Lucas 4

Zoogocho Zapotec NT (ZPQ_TBL) vs ARIB

ARIB Almeida Revisada Imprensa Bíblica

¹ Na' Spiritw c̱he Diosen' gwnabian' yic̱hjlaždao' Jesúsen'. Na' Jesúsen' beze'e cho'a yegw Jordán, na' Spiritua' benen cont gwyeje' latje daš.

¹ Jesus, pois, cheio do Espírito Santo, voltou do Jordão; e era levado pelo Espírito no deserto,

² C̱hoa ža gwzoe' latje dašen' na' lao c̱hoa žan' bicze bi gwdagüe'. Na' cate' gwde c̱hoa žan' gwdone'. Na' Satanás dan' chnabia' da' x̱igüe' ca' goclažen' co'oyeḻan' ḻe' cont gone' da' mal.

² durante quarenta dias, sendo tentado pelo Diabo. E naqueles dias não comeu coisa alguma; e terminados eles, teve fome.

³ Nach gož Satanásen' ḻe': ―Še le' naco' Xi'iṉ Dios, gož yej nga yeyaquen yetextil.

³ Disse-lhe então o Diabo: Se tu és Filho de Deus, manda a esta pedra que se torne em pão.

⁴ Na' gož Jesúsen' ḻen: ―Nyojcze Xtiža' Diosa' žan: “Gague yeḻa' guagw na'zen' chyažje chio' beṉac̱h cont gac bancho, san ḻecze chyažjecho yogo'ḻoḻ diža' dan' ža Diosen'.”

⁴ Jesus, porém, lhe respondeu: Está escrito: Nem só de pão viverá o homem.

⁵ Na' gwc̱he' Satanásen' ḻe' to ḻo ya'a sibe na' bedao'nez blo'en ḻe' yogo'ḻoḻ nación da' zjachi' yežlio.

⁵ Então o Diabo, levando-o a um lugar elevado, mostrou-lhe num relance todos os reinos do mundo.

⁶ Nach gožen ḻe': ―Doxen yeḻa' gwnabia' da' de yežlio nga naquen ḻo na' cont gwnežjuan' con no che'nda'. Še le' gwzoa xibo' gonxeno' neda', nach goṉa' le' yeḻa' gwnabia' c̱he nación ca' zjachi' yežlio nga na' len yeḻa' zaca' yeḻa' xdan c̱he nación ca'.

⁶ E disse-lhe: Dar-te-ei toda a autoridade e glória destes reinos, porque me foi entregue, e a dou a quem eu quiser;

⁷ — ausente —

⁷ se tu, me adorares, será toda tua.

⁸ Nach Jesúsen' gože' Satanásen': ―Becuas ca'ale Satanás. Nyojcze Xtiža' Diosen' žan: “Cheyaḻa' šejnilaže'cho X̱ancho Diosen' na' toz ḻe' gonxencho.”

⁸ Respondeu-lhe Jesus: Está escrito: Ao Senhor teu Deus adorarás, e só a ele servirás.

⁹ Nach Satanásen' gozc̱he'en ḻe' ciuda Jerusalén. Na' bcuen ḻe' yic̱hjo' yodao' blao gan' nac ḻa'zelagüe sibe, na' gožen ḻe': ―Še len' naco' dogualje Xi'iṉ Dios, nga boslažo' cuino',

⁹ Então o levou a Jerusalém e o colocou sobre o pináculo do templo e lhe disse: Se tu és Filho de Deus, lança-te daqui abaixo;

¹⁰ ḻe nyojcze Xtiža' Diosen', žan:

¹⁰ porque está escrito: Aos seus anjos ordenará a teu respeito, que te guardem;

¹¹ — ausente —

¹¹ e: eles te susterão nas mãos, para que nunca tropeces em alguma pedra.

¹² Nach Jesúsen' gožen': ―Ḻecz ca' nyoj Xtiža' Diosen' žan: “Bitw goncho X̱ancho Diosen' prueba še lede' can' žen'.”

¹² Respondeu-lhe Jesus: Dito está: Não tentarás o Senhor teu Deus.

¹³ Beyož gota'bia' bi gwzoe Satanásen' co'oyeḻan' Jesúsen' gone' da' mal, nach becuasen šlož len ḻe'.

¹³ Assim, tendo o Diabo acabado toda sorte de tentação, retirou-se dele até ocasião oportuna.

¹⁴ Nach Jesúsen' beyeje' distritw Galilea, na' yeḻa' guac c̱he Spiritw c̱he Diosen' gwzoan len ḻe'. Na' yogo'ḻoḻ beṉe' že' yež ca' zjachi' doxen Galilea goseṉezde' c̱he Jesúsen'.

¹⁴ Então voltou Jesus para a Galiléia no poder do Espírito; e a sua fama correu por toda a circunvizinhança.

¹⁵ Na' Jesúsen' bsed blo'ede' ḻegaque' ḻo' yodao' c̱hegaquen', na' yogo'ḻoḻ beṉe' ca' gosonxene' ḻe'.

¹⁵ Ensinava nas sinagogas deles, e por todos era louvado.

¹⁶ Na' bežin Jesúsen' yež Nazaret gan' gwcha'ogüe', na' gwyo'e yodao' ža c̱he Dios can' ba yolagüe' chone', na' gwzechede' cont gwlabe'.

¹⁶ Chegando a Nazaré, onde fora criado; entrou na sinagoga no dia de sábado, segundo o seu costume, e levantou-se para ler.

¹⁷ Na' ben' yo'o ḻo ne'e yodao'na' bnežjue'ne' yiš da' ndobe gan' nyoj dan' bzoj da' Isaías ben' be' Xtiža' Diosen' cani'te. Na' Jesúsen' bzaše' yišen' na' beželde' ga nyojen žan:

¹⁷ Foi-lhe entregue o livro do profeta Isaías; e abrindo-o, achou o lugar em que estava escrito:

¹⁸ — ausente —

¹⁸ O Espírito do Senhor está sobre mim, porquanto me ungiu para anunciar boas novas aos pobres; enviou-me para proclamar libertação aos cativos, e restauração da vista aos cegos, para pôr em liberdade os oprimidos,

¹⁹ — ausente —

¹⁹ e para proclamar o ano aceitável do Senhor.

²⁰ Jesúsen' botobe' yišen' na' bonežjuen' ben' yo'o ḻo ne'e yodaon' na' gwchi'e. Na' yogo' beṉe' ca' nita' yodaon' ḻa' goseṉa'tie' ḻe'.

²⁰ E fechando o livro, devolveu-o ao assistente e sentou-se; e os olhos de todos na sinagoga estavam fitos nele.

²¹ Nach gwzolao be'e diža' gwne': ―Ža ṉa'aža ba chac can' ža Xtiža' Diosen' dan' ba benele nga.

²¹ Então começou a dizer-lhes: Hoje se cumpriu esta escritura aos vossos ouvidos.

²² Na' yogo' beṉe' ca' gosende' diža' dan' be'e besyebande' catec mba nac xtiža' Jesúsen'. Na' goseṉie' güen c̱he' na' gose' ḻježe': ―¿Gague benga xi'iṉ Josén'?

²² E todos lhe davam testemunho, e se admiravam das palavras de graça que saíam da sua boca; e diziam: Este não é filho de José?

²³ Nach gož Jesúsen' ḻegaque': ―Ye'ḻjale neda' can' ža diža' dan' de: “Beṉe' güen rmed le', beyon cuino'.” Na' ḻecze ye'ḻjale neda': “Dan' chesene' beno' yež Capernaum da' bebane beṉe', ḻecz can' cheyaḻa' gono' lažcho nga.”

²³ Disse-lhes Jesus: Sem dúvida me direis este provérbio: Médico, cura-te a ti mesmo; Tudo o que ouvimos teres feito em Cafarnaum, faze-o também aqui na tua terra.

²⁴ Nach goze'e ḻegaque': ―Da' ḻi chnia' le'e, beṉe' gualaž c̱he note'teze beṉe' choe' xtiža' Diosen' bitw chesezi'e c̱he'.

²⁴ E prosseguiu: Em verdade vos digo que nenhum profeta é aceito na sua terra.

²⁵ Ca tiemp c̱he da' Elías ben' be' xtiža' Diosen' cani', bibi yejw goc šoṉ iz yo gašje na' goc gwbin juisyw c̱hegaque' doxen gan' zelao mbane Israel. Naquen da' ḻi gwnita' zan no'ol güezebe yež ca' gan' mbane Israel ca tiempa',

²⁵ Em verdade vos digo que muitas viúvas havia em Israel nos dias de Elias, quando céu se fechou por três anos e seis meses, de sorte que houve grande fome por toda a terra;

²⁶ perw Diosen' bi gwseḻe' Elíasen' cont gaclene' ṉe to beṉe' güezeb ca'. Gwseḻe' ḻe' yeto yež yoble gan' nzi' Sarepta gan' mbane ciuda Sidón cont goclene' to no'ol güezebe.

²⁶ e a nenhuma delas foi enviado Elias, senão a uma viúva em Serepta de Sidom.

²⁷ Na' ḻecz ca' tiemp c̱he da' Eliseo ben' be' xtiža' Diosen' cani', gwnita' zan beṉe' Israel beṉe' gosacšene len yižgüe' da' nzi' lepra. Ṉe to ḻegaque' bi beyon Eliseon'. Toz beṉe' zito' beṉe' Siria, ben' le' Naamán, beyon Eliseon'.

²⁷ Também muitos leprosos havia em Israel no tempo do profeta Elizeu, mas nenhum deles foi purificado senão Naamã, o sírio.

²⁸ Na' yogo' beṉe' ca' že' yodao'na' cate' gosende' dan' gwna Jesúsen' beseža'achgüe'.

²⁸ Todos os que estavam na sinagoga, ao ouvirem estas coisas, ficaram cheios de ira.

²⁹ Na' ḻa' besyezoža'te' na' besyebeje' Jesúsen' yežen', na' gosec̱he'ene' to ḻo ya'a da' zoa gaḻa'ze, gosaclaže' yososlažoe'ne' ḻo ya'a na'ate,

²⁹ e, levantando-se, expulsaram-no da cidade e o levaram até o despenhadeiro do monte em que a sua cidade estava edificada, para dali o precipitarem.

³⁰ perw bibi goc yesonde' ḻe'. Con beza' Jesúsen' bedie' gachoḻ gaque'.

³⁰ Ele, porém, passando pelo meio deles, seguiu o seu caminho.

³¹ Na' jasoe' yež Capernaum gan' mbane Galilean', na' ža c̱he Dios bsed blo'ede' beṉe' ca' že' ḻo' yodao'na'.

³¹ Então desceu a Cafarnaum, cidade da Galiléia, e os ensinava no sábado.

³² Na' beṉe' ca' besyebande' ca nac dan' bsed blo'eden', ḻe bzejni'ide' cacze to beṉe' ṉezde' cayaṉen' nac xbab c̱he Diosen'.

³² e maravilharam-se da sua doutrina, porque a sua palavra era com autoridade.

³³ Ḻo' yodao'na' gwzoa to beṉe' yo'o nyaze' da' x̱igüen'. Na' bosye'e gwne':

³³ Havia na sinagoga um homem que tinha o espírito de um demônio imundo; e gritou em alta voz:

³⁴ ―¿Bixc̱hen' chgoša' chlaže' c̱hio' len neto', Jesús beṉe' Nazaret? ¿Zedežiayo'o neto'? Neda' nombi'a le' na' ṉezda' naco' beṉe' laždao' xilaže' juisyw ben' gwseḻa' Diosen'.

³⁴ Ah! que temos nós contigo, Jesus, nazareno? vieste destruir-nos? Bem sei quem é: o Santo de Deus.

³⁵ Nach Jesúsen' gwdiḻe' da' x̱igüen' na' gožen': ―¡Sšago'! Bechoj yic̱hjlaždao' benga. Na' bchix̱ da' x̱igüen' bena' gachoḻ beṉe' ca' že'na' nach bechojen. Perw bitw benen ḻe' zi'.

³⁵ Mas Jesus o repreendeu, dizendo: Cala-te, e sai dele. E o demônio, tendo-o lançado por terra no meio do povo, saiu dele sem lhe fazer mal algum.

³⁶ Na' ḻeca besyebane yogo' beṉe' ca', nach gose' ḻježe': ―¿Bixen' chac? ¿Bixe da' coben' chlo'e benga? Nacbia' nape' yeḻa' chnabia' na' yeḻa' guac, ḻe chone' mandadw na' ḻa' chechojte da' x̱igüe' da' yo'o nyaz beṉe'.

³⁶ E veio espanto sobre todos, e falavam entre si, perguntando uns aos outros: Que palavra é esta, pois com autoridade e poder ordena aos espíritos imundos, e eles saem?

³⁷ Na' ca nac dan' ben Jesúsen' gos gwlalje dižan' doxen lagüe yež ca' zjachi' do na'.

³⁷ E se divulgava a sua fama por todos os lugares da circunvizinhança.

³⁸ Na' cate' beze'e yodao'na', na' gwyeje' liž Simón. Na' taobi'iṉ c̱he Simónṉa' chacšende', yo'e da' ḻa. Na' bosoḻ güiže' Jesúsen' cont yeyone' ḻe'.

³⁸ Ora, levantando-se Jesus, saiu da sinagoga e entrou em casa de Simão; e estando a sogra de Simão enferma com muita febre, rogaram-lhe por ela.

³⁹ Na' Jesúsen' gwzeche' cuite' gan' die', na' bcheque' gwdiḻe' da' ḻan' cont bechojen. Nach taobi'iṉ c̱he Simónṉa' ḻa' gwyastie' na' bsiṉi'e da' gose'ej gosagüe'.

³⁹ E ele, inclinando-se para ela, repreendeu a febre, e esta a deixou. Imediatamente ela se levantou e os servia.

⁴⁰ Na' cate' ba chxoa gwbižen' gosec̱he'e con yogo' beṉe' chese'e yižgüe' jasesane' ḻegaque' lao Jesúsna'. Na' Jesúsen' gwx̱oa ne'e yic̱hj to toe' na' beyone' ḻegaque'.

⁴⁰ Ao pôr do sol, todos os que tinham enfermos de várias doenças lhos traziam; e ele punha as mãos sobre cada um deles e os curava.

⁴¹ Na' ḻecz ca' bebej Jesúsen' da' x̱igüe' da' yo'o yic̱hjlaždao' beṉe' zan. Na' besyechojen goseṉen zižje, gosenan: ―Le' naco' Xi'iṉ Dios. Na' Jesúsen' gwdiḻe' ḻegaquen na' bitw be'e latje bi yesenan, ḻe goseṉezen naque' Cristo ben' gwlej Diosen' cont yedeṉabi'e.

⁴¹ Também de muitos saíam demônios, gritando e dizendo: Tu és o Filho de Deus. Ele, porém, os repreendia, e não os deixava falar; pois sabiam que ele era o Cristo.

⁴² Na' beteyo cate' gwye'ni', beze'e na' beyeje' to latje ga nono nḻa'. Na' beṉe' ca' besyeyiljue'ne' na' ja'aque' gan' zoen'. Na' gosaclaže' yosozague' Jesúsen' cont bi yeze'e.

⁴² Ao romper do dia saiu, e foi a um lugar deserto; e as multidões procuravam-no e, vindo a ele, queriam detê-lo, para que não se ausentasse delas.

⁴³ Na' Jesúsen' gože' ḻegaque': ―Ḻecz ca' beṉe' ca' nita' yež yoble cheyaḻa' šjalo'eda'ne' cont yosozenague' c̱he Diosen' na' ṉabi'e yic̱hjlažda'ogaque'. Diosen' gwseḻe' neda' cont šjatix̱jue'eda' ḻegaque' xtižen'.

⁴³ Ele, porém, lhes disse: É necessário que também às outras cidades eu anuncie o evangelho do reino de Deus; porque para isso é que fui enviado.

⁴⁴ Ca' goquen', Jesúsen' gwde' to to yež c̱he distritw Galilea na' bsed blo'ede' beṉe' ca' ḻo' yodao' c̱hegaquen'.

⁴⁴ E pregava nas sinagogas da Judéia.

Ler em outra tradução

Comparar com outra

Estude este capítulo no WhatsApp

Peça à IA da Bíblia Fala para explicar Lucas 4, comparar traduções ou montar um estudo — tudo direto pelo WhatsApp.

💬 Explicar Lucas 4 no WhatsApp Sobre a Bíblia com IA →