1 ¡Kaꞌnu kuu Jitoꞌo!
2 Vi kokusii ini maa ni, ñayiu Israel, nuu Dios, ia ni saꞌa ña jin ni.
3 Vi kata jaꞌa ni nuu ya ja ka saꞌa kaꞌnu ni sivi ya.
4 Chi kusii ini Jitoꞌo jin ñayiu ñuu ya,
5 Vi kokusii ini maa ni ja ka kuu ni ñayiu maa ya,
6 Te vi kana jaa ni ja ka saꞌa kaꞌnu ni ia Dios.
7 nagua ja vi ndaxtenaa ni ñayiu sava ka ñuu,
8 Saa te vi kuꞌni ni tee ka kuu rey jin cadena,
9 nagua ja na skunkuu nagua yoso nuu tutu ii ja vi tnaꞌa de tnundoꞌo.