1 Ay \+w Q'ončux\+w*, hirsləyinşəki za töhmətmaba,
2 Tə̌q'eśene za Vi tərbi oxurxo,
3 Vi əcuğaxun bez bədənə dirist' ga tene mande,
4 Bez taxsırxon za haq'layinşene,
5 Bezi axmağluğaxun
6 Bez bač'an k'os'bakene, oç̌alane p'ap'sa,
7 Bez bədən q'ızdırmin boş boneksa,
8 Halnuxun bitezu, mafarsuzzu.
9 Ay \+w Q'ončux\+w*, Hun avanu zu k'əz çuresa,
10 Bez ük'ene kape, ene zor tezax bu,
11 Bez azara görə bez dost'urxon, çalxalxon za bot'unsi,
12 Za bespsun çureğalt'oğon zaynak' tələt'un laxsa,
13 Ama za kare gala laxi itezbaksa,
14 Zu hik'k'ala nu ibaksun,
15 Ay \+w Q'ončux\+w*, bez umud Vane mande, Vi yaq'az běğsa,
16 Xoyinšezbsa, ma barta bez hala ak'i mǔqbakat'un,
17 Zu ene bist'axzu,
18 Bez günaxxo bez ozane exest'a,
19 Bez düşmənxo isə zorbat'un, hələ dirist't'un,
20 Zu şaat'luğezbsa - içan pisluğt'unbsa,
21 Ay \+w Q'ončux\+w*, za tək ma barta,
22 Ay Q'ončux, usum bez köməyə eki,