1 \+w Q'ončux\+w* kalane.
2 İz alloyluğen içu gözəlluğ tadala Sion buruğo,
3 Q'alane Buxačux t'e şəhəreynak',
4 Mone, padçağxon içoğoy q'oşunxot'un girbi,
5 Ama hari ak'at'an vəlvəlinət'un baft'i,
6 Əyel eçala çuğon zap'k'ala koruğat'un zapi,
7 Běğ c'eğala tərəfəxun eğala muşen iz běš c'eğala kala gəminə śarpi śik'ala k'inək',
8 Beşi ibakit'oğoy düz baksuna beş piinyan ak'i:
9 Vi nu badalbakala çuresunayan aksa
10 Dünyəni t'e bele t'ap'esa Vi s'i,
11 Sion buruxe mǔqbaksa,
12 Sioni hərrəmine fırıpi şot'o běğanan,
13 İz bariğoy ost'aarluğa,
14 Axıri me Buxačux yaynak' həmişəluğ bakala Buxačuxe.