Gálatas 5

Zoogocho Zapotec NT (ZPQ_TBL) vs BKJ

¹ Caten' gwyejnilaže'cho Criston', ḻe' bebeje' chio' ḻo yogo' da' choncho chaquecho chebe Diosen' chio' lagüe dan' chonchonṉa'. Da'nan' bi cheyaḻa' yeyonxencho costumbr da' bi zjazacan' len Diosen'.

¹ Firmemo-nos, portanto, na liberdade com que Cristo nos libertou; não nos submetamos outra vez ao jugo da escravidão.

² Neda' Pablo žia' le'e to da' žialao. Še soale señw dan' nzi' circuncisión ṉa'a ba chejnilaže'le Criston', bibi zacan' dan' ba gwzolao chejnilaže'lene' še ca'.

² Eis que eu, Paulo, vos declaro, que se vós vos circuncidardes, de nada vos servirá Cristo.

³ Da' yoble žia' le'e, note'teze beṉe' soe' señw dan' nzi' circuncisión, ḻecze cheyaḻa' gone' yogo'ḻoḻ bite'teze dan' ža ley dan' bzoj da' Moisésen'.

³ E testifico novamente, a todo homem que for circuncidado, ele está obrigado a observar toda a lei.

⁴ Na' še chaquele gonḻe doxen can' ža leyna' cont gacle beṉe' güen len Diosen', ba chzoale Criston' to šḻa'ale še can' chaquele, na' bich chonḻe xbab catequen' nži'ilaže' Diosen' chio'.

⁴ Cristo torna-se sem efeito para vós que procurais a justificação pela lei; vós decaístes da graça.

⁵ Da' chejnilaže'cho Jesucriston' zoa Spiritw c̱he Diosen' ḻo' lažda'ochon', na' chonen ga chebecho ṉezecho Diosen' ṉe' naccho beṉe' güen len ḻe' cate' yežincho gan' zoe'na'.

⁵ Porque nós, pelo Espírito, aguardamos a esperança da justiça pela fé.

⁶ Ca nac chio' chejnilaže'cho Cristo Jesúsen', bitw bi nonen len Diosen' še ba zoacho señw da' nzi' circuncisión o še cbi zoachon. Ḻe dan' naquen da' žialao xen len Diosen', soateze soacho šejnilaže'cho Criston' na' gaque ḻježcho cont gacbia' chejnilaže'chone'.

⁶ Porque, em Jesus Cristo, nem a circuncisão nem a incircuncisão valem alguma coisa, mas a fé que opera pelo amor.

⁷ Cana' gwzoale chonḻe can' chebe Diosen', perw ṉa'a ¿non' ba ben cont bich chzenagle c̱he diža' ḻi c̱he Diosen'?

⁷ Corríeis bem; quem, pois, vos impediu para que não obedecêsseis à verdade?

⁸ Dios ben' gwleje' le'e nacle xi'iṉe', bitw ṉacho ḻe'na' chone' cont chzenagle c̱he diža' yoble.

⁸ Esta persuasão não vem daquele que vos chama.

⁹ Ḻe gon xbab can' ža diža' nga: “Late'ze levadura chonen cont chas doxen cuazina'.”

⁹ Um pouco de fermento leveda toda a massa.

¹⁰ Perw na' zoa' lez gon X̱ancho Jesucriston' cont gwzenagle c̱hia'. Na' Diosen' gwnežjue' castigw c̱he beṉe' chon cont chacžejlaže'le, note'teze naque'.

¹⁰ Tenho confiança em vós, por meio do Senhor, que de maneira alguma mudareis de opinião; mas aquele que vos perturbar será julgado por isto, seja quem for.

¹¹ Beṉe' migw, ca nac neda', šaca' ṉe' chsed chlo'eda' ṉia' yogo' beṉe' byo cheyaḻa' yesezoe' señw dan' že' circuncisión cont yesenite' binḻo len Diosen', biḻja chosoc̱hi chososaca' beṉe' Israel gualaž c̱hian' neda' šaca', ḻe can' chososed chosolo'e ḻegaque'. Perw dan' žia' Criston' bnežjw cuine' gote' ḻe'e yag cruzen' cont soacho binḻo len Diosen', da'nan' bi chesazlaže' xtižan'.

¹¹ E eu, irmãos, se ainda prego a circuncisão, por que, então, ainda sofro perseguição? Assim, a ofensa da cruz teria cessado.

¹² Na' ca nac beṉe' ca' cheson cont chaquele biḻja chebe Diosen' le'e še bi zoale señon', yebeda' šaca' yesec̱hog cuingaque' yelate'.

¹² Bom seria que fossem cortados, aqueles que vos perturbam.

¹³ Beṉe' migw, Dios ben' gwleje' chio' cont naccho xi'iṉe' chaclaže' ṉezecho bich chonen byen ga'ocho dan' ža ley cont soacho binḻo len ḻe'. Perw bitw cheyaḻa' goncho bite'teze da' mal dan' ža lažda'ochon' goncho. Dan' cheyaḻa' goncho, cheyaḻa' gaclen ḻježcho lagüe dan' chaque ḻježcho tocho yetocho.

¹³ Porque vós, irmãos, fostes chamados à liberdade. Apenas não useis da liberdade para dar ocasião à carne, mas para servir uns aos outros em amor.

¹⁴ Na' ba zoaczcho choncho yogo'ḻoḻ can' ža leyna' še choncho can' nyojen žan: “Cheyaḻa' gaque ḻježcho ca chaque cuincho.”

¹⁴ Porque toda a lei é cumprida em uma só palavra, nesta: Amarás ao teu próximo como a ti mesmo.

¹⁵ Perw še chacyožlen ḻježcho o chdiḻlen ḻježcho, chžiayi'cho dan' non Diosen' cont naccho toze.

¹⁵ Mas se vos mordeis e vos devorais uns aos outros, vede que não acabeis por vos destruirdes uns aos outros.

¹⁶ Chnia' le'e to da' zejen, cheyaḻa' soateze soacho goncho can' chaclaže' Spiritw c̱he Diosen'. Na' še goncho ca', bitw gwzenagcho c̱he da' mal dan' yo'o ḻo' yic̱hjlažda'ochon'.

¹⁶ Isto vos digo: Andeis no Espírito, e não satisfareis os desejos da carne.

¹⁷ Cate' chzenagcho c̱he da' mal dan' yo'o ḻo' lažda'ochon', bitw choen' latje gwzenagcho c̱he Spiritw c̱he Diosen'. Na' cate' chzenagcho c̱he Spiritw c̱he Diosen', bi choncho con can' žan c̱hecho. Na' dan' zoa Spiriton' len chio', da'nan' bitw choncho da' mal dan' ža lažda'ochon' goncho.

¹⁷ Porque os desejos da carne se opõem aos do Espírito, e os do Espírito contra os da carne, pois opõem-se um ao outro, a fim de que não consigais fazer o que quereis.

¹⁸ Na' še chzenagcho c̱he dan' chsed chzejni'i Spiritw c̱he Diosen' chio', bich chonxencho costumbr ca' dan' ža ley dan' bzoj da' Moisésen'.

¹⁸ Porém, se deixardes que o Espírito vos guie, já não estais sob a lei.

¹⁹ Nacbia'cze beṉe' ca' chosozenag c̱he da' malen' dan' yo'o ḻo' lažda'ogaque' chesone' bite'teze da' mal quinga: chesata'lene' no'ol bi zjanac no'ol c̱hegaque' o beṉe' byo bi zjanac beṉe' c̱hegaque'; chesebede' chesone' bichle da' yeḻa' zto' len cuerp c̱hegaque';

¹⁹ Ora, as obras da carne são manifestas e aqui estão: Adultério, fornicação, impureza, lascívia,

²⁰ chesejnilaže' ḻ gua'a ḻsaca'; chosozenague' xtiža' beṉe' ca' cheseṉelen da' x̱igüe'; chesegue'e ḻježe'; bitw nite' binḻo len ḻježe'; chesacxi'a ḻježe'; cheseloque'; zjachi' yic̱hje' gac güen c̱he cuingacze' sin cbi yesone' xbab nac gac c̱he ḻježe'; bitw chesone' txen len ḻježe';

²⁰ idolatria, feitiçaria, ódio, discórdia, rivalidade, ira, porfia, rebeliões, heresias,

²¹ chesezelaže' bi da' de c̱he beṉe' yoble; chesote' beṉe'; zjanaque' beṉe' borrašw; zjalene' no ḻṉi gan' chac žaš; na' chesone' bichle da' mal dan' zjanac ca da' mal quinga ba gwnia'. Na' da' yoble chnia' le'e can' ba gwnicza', nono yežin yaban' gan' zoa Diosen' chnabi'e še chone' da' xiṉj ca' zjanac ca'.

²¹ invejas, homicídios, bebedeiras, orgias e outras coisas semelhantes. A respeito dessas coisas vos falo, como já vos falei outrora, que os que praticam tais coisas não hão de herdar o reino de Deus.

²² Perw na' še chzenagcho c̱he Spiritw c̱he Diosen', goncho yogo' da' quinga: gaquecho ḻjež beṉac̱hcho; soacho mbalaz dan' nombia'cho Diosen'; soacho binḻo len xbab dan' yo'o ḻo' yic̱hjlažda'ochon'; gapcho yeḻa' chxenḻaže' len ḻjež beṉac̱hcho bite'teze da' chesonde' chio'; goncho güen len beṉe' yezica'chle; gaccho beṉe' šagüe' len yogo'ḻoḻ beṉe'; goncho bi da' si' ḻo na'cho goncho;

²² Mas o fruto do Espírito é: Amor, alegria, paz, paciência, benignidade, bondade, fé,

²³ gaccho beṉe' gwzex̱jwlaže'; bitw soacho goncho con can' žan c̱hecho. Na' še choncho da' güen can' chaclaže' Spiritw c̱he Diosen', bitw bibi ley de da' ṉan choncho da' mal.

²³ brandura, temperança; contra essas coisas não há lei.

²⁴ Na' chio' ba naccho txen len Cristo, bich choe'cho latje ṉabia' da' malen' chio' cont goncho can' žanṉa'.

²⁴ Pois aqueles que são de Cristo já crucificaram a carne com as paixões e concupiscências.

²⁵ Spiritw c̱he Diosen' ba beṉen yeḻa' mban toḻi tocaṉe c̱hecho, na' da'nan' cheyaḻa' soacho goncho can' chaclažen'.

²⁵ Se vivemos pelo Espírito, andemos também no Espírito.

²⁶ Na' bi cheyaḻa' ga'laže'cho gaquecho ḻeca beṉe' güen naccho, ḻe še goncho ca', chonen cont yeseža'a beṉe' ḻježcho chio' na' yesegue'ede' chio'.

²⁶ Não sejamos ávidos da vanglória, provocando uns aos outros, invejando uns aos outros.

Ler em outra tradução

Comparar com outra

Estude este capítulo no WhatsApp

Peça à IA da Bíblia Fala para explicar Gálatas 5, comparar traduções ou montar um estudo — tudo direto pelo WhatsApp.

💬 Explicar Gálatas 5 no WhatsApp Sobre a Bíblia com IA →