ty nhũm Tĩrtũm akupỹm ixto ixtĩr pa kuri ixtĩr tũm nẽ ixpa ho ixpa hkêt nẽ. Hêxta waa nẽ. Ixte amnhĩ tomnuj xwỳnh na pa. Kot paj nhỹrmã ty nhũm Tĩrtũm ma mẽ kot amnhĩ xà htỳx kamã hamak tũm xàta wỳr amnhĩ nê inhmẽ. Anẽ. Hãmri nẽ ixkaprĩ nẽ tee ri amnhĩ kukamã ijamaxpẽr o ri ixpa.
9 Antes, eu vivia sem a lei, mas quando o mandamento veio, o pecado reviveu, e eu morri.
10 Tã hpãnhã axtem ijamaxpẽr o: —Nà kot paj Tĩrtũm kapẽr kôt pix mã mãn ri amnhĩ nhĩpêx o ri ixpa hãmri nẽ nhỹrmã ixtyk tã hwỳr api nẽ kuri ixtĩr tũm nẽ inhmex nẽ ixpa ho ixpa. Nà kot paj anẽ. Anhỹr ã ijamaxpẽr tã no ãm tee ri inhmã hkôt amnhĩ nhĩpêx o ixpa hprãm kaprỳ. Na pa pre xatã kapẽr nhĩrôp ixkuhê nẽ tee ri ja hã amnhĩ pumu nẽ ijamaxpẽr o: —Kwa tanhmã kot pa amnhĩ nhĩpêx to nẽ ãm Tĩrtũm kôt pix mã ri amnhĩ nhĩpêx? Na pa hte tee ri inhmã ã amnhĩ nhĩpêx anhỹr prãm tỳx kaprỳ. Ãm ixte amnhĩ tomnuj pix o ri ixpa xwỳnh jakamã ãm hãmri koja amnhĩ nê kuwyta wỳr inhmẽ. Nà koja ixto anẽ. Hêxta waa nẽ. Tanhmã kot paj we ja nê kãm ixkapẽr to? Anẽ.
10 Descobri que o próprio mandamento, destinado a produzir vida, na verdade produziu morte.
11 No mẽhõ koja Tĩrtũm kapẽr kôt amnhĩ nhĩpêx mex o ri pa? Na pu htem pahpiitã tee ri pamã ho anhỹr prãm kaprỳ. Mẽ pahpê hihtỳx kumrẽx jakamã na pa pre ixtỳx ixte Tĩrtũm kuri ixtĩr tũm nẽ ri ixpa hã amnhĩ kukamã amnhĩ jarẽnh kaprỳ. Ãm xatã kapẽr nhĩrôp ixkuhê nẽ amnhĩ tomnuj pix o ri ixpaja mỳrapê koja mẽ kot amnhĩ xà htỳx kamã hamak tũm xàta wỳr amnhĩ nê inhmẽ.
11 Pois o pecado, aproveitando a oportunidade dada pelo mandamento, enganou-me e por meio do mandamento me matou.
12 Kot anhỹr tã tanhmã kot puj mẽ Tĩrtũm kapẽr ã kagà htũmta jarẽnh to? Nà kot mẽ pamã mẽ pahte amnhĩ nhĩpêx ã karõta mex kumrẽx. Mex o mex.
12 De fato a lei é santa, e o mandamento é santo, justo e bom.
13 Mex kumrẽx tã na htem kuma nẽ tee ri kãm hkôt amnhĩ nhĩpêx hprãm kaprỳ. Jao nhỹrmã ty nẽ ma kuwy hwỳr pa. Kêt pa na pa pre ra mar nẽ omunh mex tã hkôt amnhĩ nhĩpêx mex kêt nẽ. Jao ra ixte amnhĩ tomnuj xwỳnh ã amnhĩ pumu. Na pa pre tee ri inhmã hkôt amnhĩ nhĩpêx o ri ixpa hprãm tã no ãm xatã kapẽr nhĩrôp ixkuhê nẽ hkwỳm ri amnhĩ nhĩpêx rãhã ho ri ixpa. Tã ra tee ri ja hã amnhĩ pumu nẽ amnhĩ kukamã ijamaxpẽr o: —Nà na pa hte ãm tee ri inhmã Tĩrtũm kôt amnhĩ nhĩpêx prãm kaprỳ no ãm ho anhỹr kêt nẽ. Ãm ixte amnhĩ tomnuj pix o ixpa xwỳnh na pa. Ja mỳrapê koja Tĩrtũm amnhĩ nê ma kuwy hwỳr inhmẽ. Nà koja ixto anẽ. Anẽ.
13 E então, o que é bom se tornou em morte para mim? De maneira nenhuma! Mas, para que o pecado se mostrasse como pecado, ele produziu morte em mim por meio do que era bom, de modo que por meio do mandamento ele se mostrasse extremamente pecaminoso.
14 Nẽ Tĩrtũm kapẽr ã kagà htũmta Tĩrtũm kapẽr na. Nẽ Tĩrtũm kĩnhã ãm inhĩ pix na pa ri ixpa jakamã tanhmã kot pa amnhĩ to nẽ kapẽr kôt ri amnhĩ nhĩpêx mex o ri ixpa?
14 Sabemos que a lei é espiritual; eu, contudo, não o sou, pois fui vendido como escravo ao pecado.
15 Inhmã tãm ixte amnhĩ nhĩpêx prãm tã no ãm amnhĩ tomnuj pix o ri ixpa. Mẽmoj ixpê omnuj tã pa hte ra hkôt tanhmã amnhĩ tomnuj to ho ri ixpa. Hãmri nẽ ja hã amnhĩ pumu nẽ tee ri amnhĩ kukamã ijamaxpẽr o: —Hêxta waa nẽ. Mon pa hte axtem nẽ ã amnhĩ nhĩpêx anhỹr o ri ixpa? Mẽmoj ixpê omnuj nhũm inhmã ho anhỹr prãm kêt tã ra ho anẽ. Nhũm mẽmoj mex nhũm inhmã ho anhỹr prãm tã ho anhỹr kêt nẽ. Mon pa hte axtem nẽ ã amnhĩ nhĩpêx anhỹr o ri ixpa? Anẽ.
15 Não entendo o que faço. Pois não faço o que desejo, mas o que odeio.
16 Ã ixte amnhĩ nhĩpêx anhỹr o ri ixpa htã ra Tĩrtũm kapẽr mexta ma hãmri nẽ ra ijamaxpẽr o: —Nà Tĩrtũm kapẽrja mex kumrẽx tã pa tee ri inhmã hkôt amnhĩ nhĩpêx mex hprãm kaprỳ ho ri ixpa. Hêxta waa nẽ. Anẽ.
16 E, se faço o que não desejo, admito que a lei é boa.
17 Inhmã amnhĩ tomnuj prãm kêt tã arĩ ixkaxwỳnh kãm ijamaxpẽr punuj nhỹ hã ã amnhĩ nhĩpêx anhỹr o ri ixpa.
17 Neste caso, não sou mais eu quem o faz, mas o pecado que habita em mim.
18 Nẽ inhmã tãm amnhĩ nhĩpêx prãm tã no ãm tee ri ã inhmã amnhĩ nhĩpêx anhỹr prãm kaprỳ. Tanhmã kot pa amnhĩ to nẽ tãm amnhĩ nhĩpêx o ri ixpa? Na pa tee ri inhmã ja ho anhỹr prãm kaprỳ. Ixte amnhĩ tomnuj xwỳnh na pa. Nẽ aa ixte amnhĩ to mex kêt kumrẽx xwỳnh.
18 Sei que nada de bom habita em mim, isto é, em minha carne. Porque tenho o desejo de fazer o que é bom, mas não consigo realizá-lo.
19 Inhmã mẽmoj mex kôt pix mã amnhĩ nhĩpêx prãm tã no ãm ã amnhĩ nhĩpêx anhỹr kêt nẽ. Nẽ ãm hkwỳm ri tanhmã amnhĩ tomnuj to ho ri ixpa. Mẽmoj ixpê omnuj tã pa hkôt amnhĩ nhĩpêx o ri ixpa.
19 Pois o que faço não é o bem que desejo, mas o mal que não quero fazer, esse eu continuo fazendo.
20 Ixte Tĩrtũm kapẽr kôt amnhĩ nhĩpêx kêt jakamã na pa hte ã amnhĩ tomnuj anhỹr o ri ixpa. Mẽmoj ixpê omnuj pa inhmã ho anhỹr prãm kêt tã ra hkôt amnhĩ nhĩpêx. Ixte Tĩrtũm kapẽr kôt amnhĩ nhĩpêx kêt jakamã ã amnhĩ nhĩpêx anhỹr o ri ixpa.
20 Ora, se faço o que não quero, já não sou eu quem o faz, mas o pecado que habita em mim.
21 Nẽ mẽmoj mex nhũm inhmã hkôt amnhĩ nhĩpêx prãm tã ra hkwỳm ri amnhĩ nhĩpêx. Ã ixte amnhĩ nhĩpêx anhỹr xwỳnh na pa.
21 Assim, encontro esta lei que atua em mim: Quando quero fazer o bem, o mal está junto a mim.
22 Nẽ inhmã Tĩrtũm kapẽr mar nẽ hkôt ri amnhĩ nhĩpêx prãm tã
22 Pois, no íntimo do meu ser tenho prazer na lei de Deus;
23 nom ixte amnhĩ tomnuj xwỳnh jakamã hkôt amnhĩ nhĩpêx kêt nẽ. Na pa tee ri ja hã amnhĩ pumu nẽ amnhĩ kukamã ijamaxpẽr o: —Nà kot paj axte amnhĩ tomnuj kêt nẽ. Kot paj ãm amnhĩ to mex pix kukamã ijamaxpẽr o ri ixpa. Anhỹr tã no ãm arĩ amnhĩ tomnuj o ri ixpa nẽ amnhĩ to mex kêt. Ixte amnhĩ tomnuj xwỳnh jakamã na pa hte ã amnhĩ nhĩpêx anhỹr rãhã ho ri ixpa nẽ tee ri inhmã amnhĩ tomnuj kaga hprãm kaprỳ.
23 mas vejo outra lei atuando nos membros do meu corpo, guerreando contra a lei da minha mente, tornando-me prisioneiro da lei do pecado que atua em meus membros.
24 Hêxta waa nẽ. Na pa ixkaprĩ htỳx nẽ ri ixpa. Ã ixte amnhĩ nhĩpêx anhỹr o ri ixpaja mỳrapê kot paj nhỹrmã ty nẽ ma mẽ kot amnhĩ xà htỳx kamã hamak tũm xàta wỳr ma mõ. Mẽhõ kot tanhmã ixkrã hto pa ã amnhĩ nhĩpêx anhỹrja kaga?
24 Miserável homem eu que sou! Quem me libertará do corpo sujeito a esta morte?
25 Nà mẽ panhõ Pahihti Jejus Krisja pix. Tãm koja ixte amnhĩ tomnuj kutã tanhmã ixto ixihtỳx to. Jakamã na pa axte tee ri amnhĩ kukamã ijamaxpẽr kêt nẽ. Pãnhã ixkĩnh nẽ ri ixpa nẽ Tĩrtũm mã kãm: —Pa Tĩrtũm. Nà ãm hãmri amex o amex. Anẽ. Tã ra ixte Jejus Kris kôt amnhĩ xãm jakamã koja tãm tanhmã ixto ixihtỳx to pa rĩ kormã Tĩrtũm kapẽr kôt amnhĩ nhĩpêx mex o ri ixpa. No kot pa pam amnhĩ krã hkôt amnhĩ tomnuj rãhã ho ri ixpa. Ã ixte anhỹr xwỳnh na pa.
25 Graças a Deus por Jesus Cristo, nosso Senhor! De modo que, com a mente, eu próprio sou escravo da lei de Deus; mas, com a carne, da lei do pecado.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Romanos 7, comparar traduções ou montar um estudo — tudo direto pelo WhatsApp.